المساعد الشخصي الرقمي

مشاهدة النسخة كاملة : ● ● تجارب الطلاب .. في سنين الطب الدراسية ● ●{{محدث}}



alloosh90
28-08-2010, 02:44 PM
::::::::::::::::::::::::::::::::::::::::::::::::::
بسم الله الرحمن الرحيم

والحمد لله
والصلاة والسلام على سيد الغر المحجلين نبينا وحبيبنا سيدنا محمد وعلى آله وصحبه ومن اهتدى بهديه ليوم الدين..

..أسعد الله أوقاتكم بكل خير..

فهذا موضوع من الطالب للطالب .. ومن أصحاب الخبرة والتجربة لكل مستجد على سنته الدراسية

نتاج تجربة وإعادة عرض لسنة دراسية

سنتطرق في بادئ الأمر للمواد الدراسية وما يخصها من:

المراجع الأساسية-المذكرات المتوفرة - نظام الدراسة والاختباراات - أعضاء هيئة التدريس (الدكاترة) - الدوام وتنظيم الوقت

إضافة لما يراه الكاتب مناسب للذكر

من نصائح وأفكار و إرشادات كانت نتاج تجربة

فالسؤال المطروح هو

كيف كانت سنتك الدراسية؟

أخيرا.. غايتنا التوضيح وبيان التجربة او النظام دون التوجيه
ولكل قناعته بما يناسبه من طريقة ومنهجية دراسية ..هي كفيله بتحقيق المراد له
والكل أجدر بمعرفتها بنفسه

نتشرف بتواجدكم في الموضوع يا أفاضل

ستتم فهرست التجارب لكل السنين والوصول لكل تجربة بمجرد الضغط عليها(ارتباط تشعيبي)
مثلا

*السنة الأولى:
1- تجربة (اسم العضو) للعام 1430-1431هـ

الشكر الجزيل لمن أبدى بفكرة للموضوع وأعان بمشاركته وسعى في إنشاء الموضوع وبنائه

جزاكم الله كل خير .. لا عدمناكم
:)
دمتم بكل خير وتوفيق
::::::::::::::::::::::::::::::::::::::::::::::::::

alloosh90
28-08-2010, 02:50 PM
::::::::::::::::::::::::::::::::::::::::::::::::::

*السنة الأولى (الثانية بالنظام القديم):
1- تجربة (۩ ..ęνěŗêşť.. ۩) لعامه الدراسي 1430-1431هـ ... (http://www.ta-u.com/vb/showpost.php?p=1847846&postcount=3)اضغط هنا (http://www.ta-u.com/vb/showpost.php?p=1847846&postcount=3)

2- تجربة (Dr.Sad Angel) لعامها الدراسي 1430-1431هـ .... اضغط هنا (http://www.ta-u.com/vb/showpost.php?p=1870568&postcount=29)

3- تجربة (alloosh90) لعامه الدراسي 1430-1431هـ ... (http://www.ta-u.com/vb/showpost.php?p=1892698&postcount=31)اضغط هنا (http://www.ta-u.com/vb/showpost.php?p=1892698&postcount=31)

4- تجربة (RiYaDh) لعامه الدراسي 1431-1432هـ ... (http://www.ta-u.com/vb/showpost.php?p=2592166&postcount=47)اضغط هنا (http://www.ta-u.com/vb/showpost.php?p=2592166&postcount=47) ":idea:"إضافة جديدة":idea:"




* السنة الثانية:
1- تجربة (Dr.Smile) لعامه الدراسي 1430-1431هـ ...اضغط هنا (http://www.ta-u.com/vb/showpost.php?p=1848841&postcount=13)

2- تجربة (Dr.Esra'a) لعامها الدراسي 1430-1431هـ... اضغط هنا (http://www.ta-u.com/vb/showpost.php?p=1925218&postcount=36)

3- تجربة (۩ ..ęνěŗêşť.. ۩) لعامه الدراسي 1431-1432هـ ... (http://www.ta-u.com/vb/showpost.php?p=2594417&postcount=50)اضغط هنا (http://www.ta-u.com/vb/showpost.php?p=2594417&postcount=50) ":idea:"إضافة جديدة":idea:"

4- تجربة (alloosh90) لعامه الدراسي 1431-1432هـ ... (http://www.ta-u.com/vb/showthread.php?p=2599289#post2599289)اضغط هنا (http://www.ta-u.com/vb/showthread.php?p=2599289#post2599289) ":idea:"إضافة جديدة":idea:"

5- تجربة (pooh) لعامها الدراسي 1431-1432هـ ... (http://www.ta-u.com/vb/showpost.php?p=2602050&postcount=61)اضغط هنا (http://www.ta-u.com/vb/showpost.php?p=2602050&postcount=61) ":idea:"إضافة جديدة":idea:"



* السنة الثالثة:
1- تجربة (نعناع مديني) لعامه الدراسي 1430-1431هـ ... اضغط هنا (http://www.ta-u.com/vb/showpost.php?p=1855467&postcount=23)

2- تجربة (Dr.Smile) لعامه الدراسي 1431-1432هـ ...اضغط هنا (http://www.ta-u.com/vb/showpost.php?p=2598598&postcount=55) ":idea:"إضافة جديدة":idea:"

3- تجربة (Dr.Esra'a) لعامها الدراسي 1431-1432هـ... اضغط هنا (http://www.ta-u.com/vb/showpost.php?p=2609760&postcount=69) ":idea:"إضافة جديدة":idea:"




* السنة الرابعة:
1- تجربة (Doctor2014) لعامها الدراسي 1430-1431هـ ... اضغط هنا (http://www.ta-u.com/vb/showpost.php?p=1848239&postcount=10)

2- تجربة (*$$ المايستروو $$*) لعامه الدراسي 1431-1432هـ ...اضغط هنا (http://www.ta-u.com/vb/showpost.php?p=2591138&postcount=45) ":idea:"إضافة جديدة":idea:"



* السنة الخامسة:
1- تجربة (Dew Drop) لعامه الدراسي 1430-1431هـ ... اضغط هنا (http://www.ta-u.com/vb/showpost.php?p=1879665&postcount=30)

2- تجربة (Dr.3amer) لعامه الدراسي 1431-1432هـ ... (http://www.ta-u.com/vb/showpost.php?p=2604303&postcount=65)اضغط هنا (http://www.ta-u.com/vb/showpost.php?p=2604303&postcount=65) ":idea:"إضافة جديدة":idea:"


::::::::::::::::::::::::::::::::::::::::::::::::::

۩ ..ęνěŗêşť.. ۩
28-08-2010, 07:37 PM
السلامو عليكو :r

إزيكو يا بهوات ؟؟!

<< ما تخافوش .. حتتعوّدوا عاللهقة دي :shutup:

أولا .. أسأل الله لكم -طلاب وطالبات برنامج العلوم الصحية-
الخير أينما كان .. والتوفيق فيما يكتبه الله لكم من تخصص ،،
وأن يرزقنا وإياكم الإخلاص في العمل ..:icon31:

ثانيا .. ويلومونني فيك يا علاّوي !!
قسم إنّّك أطلق واحد في دفعتنا .. ولا يهونون والله .. كلهم مطاليق :)
فكرة راااائعة جدا .. بتفيد الكل .. الله يكتب لك الأجر يارب ...

ثالثا .. سنة أولى طب !
في البداية .. أحب أعرفكم بنفسي .. حتى ما يكون كلامي .. تحت "اسم مستعار" !
أخوكم معاذ عبد الله العتيبي ...
منتقل للمستوى الثاني من مشوار الطبيب .. الطوييييل !
وبناءً على طلب حبيبنا علوش ..
راح أبدأ أنا بطرح التعريف بالمستوى الأول ..

:)

نبدأ على بركة الله ..

يمكن الكثير منكم يعرف إن المستوى الأول يتبع النظام السنوي .. ويتكوّن من خمس مواد .. في نهاية العام تنزل درجة كل مادة من 100 ..
والمواد كالتالي -مرتبة من الأهم من ناحية الوحدات- :
الكيمياء الحيوية .. Biochemistry << كبيرهم الذي علّمهم ... !
علم وظائف الأعضاء .. Physiology << اللي يقول الطب ما يحتاج ذكاء .. هالمادة -وغيرها كثير- تكذّبه !!!
علم التشريح .. Anatomy << لا يغرّكم مصطلح "تشريح" .. تراها ممتعة حيييل :)
علم الأنسجة .. Histology << ما أبغى أكذب وأقول إني حبيتها .. ولو بنسبة 1% :no: !!!!
علم الأجنة .. Embryology << آآآآآآه ما أروع هالمادة !! اللي يبي يسمع قصّة .. يجي هنا :good:

،

Biochemistry << :shutup:

نتكلم عنها تنظيميا ..
عدد الوحدات : 8 وحدات ..
الاختبارات :
في كل ترم فيه كوزّين .. كل واحد من 5 درجات ..
+ اختبار عملي في كل ترم من 10 درجات .. وهالاختبار ينقسم لجزأين .. جزء نظري (MCQs) من 5 وآخر عملي (تجربة) من 5 ..
+ اختبار (Midyear) في نهاية الترم الأول من 20 درجة (40 سؤال)..
+ اختبار (Final) في نهاية العام (ويشمل ماتمّت دراسته في الترم الثاني وجزء من الترم الأول) وعليه 40 درجة (80 سؤال) ..
تلك مئة كاملة ..:)

نتكلم عنها بشكل عام ..
المادة هذي سببت رعب كبير للطلاب ..
بحكم إنها 8 وحدات في المعدل ! وبحكم إنها -ماشاء الله- تُقاس بالكيلو !! مش بعدد الصفحات !
لكن ..
ما أبغى أدّعي المثالية هنا .. وأدري كثير يمكن يعارضوني ..
بس بأقول :
البايو حلوة .. بس نفهمها :r
نفهمها كمنهج .. ونفهمها كطريقة مذاكرة !

أولا : المنهج ..
هذي هي الكورسات اللي درسناها .. مع اسم دكتور كل كورس ..
Bioenergetics & Enzymes By Prof: Ayman Barghash
Carbohydrate mtabolism By Prof: Ahmad Muhammadin
Lipid mtabolism & Proteins By Prof: Husain Alsawaf
Protien mtabolism By Prof: Ayman Barghash
Heme mtabolism By Prof: Husain Alsawaf
Integration of mtabolism By Dr.Husam Baghdadi
DNA & RNA (synthesis & mtabolism ) By Prof : Salah Shwetah
ملحوظة : فيه حرف e ناقص في كلمة mtabolism (ثاني حرف) لأني لو كتبتها صح .. تطلع زي كذا ****bolism ! مدري ليش :dunno:

طبعا المنهج في معظمه كان شرائح بوربوينت .. والمذاكرة الرسمية << الرسمية قلنا .. :p

من كتاب Lippincott's Biochemistry
http://store1.up-00.com/Aug10/3z498655.jpg

كتاب مع احترامي الشديد .. ثقيل دم !!
مُمتع كـ إطلاع ! مُرهق كـ مذاكرة !

ولأن لكل شيخ طريقته .. كان تقريبا 4 دكاترة من أصل خمسة ..
عندهم عروض بوربوينت .. والخامس كان فارض الكتاب فرضا !
الشرائح تقريبا فيها نفس المعلومات اللي في الكتاب !! بل بعض الدكاترة يعطوننا أشياء كثيرة زائدة عالكتاب !
لكن الفرق : أسلوب العرض !!
في الكتاب يجي براقراف مكوّن من عشرين سطر !! عبارة عن تقديم وعرض و "فلسفة" !! << أسلوب الكتابة الأكاديمية !
وما تحصّل في هالـ20 سطر إلا معلومتين فقط !! هي اللي تُحفظ !!
أما في الشرائح .. تجيك المعلومتين في سطرين .. وبرضو هي اللي تُحفظ !
عموما .. الكتاب في نهاية كل تشابتر .. يكتب Chapter Summary و Concept Map
هذولي الشيئين أهم حاجة !
ولو إن الكونسبت ماب هي الأهم !

أما ثانيا : طريقة المذاكرة ...
قاعدة عامة : في الطب !! انسى تذاكر كل شيء !!:$
لازم تتعلّم طريقة المذاكرة بذكاء .. طيب كيف ؟!
الحضور ثم الحضور ثم الحضور !!
الدكتور ناااااادرا ما يجيب أسئلة ما قالها في الشرح !!
فاللي معاه كتابه أو الشرائح مطبوعة .. لازم يحدد مع الدكتور كل شيء يركّز عليه !
ويصير هذا الشيء هو اللي يتذاكر في النهائي .. أما في الكوز فلازم تذاكر كل شيء .. لأنه ببساطة يمديك !
أما في النهائي فالمذاكرة تكون للشيء المهم اللي ركّز عليه الدكتور .. لأنه ببساطة ما يمديك ! :r
وغالبا الشيء اللي ما يركز عليه الدكتور .. ما يجي في الاختبار ..

هذي أهم نقطة في المذاكرة .. ذاكر بذكاء !!
صحيح هالشيء يحتاج (قوّة قلب) بس مع الطب راح تجيك هالصفة بأسرع مما تتخّيل ! :r

بكذا أظني قلت كل اللي في بالي عن هالمادة الجميلة :harhar1:

،

Physiology<< :)

نتكلم عنها تنظيميا ..
عدد الوحدات : 8 وحدات ..
الاختبارات :
في كل ترم فيه كوزّين .. كل واحد من 5 درجات ..
+ اختبار عملي في كل ترم من 10 درجات .. وهالاختبار ينقسم لجزأين .. جزء نظري (OSPE) من 5 وآخر عملي (تجربة) من 5 ..
+ اختبار (Midyear) في نهاية الترم الأول من 20 درجة (50 سؤال)..
+ اختبار (Final) في نهاية العام (ويشمل ماتمّت دراسته في الترم الثاني وجزء من الترم الأول) وعليه 40 درجة (80 سؤال) ..
تلك مئة كاملة ..:)

ملحوظة ..
OSPE stands for; Objective Structured Practical Examination
يجيبون لكم صور وعليها أسئلة .. سواءً مطبوعة أو على عرض بوربوينت ..

نتكلّم بشكل عام ..
المادة على عكس البيو .. كانت مصدر اطمئنان للجميع .. خصوصا الترم الأول .. (وهو الأهم .. يعني يا يشكّل دفعة !! يا يشكّل صدمة!)
فكانت أفضل الدرجات على مستوى الدفعة .. في هذي المادة ..
أولا لسهولة معظم كورساتها .. ثانيا لبراعة دكاترتها صراحة !

فمجموع الكورسات اللي درسناها في العام = 8 .. وهي كالتالي :

Physiology Of ...
Autonomic Nervous System By Prof: Ahmad Agamy
Nerves & Muscles By Prof: Ahmad Agamy
Blood By Prof: Ahmad Agamy
CardioVascular System (2 Parts; heart & vascular systems)
By Dr.Muhammad Fath Albab & Prof: Muhammad Salem (respectively)
Respiration By Prof: Majdi Kamal
Endocrine System By Prof: Ahmad Emad
mtabolism By Dr. Muhammad Fath Albab


المرجع العام للمادة كان كتاب Guyton's
http://store1.up-00.com/Aug10/6AZ98655.jpg

وطبعا كل دكتور له مُذكّرة خاصة فيه ..
لكن الدكتور أحمد العجمي (الرااااااائع) عنده سلسلة كتب بعنوان Physiology Made Easy
http://store1.up-00.com/Aug10/gIp98655.jpg

فيها جميع الكورسات !! وأنا -وكثير أعرفهم- ذاكرت بعض الكورسات اللي عند الدكاترة الآخرين من كتبه !!
وحتى لو ذاكرت من المذكّرات الأخرى .. أرجع لكتبه في الحاجات اللي ما قدرت أفهمها ..
أسلوب سهل وممتع وفيه كل المعلومات المهمة !

البايو مع الفزيو .. يعتبرون أهم مادتين من ناحية المعدل !! فإذا طاحت طاح المعدل كله !!
فركّزوا عليهم كثير .. وذاكروا كل حرف في الكوزات !!
حتى ترتاحوا في الفاينالز ..

،

Anatomy<< :good:

نتكلم عنها تنظيميا ..
عدد الوحدات : 6 وحدات ..
الاختبارات :
في كل ترم فيه كوزّين .. كل واحد من 5 درجات ..
+ اختبار عملي في كل ترم من 10 درجات .. يعني يحطّون لك عينات ويشيرون لشيء معيّن فيها تكتب اسمه ..
+ اختبار (Midyear) في نهاية الترم الأول من 20 درجة (40 سؤال) ..
+ اختبار (Final) في نهاية العام (ويشمل ماتمّت دراسته في الترم الثاني وجزء من الترم الأول) وعليه 40 درجة (60 سؤال) ..
تلك مئة كاملة ..:)

نتكلّم عنها بشكل عام ..
المادة هذي ممتعة إلى أبعد حد !
مع ذلك فيها كثير من التعقيد والصعوبة ..
تحتاج للأطالس ومقاطع الفيديو والاهتمام بالعملي ..
عشان تقدر تفهم !!
فمثلا لما تجي تشوف في الكتاب كلام عن عضلة ..
إذا أنت ما شفت هالعضلة .. راح تحفظ الكلام زي ما هو ..
وراح تنساه على طول !!
أما إذا قريت الكلام .. وشفت العضلة .. راح يرسخ !

ومن أروع الأطالس صراحة .. أطلس Grant's
http://store1.up-00.com/Aug10/VGE98942.jpg

وبرضو أطلس Gray's
http://store1.up-00.com/Aug10/lhp98942.jpg

وفيه سلسة مقاطع فديو ممتازة جدا خصوصا للعملي ..
على ما أتذكر .. اسمها Acland's
موجودة عند رئيس قسم التشريح ..
الدكتور الفاضل سامي القايدي .. بإمكانكم تأخذونها منه ..

أما فيما يخص الكورسات ..
طبعا في المستوى الأول تدرسون تشريح الجسم كامل ..
ما عدا الرأس والعنق .. في المستوى الثاني ..
فكانت الكورسات كالتالي ..
Upper Limb By Dr. Sami Alqaidi
Thorax By Dr.Wael Za'arena
Abdomen By Dr.Wael Za'arena
Pelvis By Dr.Wael Za'arena
Lower Limb By Prof. Mustafa Abdulmun'em

طبعا "مرجع" المادة هو كتاب سنل ..
http://store1.up-00.com/Aug10/NE698942.jpg

لكن كمذاكرة .. سنل طريقته جدا مختلفة عن الشرح .. فماراح يفيدكم كثير ..
عالعموم .. المذاكرة من مُذكّرات البروفيسور (المُعجزة) شريف جلال .. << أسأل الله إنه يدرّسنا قبل ما يروح :tears:
لكل كورس فيه مذكّرة .. وما يخرج منها الاختبار أبدا ..
والدكاترة مقتنعين بها تماما ومقررينها ..
ما عدا كورس اللور لمب .. الدكتور شريف ما عمل مذكرة ..
فعلى حسب الدكتور اللي يجيكم ..
إذا جاكم الدكتور مصطفى عبد المنعم .. فلهُ مذكرة خاصة فيه ..
وإذا جاكم الدكتور ياسر البسطويسي .. فلهُ مذكرة خاصة فيه ..

وهنا أعيد وأكرّر مسألة الكتابة والتحديد مع الدكتور !
لأن الكورسات "ضخمة" !! فإذا بتحفظ كل شيء في الفاينال ..
مش حتخلص !!
وبرضو مسألة إنك تذاكر كل شيء في الكوز .. عشان ترتاح بعدين << واسأل مجرّب :)

،

Histology << :msn-mad:

مادة "البصّيمة" !! مع احترامي لهم :)
البصّيمة = جمع تكسير مفردهُ بصّيم .. وهو الشخص الذي يعشق ما يسمّى "حفظ" !! بغض النظر عن فهمه للمحفوظ من عدمه !!
<< هذي آخرة اللي يدرس عربي في الصيف ! :$

نتكلم عنها تنظيميا ..
عدد الوحدات : 3 وحدات ..
الاختبارات :
في كل ترم فيه كوزّين .. كل واحد من 5 درجات ..
+ اختبار عملي في كل ترم من 10 درجات .. يعني يحطّون لك شرائح مجهرية وتكتب اسم اللي تشوفه .. سواءً خلية أو نسيج من عضو معين ..
+ اختبار (Midyear) في نهاية الترم الأول من 20 درجة (40 سؤال) ..
+ اختبار (Final) في نهاية العام (ويشمل ماتمّت دراسته في الترم الثاني وجزء من الترم الأول) وعليه 40 درجة (60 سؤال) ..
تلك مئة كاملة ..:)

نتكلّم عنها بشكل عام ..
الهستولوجي والإمبريولوجي هم المادتين الوحيدتين اللي تقريبا الفصلين الدراسيين ماهم مرتبطين ببعض كثير ..

في الترم الأول تدرسون ما يسمّى بالـ General Histology
<< على وقتنا درسناه عند الدكتور مصطفى عبد المنعم ..

والمواضيع اللي درسناها في الـ General Histology هي كالتالي :
Histology of ...
Connective Tissue
Bone
Cartilage
Blood
Bone Marrow
vessels
Muscle
Nerves
skin
Lymphatic system
Respiratory System
<< إن شاء الله ما أكون نسيت شيء :shutup:

مرجع المادة العام .. كان كتاب Wheater's
http://store1.up-00.com/Aug10/Y6H99251.jpg

وفيه أطلس كان موجود مع بعض الشباب .. صوره حلوة صراحة ..
وهو للدكتور محمد عصام ..
http://store1.up-00.com/Aug10/dGQ99251.jpg

أما المذاكرة ،،
فكان مرجعنا في الترم الأول كتاب الهستولوجي للدكتور زكريا عبد الحميد ..
http://store1.up-00.com/Aug10/7pQ99251.jpg

الكتاب في وجهة نظري .. سيء بالحيل جدا كثيرا للغاية !
مش من ناحية المعلومات << مين أنا عشان أقيّم المعلومات ؟!!
أقصد أسلوب العرض !!
يعني دش X دش !
الله يعينكم عليه ،، للأسف ماله بديل في أول 4 مواضيع ..
صحيح فيه مذكرات للدكتور خالد المسلمي .. بس الدكتور مشي ..
والنسخ الموجودة كلها مكتوب عليها .. بالإضافة إلى أن الدكتور مصطفى ما أقرّها بشكل رسمي ..
أما المواضيع الأخرى فالدكتور مصطفى له مُذكّرات متميزة صراحة ..

وفي الترم الثاني .. تدرسون ما يُسمى بالـ Special Histology
<< على يد الدكتور مصطفى الصاوي ..

والمواضيع اللي درسناها كانت :
Histology of ...
Digestive System
Endocrine System
Urinary System
Male Reproductive System
Female Reproductive System

وكان مرجعنا لأول 2 سستمز من مذكرة الدكتور مصطفى عبد المنعم ..
أما السستمز الباقية فكانت من كتاب لدكتور مصري جابه الدكتور مصطفى الصاوي .. وصوّرنا منه المواضيع المطلوبة ..
عموما .. الدكتور الصاوي .. قال إنه السنة الجاية -اللي هي سنتكم- راح يعمل مذكرة خاصة فيه ..
فالله يوفقكم ويجعلها أسهل من اللي درسنا منها :)

أما المذاكرة .. غالبا مادة الهستو يكون ثاني كوز لها .. بدري في الترم ..
فلما يجي الفاينال .. تكون عندك مواضيع كثيرة ما ذاكرتها ! << وهذي غلطة أنا ارتكبتها ..
فلما تجي تذاكر ابدأ بالشيء الجديد عليك .. أما اللي ذاكرته في الكوزات .. خليه آخر شيء إذا صار عندك وقت ..

،

Embryology << :icon31:

قصّة حياتك من وانت حتّة sperm & egg :p
مرورا بلما صرت حبّاية zygot ثم embryo ثم fetus
إلى ذاك اليوم اللي طلعت فيه Baby .. :clap:
ويتربى في عزكم إن شاء الله < دخل جو :nosweat:

نتكلّم عنها تنظيميا ...
عدد الوحدات : وحدتين ..
الاختبارات :
في كل ترم فيه كوزّين .. كل واحد من 5 درجات ..
+ اختبار OSPE يكون مع الاختبار النهائي في كل ترم .. وعليه 10 درجات ..
+ اختبار (Midyear) في نهاية الترم الأول من 20 درجة (40 سؤال) ..
+ اختبار (Final) في نهاية العام (ويشمل ماتمّت دراسته في الترم الثاني وجزء من الترم الأول) وعليه 40 درجة (60 سؤال) ..
تلك مئة كاملة ..:)

نتكلم عنها بشكل عام ..
مثل ما قلنا سابقا في الهستولوجي ..

في الترم الأول راح تدرسون General Embryology
بمعنى إنكم تدرسون تطوّر الجنين بشكل منظم على حسب التوقيت .. يعني أحدات الأسبوع الأول من الحمل .. والثاني والثالث ..
ثم الأحداث من الأسبوع الرابع للثامن ..
ثم من الشهر الثالث إلى الولادة ..
بالإضافة لمواضيع عامة متفرّقة مثل التشوّهات الخلقية وغيرها ..
درسناه على يد الدكتور مصطفى عبد المنعم ..
وكان مرجع المادة بشكل عام في الترمين .. هو كتاب لانق مان ..
http://store1.up-00.com/Aug10/0KE99653.jpg

وهو كتاب حلو صراحة ..
لكن الدكتور الفاضل شريف جلال عنده مذكرة ..
فإذا كان بيدّي الاختيار ..
أكيد راح أختار مذكرة الدكتور شريف ..
والدكتور مصطفى قالنا إن الأسئلة ما راح تخرج عنها ..

أما في الترم الثاني فتدرسون Special Embryology
بمعنى إنكم تدرسون التطور الجنيني لكل جهاز على حدة ..

وكانت المواضيع :
Skeletal System By Prof. Mustafa Abdulmun'em
CVS By Prof. Mustafa Abdulmun'em
Respiratory System By Prof. Mustafa Abdulmun'em
GIT By Dr. Yasser Albastawesy
Urinary system By Dr. Yasser Albastawesy
Genital System By Prof. Mustafa Abdulmun'em

والمراجع زي ماهي في الترم الأول .. بالإضافة إلى أن الدكتور ياسر كان له مذكرات خاصة أيضا ..
فالخيار كان متروك لنا .. والاختبار ما يخرج عنها كلها ..
أما المذاكرة .. فما أقدر أقول غير ... استمتعوا بها !!!!
صحيح تحتاج خيال واسع جدا ..<< بحكم إنها تحكي حاجات غير محسوسة ..
لكن تظل ممتعة !

،

وبكذا .. أكون خلّصت "هذرتي" !!!
أتمنى إني كنت خفيف الظل عليكم << والله ماالظاهر :shutup:
وما أقول غير .. ماكان من صواب فمن عند الله ..
وما كان من خطأ فمن نفسي والشيطان ..

ومرة ثانية أشكر أخوي وحبيب قلبي علووش على إعطائي الثقة في هالموضوع .. :)
وأسأل الله لنا ولكم التوفيق في هالمستوى ..
اللي هو بلاشك أصعب -علميا- من السنة التحضيرية ..
لكن مع التوكل على الله ثم الاجتهاد والمذاكرة .. مافيه صعب !

والسلام عليكم ورحمة الله وبركاته

:icon31:

3badi_Zbadi
28-08-2010, 08:07 PM
يعطيكم العافيه يارب

ومشكور دكتور معاذ بالرغم انو كلامك عملي شوية Shock

بس ان شاء الله انو تتسهل وتتيسر يارب العالمين

ماقصرت وربنا يوفقك ويكتبلك الاجر

Abadi was here

RiYaDh
28-08-2010, 09:14 PM
:a21::a21:

ياساتر ياساتر .. كل هذا راح ندرسه السنه الجايه
طيب ممكن سؤال

كيف كان مستوى الاسئله بشكل عام مقارنه بالسنه التحضيريه
ومجهود المذاكره وتعامل الدكاتره معكم بحكم ان العدد اقل من التحضيري
ووو.. الخ ^^


..د.علوش .. د.معاذ.

مووضوع جدا رائع الله يعطيكم الف عافيه ..

وهذا الشي موجديد عليكم دائما سباقين لمثل هذه الامور ..

وفقكم البارئ .

...

متابع .. ^^


دمتم بود

RiYaDh

۩ ..ęνěŗêşť.. ۩
28-08-2010, 10:18 PM
يعطيكم العافيه يارب

ومشكور دكتور معاذ بالرغم انو كلامك عملي شوية Shock

بس ان شاء الله انو تتسهل وتتيسر يارب العالمين

ماقصرت وربنا يوفقك ويكتبلك الاجر

Abadi was here



الله يعافيك ،، والعفو ..

shock !! :shutup:

وليش الشوك ؟

بالعكس .. بالرغم من إن هالسنة مُجهدة علميا !

إلا إنها ممتعة !

واللي يذاكر في الكوزات تمام .. راح يرتاح في الفاينال ..

وبالتالي راح تكون درجاته تمام التمام ..

وكل التوفيق يارب ،،

:icon31:





:a21::a21:

ياساتر ياساتر .. كل هذا راح ندرسه السنه الجايه
طيب ممكن سؤال

كيف كان مستوى الاسئله بشكل عام مقارنه بالسنه التحضيريه
ومجهود المذاكره وتعامل الدكاتره معكم بحكم ان العدد اقل من التحضيري
ووو.. الخ ^^

RiYaDh



الله !
قرى أيه يا قدعان ؟؟!
مالكو كده ؟ :r
لساتكو في بداية المشوار !

لا تنظروا للكم ،، انظروا للكيف ..
وللمعلومات اللي راح تطلعوا بها ..
وكل شيء يهون بتوفيق الله ..
ثم بمحبّة الشيء اللي أنت تدرسه ..
خصوصا إذا كان هدفك واضح قدامك ..
فماراح تشوف غيره ..
بغض النظر عن العقبات اللي قبله !

بالنسبة للسؤال ،،

الأسئلة بشكل عام كانت عبارة عن cases = حالات ..
يعني يقولك واحد راح المستشفى وسويناله فحوص ومش عارف أيش ..
وفي الأخير يعطيك سؤال مباشر ..
أما مستواها فهو تقريبا من متوسط إلى صعب ..
لكن مثل ما قلت .. اللي يذاكر تمام .. حتى الصعب بيحلّه بإذن الله ..
<< يعني مافيه أسئلة من المريخ :nosweat:

مجهود المذاكرة ،،

بالنسبة لي .. السنة التحضيرية كانت رابعة ثانوي :r
يعني استمريت على شغلة الجدول اللي قبل الاختبارات بأسبوعين .. وانتهينا ..
وهالشيء أبدا ما ينفع في الطب ..
أنا ما أقولك ذاكر أول بأول .. لأنها صعبة حبتين ..
بس ذاكر للكوز وراجع ثم راجع ثم راجع .. وراح تحس بالفرق لما يجي الفاينال ..
بس لازم تعوّد نفسك كطالب طب إنك تقيم "رباط" في آخر شهر من السنة .. في غرفتك !
لأنه أهم شهر .. فيه 10 درجات العملي .. و 40 درجة الفاينال .. يعني نصف العام !! في آخر شهر !

نقطة مهمة :
السنة التحضيرية أصعب -نفسيا- من الطب !
لأن الواحد مو عارف مصيره أيش .. فيتعب نفسيا ..
بالرغم من سهولة وقلة الكم المعلوماتي ..

لكن في الطب .. صحيح المعلومات كبيرة ..
لكن الواحد خلاص .. مستقر نفسيا .. فيقدر يبدع ،،

وإن شاء الله راح تبدعوا ،،

:icon31:

3badi_Zbadi
28-08-2010, 10:37 PM
الله يخليك ويوفقك

وتسلم ع رفع المعنويات

اممم معليش حنطفشك بالاسئله :P

طبعا الاسئله محا تكون MSQ وغير كدا محا تكون موحده معا البنات صح ؟ << اهم شي عشان ماتجي سحر وسمر ويودونا في دهيه :XD

RiYaDh
28-08-2010, 11:23 PM
الله يعطيك الف الف عافيه .. \

والله يعيننا ان شاءالله ... صراحه مدري كيف بجمل

وفي عندي اسئله لليل حطفشك ان شاءالله . . ^^ اتحملني

لي عوده ان شاءالله

دمت بود

RiYaDh

dr.ho
28-08-2010, 11:44 PM
الله عليك يا علي ،،، موضوع جميل جداً ورائع إلى آخر درجة ،،،، مع تمنياتنا بالتوفيق للطلاب والطالبات اللي بينقبلون في كليتنا العزيزة ،،

والشكر موصول لمعاذ اللي ما قصر وغطى المستوى الأول بنسبة100 % وما بقي شيء إلا قاله ،،،،


الله يخليك ويوفقك

وتسلم ع رفع المعنويات

اممم معليش حنطفشك بالاسئله :P

طبعا الاسئله محا تكون MSQ وغير كدا محا تكون موحده معا البنات صح ؟ << اهم شي عشان ماتجي سحر وسمر ويودونا في دهيه :XD




اسمحلي عزيزي بالإجابة بما إني من دفعة معاذ وعلي ،،، بالنسبة لدفعتنا ،،، جميع الأسئلة كانت السيمستر الأول MCQ ،،،،

لكن من بداية السيمستر الثاني قالولنا بنجرب معاكم طريقه جديدة في الكويزات وإذا نجحت بنكملها إلى الفاينل ،،، طبعاً ،،، اللي طبقها

قسمين فقط ،،، الهستولوجي والفسيولوجي ،،، بالنسبة للهستو ،،، 10 فقرات MCQ وخمس فقرات short answers ،،،

أما الفسيولوجي فكوز كامل كان short answers ،،، لكن هذي الطريقه ما أعجبت الطلاب وأيضاً بعض الدكاتره ،،، فرأوا إلغائها ،،

واقتصارها على الكويزات حسب كل دكتور ،،، أما بالنسبة لسؤالك فالأسئلة موحدة للقسمين ،، لكن الكلمة الأولى لدكاترتنا ،،، والأسئلة

هم اللي يضعونها ،،، طبعاً باستشارة قسم الطالبات ،،،، اسأل الله لكم التوفيق وإن شاء الله نراكم السنة الجايه معانا كزملائتنا ،،،

الشكر متجدد لعلي ومعاذ ،،، سبحانك الله وبحمدك أشهد أن لا إله إلا أنت استغفرك واتوب إليك،،،

Doctor2014
29-08-2010, 01:54 AM
بسم الله الرحمن الرحيم..

السلام عليكم ورحمة الله تعالى وبركاته..

السنة الرابعة بكلية الطب..

سنة متنوعة بتجاربها وخبراتها والمستشفيات المختلفة اللي حتتنقلوا بينها..
حتكتسبوا خبرة من كثير من الأطباء في مجالات مختلفة..
بنهاية هذه السنة حتكونوا ألقيتوا نظرة على معظم التخصصات الطبية..
وبإمكانكم التفكير في موضوع اختيار التخصص..

المواد اللي حتدرسوها في الفصل الدراسي الأول هي الآتي:

بالنسبة للطلاب:
طب الأطفال
ثم
طب العيون وطب الأنف والأذن والحنجرة

بالنسبة للطالبات:
طب جراحة العظام
الطب النفسي
طب الأسرة وطب المجتمع

والفصل الدراسي الثاني العكس.
.................................................. ....................

نبدأ بالفصل الدراسي الأول:

Paediatrics

القسم من أفضل الأقسام في كلية الطب، والأطباء على مستوى عالي من الخبرة، وجدا حتستفيدوا منهم.
المادة جدا مهمة، مدتها ما يقارب الثلاثة أشهر وتضرب في 13 وحدة!

الدوام:
من الساعة 8 إلى 9:
Meeting
اجتماع يومي خاص لأطباء مستشفى الأطفال يعرضوا فيه الأطباء المقيمين الحالات اللي بتواجههم..
مجبرين لحضور الاجتماع وبياخذوا الحضور.
لكن كنا نتهرب منه أحيانا، وفي الأيام الأخيرة ما كانوا يدققوا.
بالنسبة للفائدة، أحيانا كثيرة النقاش يكون أكبر من مستوانا، وأحيانا نستفيد من الحالات، جربوا واحكموا. أول كم يوم ما حتستفيدوا مرة لأنكم في البداية.

من الساعة 9 إلى 12:
Practical session
العملي مع الدكاترة،
الدكاترة رائعين وعلى مستوى عالي من الخبرة وجدا حتستفيدوا منهم إن شاء الله.
استغلوا وجودكم معاهم.
وحاولوا أنه الدكاترة ما يكثروا معاكم كلام نظري وينسوا العملي لأنه هذا اللي بيحصل للأسف، ولما تقرب الاختبارات العملية نلاقي نفسنا ما ادربنا كويس عالعملي.
حاولوا تعرفوا طريقة كل الدكاترة اللي معاكم واطلبوا منهم كلهم أنهم يشرحولكم ويدربوكم على طريقة الفحص لكل السيستمز. وادربوا كويس معاهم. أهم شي Train, train, train

من الساعة 1 إلى 2:
Theoretical lectures and tutorials
محاضرات نظري، ويومين توتوريال اللي ماله داعي بصراحة..

بالنسبة للكتب:
تعتمد عليكم..
إذا كنت تحب التنويع والاطلاع على أكثر من مصدر ممكن تشتري كتابين..

الكتب هي الآتي:
Manual of Clinical Paediatric
Mansour N. Alhowasi

Illustrated textbook of Paediatric
Tom Lissauer

Essentials of Paedatrics
Nelson

Manual of Paediatrics
Nasser Gamal
(أعتقد فيه كتابين أو 3 ليه، نظري، وعملي، وكتاب فيه حالات، ماني متأكدة، اسألوا عنها )

Paediatrics Recall

Clinical Handbook of Paediatrics
Schwartz

في ناس ذاكرت من Illustrated، المرجع المعتمد في بريطانيا وجامعة سعود وعندنا، المفروض يكون كافي لكن في دكاترة أحيانا يطلبوا معلومات أكثر من اللازم، وأكثر من الموجودة في الكتاب كحال الميدسن.
وناس ذاكرت من كتاب ناصر جمال، كتاب طويل، إذا تحبوا المذاكرة وعندكم وقت، ممكن تذاكروا منه. المشكلة مافي صور في الكتاب وإن كان معلوماته حلوة.
وفي ناس نوعت بين الاتنين..
وفي ناس قليل ذاكرت من كتاب Nelson، ولكنه طويل للأسف.

العملي: الحواسي

توزيع الدرجات:
40 نظري
50 عملي موزعة كالآتي:
20 ، حالتين شورت بين الميد والفينال
20، لونج فينال
10، Log Bookتحضير حالات، وحضور طواريء.
أعتقد أنه هذا توزيع الدرجات إن ما كان في تغيير..

نصيحة:
الكورس مهم ومفيد وشدوا حيلكم فيه. لأنه هذه المعلومات بتكون معاكم لسنة الامتياز إن شاء الله..
اعرفوا الحالات الشائعة كويس، D.D. and management وكل شي..

مثلااا:
Cardiology: VSD, PDA, rheumatic,
تخصص الدكتور خالد الحربي، والدكتور سعد خوش حال.
محاضرات الدكاترة افهموها واحفظوها كويس.
للأسف ما بيعطوها، فاكتبوها معاهم، لأنهم بيسألوا منها..

Respiratory: asthma, bronchiolitis, pneumonia
مهم كيف تفرقوا بينهم، والمنجمنت لكل وحدة.
تخصص د/ محمد عبد الرسول

GIT: Gastroenteritis, dehydration, jaundice
من الاشياء المهمة كيف تحسب السوائل اللي تعطيها في حالة ال GE او غيره

Endocrine: DM, DKA
مهممممم جداااا، المنجمنت اللي تعملوا في الطواريء والادوية والجرعات والايام ومتى توقف، كل شي بالتفصيل..

وهو تخصص الدكتور المغامسي، من أفضل الدكاترة اللي قابلتهم في حياتي ما شاء الله.
و د/ عبد الهادي حبيب، من المستشفى.. دكتور جدا ممتاز ما شاء الله..

Neurology: CP
مرة شائعة وتجي كثير في الاختبار
Epilepsy and febrile convulsions
تجي long أكثر
د/ عمرو مرداد، دكتور متعاون مع الجامعة، وجدا متعاون ما شاء الله وخبير ونابغة في تخصصه، والدكتور محمد إمام من المستشفى برضو خبرة ما شاء الله.

Hematology: anemia, SCA, thalassemia, bleeding disorders
دكاترة في غنى عن التعريف، الدكتور محمد زللي، والدكتور زكريا الهوساوي.

Renal: UTI, Nephrotic, RF
الدكتورة شيرين، معلوماتها في السشن جدا مفيدة ومهمة، لا تفوتولها العملي أبدا.

Nutrition: FTT, rickets
الدكتورة سمية

دكاترة من المستشفى:

الدكتور عاطف البوق، تخصصه أمراض مناعية لكن ما شاء الله تستفيدوا منه في كل شيء.
الدكتور الإدريسي (grandfather of pediatrics :)) ربي يسعده ويطول في عمره، من أقدم الدكاترة في السعودية ما شاء الله تبارك الرحمن.. كان زي الأب لنا..
الدكتور المزروعي، "مستشفى أحد" دكتور علم وخبرة ومحاضرات غير، جدا حتستفيدوا منه، ونصيحة لاتفوتوا ليه أي سيشن. واكتبوا كل شي يقولوا لأنه يسأل من محاضراته. وانقلوا محاضراته من بعض لانه كل جروب ممكن ياخد محاضرة مختلفة عن الجروب التاني.
د/ فيصل كردي، تخصص أمراض معدية، من أفضل دكاترة المستفى، جدا حتستفيدوا منه.
دكاترة الأطفال من أفضل الدكاترة ما شاء الله، كلهم بدون استثناء.

بالنسبة للنظري: ذاكروا أول بأول، والحالات الشائعة والأشياء المهمة اللي يركزوا عليها الدكاترة في السشن ذاكروها كويس..
بالنسبة للعملي: ادربوا عالهستوري والاكزامينشن كويس..
ود/ شيرين بتفيدكم في العملي لأنها بتنبهنا على أخطائنا اللي بنعملها في الاختبار..
هذا اللي أتذكره بالنسبة للبيديا، موفقين..
................................................

ENT and Ophthalmology

تدرسوها مع بعض..
3 أسابيع لكل مادة..
المجموع 6 أسابيع تقريبا..
تتقسم الدفعة إلى مجموعتين، مجموعة تبدأ أنف وأذن وحنجرة ومجموعة تبدأ عيون.
محاضرات بعد الظهر على مدى ال6 أسابيع حتكون للمادتين والمجموعتين كلها حتحضر..
في نص الكورس (بعد 3 أسابيع) كل مجموعة حتختبر ميد نظري للمادتين كلها (المفروض من محاضرات بعد الظهر، رغم أنه الأنف والاذن والحنجرة مالتزموا بده الشي للأسف). وكمان أوسكي (فاينال) كل مجموعة لمادتها. وبعد الميد تتبدلوا. حيوضح لكم التقسيم في وقتها إن شاء الله. لأنه تقسيماتهم كثيرة..

ENT
من المواد السهلة إن شاء الله..
رغم أنه اختباراته شوية كانت صعبة..

الدوام:
خفيف من 9 إلى 12 مابين عيادات وعمليات وسشن.
من 1 إلى 2: 3 أيام في الأسبوع محاضرات نظري للمجموعتين.
مو لازم تحضروا كل العمليات، نفسها تنعاد. ما استفدت منها كثير، لكن أحضروا كم عملية عشان تعرفوا طبيعة العمليات وأجوائها..
اعملوا جدول وابدؤا مذاكرة من نفسكم، مو شرط تكونوا أخذتوا المحاضرات، عشان الوقت ضيق ولازم تلحقوا ولأنهم ما يشرحوا كل شي وحيأخروكم كثير إذا استنيتوا لين ما يشرحوا لكم.

توزيع الدرجات:
20 نظري ميد
40 أوسكي نهائي (لا يوجد عملي)
40 نظري نهائي.

المراجع:
النظري:
oto-rhino-laryngology head and neck surgery الدكتور طارق جمال كتاب مختصر جدا
تبغوا معلومات أكثر، في كتاب هندي تلاقوا عند الدفعات السابقة textbook of ear, nose and throat, Toli:
الكتاب حلو بس طويل جدا لكن مو كله معاكم بس كم محاضرة، إذا كنتوا من النوع اللي يذاكر أول بأول ويحب القراءة يمديكم إن شاء الله تذاكروا منه. بالنسبة لي كان أفضل من كتاب طارق جمال، وفي ناس كانت تفضل كتاب طارق جمال.
وكمان محاضرات الدكتور نعيم مخدوم مهمة.
ومراجعة الصور مع الدكتور
الأوسكي: في أطلس ENT diagnosis

وفي كتب ثانية كانوا كاتبينها في ال guidline بس ما أتذكرها وما شفتها عند البنات..

Ophthalmology
بالنسبة لمادة العيون:
قسم جدا رائع، كان بإشراف الدكتور نشأت، والآن حيكون بإشراف الدكتور معن بري جزاهم الله خير.
دكاترة جدا متعاونين ما شاء الله.

الدوام:
8-9 محاضرة
9-12 عملي: عيادة أو عمليات
1-2 محاضرات في 3 أيام

توزيع الدرجات:
20 نظري ميد
40 اوسكي
40 نظري نهائي

المراجع:
النظري: بالنسبة للدكتور نشأت اكتبوا معاه، والدكتور معن بيعطي المحاضرات أو من الموقع
Ophthobook.com
وما يخرجوا عن محاضراتهم في الأسئلة، بس ركزوا كويس في المحاضرات..

العملي: الصور من المحاضرات ومن الموقع في الغالب.
وكان عندنا أطلس kansaki in focus وفيه Kansaki تاني أكبر؟ للاطلاع
وفي منه كمان ENT بعضنا اشتراه للاطلاع..

مواد سهلة وبسيطة إن شاء الله..

.................................................. .............................................

بالنسبة للفصل الدراسي الثاني:

Orthopaedics

مدة الكورس: 5 أسابيع
4 أسابيع محاضرات والخامس اختبارات

الكورس من أجمل الكورسات اللي مرت علي برئاسة الدكتور الفاضل عبد الله صندقجي "من أكثر الأطباء أخلاقاً واحتراماً للطلبة"..
والدكتور خالد خوش حال، أيضا دكتور خلوق وطيب..
وكل دكاترة المستشفى طيبين وحتستفيدوا منهم كثير..
ما شاء الله قسم مميز..
بالرغم من أنه الدرجات للأسف ما كانت مرضية..

المراجع:
النظري:

1- Fractures and Dislocation
Badr and Shaheen
المرجع الأساسي، في كم محاضرة ماهي موجودة فيه..

2- Apley's Concise system of orthopaesics and fractures
باقي المحاضرات، ذاكرت منه يمكن 4- 5 محاضرات بس، يعني ما حتستفيدوا من معظم الكتاب، إذا ما لقيتوا الكتاب ممكن تصوروا المحاضرات المطلوبة، لكن البعض يفضل أنه يكون عنده مرجع أو textbook أو يطلع على صور ..
واكتبوا مع الدكتور، وركزوا عالصور لأنها تجي في الأوسكي..

العملي:
1- Clinical Orthopaedic Examination
Ronald McRae
ميزة الكتاب أنه مليء بالصور والرسومات عن طرق الـ examination و X-ray
عيوبه: طويل جداا، أسود وأبيض فممكن تصوروه إذا حابين تطلعوا.. لكن مافي وقت ليه.. البعض يفضله..

2- Orthopaedic Examination
Made Easy
Hand book
مختصر ومافيه صور كثير.. المرجع المفضل لمعظمنا..
بالنسبة لي ذاكرت منه ومن كلام الدكاترة، واطلعت على كم صورة في McRae يوم الاختبار للتوضيح ..

بالنسبة للنظري الاختبارات كانت صعبة شوية..
بالنسبة للعملي الوضع كان جيد..

للأسف جدول العملي ما كان منظم معانا.. أول أسبوعين ضاعت بدون ما ندرب كويس، وصادف أنه بعض الدكاترة ما كانوا موجودين، ومعظم الدكاترة للأسف بس يشرحوا كلام نظري في محاضرات العملي، بدون ما يدربونا، وبعدها انشغلنا بالنصفي وما أدربنا على العملي إلا في آخر أسبوع.. فانتبهوا وحاولوا تستغلوا الوقت اللي في المستشفى من أول أسبوع لأنه الوقت ضيق، واطلبوا من كل الدكاترة أنهم يدربوكم من البداية وما يكون العملي كأنه نظري..

اختبار العملي كان جيد ومن أفضل اختبارات العملي اللي مرت علي.. لكن نصيحتي:
Train, Train, Train
Esp. on Knee
لأنها تحتاج skills

في العملي مهم جدا جدا outpatient حاولوا تروحوا العيادات كثير لانه معظم الحالات هناك ومنها تجي الاختبارات وخاصة knee, shoulder, and most specific tests، وما حتلاقوا حالات في inpatient معظمهم postoperative وكسور وحوادث وما حتقدروا تدربوا عليهم، الشيء الوحيد المهم فيها أنكم تتعرفوا على أنواع الجبائر الموجودة..

في الاختبار ما كان في هستوري لكن مطلوب منكم خمس حالات تسلموها، حاولوا تتقنوه لانه يدققوا عليه حسب علمي..

الكورس على العموم أفضل كورس خلال الترم بالنسبة لمعظمنا.. لكن الدرجات كانت العكس للأسف..
.................................................. ...............

Psychiatry Course
??!!

مدة الكورس: أسبوعين لكنها من الكورسات اللي لازم تترك بصمتها سواء بطريقة إيجابية للبعض وسلبية للبعض الآخر..
الأسبوع الثالث تختبروا فيه نظري وعملي..
من حسن حظنا أنه كان فيه إجازة بين الدراسة والإختبارات النهائية..
وممكن ما يصادف أنه يكون عندكم إجازة فالله يعينكم..
فحاولوا أول بأول تذاكروا أو تقرؤوا لأنه أسبوع وبعدها الميد وأسبوع كمان وبعده الفينال..

المراجع:
لا يوجد كتب..
تصوير لكتاب Basic Psychiatry "كتاب سعودي" للدكتور الصغير..
أعتقد حيقولوكم على مراجع ثانية محد اشتراها فينا وناسية أسمائها..
منها Oxford
لكن بالنسبة لي كانت محاضرات الدكاترة كافية وما مداني أفتح غيرها، اطلعت على الكتاب في كم شي لأنه الوقت سمح وكان فيه إجازة وأتوقع لو ماكانت موجودة ما حيمديني في يومين أفتح غير المحاضرات، لكن المحاضرات والكتاب متقاربة في المعلومات وإن كان فيه بعض المحاضرات أكثر تنظيماً في الكتاب..
حاولوا تكتبوا مع الدكاترة سواء في النظري أو العملي، كلامهم مهم، وممكن تجي منه بعض المعلومات..

الغيـاب مهم وعليه درجات وينقصوا على الغياب الواحد..

الدرجات كانت جيدة..

بالنسبة للنظري سهل الموضوع مجرد أنه تذاكروا أول بأول..

بالنسبة للعملي، المشكلة في الهستوري.. للأسف برضو ما أدربنا كويس على الهستوري لعدة أسباب..
أول أسبوع ضاع في كلام نظري حتى محاضرات العملي كانت نظري..
الدوام كان طويـــــل، محاضرات النظري من 8 إلى 12 ومن 1 إلى 4 العملي.. ساعة في النص تروح في المسافة بين الجامعة والمستشفى وفي الصلاة فما كان في وقت كافي ندرب فيه.
المريض النفسي غيــر! التعامل معاه يحتاج مهارات.. وأحيانا كثير ما تقدر تحصل على معلومات منه..

بصراحة اختبار العملي ماله داعي أبداً، رأيي ورأي بعض الدكاترة اللي قابلتهم..
وفي جامعات ثانية ما عندهم عملي، بسبب الوقت ولأنه الهستوري صعب ويحتاج تدريب ومهارات حتى الدكاترة النفسيين يآخذوا وقت عشان يتقنوها..

عموما، الاختبار يعدي والدكاترة يراعوا ده الشي وإذا جاك مريض صعب فممكن يكون من حظك..
حاولوا تتشاركوا وتعملوا history forms في وحدة كانت عندنا من الدفعات السابقة لكنها ناقصة..

معظم الحالات اللي تجي:
Schizophrenia
Bipolar
Depression
Drugs addicts
السابق أكثر الحالات
مهم Personality disorders
Obsessive compulsive disorders
ومهم Organic induced psychosis يسألوا عنها كثير..
هذا اللي أتذكره

اختبار العملي جزئين :

Long case
مدته ساعة تآخذ هستوري من مريض وتعمل mental examination بعض الدكاترة كانوا يقولوا general physical examination لكن محد عمل كده وفي النهاية قالوا مو لازم..

Short case
يعني شفوي يسألك الدكتور سؤال أو اثنين ويناقشك فيها..

يعني في العملي حاولوا تستغلوا الوقت في المستشفى لأنه الوقت غير كافي واطلبوا من الدكاترة يعطوكم فرصة تآخدوا هستوري، أسئلوا الدكاترة وحاولوا تعملوا هستوري وتقدموها ويراجعوها لكم.. معظمنا ما مدانا نعمل كده.. لكن حيكون أفضل عشان تتطمنوا على الهستوري.. ومهم تعرفوا طريقة كل دكتور في الهستوري.. وخاصة د/ رأفت ود/ أحمد حافظ ود/ عبد الله شنقيطي..
.................................................. ..........

Family and Community medicine
طب الأسرة والمجتمع حتاخدوها في المستوصفات..
احنا اخذناها في مستوصف النصر والحرة الشرقية..

الدكاترة:
طب الأسرة الدكتور الفاضل خالد هيصم، أفضل دكتور قابلته.. علم وخبرة وخلق ما شاء الله عليه..
طب المجتمع: الدكتور العوضي والدكتور منال الله يجزاهم كل خير..

مدة الكورس:
9 أسابيع


المراجع:
محاضرات الدكاترة

توزيع الدرجات:
ناسيته للأسف
لكن النظري عليه أكثر الدرجات..
وعدد الوحدات كبير..
في طب الأسرة: في اختبار عملي بسيط آخر الترم..
وفي Log book للحالات اللي حضرتوها، والأشياء اللي عملتوها في المستوصف..
وفي طب المجتمع مطالبين بعمل presentation

المراجع:
محاضرات الدكاترة..
.................................................. .................................................. ................

هذه المعلومات اللي أتذكرها..
إن شاء الله أكون أفدتكم..
وإذا في أي أحد من الطلاب أو الطالبات عنده معلومة إضافية أو تصحيح لأي معلومة موجودة ياليت يفيدنا..

أسأل الله لكم التوفيق والنجاح..

أختكم في الله
Doctor2014
:)
.................................................. .........................

emotion
29-08-2010, 04:32 AM
واقتصارها على الكويزات حسب كل دكتور ،،، أما بالنسبة لسؤالك فالأسئلة موحدة للقسمين ،، لكن الكلمة الأولى لدكاترتنا ،،، والأسئلة

هم اللي يضعونها ،،، طبعاً باستشارة قسم الطالبات ،،،، اسأل الله لكم التوفيق وإن شاء الله نراكم السنة الجايه معانا كزملائتنا ،،،




صحيح إني عارفه إن الأسئلة حتكون موحدة ... لكن أنا لاحظت إن إن معاذ ركز على اللي يقوله الدكتور وقت المحاضرة طيب نحنا البنات اش نسوي ؟

ملازم الأولاد والبنات نفسها ولى راح تكون مختلفة ونحوس الحوسة اللي قبل كل اختبار تجينا ملازم الأولاد قبل الاختبار بكم يوم ؟

الكويزات كمان راح تكون مشتركة ولى بس الفاينل ؟


برايفت عبادي>> أنا قلت عبادي بس :harhar1: أجل طلعتوا تحوسون و الله ما تشوف البنات كيف كانوا يحسدوكم ويقولوا ما في زي الأولاد ما عندهم حوستنا وقت الاختبار , و بعدين سمر و سحر ما شاء الله ما نسيتهم

dr.ho
29-08-2010, 06:07 AM
صحيح إني عارفه إن الأسئلة حتكون موحدة ... لكن أنا لاحظت إن إن معاذ ركز على اللي يقوله الدكتور وقت المحاضرة طيب نحنا البنات اش نسوي ؟

ملازم الأولاد والبنات نفسها ولى راح تكون مختلفة ونحوس الحوسة اللي قبل كل اختبار تجينا ملازم الأولاد قبل الاختبار بكم يوم ؟

الكويزات كمان راح تكون مشتركة ولى بس الفاينل ؟


اللي احنا نذاكر منه هو نفس اللي البنات يذاكروا منه ،،، ملازمنا وكتبنا موحده ،،، لكن زي ما قلت الأسئلة يضعها دكاترتنا ،،،

وبصراحه نادراً ما كنا نسمع اعتراضات من قسم الطالبات ،،، لا تخافي ،،، الأسئلة تمر على قسم الطالبات وإذا كان عندهم عليها

ملاحظات أو أشياء ما أخذتوها فغيروها ،،، بس خذيها قاعده ،،، لازم تجي أسئلة احنا وانتم عن معلومات ما اختوها ،،، مو لازم اللي

يجي تاخذوه ،،، الأسئلة موحدة للكويزات ونصف السنة والفاينل ،،، لكن العملي تختلف ،،، بالتوفيق

Dr.Smile
29-08-2010, 07:27 AM
السنة الثانية (( ثالثة بالنظام القديم ))

وفي هذه السنة راح تدرسوا 5 مواد طبية و 2 من المتطلبات الجامعية

اولا المواد الطبية :

مادة علم الأمراض Pathology

عدد الوحدات : 13

الدكاترة :
منسق القسم : د.محمد القبلاوي
مسئول المعمل : د. علاء
د.احمد سعيد (( الله يرحم ايامه الحلوة )) :icon1366:
المادة مرة حلوة ودكاترتها مرررررة طيبين
الترم الاول راح تاخذوا General Pathology
وفي نهاية الترم الاول غالبا راح تبدؤا Systematic Pathology وتكملوا الباقي في الترم الثاني

وبالنسبة للمراجع الدكتور محمد قبلاوي راح يعطيكم مذكرات لكن لازم اول باول مع دا الدكتور عشان تكون فاهم الموضوع صح وفي عندنا مذكرات الدكتور احمد سعيد لكن للاسف رجع لبلده دي السنة فما اعرف مين اللي راح يعطيكم جزئيته .

طريقة الاختبارات وتقسيمة الدرجات :
الترم الاول والثاني نفس الطريقة
كويزين من 3 درجات والاسالة MCQ وتوصيل وكتابة اسم التعريفات العنوان بس (( يعني التعريف يكون مكتوب لكن بس تكتب العنوان )) وكل كويز من 30 سؤال يعني كل 10 عليها درجة .
2 درجتين على المشاركة والاعمال في الترم الاول والثاني ((يعطوكم حالات تحلوها كل اسبوع وبرضو مشاركتك مع الدكتور في وقت المحاضرة))
العملي في الترم الاول من 10 درجات مقسم لجزئين الجزء الاول اوسبي من 20 صورة وكل صورة عليه سؤالين
الجزء الثاني عبارة عن اسالة تحلوها مكونة من 30 سؤال من اسالة كتابية و تعداد و MCQ
الترم الثاني برضو من 10 درجات لكن مكون من 3 اجزاء الجزء الاول والثاني زي الترم الاول والجزء الثالث عبارة عن شرائح تشوفوها تحت المجهر وتكتبو اسم الشريحة 5 شرائح من اصل 30 او 25 على حسب ما يحددوا لكم
الاختبار النهائي الترم الاول من 20 درجة و 60 سؤال كلها MCQ
الترم الثاني من 40 درجة على80 سؤال كلها MCQ :msn-angry:

واسالة الكويزات سهلة وممكن سؤال او اثنين اللي يكون شوية صعب
اما الاختبارات النهائية صعب يبغالكم تكونوا مخلصين المنهج قبل الاختبار بمدة وبعدها تفتحوا كتب MCQ وتقروا فيها :busted_red:


مادة الاحياء الدقيقة الطبية Microbiology
:flex:
عدد الوحدات : 7

الدكاترة :
منسق القسم : د.خليل العلي .
د. قازي
المادة مرررة حلوة وسهلة ودكاترتها من احسن الناس في الجامعة كلها والمادة دي اضمن لكم فوق نص الدفعة راح تجيبو A+ & Aان شاء الله. :r

المرجع : في كتاب مصور من مصر سهل وبسيط .
الاختبارات : مرررررررررررررررررررررة سهلة والله لو تذاكروا قبل الاختبار بيومين تجيبو الدرجة الكاملة مافي أي خوف.
:msn-wink:
طريقة الاختبارات وتقسيمة الدرجات :
الترم الاول والثاني نفس الطريقة
كويزين من 4 درجات والاسالة MCQ وتوصيل وكل كويز من 40 او 60 سؤال ومررررة سهلة وبسيطة . تخلصوا منها في ربع ساعة .
2 درجتين على المشاركة والاعمال في الترم الاول والثاني يعطوكم هيا هدية .
العملي في الترم الاول من 10 درجات تشوف تحت المجهر 10 شرائح وتكتب العنوان ومرررة بسيط
الترم الثاني برضو من 10 درجات لكن اوسبي من 20 صورة وكل صوره عليه سؤالين .
الاختبار النهائي الترم الاول من 20 درجة و 60 سؤال كلها MCQ
الترم الثاني 40 درجة على 80 سؤال كلها MCQ :msn-cool:


مادة علم وظائف الاعضاء Physiology
:$
عدد الوحدات : 5

الدكاترة :
منسق القسم : د.احمد عماد
د.مجدي غالبا راح يدرسكم Urinal System المرجع محاضراته لكن برضو تقدرو ترجعول لكتب الدكتور احمد العجمي
د.أحمد العجمي غالبا راح يدرسكم Motor System المرجع كتابه
د.محمد فتح الباب غالبا راح يدرسكم GIT – Special sense المرجع كتب الدكتور احمد العجمي
د.محمد سالم غالبا راح يدرسكم Sensory System المرجع كتب الدكتور احمد العجمي مع محاضراته
الاختبارات : على حسب اللي يدرسك الجزئية يعني لو د.احمد العجمي الاسالة معقولة نوعا ما – د.احمد عماد صعبة شوية – د .مجدي اسالة مبنية على الفهم معاه في المحاضرات فيها تفكير – د.محمد فتح الباب صعبة-د.محمد سالم الاسالة برضوا معقولة.

طريقة الاختبارات وتقسيمة الدرجات :
الترم الاول
كويزين من 5 درجات والاسالة MCQ وفي الثاني غيروا الطريقة خلوا الكويز الاول كله كتابي من 5 درجات والثاني نصه كتابي والنص الثاني MCQ وعدد الاسالة في كل كويز 15 سؤال.
العملي في الترم الاول من 10 درجات مقسم جئين الجزء الاول اوسبي 20 صورة وكل صوره عليه سؤالين او ثلاثة الجزء الثاني يسالوكم عن اللي اخذتوه في العملي من كيف تقيس الضغط مثلا وسؤال او اثنين شفوي على نفس العملي
الترم الثاني برضو من 10 درجات لكن كله اوسبي من 20 صورة وكل صوره عليه 3 اسالة .
الاختبار النهائي الترم الاول من 20 درجة و 50 سؤال كلها MCQ
الترم الثاني من 40 درجة من 50 سؤال كلها MCQ :icon28:


مادة الطفيليات الطبية Parasitology
:msn-mad:
وفي هذه السنة راح تدرسوا عن الحشرات وايش الامراض اللي تتنقل بس للاسف في جامعتنا دي المادة فيها كلام دش كثيييير وما يحتاج لدي المادة غير تحفظ الاسامي العجيبة تبع الحشرات

عدد الوحدات : 4

المرجع : في مذكرة مع بعض الاوراق الخارجية للاختبارات العملية والنهائية اللي فيها بعض التجميعات .

والدكاترة :
منسق القسم وبرضو مسئول المكتب الاكاديمي : د.مجدي حرك راح يحفظكم اغاني باسم الحشرات
د.أيمن البدري يبغالك تكون في اشد انواع التركيز معاه بس عشان تقدر تلحقه في الشرح
هذه المادة مبنية على الحفظ العقيم والتجميعات بين الحشرات وطبعا في اوراق فيها التجميعات لكن برضو مو كلها فنصيحة مني اجمعوا التجميعات بنفسكم من بداية السنة مع الدكاترة يعني ركزوا على التجميعات في دي المادة .

طريقة الاختبارات وتقسيمة الدرجات :
الترم الاول والثاني نفس الطريقة
كويزين من 4 درجات والاسالة MCQ وتوصيل وصح وخطا و حالة وعلى نفس الحالة سؤالين او 5 اسالة وكل كويز من 30 سؤال كلها متعلقة بالتجميعات مافي اي سؤال مباشر .
2 درجتين على المشاركة والاعمال في الترم الاول يطالبوكم ببحث او يطالبوكم برسم الحشرات وبيضاتها وفي الثاني عكس الترم الاول يعني لو كان الاول بحث الثاني رسم وهكذا
العملي في الترم الاول من 10 درجات تشوف تحت المجهر 10 شرائح وكل شريحة عليه سؤالين يا من الاسالة الكتابية او MCQ او تعداد
الترم الثاني برضو من 10 درجات نفس طريقة الترم الاول .
الاختبار النهائي الترم الاول من 20 درجة و 60 سؤال كلها MCQ وحالات
الترم الثاني برضو 60 سؤال كلها MCQ وحالات :bomb:

وبصراحة مادة مررررررة مصعبينها على الفاضي بسبب التجميعات ولا هيا اصلا ما تاخذ منك شيء .


5 – مادة علم التشريح Anatomy
:017:
راح تدرسوا فيله head & neck – Neuro anatomy وبررضوا راح تاخذوا 3 محاضرات اقل شيء في Histology تبع العين والاذن وبصراحة دي المواد كلام كثييييييييير ودش كثييييييير وبرضو حفظ عقيم.

عدد الوحدات : 4

الدكاترة :
رئييس القسم : د.سامي القائدي راح يدرسكم Neuro anatomy
د.شريف جلال احسن دكتور في دا القسم بس للاسف يدرس طلاب الاسنان .
د.وائل بصراحة واحد جديد ما اعرف عنه لكن سمعت له سمعة طيبة من طلاب سنة اولى .(( اظن هوا اللي راح يكمل معاكم في دي السنة برضو )).
د.ياسر بسطويسي هوا اللي درسنا head & neck شرحه طيب لكن يعطيكم معلومات فوق طاقتكم

المراجع :
في مذكرات للدكتور شريف جلال اكيد تعرفوها ماشاء الله مسوي مذكرة لكل جزء .الله يعطيه الصحة والعافية .
اختبارات : ما ابغى اعطي صورة سيئة او سلبية لكن اسالتهم صعبة يعني لازم تذاكروها اول باول وبتركيز شديد .

طريقة الاختبارات وتقسيمة الدرجات :
الترم الاول
كويزين من 5 درجات والاسالة MCQ وعدد الاسالة في كل كويز 15 سؤال.
العملي في الترم الاول من 5 درجات تدخلوا المشرحة وتشوفا 10 طاولات وكل طاولة عليه سؤالين وكل سؤال يتكون من جزئين يعني كلها على بعضها 20 سؤال
الترم الثاني نفس طريقة الترم الاول بس من 10 درجات
الاختبار النهائي الترم الاول من 25 درجة و 50 سؤال كلها MCQ :icon28:

وبصراحة اسالتهم صعبة شوية خاصة Neuro Anatomy بس ذاكروا اول باول وان شاء الله كلكم راح تنجحوا .:msn-mad:


ثانيا المتطلبات الجامعية :
ثقافة 3 ولغة عريبة 2



وختاما هذه السنة كانت افضل سنة بالنسبة لي من السنة الاولى وترفع فيله معدلك بسهولة :icon31:.


وبالتوفيق للجميع ولا تنسوني من دعواتكم الحلوة :bye1:

Eve
29-08-2010, 08:41 AM
Allosh90*Everest*Dr.smile*Doctor2014
:idea:أدام الله إبداعكم ^^:idea:
مشكورين على المجهود الرائع في سبيل العلم
موفقين لكل خير و مأجورين ان شا الله:good:
Gooooooo on ^^
*(^_^)*Eve

!. sub zero .!
29-08-2010, 10:51 AM
Allosh90 ~Everest ~Dr.smile~ Doctor2014
يـع‘ـطيكم . الف عآفــيه ,, بـجد مأقصرتوا معأنا , وربنأ يكتـب لـكمألآجر والعأفــيه ., :)

حأبب. اسآلكم, كـيف كأنت أيــآم دوأمكم , يـعني زي التحضيري, من 8-5 ...تيجي البيـت , قأفـله معـك والاخلآق زيرو .. ؟؟؟

والانأتــومي, كلو نظري والا فـيه تـطبيق on the bodies ??

وبالتوٍوٍوٍفـيق, لـكل ,من انشئ الموضوع. وشأرك فـيه , والقى نظرة عـليه >>مأخليت أحـد ..

dr.ho
29-08-2010, 05:58 PM
والانأتــومي, كلو نظري والا فـيه تـطبيق on the bodies ??

دفعتنا سنة اولى كانت دفعة محظوظة جداً ،،، لأنة على وقت الترم الأول وصلت للمشرحة جثة جديدة ،،،، ولما درسنا thorax الدكتور

الفاضل / وائل السيد ،،، شرحها معانا ،،،، اقولك ،،، انتو وحظكم ،،، لكن أكيد فيه تطبيق عملي على عينات من جثث سابقه ،،،، المادة

حلوه جداً ،،، لكن طويله جداً ،،، بالتوفيق لكن من شارك وساهم وقرأ هذا الموضوع الرائع،،،

۩ ..ęνěŗêşť.. ۩
30-08-2010, 07:08 AM
كل الشكر وأجزله لك أخوي الدكتور SMILE

:)

صراحة رفعت معنوياتي كثير .. جزاك الله كل خير ..

خصوصا فيما يتعلّق بالباث والمايكرو .. 20 وحدة .. ماهي سهلة !

أما بخصوص الطفيليات .. فمثل ما قلت .. أصلا سُمعتها عندي مش ولابد !

الله يسهلها يارب ،،

،

ولا أنسى أن أشكر الدكتورة الفاضلة النشيطة Doctor2014

جزاك الله كل خير وزادك تميّزا ..

،

كل التحايا

:icon31:

Doctor2014
30-08-2010, 08:55 AM
العفو،،

هذا أقل الواجب لأخواننا وأخواتنا من الدفعات اللي بعدنا..

وأي شيء احنا في الخدمة..

وأسأل الله لكم التوفيق والنجاح وأن يحقق آمالكم وأن تكونوا أطباء وطبيبات تفتخر بهم مدينة الحبيب عليه وعلى آله الصلاة والسلام..

heroo
30-08-2010, 01:23 PM
بالنسبة للدوام للأولى طب كيف راح يكون 6 أو 7 أو 8 ساعات ؟؟؟؟

والدراسة هي بالسنة مو بالترم

طيب هل نقدر نأخذ اترام صيفية ولا لا ؟؟؟؟

۩ ..ęνěŗêşť.. ۩
30-08-2010, 03:14 PM
بالنسبة للدوام ..

تقريبا يوميا من 8 إلى 3 ..

طبعا من 8-12 نظري ..
ومن 1-3 محاضرة عملي ..

ما عدا يوم الأربعاء .. مافيه عملي ..
لكن غالبا بتكون فيه مادّة عامة ..

أما فيما يخص الترم الصيفي ..
فتقدرون تأخذون أترام صيفية بالمواد العامة ..
عربي وثقافة .. أما المواد الطبية فمالها أترام صيفية ..

بالتوفيق ،،

:icon31:

heroo
30-08-2010, 07:20 PM
مشكور اخوي على سرعة التفاعل

نعناع مديني
01-09-2010, 04:39 AM
ماشاء الله موضوع رائع وفكرة جميلة من الأخ المبدع علي..

يعطيكم العافية جميعاً على ما خطته أيديكم ولي عودة بإذن الله مع تجربتي في السنة الثالثة..

:)

نعناع مديني
02-09-2010, 05:03 AM
السنة الثالثة (الرابعة بالنظام القديم)


هذه السنة تعتبر المرحلة الإنتقالية بين البيسكـ والكلينيكال..

ويبدأ يحس انه طالب في كلية الطب بعد ما كان على مدار ثلاث سنوات يتلقى معلومات نظرية..

طبعاً الترم الأول راح يكون مثل السنوات السابقة كله في الجامعة والترم الثاني راح يكون البداية الفعلية للكلينيكال..

وبإختصار هالعام فارما في الترم الأول وجراحة وباطنة في الثاني ولا يهونوا البقية..:detective


الترم الأول


هذا الترم يتكون 90% من الفارما والـ10% الباقية على بقية المواد بدون مبالغة..:)

الفارما ..

كورس الفارما راح يكون لترم واحد فقط وهو وقت قليل جداً لإعطاء المادة حقها ومستحقها كونها لها علاقة قوية بمواد الكلينيكال..

العام الماضي درسنا المادة على يد ثلاث دكاترة..

د. عادل جمعة .. (بدون تعليق)

د. مهران.. رجل مبدع خلوق يعطي المادة حقها ومحاضراته ممتعة

والدكتورين من كلية الصيدلة لذلكـ قد نكون واجهنا صعوبة بإعطائنا بعض المعلومات المتعلقة بالصيدلة أكثر منها بالطب..

د. السيد مرسي .. يكفي أن أقول بأنه تلميذ دكتورنا المبدع أحمد سعيد..
وكان أكثر من استفدنا منه بصراحة (على الرغم من قدومه في نصف الترم) مع الإحترام لبقية الدكاترة مع اسلوبه الرائع ولكونه طبيب فلا يركز إلا على المهم لنا كطلاب طب ..
(ولكن للأسف سمعت انه تركـ الكلية ولن يكون موجود في العام القادم) :(

ويتكون الكورس من قسم جينيرال يشرح كيفية عمل الأدوية وفعاليتها وما إلى ذلكـ

وقسم متعلق بالأدوية الخاصة بكل سيستم في جسم الإنسان

Autonomic Nervous System
Cardiac
Respiratory
GIT
CNS
Chemotheraby
Endocrine
وغيرها

وكان في كوزات على مدار الترم (عددها اثنين على اظن)
وميدترم
وعملي نهائي
واختبار نهائي

عذراً ما اتذكر توزيع الدرجات :doubt:

بالنسبة للمراجع كان المعتمد كتاب مصري لأحد دكاترة القسم ( كان طويل بعض الشيء وشرحه مفصل قليلاً) وتقريباً جزء من الدفعة اعتمدوا عليه والبقية اعتمدوا على محاضرات الدكاترة (اللي غطت أغلب المنهج ولو انها عليها مآخذ بعض الأحيان) وجزء بسيط اعتمد على ليبينكوت (وكان طويل وفيه أكثر من المطلوب منا وبعيد قليلاً عن شرح الدكاترة)

الخلاصة: الحضور والتركيز في المحاضرات ومراجعة العروض أول بأول ستعطي نتيجة طيبة بإذن الله
لأنه المنهج طويل ويحتاج لجهد بصراحة


بقية المواد

أخلاقيات المهنة الطبية

كان يعطينا هي الدكتور الرائع أحمد رفعت .. وكانت مادة خفيفة على القلب :laugh:
وفيها بعض المعلومات اللي ممكن ما تسمعها إلا بعد التخرج
( بس للأسف أيضاً سمعت انه الدكتور مشي من الكلية لسوء حظنا وحظكم لأنه خسرناه في كورس الطب الشرعي أيضاً)

مهارات الإتصال

الجزء الأول اعطانا هو الدكتور الرائع أبو لبن.. ما استفدنا كثير منه (كـ مادة) بس استمتعنا مع شخصيته الرائعة وخبرته الكبيرة.. والجزء الثاني اعطانا هو الدكتور خالد خوش حال واستفدنا منه قبل الكلينيكال في كيفية التعامل مع المرضى ..

مهنية طبية

أعطانا المادة الدكتور محمد العوضي (اللي سمعت انه تركـ الكلية أيضاً ) :lleyes: وكانت تقريباً تكرار لمادة الأخلاقيات وما فيها شيء جديد يذكر..

البحث الطبي

أعطانا هي الدكتور خالد هيصم والدكتور أحمد محمدين ( اللي سمعت انهم مشيوا كمان :a22:) وبصراحة اعتبرها أكثر المواد فائدة بعد الفارما هذا الترم.. لأنه تضع الطالب على أول طريق البحث الطبي بأسس وطرق صحيحة..

الطب النبوي والتكاملي

الطب النبوي اعطانا هو الدكتور حسين يماني والتكاملي مع الدكتور اسامة صديق.. مادة طيبة وتعطينا جوانب مختلفة من عالم الطب..


هاذي المواد مالها مرجع وتعتمد على ما يعطينا هو الدكاترة وعلى الأوراق الموجودة عند الدفع السابقة.. ولها اختبار نصفي من 40 درجة وآخر نهائي من 60 درجة باللغة العربية..
بس مشكلتها انه الدكاترة يتغيروا سنة بعد الثانية وقد يمر اسبوعين من الترم من غير ما تعرفوا الدكتور المسؤول عن المادة.. وكلها سهالة ان شاء الله.. :)



الترم الثاني


هذا الترم مقسم لنصفين النصف الأول كان لكورس الجراحة والثاني لكورس الباطنة (والعكس بالنسبة للبنات) ومدة كل كورس 9 اسابيع من ضمنها اسبوع اختبار الفاينال..
بالإضافة لمادتي الجينتكـ والراديولوجي وهي عبارة عن محاضرة واحدة في الأسبوع طوال الترم..


الجراحة

قسم الجراحة فيه بعض التعقيد وعدم التنظيم ولكن للأمانة على عكس السنوات السابقة لنا كان القسم متعاون معنا بعض الشيء واستفدنا منهم من نواحي عديدة..

مدة الكورس.. 9 اسابيع من ضمنها اسبوع اختبار الفاينل واسبوع آخر لإختبار الميد..
وسيتم تقسيم الدفعة إلى عدة مجموعات على حسب المستشفيات اللي راح تنزلوا فيها

الدوام يكون من مقسم ما بين المستشفى والجامعة..

من 8-9 صباحاً يكون تحضير الحالات من قبل كل مجموعة والساعة الـ 9 يأتي الدكتور المسؤول عن كل مجموعة ويناقش معهم الحالات ويتكلم عن موضوع الحالة من الناحية النظرية أو العملية على حسب الدكتور حتى الساعة 11 أو 11.30..

بعد الظهر .. يكون فيه محاضرة أو اثنين و Skill Lab وغالباً محاضرات الجراحة ما تتعدى الساعة 3..
والمواضيع النظرية اللي راح تاخذوها في المحاضرات ما تتعدى الـ 20 موضوع لذلكـ محاضراتهم قليلة بعض الشيء..

المراجع..

النظري..

كتاب بايلي أند لوف.. هو المعتمد من القسم كتاب طويل جداً وكل الشباب اللي اشتروه ما استفادوا منه..

كتاب القصر العيني.. كتاب مصري جيد وعلى مستوانا معلوماته قديمة بعض الشي بس مقارب لشرح الدكاترة ومناسب لمستوى أسئلتهم .. أغلب الدفعة ذاكروا منه..

مونت ريد.. كتاب جميل جداً بس مختصر وما يغطي كافة المواضيع مفيد للإطلاع وللمراجعة

سيرجيكال ريكول.. كتاب رائع على طريقة أسئلة واجوبة.. مفيد جداً للمراجعة قبل الإختبار

العملي..

براوز.. كتاب عملي رائع ومفيد جداً حتى بعد الإنتهاء من الكورس..

القحطاني .. كتاب رائع ولكن مختصر ومفيد في المراجعة قبل الإختبار

الخلاصة.. بالنسبة لي القصر العيني وسيرجيكال ريكول للنظري + براوز والقحطاني للعملي

الإختبارات..

اختبار نصفي يتضمن اختبار نظري من 20 درجة واختبار اوسكي ( يكون على شكل سيناريو وعلى موديل بالإضافة لشرائح صور عليها أسئلة ) عليها 10 درجات.. وكان موعده في الأسبوع الخامس من الكورس..

اختبار فاينال يتضمن اختبار نظري من 30 درجة واختبار اوسكي (زي الإختبار النصفي) عليه 20 درجة واختبار Long Case (عبارة عن حالة تأخذها في المستشفى وتأخذ الهيستوري والإكزامينيشن على الحالة بعدها يتم اختباركـ على هذه الحالة) وعليه 20 درجة..

ضروري جداً تحضروا السيشن اللي في المستشفى لأنه غالباً أسئلة العملي ما تخرج منه
وحاولوا تمروا على كل الدكاترة وتستفيدوا منهم وتغطوا كل المواضيع حتى لو ما كان عليها حالات

ممكن قراءة هذه المعلومات تخوف بعض الشيء بس صدقوني الوضع أهون بكثير مما يبدو ومع بداية الكورس راح تتضح لكم أي أمور غير واضحة الآن..


الباطنة

ظروف القسم وامور اخرى حدثت معنا تجعلني أمتنع عن اعطاء رأيي به..:msn-mute:

مدة الكورس.. 9 اسابيع من ضمنها اسبوع اختبار الفاينل واسبوع آخر لإختبار الميد..
وسيتم تقسيم الدفعة إلى عدة مجموعات على حسب المستشفيات اللي راح تنزلوا فيها

الأسبوع الأول يكون في الجامعة محاضرات فقط ومن الأسبوع الثاني الدوام يكون من مقسم ما بين المستشفى والجامعة..

السبت يكون في الجامعة .. الصباح يكون مخصص للإكزامينيشن كل اسبوع سيستم وبعد الظهر محاضرات..

من الأحد للأربعاء.. من 8-9 صباحاً يكون تحضير الحالات من قبل كل مجموعة والساعة الـ 9 يأتي الدكتور المسؤول عن كل مجموعة ويناقش معهم الحالات ويتكلم عن موضوع الحالة من الناحية النظرية أو العملية على حسب الدكتور حتى الساعة 11 أو 11.30..

بعد الظهر يومياً محاضرتين وعدد المواضيع النظرية تصل لـ 70 موضوع ..

المراجع..

النظري

كومار وكومار البوكيت.. هو الكتاب المعتمد من القسم كتاب جيد بس الـ Text طويل وأغلب الشباب ذاكروا من البوكيت..

اكسفورد.. على رأي الشباب اللي ذاكروا منه انه رائع .. بنفس حجم كومار البوكيت ولكن أشمل منه..

فيه كتب أخرى كثيرة منها دانيش ودافيدسون وغيرها ما اطلعت عليها بصراحة..

العملي

ماكلويد.. المعتمد من القسم.. يجمع بين النظري والعملي .. كتاب طويل بعض الشي لكن تجميعاته جميلة..

تايلي.. بعض الشباب ذاكروا منه وذكروا انه أفضل من ماكلويد وأغلبه عملي..

الخلاصة.. كومار البوكيت أو اكسفورد + تايلي أو ماكلويد..

الإختبارات..

كويزات ( اثنين كل كويز عليه درجتين ونصف)

بروفايل.. 8 حالات يتم تحضيرها عليها 5 درجات..

اختبار نصفي يتضمن نظري عليه 15 درجة والعملي في المستشفى 15 درجة
Short Case (اكزامينيشن فقط ) عليه 5 درجات و Long Case (هيستوري واكزامينيشن) عليه 10 درجات..

اختبار فاينال يتضمن نظري عليه 30 درجة.. وعملي في المستشفى 30 درجة
Short Case (اكزامينيشن فقط ) عليه 10 درجات و Long Case (هيستوري واكزامينيشن) عليه 20 درجة..



Radiology

مادة ثقيلة دم بعض الشي ودكتور المادة ذكر انها فوق مستوانا .. ما اقتنعت بالمادة كثير رغم اني استفدت من بعض اجزائها..

كانت محاضرة واحدة في الأسبوع طوال الترم وأعطانا هي الدكتور مصطفى مطاوع (اللي سمعت انه مشي كمان :nosweat:)

ما يحضرني اسم الكتاب المعتمد من قبل الدكتور بس اللي اتذكره انه الشباب كانوا يذاكروا من الكتاب وعروض الدكتور وعروض دكتورة البنات وفي الإختبار تاتي اسئلة من كوكب آخر.. :thumbdown

المادة كان لها اختبار نصفي عليه 40 درجة ونهائي عليه 60 درجة..


Genetics

درسنا هي الدكتور حسين الصواف وكانت محاضرة واحدة في الأسبوع ..

كان المرجع محاضرات الدكتور والمادة لها كويز عليه 10 درجات.. ميدترم عليه 30 ونهائي عليه 60 درجة..


السنة تحتاج جهد بالذات الثلاث مواد الكبيرة وان شاء الله راح تتسهل لكم وراح تستمتعوا مع الكلينيكال بالذات

3badi_Zbadi
02-09-2010, 05:46 AM
يعطيكم العافيه وما قصرتو

وربنا يبلغنا كل اللي نتمناه

لا بالله الدكتور أحمد رفعت مشي ؟ :(

وربي زعلت كتير عليه من جد دا الدكتور ما في زيو

اعطانا كورس الترمونولوجي الترم الأول في التحضيري وبصراحه مرره مرره طيب وخطير وربي

الله يسهلها ومشكورين مره تانيه

darkangel
12-09-2010, 11:35 AM
ياويييييييييييييييييييييييييييييييييييييييييييلي مرررررررررره خفت من الطب انا أحب الطب وطموحي من زمان بس مرره خايفه انا من الناس الخواااااافه ونص اختبارات ثالثه ثانوي في المستشفى والسنه التحضيريه حدث ولا حرج فكيف بالطب وكمان بنت ورايا مستقبببببل والله مليون فكره توديني و تجيبني يااااربي شكثر اعاااني فعندي سؤال غبي شوي معليش دحين لما أدخل طب حكون 24 ساعه مسنتره على الكتب انا احس الحياه رح تكون متعبه كذا ارجوووكم طمنوني؟؟؟:icon1366::icon1366::icon1366::icon1366:: icon1366::icon1366::icon1366::icon1366::icon1366:: icon1366::icon1366::icon1366::icon1366::icon1366:: icon1366::icon1366:

Eve
13-09-2010, 12:22 AM
السلام عليكم
Dark angel:
أبداً مافي شيء يستاهل تعملي بنفسك كذه
اللي الله كاتبة حيحصل وان شا الله ربي يكتب لك اللي فيه الخيير ^^
ومافي شيء يخوف
ولا تتأثري بكلام الناس المحبط عن هذا القسم ترى كلامهم مايودي ولا يجيب حيتعب نفسيتك من اولها على الفاضي بس :tears:
أسالي مجرب ^^
مذاكرة 24 ساعة :wacko:
لا طبعاً عيشي حياتك:shiny: بس مو مررة :nosweat:يعني باتزان لاتهملي زيادة عن اللزوم ولا تضغطي نفسك في وقت انت منتي حاجة انك تضغطي نفسك فيه !!!
:shutup: لا تكوني over stressed :busted_red:ولا تتحمسي زيادة عن اللزوم من اولها ترى الضغط مايجي غير في أيام الاختبارات :closed:
بالنسبة لاوقات الفرااغ
الاغلبية مننا عندهم الاربعاء اجازة واكيد جزء من الويك اند كمان :)
:icon26:أتمنى اكون طمنتك لو شوية بس خاصة اننا في ايام عييييييييييييد:icon26:
تحياتي لك عزيزتي
Eve*(^_^)*

darkangel
13-09-2010, 01:01 PM
شكرا اختي EVe ما أقول الا الله يقددددم اللي فيه الخييير لكن عندي سؤال طفشتكم احنا رح نبدأ مع المدارس يوم 16 ولا بعدهم بأسبوع

DOCTOR2016
13-09-2010, 01:18 PM
لا إن شاء الله راح نبدأ يوم السبت 16/10

Dr.Sad Angel
14-09-2010, 11:58 PM
السلام عليكم ورحمة الله وبركاته
وبعد..
فهذا الموضوع للدفعات السابقة لنا والدفعات اللاحقة نكتب فيه خلفية شاملة قدر المستطاع عن السنة التي مررنا بها..مصادر المذاكرة..كيفية مذاكرة المادة..نظام الأسئلة..الدكاترة...المصادر المرغوبة...روابط الملفات والكتب والمحاضرات...روابط مهمة..أفكار ...مع ذكر الدفعة أي دفعة أي عام بالهجري؟؟
فهذا الموضوع هو موضوع مخصص للجميع..
فنحن دفعة1429 فاليوم ولله الحمد انهينا السنة الأولى أو الثانية بالنظام القديم من هذا المشوار العظيم..
قبل عام من الآن كنا نضع الكثير من الاستفسارات لطلاب وطالبات سنة ثانية أو ثالث بالنظام القديم ..
ولذلك قررت جمع كل هذه المواضيع التي تتكرر كل عام لنفس الغرض((ألا وهو سؤال من قبلنا عن دراستهم)) في موضوع واحد مثبت لا يتيه القارئ في غياهبه ولا يبحث في المنتدى جله عن ما يطيب خاطره من هذه الأسئلة المتكررة..وهذا بالنسبة لجميع السنوات الدراسية في الكلية وليس لأولى أو ثانية فقط..
وها أنا وبعد مرور عام..تعلمت خلالها كل شيء عن أول سنة في الطب..وددت أن أفيد غيري بما تعلمته وليس شيئا بسيطا..فكل ما تعلمته كلفني ثمنا غاليا جدا..
وليكن هذا مثال عن ما أقصده بالخلفية الشاملة عن السنة التي تمت دراستها ...

أولى طب (ثانية بالنظام القديم) دفعة عام 1429هـ:

المواد: بيوكمستري, اناتومي , فيسيولوجي, هيستولوجي ,امبريولوجي
البيو: كيمياء حيوية وهو جميل وسهل ....وستتناولون: Protein Structure and Function, Intermediary ****bolism
, Lipid ****bolism, Nitrogen ****bolism
, Integration of ****bolism
& Storage and Expression of Genetic Information


المصدر: lippincott's biochemistry +powerpoint lectures from the doctors
كتاب لبنكوت جدا رااااااائع يحاول يعطيك الملخص المفيد في البيو ويبسط المعلومة قد ما يقدر وأحلى شي فيه ملخصات آخر كل شابتر والصور(وهي أهم شي)..

طريقة الأسئلة: غالبا الأسئلة تسأل عن مكان حدوث عملية من العمليات مثلا مكان تصنيع الجلوكوز مكان تصنيع الدهون؟ وأيضا تسأل عن regulation and key enzyme ما رح تسأل عن كل خطوة في العملية لكن ضروري تكون عارفها وفاهمها بترتيبها أيضا تسأل عن كمية الطاقة المستهلكة والناتجة في شباتر معينة تاخدوها في البداية فيها تعاريف الطاقة المستهلكة والناتجة وكده يسألو عنها غالبا الأسئلة تدور حول الأساسيات أيضا مهم جدا تعرف كل مرض وما هو التفاعل بشكل عام اللي يخصه ولا ما يتعلق بيه وحاول إذا كان في اكتر من مرض في موضوع معين اعرف النقاط المشتركة فيهم والنقطة المميزة لكل مرض..مثلا كل الأمراض اللي تتعلق بالكبد وراثية على سبيل المثال يعني عدا واحد مرض....معرفة المواد المساعدة اللي تدخل في التفاعل ....مثلا قم بتجميع جميع التفاعلات التي يدخل فيها فيتامين بي12, ملخص الشباترهو المهم والأساس اللي لازم تكون تعرفه, ,بالإضافة لأهمية ووظيفة كل ما يذكر كأن تذكر أن الكربوهيدرات هي أعظم مصدر للطاقة مثلا وهكذا, أيضا الأدوية مهمة ..فوائدها أماكن عملها والإنزيم اللي تشتغل عليه, وأيضا عليك بحفظ كل المواد intermediate التي تدخل عملية صنع مادة مثلا الجلوكوز فقد يأتيك سؤال كل ماهنا يدخل في عملية التصنيع هذه عدا...؟؟وتختار..
الأنزيمات التي بتوقفها يحدث مرض معين ..مهمة مع التفاعل الكامل تبعها..

طريقة المذاكرة: مثلما لاحظتم طريقة المذاكرة تعتمد بشكل كبير على طريقة الأسئلة فلو لم تعرف طريقة الأسئلة ستذاكر جيدا لكن قد لا تجاوب بنفس الجودة...
عموما لكل شخص طريقته في المذاكرة..لكن أكثر الطرق التي بين أيديكم عي طرق استخلصتها من مواقع أجنبية في طرق مذاكرة كل مادة هنا بالإضافة لدكاترة علموني بعض الطرق الأخرى وخبرتي وتجربتي في هذه المرحلة..
هذه المادة عليك بفهمها ثم حفظها وليس احدهما فقط ..مثلا دائما عندما نستخدم مصدر كبير للطاقة نستخدمها عادة لجعل التفاعل قويا لا يقبل الرجوع وعادة نستخدمها في بداية أي عملية لتثبيتها وغالبا يكون الإنزيم الأول هو الإنزيم الذي نستطيع من خلاله تنظيم العملية كلها من إيقاف أو تقليل أو تزويد في إنتاج المادة..key Enzyme
التلخيص..التلخيص قد لا يفيدك في بداية السنة أو حتى في الاختبارات الدورية البسيطة لكنه مهم جدا ويسعدك كثيرا في الاختبارات النهائية حيث ضيق الوقت والكمية الكبيرة التي كنت قد ذاكرت أغلبها جيدا في الاختبارات الدورية التي ستخوضها مع كمية بسيطة لم تختبر فيها قبلا ولكن يفترض أن تكون ذاكرتها أيضا...
لذلك انصح بالتلخيص خصوصا إذا كنت من النوع الذي لا يذاكر أول بأول فعلى الأقل اقرأ ولخص المادة وأجمل ما في هذه المادة أنها ملخصه عموما في آخر كل شابتر كما قلت ولا تحتاج إلا إلى لمسات بسيطة منك
لا تكن خائفا من هذه المادة خصوصا أنها سهلة إذا فهمتها وأحببتها كما هو الحال مع كل المواد تقريبا لكن كانت المشكلة دوما في الكمية وضيق الوقت...
ومثل أي مادة تكون المذاكرة العادية الأسبوعية أو اليومية عبارة عن فهم وحفظ ومحاولة للتثبيت لكن يوم الاختبار يفضل دائما أن تقوم بالحفظ لأن أو بالأحرى تأكيد الحفظ وفي الاختبار بمجرد حفظك ستقوم بحل الأسئلة بسرعة تاركا وقتا أطول لبعض الأسئلة التي تحتاج الوقت منك فنادرا أو قليلة هي الأسئلة التي تعتمد على تفكيرك وفهمك دون حفظك في هذه المادة وتكاد تكون معدومة...وهذا لا يعني عدم الفهم لأنه مهم وأساسي لنجاحك فيها..
من أول السنة تقوم بعمل جدول تسجل فيه كل عملية ومكان تصنيعها أو حدوثها حتى لا تختلط عليك الأمور بالإضافة للkey Enzyme وان لم تجده في المحاضرات ستجده في الكتاب فكن حريص على ذلك...
بالنسبة لل( نيوكليوتيدات) ضروري مذاكرته أول بأول وفهمه جيدا جدا لأن اهم ما فيه هو الفهم وقبل المذاكرة عليك أن تحدد أن غرضك هو الفهم ...
وهذا رابط لتحميل ملخصات البيو التي أخذتها من كتاب لبن كوت وغيره لمن يحب المراجعة السريعة فقد قمت العام الماضي بأخذها من الكتاب ومن النت وارسالها للدفعة وتمت الاستفادة ولله الحمد منها وارجوا ان تستفيدو منها انتم ايضا فيمكنكم طباعتها ومراجعتها قبل الاختبار ولا تنسوني من صالح الدعاء
الرابط : https://acrobat.com/#d=Hi9QWeiAiPxX-Z5qbi2sTg
وايضا :
ملخص بيو ابرار (http://www.4shared.com/file/dVDdMgdK/___online.html)
الدكاترة :
جميعهن رائعات وممتازات وكلهم إن شاء الله تفهمي منهم قمة في الأخلاق والتعامل والشرح الرائع...
د. أميمة و د. رندا و د. شيرين و د.سهى..
افهموا منهم جيدا بالانتباه في المحاضرة وتسجيل الملاحظات وأحيانا الكتابة للمحاضرة ومراجعتها في المنزل والمشاركة مع الدكتورة وعدم التردد في طرح الأسئلة أو طلب إعادة ما استغلق عليك فهمه..
العملي:المصدر: من عروض الدكتورة وأوراق التجارب وهي الغالب التي يأتي منها الامتحان بالإضافة للتنبيهات التي تركز عليها الدكتورة ومحاضرات الدكتور ...
طريقة الاختبار: الاختبار ينقسم إلى قسمين نظري وعملي وغالبا يكون التركيز في النظري على الprinciple of the method والdiagnostic characteristic (عملي ونظري) والnormal values for Adults وهذا هو المطلوب منكم من أوراق التجارب بالإضافة لطريقة التجربة والتي عموما تأتيكم في الاختبار وما عليكم إلا تنفيذها..
بالنسبة للنظري: ممكن تأتيك عدة أمراض والمطلوب معرفة متى ترتفع هذه المادة أو تنخفض في أي من هذه الحالات؟؟ وقد تشترك اكتر من مادة في اكتر من مرض, القيمة الطبيعية لمادة معينة بالرغم من أنهم لا يركزون على الأرقام كثيرا , مرض معين يرتفع فيه أكثر من مادة لكن واحدة تغلب الجميع أو واحدة تفوق أخرى في الارتفاع في هذا المرض بالتحديد , سؤال في الprinciple مثلا يعطيك المواد المتفاعلة ويطلب منك الناتج ..توقع أي سؤال هنا..ولكن قد لا يأتي فيه أسئلة إلا سؤالين ربما أو ما شابه .. قد يأتي سؤال في طريقة التفاعل نفسها قد يسألك عن دور إنزيم ما مثلا ويكون دوره بسيط وأحيانا يستنتج من اسمه كنقل مجموعة معينة من مادة إلى أخرى ولكن كما قلت الأسئلة فيه قليلة...ليس بقدر الأمراض...وأيضا ركزوا على الوحدات..
بالنسبة للعملي: بالنسبة للطالبات ..الدخول للاختبار يكون بالأرقام الجامعية ..أمامك ورقة تكتبين عليها اسمك ورقمك ..مطلوب منك النتيجة والتعليق عليها..إذا مرتفعة أو منخفضة وتكتبي الاسباب المحتملة يعني الأمراض مثلا التي أدت إلى ذلك أما إذا طبيعية فتكتبي طبيعية ...عموما هم يتركوا لكي مجال في النتيجة فقد تختلف نتيجتك عن نتيجة صديقتك لكن هناك حد للاختلاف ستخبركم بتفاصيله الدكتورة قبل الاختبار...
طريقة المذاكرة: التلخيص أولا وأخيرا والحفظ والفهم والربط...اصنعوا جدول به جميع القيم الطبيعية وجدول آخر به كل الأمراض التي تمر بكم لكل مادة بحيث تعرفون ماهي المواد المشتركة في مرض معين وضعوا علامة مميزة بجانب من يرتفع أكثر وسيسهل عليكم معرفة المواد التي تتميز في تشخيص أمراض معينة محددة عليكم بالتركيز مع الدكاترة ومعرفة ماهي القيم والوحدات التي اعتمدوها في شرحهم فقد تجدون في أوراق التجارب وحدتين أو اكتر وتختلف القيم باختلافها فلكي حتى لا تحتاروا أيام الاختبار.. فابق متيقظا دوما وشارك في المحاضرة واسأل فالسؤال من الأساليب التي تساعدك على البقاء متيقظا ومنتبها أثناء الشرح كما تعمق اهتمامك بالمادة...

الدكاترة: لقسم الطالبات هما :
د. منال ود. أماني رائعات جدا وكما ذكرنا سابقا بالنسبة للانتباه والمشاركة وما إلى ذلك مع كل الدكاترة..


..الاناتومي :$ وهي التشريح اخذتوا مقدمة جدا بسيطة عنها في التحضيري..وهنا ستتناولون تشريح اليد والصدر والبطن والحوض والرجل
المصدر: مذكرات من الدكاترة : د. شريف ود. ياسر ود.مصطفى عبد المنعم..ونادرا snell's textbookمصادر ينصح بها : mcminn's atlas anatomy , gray's atlas Anatomy + Grant's atlas anatomyطبعا جراي وجرانت صور (رسم) يعني ممكن للي ما حب يكتفي بالعرض لكنهم كلاهما جيد مع ملاحظة انه جراي له أكثر من نسخة وكلهم سواء جراي أو جرانت يعطوا المطلوب فخد واحد منهم يكفي أحيانا صور من دا حلوة وأحيانا أفضل في الأخر وكله في نهاية يرجع لك..
بالنسبة لأول واحد مكممين هو تبع العملي وبرضو تقدر تستغنى عنه بانك تراجع بكثرة في المشرحة على الجثث فكتير من البنات ما اشتروه واكتفوا بالمشرحة ودا فيما يخص سنة اولى أو تانية بالنظام القديم ما احتجنا فيه دا الأطلس كتير يكفي يكون عندك bone سواء تشتريه من مكان كهيكل أو تستعير من الجامعة الجزء اللي تحتاجه وتذاكر عليه قبل الاختبار العملي...

طريقة الأسئلة:
تعتمد على حفظك وفهمك معا اهم شي تعرف كل شي ايش يغذيه من اسماء الأوردة والشرايين وتعرف كل وريد وشريان ايش يغذو؟ وتعرف كل مجموعة لمف نود رح يوصلها من فين أي مرض أو التهاب من أي منطقة في الجسم هي تقوم بترشيحها؟ ضروري تكون عارف العلاقة بين الأعضاء يعني مين يجي قدام مين ومي ورى مين وكدا ضروري تكون عارفة الكلينيكال نوت وهي اهم حاجة كلها مهمة ضروري تعرف كل عصب يغذي مين ومين ومين من العضلات وتعرف لو صار كسر في مكان محدد دايما يكون العصب الفلاني هو المصاب وبالتالي العضلات اللي يغذيها رح تصاب بشلل وايش الحالة اسمها ودا عموما اللي يسألوا عنه الشي اللي ما يسألوا عنه ونادرا جدا جدا جدا لو سألو عنه هو الاورجن والانسرشن حق العضلة لكن ضروري تكون عارفه عشان تفهم الحركة وتعرف تربط العلاقة بينها وبين أي عصب مثلا عدا من جنبها أو فوقها أو كذا..ضروري تعرف الanastmosis حول أي مفصل أو أي مكان ..

طريقة المذاكرة:
التركيز في المحاضرة أولا...
المذاكرة اليومية أو الأسبوعية بحد أقصى لأنها مادة تحتاج للمراجعة المستمرة أكثر من مرة ومطالعة الصور بين الحين والآخر..
نبدأ بالترتيب:
Upper Limb : اهم ما فيه الأعصاب في النهائي واللمف نود والأعصاب في الكويز كيف نزاكرها؟؟
تعرف اماكن العضلات وأشكالها وهي كيف ماسكة في العظم؟؟ وعلى أساسها رح تعرف من فين وكيف ماشية الاعصاب ..لا تضيع وقتك في العضلات أمشي عليها سريع سهل تعرف الحركة وفين ماسكة ألصق صور لليد بالعضلات ضعها أمامك في الغرفة أو المكتب وتامل يسهل عليك كثيرا الانتباه للشرح في المحاضرة احضر ورقة وسجل فيها وانت بتذاكر كل عصب .سجل فيها كل عصب متى يتضرر عند كسر عنق العظمة مثلا أو وسطها ؟؟وهكذا جمهم جميعا في ورقة واحدة..طيب ثم قم بتجميع كل عصب واسم اصابته و المميز فيها ..
مثل Ape's hand و العصب المتسبب بها أو مثلا هل تضرر عصب الradial يسببhand drop أو لا ؟ وهكذا كل عصب والمتلازمة المميزة له ..,قم بتجميع جميع العضلات التي يغذيها كل عصب بكونها مثلا جميع العضلات التي تعمل على مفصل معين غالبا لها نفس العصب عدا عضلة واحدة أحيانا وهكذا ,ركز في العملي واطلب الدخول مع زملائك في المشرحة واستكشف كل عصب واسمه على أي يد جميلة هناك وواضحة تتبع مساره وأسماء العضلات وستجد المذاكرة جدا جدا سهلة بعدما عرفت العملي,.بالنسبة لل لمف نود يمكنكم رسمها اذكر ان الدكتورة رسمت لنا دائرة وقسمتها أرباع كل ربع أو اثنين يجمعوا من مكان من الجسم عليك حفظها هكذا جيدا ..أن تعرف كل شريان ماهي فروعه؟ومع من تتصل؟؟ اعملها تفرع شجري قد يسهل ذلك حفظها أو قم بتجميعها ال ulnar لديه upper & lower دا يعمل كذا ودا كذا ومثله ال radial ....
thorax
: جميل وسهل لكن عليك التركيز فيه مهم الاستعانة هنا بعروض الدكتور وائل جدا مفيدة أهم ما فيه العلاقات= relations والقلب والرئة والsurface anatomy تقريبا كله عملي وصور القلب ذاكره في العملي وستجد كلام النظري مكرر وسهل جدا والرئة أيضا بالنسبة للسرفس اناتومي استعن بصورة من النت للهيكل العظمي ثم ارسم عليها كل سرفس اناتومي لكل شي تأخذه بلون معين وفي آخر السنة ستجد أن جميع السرفس اناتومي في هذه المادة مرسوم في ورقة واحدة تستطيع استذكارها بسهولة خصوصا وان كل واحدة ملونه بلون مميز لها وانك بيديك من رسمها , واخيرا يتبقى كم شيء صغير كالشريانات في الرئة استعن بجدول للرئة اكتب كل شريان رؤوي أو شعيبي في كل رئة وكل وريد الرئة ومكان صبه و الclinical notes ذكرتها أو لم أذكرها في أي قسم هي جدا جدا جدا مهمة,الرسم جدا مفيد يمكنك رسم رسمه توضيحية لنفسك ولصقها في المذكرة أمام الكلام الكتير فأحيانا النظر لرسمتك سيوفر عليك الكثير (للشريانات والأوردة خصوصا) بالطبع أنصح كثيرا بالتلوين للصور التي في المذكرة نفسها ,وجميل أيضا الرسم الشجري للشريانات والأوردة التي تغذي القلب ستختصر لك صفحات من الكلام انما الأجمل منها العملي طبعا...
ملاحظة صغيرة: من الضروري ان تعرف كيفية عمل القلب والدورة الدموية تستطيع مراجعة فلم قصير أو ماشابه من اليويتوب لتذكيرك بالعملية حتى تستطيع استيعاب الاناتومي تبعه..

Abdomen: رائع مليء بالصور والتلوين لمحبي التلوين ولكن ليس للرسم_بنظري_ فأجد ان تلوين الرسمات في المذكرة ومشاهدة الصور من أي مكان افضل من الرسم خصوصا انه يصعب كثيرا وضع أشياء متعددة خلف شيء واحد أحيانا إلا لمحترفي الرسم أو محبيه ويأخذ وقت ..الأسهل حفظ الصور وربطها بالكلام وبالنسبة للشريانات والأوردة كما تعودنا نضعها في رسم شجري مع تفرعاتهم وما يقومو بتغذيته..
وهنا أيضا عروض الدكتور وائل مفيدة وأنصح بها, جميع ما صعب عليك ضعه في ورقة خارجية حتى تستطيع التركيز عليه ومراجعته باستمرار وكما قلت العملي جدا جدا مهم ومفيد اعطه حقه واكثر وستجد النظري جدا رائع لدرجة أن هناك أسئلة في النظري تجيب عليها من مجرد معرفتك للعملي بسهولة ستجد بعض الأشياء كالjejunum & ileum عكس بعض اجعل في عقلك فكرة لأحدهما وعكسها للآخر وذلك ينطبق على الكليتين أيضا والغدتين فوق كلوية...
.في العملي احرص على الانتباه مع الدكتور حتى لو جا في بالك انه ما مستحيل يجي شي مو واضح مثل اللي بيشرحه في اختبار العملي شوفه واعرفه للنظري لأنه يجي هناك..pelvic +lower limb
كما في ما سبق الأعصاب والأوردة والشرايين ومساراتها وبالنسبة للpelvice فالperneal membrane وما شابهه من deep & superficial مهم وأيضا العضلات فيه مهمة تعرفها من العملي بالإضافة لمذاكرة معلومات عن المثانة وuterus membranes and ligament ومن الذي يقوم بتثبيت الرحم في مكانه وأيضا الspermatic cord ومحتوياته مهمة وأي كلينيكال نوت مهمة ومن بدء مذاكرة الlower limb احضروا ورقة وسجلو فيها أهم عضلة نستطيع من خلالها صعود الدرج أو الوقوف من وضع الجلوس أو التي تسمح بالثبات أثناء أو الوقوف وما إلى ذلك أهم عضلة في كل حركة والعضلات التي تشترك في حركة معينة وهكذا..

الدكاترة : د. شيماء ,د. ماجدة ,د. مها..
الفيسولوجي: مادة رائعة جدا..شخصيا أحبها كثيرا...وستتناولون فيها المواضيع "الجهاز العصبي"و"الدم"و"القلب وتخططيطه ECG والجهاز الدوري الدموي" و"الجهاز التنفسي"و "الغدد والهرمونات"وأخيرا "الأجهزة التناسلية وهرموناتها"
المصدر: كتب الدكتور أحمد العجمي ومذكرات الدكاترة ...
طريقة الأسئلة : بالنسبة للنظري لا يتم التركيز كثيرا على الأرقام ولكن هذا لا يعني أنها لا تاتي في الاختبار...أي فروقات بين أي شيئين مهمة وظيفة كل شيء مهمة مثلا في الدم Blood وظيفة كل مكون من بروتينات البلازما مهمة أي مرض مهم قد تأتي عدة خيارات بعد حالة مرضية من بينها يكون الجواب الصحيح أوا أنها أعراض يفترض وجودها مع الحالة أو أنها جميعها صحيحة عدا واحدة قد تاتي عدة حالات cases تصاحبها اختيارات كالعادة قليل منها يحتاج تفكير وفهم وغالبا المادة عند فهمها يصبح حفظا سهلا جدا بالنسبة للجهاز العصبي فهو سهل جدا وأسئلته عامة وأحيانا تأتي في دقائق الأمور كما المادة التي تعمل على القلب ادرينالين أم نور ادرينالين بيتا ام ألفا وتأثيرهم على التنفس وهم اهم مافي الأدوية ولا يتم التركيز على بقية الأدوية كثيرا لكن ستسالون فيها بالنسبة لجزء التشريح والذي يؤخذ في هذه المادة غالبا فلن يتم السؤال عنه انما هو فقط لفهم وظيفته وهو ما تختص به المادة بالنسبة للعملي فغالبا الأسئلة من الجزء النظري وهي سهلة بقدر مذاكرتك وبالنسبة للأوسبي قد تشاهدون عرضا لفيلم قصير أو أنيميشن انتبهوا جيد لذلك .
طريقة المذاكرة :
جداول وتلخيصات للمادة وهذا هو كل ما تحتاجه منك هذه المادة وهي سهلة جدا وجميلة ^_^
بالنسبة للعملي والأوسبي التدرب على المطلوب عمله ومذاكرة المطلوب منك في ومراجعة الجزء النظري المتعلق بالعملي لأنك قد تسأل فيه وهي مادة عموما محببة وسهلة وجميلة..
وهذا تلخيص عملته عن الECG طبق الاصل من المذكرة يمكنكم الحصول عليه من الرابط :
https://acrobat.com/#d=oePIi2YvPyfZAi5beEh0qA
او

http://dc198.4shared.com/img/383547311/5ba52db9/0.6793932776647366/ECG_Abrar.pdf (http://www.4shared.com/document/OrALdLBl/ECG_Abrar.html)
الدكاترة : د. هالة, د. وفاء, د. أمل.

الهيستولوجي: مادة جميلة ممتعة..تتناولون فيها " C.T"&Blood & lymphatic system & respiratory system &nervous system & skin &bone & cartilages &muscles & endocrine +glands &male and female genital system& urinary & gastrointestinal systems"

المصدر: مذكرات الدكتور خالد المسلمي والدكتور مصطفى عبدالمنعم والدكتورمصطفى الصاوي..
طريقة الأسئلة:في النظري الطبقات وما تحتويه من أنواع الخلايا ومميزات الخلايا فيها ووظيفتها ومحتواها ونادرا تسال عن صبغتها الصور مهمة جدا سواء بالمجهر الالكتروني أو الضوئي وعليك ان تعرف كيفية التفريق بين كل خلية أو نسيج وآخر سواء في الاختبار النظري أو العملي وأيضا مظهر الخلايا فيهم وليس لونها فحسب فبعضها يختلف شكلها الحقيقي حين صبغها وهي ميزة تعرفها بها عموما كثير من الأشياء في هذه المادة توقع أن تسال فيها أما العملي فشرائح تحت المجهر عليك التعرف عليها وربما يتغير النظام في سنتكم.

طريقة المذاكرة: تعتمد كثيرا على مذاكرتك لما أخذته في التحضيري _وهذه وجهة نظري الشخصية_ فعندما ترى احدى الخلايا النشطة فغالبا يكون لديها تصنيعا جيدا للبروتين وهذا يعني أنها ستحتوي على جميع العضيات التي تقوم بهذه العملية غالبا مثل RER ++mitochondria +Golgi apparatus وما إلى ذلك من حويصلات وما شابه وبالطبع ستعرف تلقائيا بعدها لون الصبغة ...وهكذا بالنسبة للخلايا وما تحتويه ومدى نشاطها ...
بالنسبة للاجهزة والأنسجة فتعرف كل نسيج ووظيفته وتربطه بها وبهذا يسهل عليك حفظ أماكنها فمثلا الحرشفي squeamus الطلائي وظيفته عادة مقاومة الاحتكاك والتجدد ويجد عادة في الاماكن التي لا تحتاج إلى امتصاص أو افراز ومعرضة للاحتكاك المستمر وهكذا فكما ترى كل ذلك يعتمد على ما أخذته في السنة التحضيرية ...
كما يمكنك أحيانا صنع الجداول والملخصات مثلا لطبقات البشرة من حيث وظيفة الطبقة ونوع الخلايا ووجود الأنوية من عدمها ونشاط الخلية من عدمه وهكذا...
الدكاترة: د. هالة علوي ود.هالة سليمان.

الامبريو: مادة كتكوتة..حتاخدوا فيها تطور الجنين من النطفة والبويضة إلى الولادة في جميع الاجهزة واجزاء الجسم عدا ما يختص بالرأس والدماغ والاعصاب بالاضافة لتناولكم جميع الامراض التي قد يتعرض لها الجنين في كل مرحلة وجهاز تتناولونه

المصدر: كتاب لانغ مان للصور الطبعة الاحدى عشر ويكفيكم نسخ الصور منه والحصول على نسخة الكترونية من الكتاب +مذكرات الدكتور شريف والدكتور ياسر ...
طريقة الأسئلة: في التواريخ والأحداث عموما وأسماء الأمراض والاعاقات والتشوهات anomalies وأعراضها وشكلها وأسبابها المشتركة والمميزة لكل واحدة مصدر كل عضو أو نسيج من أي طبقة؟؟ والأنسجة أو الاجزاء التي تدخل في تركيب عضو واحدا مثل الكبد أو الحجاب الحاجز..هذا بشكل عام أهم ما يأتي وان كانت هناك دروس أو عناوين مميزة مختلفة فهي مهمة أيضا مثل الدورة الدموية الجنين .بالنسبة للأوسبي تأتي صور ويشار بسهم إلى شيء منها لتذكر الاسم أو صورة لإعاقة وتذكرها كتابة بالطبع الصور ليست مطابقة لما في الكتاب ولكن تشبهه وهناك اوسبي وهي صور تشبه كثيرا الصور في لانغ مان وعليك التعرف على ما يشير اليه السهم فيه ..
طريقة المذاكرة: جدول بمواعيد الأحداث منذ بداية الدراسة تقوم بصنعه تضع في خانة الحدث وخانة التاريخ وجدول آخر للتشوهات والاعاقات تكتب الاعاقة في خانة ووصف مختصر لها في خانة ورسمة بيدك للتوضيح في خانة أخرى ..مصادر الأعضاء مثلا تكتب الحجاب الحاجز (العضو) مصادره؟ مذا وكذا وكذا أو مثلا اكتوديرم أو اندوديرم..
الرسمات والصور مهمة بشكل عام ومنها تفهم الدروس وتأتي أيضا في الاختبار..
الدكاترة : د. ماجدة ود. شيماء.

روابط مهمة تفيدك:
http://www.medicalmnemonics.com/
http://www.instantanatomy.net/anatomy.html
http://www.indiana.edu/~anat550/embryo_main/
http://www.youtube.com/watch?v=teV62zrm2P0
الرابط : https://acrobat.com/#d=Hi9QWeiAiPxX-Z5qbi2sTg
وايضا :
ملخص بيو ابرار (http://www.4shared.com/file/dVDdMgdK/___online.html)
تلخيص عملته عن الECG طبق الاصل من المذكرة يمكنكم الحصول عليه من الرابط :
https://acrobat.com/#d=oePIi2YvPyfZAi5beEh0qA
http://www.youtube.com/watch?v=3QWA-tFdGN8
http://www.4shared.com/file/0AlzRdv2/langmans_ebyological_animation.html
http://www.indiana.edu/~anat550/embryo_main/
http://www.medicalmnemonics.com/cgi-bin/browse.cfm?sortmethod=8

روابط للإطلاع والفائدة :
http://www.wiley.com/college/boyer/0470003790/animations/animations.htm
http://wikieducator.org/Reproductive_System_Worksheet_Answers
http://www.warriorpages.com/anatomyqigong/anatomy/
http://anatomy.med.umich.edu/courseinfo/labs_systemic.html
http://nobelprize.org/educational/medicine/landsteiner/landsteiner.html
http://www.histology-world.com/


[COLOR="Lime"]رابط الخطة الدراسية الجديدة لطلاب وطالبات الطب:
http://www.taibahu.edu.sa/cms/pages.aspx?pid=3209

>>>ملاحظة : هذه المعلومات مهمة ومفيدة جدا تستطيع وضع هذه الصفحة في المفضلة او نسخ الكلام للرجوع اليه لاحقا عند الحاجة<<<

تحيــــــــــــــــDr.SaD AngeLـــــــــــــــاتــــــي
دعــــــــــــــواتكــــــــــــم هـي رجـــــــyour SiS Abrar Nasser Mـــائــــــــي
وأسأل الله ان يجعل أعمالي خالصة لوجهه الكريم ويعطي كلا على قدر نيته ^_^

Dew Drop
18-09-2010, 08:55 PM
السلام عليكم ورحمة الله وبركاته

أسعد الله صباحكم \ مسائكم بالمسرات

وكل عام وأنت بألف خير

بدعوة من الاخ العزيز المشرف على منتدى كلية الطب أتشرف بأن أقدم لكم موجزاً عن السنة الخامسة بالنظام الجديد او السادسة بالنظام القديم

وأعتذر منكم على هذا الحضور المتأخر
ندخل في المفيد يا غاليين

تتلخص السنة بدراسة ثلاثة مواد رئيسية وهي الجراحة والنساء والولادة والباطنة

وثلاثة مواد ثانوية يتم دراستها على مدار الفصل الدراسي وهي مادة الأشعة ومادة المختبرات الطبية ومادة التغذية السريرية

على أن يتم التناوب فيها بين الطلاب والطالبات حيث بدأت دفعتنا الدفعة الخامسة الطلاب بمادة الجراحة ومن بعدها النساء والولادة وأخيرا مادة الباطنة أما ألطالبات فقد بدأوا بمادة الباطنة ومن ثم الجراحة وأخيراً النساء والولادة

أما بالنسبة للمواد الصغيرة فقد أخذنا في الفصل الأول المختبرات الطبية وفي الفصل الثاني التغذية والأشعة(لسة مالها منهج محدد وكانت اول سنة تطبق علينا)

نبدأ بمادة الجراحة:

يتخوف الكثيرون من مادة الجراحة لكثرة ما نسمعه من الدفعات السابقة ولصعوبة الأسئلة التي يتم وضعها أحياناً مع دخول التخصصات الدقيقة(المسالك البولية, المخ والأعصاب , الأطفال) ضمن متطلبات المادة في هذه السنة

المراجع الأساسية(( برأيي الشخصي أن القراءة من كتاب القصر العيني + surgical recall) اضافة للمحاضرات ومراجعة اسئلة الاعوام الماضية سيكون كافياً للغاية للنظري والعملي وفي كتاب للعملي مرة حلو للدكتور القحطاني

وهناك بعض المواضيع زي ال trauma يحتاج انو تقروها من كتاب كرنت
وأي شي تحتاجوه بخصوص محاضرات الاعوام الماضية او الاسئلة فهي موجودة لدي ويسرني تسليمها كاملة لقائد الدفعة او اي شخص يتم اختياره بحيث تصل للجميع

نظام الدراسة والاختباراات
المادة يتم تدريسها على مدار 12 اسبوع طبعاً كلينيكال الصباح وبعض الظهر المحاضرات

بالنسة للاختبارات فالميد بيكون فيه نظري واوسكي

والفاينل بيكون 4 ايام يوم نظري ويوم شورت كيس ويوم لونج كيس ويوم اوسكي

بالنسبة لتوزيع الدرجات حسب ما اتذكر فكان 30 على الميد و70 على الفاينل

وما أبغى اخوفكم بس في الدفعة عندنا كانت الجراحة من اصعب المواد يعني كان الرسوب فيه كبير جداً


- أعضاء هيئة التدريس (الدكاترة)

القسم برئاسة سعادة الدكتور حمدي المرامحي وبوجود نخبة من الاطباء السعوديين منهم الدكتور وليد مرشد والدكتور خالد مرشد والدكتور باسم شيخ وعدد من الاطباء المصريين الدكتور ولاء وكمال وسليمان وبهاء وشريف والدكتور سلمان

طبعاً الدكتور ولاء في أثناء مرض الدكتور سلمان كان هوه اللي وضع اسئلة النظري وبصراحة كانت الاسئلة في قمة الصعوبة

بالنسبة لجزء المسالك البولية فبتآخدوها في مستشفى أحد مع الدكتور عماد سلامة نظري وعملي وجزء الاطفال مع الدكتور حمدي في مستشفى النساء والولادة والاطفال وجزء المخ والاعصاب بيشرفوا عليه الدكتور باسم شيخ والدكتور وليد مرشد

وطبعا في الاختبار النظري والعملي بيجي من هدي التخصصات كتير فركزوا عليها


مادة النساء والولادة

يشرف على القسم البروفسور محمد لبن وبتواجد كل من البروفسور عصام والدكتور عمرو
وفي القسم النسائي توجد سعادة الدكتورة فوزية حبيب

القسم هذا عموماً رائع ومنظم والكورس جميل جداً ومن أروع الكورسات اللي مرت علينا في الكلية

الدوام مريح ومافي ضغط والمنهج واضح والمحاضرات يتم شرحها في غاية الروعة أهم شي تتابعوا اول بأول ماتغيبوا عشانما يتراكم عليكم شي لأن المادة مرتبطة ومتسلسلة

المراجع الأساسية
من وجهة نظري محاضرات الدكتور عمرو والدكتور عصام فالمحاضرات كافية جداً لكن الدكاترة ماراح يعطوكم محاضراتهم فإذا كان عندكم أحد في الدفعة يكتب كويس ومتابع سريييييع فخدوا دفاترهم وصوروها أو تآخدوا نسخة من اللي كتبناه او من الدفعة اللي قبلنا وهي موجود عندي وأي أحد يبغاها فأنا تحت أمره في اي وقت( ملاحظة اتذكر انو في الآخر المنهج ممكن يوصل لحدود 600 ورقة يعني لازم تذاكروا اول بأول ولاتتهاونوا)

بالنسبة للبروف لبن فمحاضراته لاتكفي تحتاجوا انو تقرأوا من أي مصدر آخر لانو بيجيب اسئلة من خارج المحاضرة وبالنسبة لي ولعدد كبير من الدفعة السابقة قرأنا من كتاب لدكتور مصري اسمه فاروق حسيب موجود عندي لو احد يحب يصوره

الاختبارات بيكون الميد نظري واوسكي والفاينل نظري واوسكي وعملي

وأهم حاجة في الكورس الالتزام لأنو عدم الالتزام في الدوام راح يضر الدفعة لانو الدكاترة حيزعلوا

وحاولوا تكتبوا اي حاجة يقولوها الدكاترة في العملي وفي المحاضرات

اكتبوا كل حاجة حتى لو قالولكم مو مهمة



مادة الباطنة

المادة يتم تدريسها على مدار 13 اسبوع ويتواجد في القسم من الرجال الدكتور حسين يماني والدكتور عبدالقادر علام والدكتور أمين وكان يتواجد أيضاً الدكتور مجدي(لكن للأسف استقال حسب علمي وترك الكلية) وبالنسبة للنساء الدكتورة ايمان الفضلي والدكتورة زكية بخاري والدكتورة انتصار والدكتورة ايناس اضافة للدكاترة المتعاونين من المستشفى

المشكلة التي واجهتنا مع القسم هو قلة عدد الدكاترة مما كان يؤدي الى حدوث الكثير من التغييرات على جدول العملي وجدول المحاضرات

وبالنسبة للمنهج فالمنهج في هذه السنة خصوصاً في الجانب النظري يتم المرور السريع على أهم المواضيع الشائعة اضافة للمواضيع الطارئة وفي نهاية الكورس بتآخدوا دورة لمدة اسبوعين عن ال BLS & ACLS

الدوام
الدوام متعب قليلا حيث أن الدوام يبدأ من الساعة 8 صباحاً ب Morninig meeting
وبعدها من 9-12 الكلينيكال سيشن وبعدها من 1 -3 محاضرات وفي دوام طوارئ من 6-10 مساء بيكون كل يوم لمجموعة من المجموعات واللي بتكون مسؤولة عن تقديم الحالات في المورنينج ميتينج

المراجع الأساسية
محاضرات الدكاترة اللي اخذتوها في رابعة خصوصاً محاضرات الدكتور مجدي مرة حلوة ومفيدة وأيضأ محاضرات الدكاترة الآخرين

وبعض الاخوان يحبوا يكون معاهم كتاب كومار الصغير او دافيدسون او اكسفورد على اساس يراجعوا منو وفي وجهة نظري انو اختيار احد هذه الكتب الصغيرة اضافة للمحاضرات ومذاكرة الاسئلة حتكون كافية وكفيلة انو تجيبوا درجات حلوة

بالتوفيق للجميع وان شاء الله تكون خاتمة خير عليكم وتتخرجوا على خير وتلحقونا

وسامحونا على التقصير

وإن أصبت فمن الله وإن أخطأت فمن نفسي والشيطان

تحياتي

alloosh90
21-09-2010, 11:30 PM
بسم الله والحمد لله
والصلاة على رسول الله

بداية الشكر الجزيل لعنان السماء لاضافتكم وتلبية الدعوة وتفاعلكم مع الموضوع من قبل إنشائه

ęνěŗêşť
Doctor2014
Dr.Smile
نعناع مديني
Dr.Sad Angel
Dew Drop

..جزاكم الله كل خير
ونشكر كل من تفاعل في الموضوع وننتظر مافي جعبكم للمستجدين
والدعوة للجميع وعلى مدى التفاعل على مدى الفائدة المكتسبة

:::::::::::::::::::::::::::::::::::::::

بعد ذلك نزف التهاني والتبريكات لزملائنا الجدد على قبولكم في الطب
مبارك لكم .. وعساها بداية مشوار مكلل بالنجاح
وحياكم الله واحنا موجودين لمساعدتكم

:::::::::::::::::::::::::::::::::::::::

--> بخصوص السنة الماضية فكانت سنة لأصحاب الأنفاس الطويلة و لكل مجتهد نصيب

أبدا مو صعبة وكذلك مش سهلة .. لكن هي السنة الدراسية اللي تنتظر منكم الاجتهاد مع تنظيم وقت وترتيب أولويات

من بداية السنة أول حاجة حددو لكم ليدر والليدر يحدد مساعدينه ... و من بعدها تبدؤو تدخلو في جو الدراسة والكلية وطول الدوام وتكملو طريقكم لباقي السنة

نظام الكوزات الجديد ( كل سبت كوز بمجموع 10 كوزات) كل مين يرتب نفسه عليه
من الناس اللي تقول ايام الاسبوع اول باول .. ونهاية الاسبوع للكوز
ومنهم من يكون تركيزه على الكوزات بأحسن مذاكرة وهكذا

وأعيد ماقلته بداية غايتنا التوضيح وبيان التجربة او النظام دون التوجيه
ولكل قناعته بما يناسبه من طريقة ومنهجية دراسية ..هي كفيله بتحقيق المراد له
والكل أجدر بمعرفتها بنفسه

فأنت من تصنع منهجيتك لنفسك والشي اللي يمشي معاك قد لا يتماشى مع غيرك وإن سمعت كلام من فلان آدمي أو أخوه

:::::::::::::::::::::::::::::::::::::::

ندخل على الخمس المواد الدراسية

Anatomy
يميز المادة أنها طويلة .. ولكنها ممتعة وسبحان من خلقنا وكغيرها تحتاج دراسة واجتهاد

في ناس حتصفر وتزرق مع أول لقاء مع الجثة ولكن حتتعود على الوضع و تبقى للميت حرمته وللأناتومي جماليته

ستتم دراسة تراكيب أجزاء الجسم
(upper limb -Thorax- Abdomen - Pelvis - Lower Limb)
و بما فيها من تراكيب:

الجهاز العظمي وعلى كل عظمة معرفة مافيها من معالم تضاريسية والمفاصل بينها وخصائص كل مفصل << أقرب تشبيه

الجهاز العضلي << لكل عضلة معرفة الاسم والمنشأ ( Origin) والاندغام (Insertion) + العصب( Nerve Supply) المغذي لها + الحركة الناتجة عن هذه العضلة (Action)


الجهاز الدوري << الأوعية الدموية(الأوردة,الشرايين) من أين بدأت وأين أنتهت تسمياتها وتفرعاتها مع بعضها البعض وتغذيتها للعضلات + علاقتها المكانية بمن حولها خلال مشوارها وهو ما يسمى بـ(relation) مثلا الشريان الفلاني يمر على العظمة الفلانية ما بين two tendons of two muscles من ذلك نستطيع التعرف عليه من السطح الخارجي للجسم نجس النبض


هناك ما يسمى بـ (anastomosis) هي عبارة عن شبكة من الأوعية الدموية ما بين وعائين دمويين أو أكثر تكمن أهميتها في توفيرها لـمجرى آخر للدم في حال اتقفل أحدهم أو انضغط عليه وبالتالي عدم نقص تغذية للنسيج المستفيد وغالبا ما توجد حول المفاصل.

الجهاز العصبي << أيضا لها تفرعاتها وتسمياتها ولكن هنا مع الأعصاب (Nerves) وماذا تغذي من عضلات أو الجلد ومنشئها من أي فقرة وفيها ما يسمى بـ(Plexus) وهي شبيهه لـ(anastomosis) الخاص بالاوعية الدموية

الجهاز اللمفاوي<< معرفة مواضع العقد اللمفاوية ومن أي أجزاء الجسم تستقبل ... أهمهم العقد اللمفاوية في الثدي وعلاقة الاكلينيكية الهامة

اخيرا .. كلينيكال أناتومي أو Applied Anatomy

يهتم بالأناتومي المتعلق ببعض الحالات الطبية وهو صاحب الكم الأكبر في الاختبارات

على سبيل المثال لا الحصر

.. التعرف على المواضع الممكنة لجس نبض ,,,،
الكسور وكيف التعرف عليها أو ماذا يترتب عليها من ضرر مثلا حصل كسر لأحد العظام => إصابة بقطع أحد الأعصاب (نيرف)=> تأثر العضلات أو مناطق الاحساس المسؤول عنها العصب المصاب فلا يستطيع المصاب القيام ببعض الحركات .. مهم تعرف تربط بين الخطوات ده فلو جاك سؤال في خطوة تعرف تكمل الباقي بدون أي مشاكل ،،،،

من معرفتك لطريق العصب الفلاني يسهل عليك تجنب إصابته مثالا في إعطاء الحقن ,,,

أنواع الفتحات الجراحية ومعرفة ما يواجهك من طبقات وتراكيب.. وكذلك الأمر للحقن معرفة التراكيب التي تمر بها الإبرة في مكان من الجسم ..

الأناتومي السطحي أو الخارجي (Surface anatomy) التعرف على بعض التراكيب من السطح الخارجي للجسم

هذه المواضيع أو الفقرات تدرس لكل جزء تمت دراسته + الأعضاء الداخلية كالكبد والكلية والمثانة...

(Upper Limb, Thorax, Abdomen, Pelvis ,Lower Limb)

دكاترة المادة:

د.سامي القايدي - د. وائل عزرينه – د. مصطفى عبدالمنعم

المراجع:

المرجع الأساسي للقسم كتاب Snell

وأيضا مذكرات الدكتور شريف جلال << تغنيك عن أي مرجع آخر

ومذكرة الدكتور مصطفى عبدالمنعم للور لمب

أطالس: Grays anatomy Atlas & Grants atlas

فيديوهات مساعده : Acland's DVD Atlas of Human Anatomy

طريقة الاختبار:

MCQ
كباقي المواد.. وقد يكون هناك سؤال كتابي في الكوزات فقط

من المذكرات ومجملها مما يركز عليه الدكتور في شرحه

العملي : بكل بساطة من الفيديوهات المتوفرة من القسم للدكتور شريف
وبالامكان المراجعة في المشرحة قبل الاختبار أو في أي وقت بعد أخذ الاذن

:::::::::::::::::::::::::::::::::::::::

Biochemistry

فالمادة لها أهميتها ووزنها في المعدل الترم الأول و كانت أقل مادة في متوسط الدرجات نهاية الترم الاول .. بس كلو اتعوض الترم التاني بعد ما خلوها أسهل مادة في اختباراتها والطلاب شدو حيلهم.. فخليكم دايما مستعدين أتم الاستعداد لكل اختبار( وده حيساعدكم مع زحمة الفاينال) واتوقعو الاسوأ حتى تكونو راضين في اغلب الاحوال

درسنا الكاربوهيدرات والدهون والبروتينات وبعض الامراض واخر شي الnucleotide, DNA, RNA

المادة ده هي أكثر مادة كانت مخوفتني وعشت معاها معاناه ممكن تكون لسببين:
- ما عرفت اعمل طريقة او نهج خاص بي من البداية ..شوية اقول اذاكر من الكتاب وشوية اقول من المذكرات والحضور ما كنت أهتم به كتير..
- عدم المذاكرة أول بأول للمادة ده

ونتيجتها ضياع مؤقت حتى العودة للتميز من جديد :win:

و من واقع تجربة المذاكرة من المذكرات هي كفيلة وجديرة بالدرجة الكاملـة وكذلك الاستفادة إن شا الله

وبالامكان لو تكلمو الدكتور يعطيكم المذكرة قبل الدرس لاخذ النوت واضافة نقاط توضيحية ولتحديد الاهم من المهم (فالمذكرة كل كلمة فيها مهمة ومرتبطة بسياقها وتتطلب النظر والفهم وبعد ذلك الحفظ)

مذكرات الدكتور أيمن برغش... مافي أحلى منها كافية ووافية ومفيدة

مذكرات الدكتور حسين الصواف... هي نفسها صور كتابLippincottوالدكتور يحاول يعطيكم هي قبل الدرس بيوم واهم اهم اهم شي انكم ترجعو لآخر الشابتر فيه الخلاصة

مذكرات الدكتور محمدين اللي هي في موضوع الكاربوهيدرات .. ما حبيتها بس الاختبار ما خرج منها

مذكرات الدكتور صلاح شويتة ... طبعا محاضرة الدكتور اهم شي وكل حاجة يركز عليها ويزيد عليها ده جاية اكيد في الاختبار وهي اللي تحتاج ترجع لها وقت الاختبار

الدكتور البغدادي.. كنا نذاكر من الكتاب .. اقرا الكتاب أول بأول وحدد المهم اللي ترجع له وقت الاختبار وبرضو ركز اكتر شي على آخر الشابتر( chapter summery + concept map) حبيت مذاكرة الكتاب صحيح فيها معلومات زيادة انت في غنى عنها وما تحتاجها بس حسيتها تثبت وما تعتمد على الحفظ كتير زي المذكرات ولكن يبقى الخيار لكم

الاسئلة MCQ وتجي في الغالب على عدة مواضع منها ..

التفاعل او سلسلة التفاعلات البيوكمسترية مهم تعرف المواد الداخلة والناتجة والانزيم المؤثر ونقص الانزيم ده ايش يسبب مرض والمرض ده ايش اعراضه وكيف ممكن علاجه بشكل مبسط ايضا التقسيمات والانواع للانزيمات والبروتينات والفيتامينات والدهون والكاربوهيدرات مهمة برضو مع علاقته بمرض وسبب المرض واعراضه

واللي مذاكر صح راح يحل . مافي شي من خارج الاوراق اللي عندكم

البيو العملي : راح يعطوكم اوراق لكل تحربة شكلها زي روشتة الدواء تحفطو منها الprinciple + ال related diagnosis ( مجموعها 10 – 13 تجربة)

لو جاكم دكتور برغش في العملي .. الشرح حقو جدا مهم وممكن يجي منو في الاختبار وحاولو تكتبو معها في المحاضرة واهتم بدفترك في كل محاضرة

باقي الدكاترة الورقة (الروشتة) تكفيك

والاختبار حيكون على جزئين حاجة نظري على شكل اختيارات .. وحاجة عملي مضمونة درجتها ولو حست المساعدة متوفرة من الدكتور قبل زميلك

:::::::::::::::::::::::::::::::::::::::

Physiology

أحب مادة لي وأحسن قسم في اختباراته وتعامله

المادة لها وزنها في المعدل ب8 ساعات .. لكن مش صعب تاخد فيه أعلى الدرجات وتستفيد

درسنا عدة مواضيع
CNS – Blood – excitability(muscle + nerve)
– CVS – Respiratory – Endocrine& Reproductive – ****bolism

في كل المواضبع المذكرات تكفيك .. وإن مشيت على مذكرات الدكتور أحمد العجمي في كل المواضيع فأنت دايما كسبان

في المادة عدة مواضيع تحتاج فهم والحضور مهم وغالب ما يركز عليه الدكتور يجيك في الاختبار خصوصا الدكتور احمد العجمي والدكتور مجدي

العملي حاجة بسيطة .. الترم الاول جميع التجارب لموضوع – blood

الترم التاني .. عن موضوع CVS و Resp.

راح يعطوكم مذكرات للعملي ومنها الاختبار الأوسبي والعملي

:::::::::::::::::::::::::::::::::::::::

Histology

هي تكملة لما تم دراسته في السنة التحضيرية ( تكملة بدون اعادة نظر لما سبق)

المادة تعتمد بشكل كبر على الحفظ وممكن تمثيل الانسجة بالرسم .. وبكده تثبت المعلومة عن التركيب اكتر بتفاصيلها وسهلة الاسترجاع ..وبرضو تربطها بالوظيفة

العملي فيه يكفينا انك تحفظ الشرايح الداخلة معاك في الاختبار كويس .. وبدل ما تقول على شكل طاقية وعلى شكل صاروخ أحسن لو تعرفها وتفهم اللي فيها .. وحتكون مطالب برسم بعض الشرايح في كراسة بالتلويند

ممكن تشتري كتاب Atlas Histology للدكتور محمد عصام الجزء الأول للترم الأول والتاني للتاني

اللي احب انوه عليه ان المادة فيها كلام كتير.. لو ما قعدت تذاكر من بدري حتتراكم عليك وحتكره شي اسمو Histology

وكانت فيه نسبة رسوب مو قليلة خلال الدور الاول

:::::::::::::::::::::::::::::::::::::::


Embryology



أبسط وأخف مادة لها محاضرة وحده في الاسبوع اهم شي لا تتراكم عليك

برضو تكملة لما تم دراسته في السنة التحضيرية ( تكملة بدون اعادة نظر لما سبق)

الترم الاول درسناGeneral Embryology
والترم التاني Special Embryology ندرس أجهزة الجسم وتكونها

المادة فيها تخيل ومتعة بمجرد قرايتك لها واعتمادك على فهمك للتسلسل في نمو الجنين اضافة لبعض الحالات الـ(Clinical)

كان مرجعنا مذكرة الدكتور شريف جلال للترمين..

الاختبار من المذكرات .. وهناك اختبار أوسبي في الفاينال يسألك تتعرف على المحدد بسهم في الصور التالية؟ ( الدكتور يحدد لكم من 20 ل30 صورة نهاية كل ترم)

مرجعنا الأساسي كتاب لانج مان موجود على فولدر الـ 4shared

مواقعEmbryology مساعدة : http://www.indiana.edu/~anat550/cvanim/index.html (http://www.indiana.edu/%7Eanat550/cvanim/index.html)

- - - - - -
**

رابط المحاضرات وبعض الكتب والفيديوهات.. وكذلك الـ ٍstudy Guide لبعض المواد يحتوي على فقرات الكورس وكل ما يخص المادة بالتفصيل .

http://www.4shared.com/dir/kOaN0O1m/sharing.html


الدكتور سامي القايدي رئيس قسم التشريح كان ينسخ لنا ملفات تخص الاناتومي فيديوهات بإمكانكم تاخدوها منو شخصيا


د. سامي القائدي;1313231[/FONT]]

لدي مجموعة كبيرة من الملفات التعليمية مثل الكتب الالكترونية، البرامج التعليمية، ملفات الفيديو والكثير غيرها والتي تخص جميع السنوات الدراسية بالكلية. يمكنكم الحصول عليها مباشرة مني شخصيا فقط احضر هارديسك خارجي الى مكتبي او يمكنكم الوصول اليها من خلال اي كمبيوتر في الجامعة من خلال الشبكة الداخلية في الجامعة باتباع الطريقة التالية:

1- اضغط "ابدأ" او "Start"
2- تشغيل او "Run"
3- اكتب"medbp62\\"
4- اضغط enter

جميع المجلدات التي ستراها هي على جهازي وستتمكن من تحميل اي شيء تحتاجه من خلال المجلد المسمى Educational



هذا وصلى الله على نبينا محمد

وبالتوفيق إن شاء الله
:bye1:

DOCTOR2016
22-09-2010, 08:53 AM
بداية أسأل الله جل وعلا أن يوفق كل من شارك وتقاعل
بكتابة هذه الموضوع وأن يرزقهم الإخلاص في العمل أينما كانوا,
صراحة موضوع استفدنا منه الكثير يعني الشخص قبل لا يتجه إلى
السنة القادمة يكون عنده خلفية
عن المواد, الدكاترة, طريقة الأختبارات, أساس المادة .
وألف شكر للجميع.

heroo
22-09-2010, 11:39 AM
جزاك الله خير اخ علوش على المعلومات الرائعة

!. sub zero .!
23-09-2010, 02:14 AM
آخوي. عـلوش جزآآك الله آلف خيرآ..(f)

..
ومأيهونوآ البقـيه الله يوفقهم .:icon26:(f)

...
حبيت اسألك الموآد الطبيه ندرسهآ نظري + عملي وألآ فـيه موإد نظري بـس ؟؟.:)

alloosh90
23-09-2010, 04:54 PM
ويجزاكم إن شا الله

ما عملنا حاجة والفضل لأخواني في المنتدى

الشكر لهم ولكم على حسن التفاعل





...
حبيت اسألك الموآد الطبيه ندرسهآ نظري + عملي وألآ فـيه موإد نظري بـس ؟؟.:)



لكل المواد جزء عملي .. عدا الـ Emberyology فهي نظرية

الأناتومي ... التعرف على التراكيب في الجثة والنماذج الموجودة في المشرحة
الهستولوجي.. التعرف على الأنسجة تحت المجهر
biochemistry ... بعض التجارب في المختبر ذات العلاقة الاإكلينيكية والمرتبطة بالمنهج للي درستوه
الفيزيولجي .. تابعة للمواضيع اللي تدرسوها

بالتوفيق ان شا الله

Dr.Esra'a
30-09-2010, 12:45 AM
السلام عليكم و رحمة الله و بركاته

أول شي شكرا عالانفايت alloosh ... و الموضوع جدا عبقري ما شا الله ... و الفكرة أكثر من رائعة

و لو حابة اتكلم عن تجربة لسنة من سنوات الطب ... حاتكلم أكيد عن السنة التالتة طب ... أو تانية بالنظام الجديد ... و اللي تعتبر إلى الآن أجمل سنة و أروع تجربة خضتها خلال الطب




تجربتي لـ " السنة الثانية طب ( 1430 - 1431 هـ ) "



في دي السنة حتدرسو 5 مواد ... 3 منهم جديدة ... و 2 منهم مكررة لكن بمواضيع جميلة جدا
أول مادة و أهم مادة من حيث الأساس و المعلومات و الوحدات هي


Pathology


درسونا هيا د. نجوى الرائعة ... د. إيمان ... د. حنان

أول حاجة لا تخافو من دي المادة و من الكم الكبير للمعلومات فيها ... و إلى الآن أحاول افتكر لحظة كرهت فيها المادة ... ما افتكر أبدا ... المادة جميلة جدا ... و منوعة ... حتى في المزاكرة للفاينال أو الميد يير ما تملو ان شا الله ... لانو صح في معلومات كتير ... لكن كلو مقسم سيستمات ... و كلو منوع و ما في ممل أبدا ...

حتاخدو الـ general pathology في البداية و دا أساس " نوعا ما " للـ systemic pathology اللي حتبدأو فيه جديا عالترم التاني ان شا الله

نجي للي يهم الأغلبية و هيا نظام الاختبارات و التقويم

* حتختبرو كويز أول و كويز تاني في الترم الأول ... الكويزات كانت سهلة جدا ... و ازا حتنقص حتنقص درجة درجتين بالكتير ... و في الاخير كانو يحسبوها لنا 3 درجات و الاختبار من 30 ... يعني الغلطة الوحدة بـ 0.1 ... فالأمور ماشية تمام كانت الحمد لله ... و كانت كلها ام سي كيو ما عدا سؤال تعاريف في البداية ... او النومينيت ... يكتب التعريف و يطلب بس ايش الشي اللي دا تعريفو ... لكن التعريف مكتوب ... و عشان تضمن دا السؤال طول ما انتا بتزاكر اكتب اي مصطلحات مهمة ممكن تجي تعاريفها و جمعها مع بعض في اول المحاضرة مثلا ... طريقة جدا كويسة حتى للمزاكرة بشكل عام

* في اخر الترم الاول اختبرونا اوسبي و انتراكتف كيسيز ...

الاوسبي يحددولنا الصور على كم عرض ... و عليها كومنتات الصور ... طبعا عن نفسي كنت ازاكر كومنت الصورة و ارجع لموضوع الصورة في النظري ... يعني الصورة مثلا عن keloid ... يكون في كومنت جاهز في العرض يتكلم عن الكيلويد ... لكن بنظري و "نصيحة للكل" الكومنت مو كافي ... فكنت ارجع لموضوع الكيلويد في النظري ... و اشوف المعلومات الزيادة ... في الاختبار حيجيبولكم صور على البوربوينت ... و معانا كانت ورقة مقسمة لكل صورة تنعرض في البوربوينت ... كل صورة يسالولك عن ايش الـ diagnosis للصورة اللي قدامك ... و سؤال تاني يكونو حاطين arrow او سهم على حاجة في الصورة و يسالك ايش دا ... و ممكن يحطو كمان سؤال تالت عن اللي شايفو من اطار نظري يعني مثلا ايش الـ complications أو ايش الـ etiology و هكزا ... و عادة أسئلة بسيطة جدا ... و مهما خوفوكم من الاوسبي لااا تخافو ... احنا خوفونا و خرجنا الصراحة من اختبار الاوسبي الترم الاول نضحك على نفسنا من كتر الرعب اللي عيشونا فيه ... الاوسبي بسيط جدا ... و يجونا كانو قبل الاختبار يراجعولنا

بالنسبة للانتراكتف كيسيز ... دي واجبات يدوكم هيا اوقات ... و في الاخير يختبروكم في كم وحدة منهم ... و حاجة تافهة جدا و ضامن درجتها ان شا الله اكتر من الاوسبي نفسو ... كنت ازاكر الاسئلة الجاهزة الموجودة في الـ case ... بالاضافة للرجوع الى الدرس النظري تبع موضوع الـcase ... لانو ممكن يسالو من خارج الاسئلة الموجودة ... لكن عموما الاسئلة سهلة و ممكن من تركيزك في الشرح و المحاضرة تحلها بسهولة

* بالنسبة للميد يير

الاختبار كان تلات ارباعو respiratory :dunno:
يعني ابدا ما كان في اي موازنة في الاسئلة ... غير انو الريسبايرتوري كان اخر سستم درسناه في الترم الاول ... و ادتنا هوا الدكتورة سريع سريع ... و جا الاختبار كتير منو ... في حين كنا مغطيين المواضيع التانية جدا كويس ... لكن قدر الله و ما شاء فعل ! ... الأسئلة كانت عموما جيدة ... للي شافو الأسئلة اللي في الويب باث ... لانها تشبها كتير ... لكن الاختبار كان في عمومو طيب ... بس يسير نبهوهم على هرجة الريسبايرتوري دي ... و الباقي ان شا الله كلو تمام

* بالنسبة لكويزات الترم التاني نفس نظام الترم الأول ... مضمونة ان شا الله ...

* و اخر الترم التاني اختبرونا برضو اوسبي و انتراكتف كيسيز ... و نفس نظام الترم الأول ما في أي فرق و امكن اسهل كمان ... لكن الصرااااحة ... الدكتورة ما راعتنا في التصحيح ... خرجت درجات البنات و خرجت درجات الاولاد للعملي ... درجات البنات معدلها اقل بكتير من درجات الاولاد ... اللي هوا الشي اللي مفروض يكون العكس :nosweat: ... لكن اتضح انو الدكتورة مررررة دققت ... فحاولو السنة تنتبهو لدا الشي :nosweat:

* اختبرونا كمان في اخر السنة عملي ( سلايدات الهستوباثولوجي ) ... اتعب و اقول انو شي تااافه ... و حرااام الواحد يغلط فيه اصلا ... لانهم يحددولكم السلايدات ... و تشوفوها و تراجعوها مليون مرة ... بس حاولو معاهم يوروكم كل العينات من السلايد الوحدة ... عشان ممكن تختلف عينة عن عينة ... و تلخبطك في الاختبار ... لكن لا تشيلو هم هما اصلا بيحطو كل العينات ... لكن انتبهو لو ما سوو دا الشي ... غير كدا الاختبار سهل جدا و حرام الواحد يغلط فيه

* نجي للفاينال ... الحمد لله كان حلو الاختبار ... و منوع اهم شي ... و كتيييير يعتمد على اسئلة الويب باث ... و أسئلة السنين الماضية " بس مو مرة " ... بس اخر الاختبار كان في سؤال كتير اعترضو عليه ... سؤال يجبلك جدول ... و يقلك اختار A ازا شايف انو الاختيار الاول هوا الصح بس ... و اختار بي ازا شايف انو الاختيار التاني و التالت و الرابع هما الصح بس ... و اختار سي ازا كنت شايف انو الاختيار التاني و التالت هما الصح بس ... و هكزا الين e .. المهم جانا في اختبار الترم الاول بس كان سهل و ماشي الحال ... في الفاينال جا بعشرة فقرات ... و الاختيارات متداخلة جدا ... و الاحتمالات كتيرة ... المهم كتير اعترضو عليه بس ما سار شي ... حاولو دي السنة و نصيحة مني انهم ما يحطو سؤال زي دا في الاختبار !!!

...

بالنسبة للمصادر في الباثولوجي

الصراحة ما في شي محدد !! ... عن نفسي زاكرت الجينيرال من الباثولوجي اليستريتد و كان جميل بس مرررررة ما يكفي لوحدو ... معلوماتو ناقصة ... لازم مع المحاضرات ... تقريبا كل السستمات كدا ... نوفق كنا بين اكتر من مصدر ... و خاصة من الاولاد ... فـ أي سستم تبداو فيه ... اسالو عن السورس اللي تزاكرو منو ... لانو كتييير تحصل نبدا نزاكر في سورس و بعدين نرجع نغيرو ! ... لكن كنت ازا دكتورة نجوى ادتنا سستم ازاكر من محاضراتها لانها ثقة ... و محاضراتها جدا رائعة ... لكن نتعب لمن غيرها يدينا ... دكتورة حنان كانت غالبا تاخد محاضرات دكتورة نجوى و تزيد عليها كمان ... فكنا نزاكر منها و نشوف برضو اللي عند الاولاد ... فحسب كل سستم تختلف السورسات ... و قد ما تقدرو جمعو معلومات

...

طريقة المزاكرة في الباثولوجي

أول بأول ... لا تراكمو شي ابدا ... و الاهم اسئلة الويب باث ... ركزو عليها مررررة كتير منها تجي في الاختبار ... غير انها اصلا مفيدة كتثبيت لمعلوماتكم

...

و في الاخير لا تخافو من الباثولوجي ... كتير جابو فيه امتياز ... المادة بـ 13 وحدة فزاكروها كويس و ادوها وقتكم و ان شا الله اموركم كلها تمشي تمام ... حتى لو ما بان في البداية حيبان في الاخير ان شا الله




lllllllllllllllllllllllllllllllllllllllllll

تاني مادة

Microbiology


من أروع أروع المواد ... و قسمهم أروع قسم ... ادتنا هيا دكتورة أسماء الجندي الرائعة ... و دكتورة ندى الرائعة أيضا

* السورس ثابت ما يخرجو عنو ... اللي هوا كتاب مصور لدكتورة عبلة ... لكن خلو الكتاب دايما معاكم في المحاضرات ... عشان لو قالو حاجة مهمة يسير تاشرو عليها ... او اضافو حاجة يسير تضيفوها ... و طول ما هما ماشيين حيقولولكم الحاجات اللي ممكن تجي ام سي كيو

* الكويزات هدية و من احلى ما يكون بس يبغالها مزاكرة كويسة طبعا

* الميد يير و الفاينال اتعب و اقول قد ايه هما تافهين امكن اكتر من الكويزات نفسها

* الترم الاول حتاخدو intro + immunity و الاميونيتي روعة و حاجة بالفهم بس تقريبا

* الترم التاني اخدنا bacteriology + virology ... و تحسو هنا من جد بمتعة المايكرو ... يتكلم عن كل بكتيريا و ايش خصائصها و من دا الكلام ... و لا تتخيلو انو الاسماء صعبة او الامور ممكن تدخل في بعضها ... بالعكس كلو حيكون واضح ... و كل بكتيريا حتتكلم عن نفسها ... بس لازم تزاكرو كويس و عالاقل مرتين عشان ما تتلخبطو ... اما الفايرولوجي ... دا شي تااااني ... حاجة جدا سهلة و حيبداو فيها على اخر الترم تقريبا و تحسو انو كتير و متى حنخلصو و مدري ايش ... و في الاخير تكتشفو انو اصلا كلام معاد ... و الموجود اصلا سهل و يخش العقل على طول

* في اخر الترم الاول اختبرونا عملي ... في معمل المايكرو ... اصلا يكونو حاطين الاشياء تراجعوها قبل الاختبار ... يعني مرة سهل الحمد لله ... و ما كان في اوسبي الترم الاول

* اخر الترم التاني ما اختبرونا عملي ... اختبرونا اوسبي بس ... كان روعة الحمد لله ... اصلا هما راجعولنا الحاجات اللي ممكن تجينا قبل الاختبار ... و هيا اللي زاكرناها و دخلنا الاختبار عليها و الحمد لله كلو كان تمام

* زاكرو المادة اول و باول و لا تخلو الباثولوجي يضيع عليكم 7 وحدات ممكن تاخدوها بسهووولة

و في الاخير المادة رااائعة ... و الاغلبية جاب امتياز فيها



lllllllllllllllllllllllllllllllllllllllllll

تالت مادة

Parasitology


المادة دي تغيير جو فعلا عن بقية المواد ... حتاخدو الديدان و الطفيليات و تدرسوها بشكل مقرف ... لكن في الاخير المادة حلوة و لزييييزة

كانت تدينا هيا دكتورة أماني ... دكتورة و أخت و أم و كل حاجة ... أخلاق و علم و ثقافة ما شا الله تبارك الله ... الله يزكرها بالخير دفعتنا كانت اخر دفعة تدرسها ... اعتبر مغادرتها الكلية خسااااارة كبيرة !!

كانت كل كلمة تقولها تجي في الامتحان ... اكون صريحة السورس المصري اللي كنا نزاكر منو ما كان يضمن الفل مارك او ما يقاربها في الامتحان ... لانو ناقصتو معلومات كتير كانت تقولها في شرحها ... لانها ما شا الله خبرة كم سنة في الكلية ... لكن ما اعرف كيف حيكون وضع البنات السنة ... لكن ان شا الله خير

* اهم شي في دي المادة " التجميعااااات " ... بدون التجميعات حتضيع منك درجات كتير حتى لو مزاكر كل دودة مررررة كويس ... لازم تجمع المعلومات مع بعضها ... و اصلا حتلاقو موجودة اوراق جاهزة للتجميعات ... زاكروها و الاختبار " الميد يير و الفاينال " اصلا كلو حيكون من زي كدا ... مثلا كل الديدان دي تعمل مشاكل في العين ما عدا ... و هكزا
كانت في أوراق نزلت اخر السنة لدكتور أيمن عبارة عن تجميعات نزلوها قسم البنين ... الصراحة الصراحة لو ما الله ثم اني زاكرت منها ما كان حليت كويس في الاختبار مع اني مزاكرة المنهج كويس ... لكن التجميعات مرة غير ... و الاختبار كلو تجميعات ... بس يجبلك سؤالين تلاتة او اربعة في الاخير عن كيسيز ... و دي حط درجتها في جيبك ... اسئلة مرة سهلة

* بالنسبة للكويزات ... مو بس تعتمد على التجميعات ... لازم تكون مزاكر الدودة كويييييس ... و تجي في الكويزات اسئلة من الشرح خارج السورس المصري ... فلازم تكونو منتبهين لكل اللي ينقال في المحاضرة

* اختبرنا براكتيكال في الترم الاول و التاني ... كلو كانت تحددو لنا ... كنا نمر على spots ... مايكروسكوبات أو jars أو boxes ... و معاكي ورقة يسالو ايش اللي قدامك و ممكن يسالو كم حاجة عليه بس ... يكونو هما حددولكم اللي ممكن يجي في العملي ... يسير تراجعو الدرس النظري تبعو ... و نصيحة لا تراجعو اللايف سايكل تبع الدودة بس ... لانو حيقولولكم كدا ... لكن الاسئلة تكون خارجو ... فانتبهو و زاكرو كل شي للحاجات اللي حددولكم هيا ... و عموما البراكتيكال درجاتو مضمونة بازن الله

* اللايف سايكل life cycle لأي دودة حاولو دايما ترسموها رسم بيدكم ... لو كان السورس اللي حتزاكرو منو ( اقصد الدفعة اللي بعدنا ^^ ) نفس السورس اللي زاكرنا منو احنا ... فأنا كنت راسمة اللايف سايكلز تبع كل دودة " من نفس كلام الملزمة بدون نقص و ممكن زيادات مهمة كمان " ... ان شا الله انزلها لكم حتستفيدو منها و حتوفر عليكم وقت و جهد كبير ... و تدعولي اهم شي :nosweat:

و في الاخير زاكرو المادة كويس و اضمنو ان شا الله الايه بلس فيها و انتبهو انتبهو للتجميعات و الشرح



lllllllllllllllllllllllllllllllllllllllllll

رابع مادة

Anatomy


درستنا الـ head & Neck منو د. أميرة ... و النيورو درستنا هوا د. مها

في الترم الأول بدأنا هيد اند نك و في نص الترم الاول بدأنا نيورو و خلصناه ... و رجعنا كملنا هيد اند نك الترم التاني

أولا : النيورو أناتومي

كورس رائع ... و مع دكتورة مها أروع و أروع ... ما اخدنا كل شي ... في اشياء كتير حزفوها ... و الكويز اللي كان في النيورو كان سهل عالاخر ... و اسئلة الفاينال فيلو كانت حلوة كمان ... عموما النيورو كورس حلو كلو على بعضو

ثانيا : head & Neck

من أكتر المناطق التشريحية تعقيدا في الجسم بنظري ... و الأصعب ... لكن منطقة مختلفة تماما عن المناطق الاخرى ... و ممتعة ... الكويزات سهلة ... و الميد يير و الفاينال فيهم كانو حلوين الحمد لله

* بالنسبة للسورس ... في ناس كانت تزاكر من اوراق دكتور ياسر من قسم البنين ... و في ناس كانت تزاكر من مزكرة لسامح دوس ... انا كنت ازاكر مزكرة سامح دوس ... لانها مرتبة و معلوماتها شاملة تقريبا ... لكن برضو اقرا اوراق الاولاد اشوف الناقص ... عموما اي سورس ترتاحولو زاكرو منو ... المهم انكم ما تشتتو نفسكم و احفظو مرررررة كويس و الله معاكم ان شا الله

* بالنسبة للعملي ... سهل لأبعد الحدود زي منتو عارفين ... سواء للترم الاول او الترم التاني




lllllllllllllllllllllllllllllllllllllllllll

آخر مادة

Physiology


د. هالة ... د. وفاء ... د. إيناس ... د. أمل

حتاخدو الترم الاول ... GIT + CNS ... الجي اي تي مع دكتورة امل اخدناه ... و السي ان اس مع الرائعة د. هالة ... السي ان اس من اجمل كورسات الفزيو ... عن نفسي زاكرت السي ان اس من العجمي لانو هوا اللي كان يدرس قسم البنين وقتها ... فما يخرج عن معلومات كتابو ... و اسئلة الفزيو الترم الاول كانت حلوة

الترم التاني كملنا الموتور Motor من السي ان اس مع د. هالة و برضو من العجمي زاكرناه ... و بدأنا بعدو special sense مع دكتورة أمل و كان كورس رائع ... و زاكرناه من العجمي ... و كانت اسئلة الكويز منو written و كانت معلوماتنا من العجمي كافية فعلا ... و بعدها بدأنا renal مع دكتورة وفاء و كان كورس ضايع على اخر الترم :nosweat: ... لكن الحمد لله دكتورة وفاء شرحها ما يحتاج ما شا الله ... زاكرنا رينال من شرحها و كلامها ... كان لها أوراق كاتبة فيلو شرحها ... صراحة الرينال مع شرحها بسيط و حلو ... قريتو من سورسات تانية حسيتهم معقدينو شوية ...

* العملي الترم الاول كان عبارة عن CNS ... و زاكروه من محاضرات دكتورة هالة في العملي مرررة كويسة ...

و الترم التاني عملوه اوسبي ... مكرر من السنوات الماضية كالعادة مع بعض الاختلافات ... ادتنا دكتورة هالة مجموعة فيديوهات ... جات منها كتير ...

* الميد يير و الفاينال كانو حلوين الحمد لله



**************************


دا اللي في بالي حاليا ... و سنة تالتة أكتر سنة ممكن ترفع بيها معدلك بكل سهولة ... قد ما تزاكر و تجتهد قد ما تجيب ... فزاكرو كويس عشين تجيبو درجات حلوة ان شا الله

و ان شا الله حاكون معاكم يا دفعة سنة تالت دي السنة ... ازا تحتاجو اي حاجة نحنا موجودين في اي وقت ... و ان شا الله ما نبخل عليكم بحاجة ...

و من جد سنة تالتة سنة رائعة ... و تجربة لا تنسى ... فيها جهد و الجهد مثمر ... قربتنا أكتر من بعض ... و ما أقلكم انها سنة سهلة ... ما كانت سهلة أبدا ...و لا صعبة أبدا ... لكن ممتعة بكل زكرياتها ... و بكل همومها ... و بكل أفراحها ... حتغيركم كتير ... أهم شي لا تقصرو ... و سوو اللي عليكم في دي السنة و أكتر ... و أهم شي رضا الله و رضا الوالدين و الأخلااااق اللي تضيق مع الهم و الضغط ... و التوفيق حيكون من عند الله عز و جل ... و معليش صرعتكم بالألوان :nosweat:

موفقين يااا رب

7شموخ7
30-09-2010, 01:00 AM
مــــــــــــره شكرا Dr.Esra'a
جزاكِ الله خير وربنا يوفقك
مره كنت متوتره طمنتيني

alloosh90
30-09-2010, 04:35 PM
Dr.Esra'a

لك الفضل والشكر الأكثر والجزيل على حضورك الأمثل

أفدتنا وأمتعتنا بجميل الطرح والأسلوب

لك أطيب المنى والدعوات

ودمتم بكل بخير
:)

طالبة صيدلهـ
28-05-2011, 09:18 PM
بجــــــــد ~

الله يووفقكم كلكم يــــــآآرب وييسرلكم أمووركم ~

رحيق الحياة
30-06-2011, 11:54 PM
السلام عليكم
ممكن اسأل عن دوام ال Orthopaedics كيف

وابغا اعرف ازا اول اسبوع مهم مرة ولا لا
لان عندي ظروف واحتمال ماقدر اجي :(
يعني ينفع ازاكر المحاظرات ف البيت ولا ماينفع ؟؟

و جزاكم الله الف خير ..

نعناع مديني
21-07-2011, 05:55 AM
^^

أحلى دوام في تاريخ الكلية هو دوام الأورثو..

8-10 محاضرات في الجامعة..
10-12 سيشن عملي في مستشفى الملكـ فهد..

بما انه الكورس قصير فأكيد الأسبوع يفرق.. لأنه الميد في الأسبوع الثالث والفاينال في الخامس..
والمحاضرات مع د. الصندقجي ود. خوش حال بالإضافة للعملي مهمة جداً وراح تفيدكم ..

لي عودة في وقت لاحق للإضافة ان شاء الله

shosheta
29-08-2011, 04:19 AM
الله يعطييكم الللف عااافيه
ماااقصرتو
شرحتو وكفييتو ووفيتو
و انتظرووونا بأسئلتنا ح نطفشكم هع

*$$ المايستروو $$*
29-08-2011, 06:42 PM
بخصوص السنة الرابعة لعام 1431-1432 هـ

هم مشابه لحد كبير لماذا ذكرته الاخت Doctor2014 لعامها باستثناء تغير بعض الدكاترة والاختلاف بين الطلاب والطالبات وبعض النقاط

فاذا اردتم ان اكتب سوف انسخ معظم ما كتبته واعدل بعض الاشياء التي تغيرت >>> هههه كسلان :r

ولكم حرية الاختيار !!

رحيق الحياة
01-09-2011, 06:39 PM
نعناع مديني شكرا و جزاكي الله الف خير على الرد :) وبأننتظار اضافتك ^_^


المايسترو ياليت تفيدنا بأضافاتك الله يعطيك العافيه :)

*$$ المايستروو $$*
03-09-2011, 11:10 PM
السلام عليكم

هذه تجرتي للسنة الرابعة عام 1431 -1432 هـ

لكن احب انوه في البداية أن بعض ما سأكتبه من خلال تجربة الاخت Doctor2014 بحكم التشابه
مع بعض الاختلافات التي سأضيفها

واعذروني على طريقة كلامي ما اعرف انسق الكلام :(

بسم الله الرحمن الرحيم..

السلام عليكم ورحمة الله تعالى وبركاته..

السنة الرابعة بكلية الطب..

سنة متنوعة بتجاربها وخبراتها والمستشفيات المختلفة اللي حتتنقلوا بينها..
حتكتسبوا خبرة من كثير من الأطباء في مجالات مختلفة..
بنهاية هذه السنة حتكونوا ألقيتوا نظرة على معظم التخصصات الطبية..
وبإمكانكم التفكير في موضوع اختيار التخصص..

المواد اللي حتدرسوها في الفصل الدراسي الأول هي الآتي:

بالنسبة للطلاب:
طب الأطفال
ثم
طب العيون وطب الأنف والأذن والحنجرة

بالنسبة للطالبات:
طب جراحة العظام
الطب النفسي
طب الأسرة وطب المجتمع
التشريح التطبيقي
الطب الشرعي
والفصل الدراسي الثاني العكس.
__________________________________________________ ________________________

نبدأ بالفصل الدراسي الأول:

Paediatrics
في مستشفى الولادة والاطفال
القسم من أفضل الأقسام في كلية الطب، والأطباء على مستوى عالي من الخبرة، وجدا حتستفيدوا منهم.
المادة جدا مهمة، مدتها ما يقارب الثلاثة أشهر وتضرب في 13 وحدة!

الدوام:
من الساعة 8 إلى 9:
Meeting
اجتماع يومي خاص لأطباء مستشفى الأطفال يعرضوا فيه الأطباء المقيمين الحالات اللي بتواجههم..
مجبرين لحضور الاجتماع وبياخذوا الحضور.
تفيدكم من ناحية المعلومات وتشوفو حقين الامتياز كيف يعرضو الحالات ومناقشتهم

من الساعة 9 إلى 12:
Practical session
العملي مع الدكاترة،
الدكاترة رائعين وعلى مستوى عالي من الخبرة وجدا حتستفيدوا منهم إن شاء الله.
استغلوا وجودكم معاهم.
وحاولوا أنه الدكاترة ما يكثروا معاكم كلام نظري وينسوا العملي لأنه هذا اللي بيحصل للأسف، ولما تقرب الاختبارات العملية نلاقي نفسنا ما ادربنا كويس عالعملي.
حاولوا تعرفوا طريقة كل الدكاترة اللي معاكم واطلبوا منهم كلهم أنهم يشرحولكم ويدربوكم على طريقة الفحص لكل السيستمز. وادربوا كويس معاهم. أهم شي Train, train, train


وحاولو في كل سشن تأخذو حالات في نفس تخصص الدكاترة
مثلاا
Cardiology

تخصص الدكتور خالد الحربي، والدكتور سعد خوش حال.
د. سعد راح تستفيدو منه كثيير دكتور جدا طيب
أما د. خالد ما قد حضرت معاه سشن واحمد ربي على ذلك لكن سمعته بين الطلاب تعبانه حتى في الاختبارات
أما الطلابات عندهم العكس

Respiratory
تخصص د/ محمد عبد الرسول
دكتور جدا طيب واختصاره حلو SMPUS راح تفهمو لمن تحضرو معاه
وكلامه يجيبه في الاختبار العملي ويعطيكم MCQ يجي منها في الاختبار

GIT
من الاشياء المهمة كيف تحسب السوائل اللي تعطيها في حالة ال GE او غيره
ما فيه دكتور متخصص في هذا المجال لكن مهم في الاختبارات سواء نظري او عملي

Endocrine

وهو تخصص الدكتور المغامسي، من أفضل الدكاترة اللي قابلتهم في حياتي ما شاء الله.
و د/ عبد الهادي حبيب، من المستشفى.. دكتور جدا ممتاز ما شاء الله..

Neurology
مرة شائعة وتجي كثير في الاختبار
Epilepsy and febrile convulsions
تجي long أكثر
د/ عمرو مرداد، دكتور متعاون مع الجامعة، وجدا متعاون ما شاء الله وخبير ونابغة في تخصصه، والدكتور محمد إمام من المستشفى برضو خبرة ما شاء الله.

Hematology
دكاترة في غنى عن التعريف، الدكتور محمد زللي، والدكتور زكريا الهوساوي.
على فكرة رئيس القسم دكتور محمد زللي
وهو دكتور جدا خلوق ومتعاون وطيب وكذلك الدكتور زكريا

Renal
الدكتورة شيرين، معلوماتها في السشن جدا مفيدة ومهمة، لا تفوتولها العملي أبدا.
الدكتور الإدريسي من اقدم الدكاترة ولكن علمه بدأ يطير محاضراته كلها كلام في الماضي والتاريخ وتجيب النوم ;)

Nutrition: FTT, rickets
الدكتورة سمية جدا جدا جدا جدا طيبة

Immunology

الدكتور عاطف البوق، تخصصه أمراض مناعية لكن ما شاء الله تستفيدوا منه في كل شيء.

الدكتور المزروعي، "مستشفى أحد" دكتور علم وخبرة ومحاضرات غير، جدا حتستفيدوا منه، ونصيحة لاتفوتوا ليه أي سيشن. واكتبوا كل شي يقولوا لأنه يسأل من محاضراته. وانقلوا محاضراته من بعض لانه كل جروب ممكن ياخد محاضرة مختلفة عن الجروب التاني.

Neonatology
دكتور ايهاب دكتور جديد
ولكنه جدا رائع واسلوبه جدا سهل وممتع وخلوه يوريكم كيف تفحصو المواليد جدا رائع

من الساعة 1 إلى 2 او 3:
Theoretical lectures and tutorials
محاضرات نظري، ويومين توتوريال عروض للطلاب :thumbdown



الكتب هي الآتي:

الكتابين هذا أنا ومعظم الطلاب نستخدمه
النظري
Illustrated textbook of Paediatric
Tom Lissauer

العملي
Manual of Clinical Paediatric
Mansour N. Alhowasi

فيه كتاب اخر

Manual of Paediatrics
Nasser Gamal
هذا له اكثر من كتاب في العملي والنظري وهو كتاب جيد لكن كبير وغير ملون
وفيه طلاب كانو يستخدموه



توزيع الدرجات نسيتها والله لكن اتوقع :
50 نظري
50 عملي موزعة كالآتي:
20 ، حالتين شورت بين الميد والفينال
20، لونج فينال
10، Log Bookتحضير حالات، وحضور طواريء.


نصيحة:
الكورس مهم ومفيد وشدوا حيلكم فيه. لأنه هذه المعلومات بتكون معاكم لسنة الامتياز إن شاء الله..
اعرفوا الحالات الشائعة كويس، D.D. and management وكل شي..

الاختبار
بالنسبة للنظري: ذاكروا أول بأول، والحالات الشائعة والأشياء المهمة اللي يركزوا عليها الدكاترة في السشن ذاكروها كويس..

بالنسبة للعملي: ادربوا عالهستوري والاكزامينشن كويس..
وجيبيو حالات في تخصص كل دكتور عشان تستفيديو وخلو كل واحد يعمل اقزامينيشن على المريض
واهم شي اتدربو انكم تاخذو هستوري وفحص كامل سريييييع لأنه في الفاينال قدامكم حدود 40 دقيقة فقط وبعدها على طول تخش على examiner
لذلك اتدربو من بدري

وربي يوفقكم






ENT and Ophthalmology

في مستشفى أحد
مدتهم مع بعض 6 اسابيع
طريقة الكورس ملخبطة ومشتته
في الصبح ينقسم الطلاب مجموعتين مجموعة ENT ومجموعة Opth وفي الظهر يجتمعو للنظري
وبعد 3 اسابيع المجموعتين اللي في الصبح يعملو شفت أما الظهر ما في اختلاف
احلا ما في الكورس انه كان خفيف وكان فيه تأخر من الدكاترة واهمال :r
وايضا انهم اول قسم ندخل فيه غرفة العمليات وكان شي رهيب والله

ENT
من المواد السهلة إن شاء الله..
رغم أنه اختباراته كانت صعبة..
باشراف دكتور نعيم مخدوم ودكتور عصام عارف
يعني متوسطين :)

الدوام:
خفيف من 8 او 9 الدنيا كانت ملخبطة إلى 12 مابين عيادات وعمليات وسشن.
من 1 إلى 2 او 3 أيام في الأسبوع محاضرات نظري للمجموعتين.
المحاضرات يومين عيون ويومين انف
اعملوا جدول وابدؤا مذاكرة من نفسكم، مو شرط تكونوا أخذتوا المحاضرات، عشان الوقت ضيق ولازم تلحقوا ولأنهم ما يشرحوا كل شي وحيأخروكم كثير إذا استنيتوا لين ما يشرحوا لكم.

توزيع الدرجات:
20 نظري ميد
40 أوسكي نهائي (لا يوجد عملي)
40 نظري نهائي.

المراجع:

النظري:
oto-rhino-laryngology head and neck surgery الدكتور طارق كتاب مختصر جدا
وهو المرحع الوحيد بالنسبة لي

تبغوا معلومات أكثر، في كتاب هندي تلاقوا عند الدفعات السابقة textbook of ear, nose and throat, Toli:
الكتاب حلو بس طويل جدا
وكمان محاضرات الدكتور نعيم مخدوم مهمة.

الأوسكي: في أطلس ENT diagnosis
ومراجعة الصور مع الدكتور



Ophthalmology
بالنسبة لمادة العيون:
قسم جدا رائع، بإشراف الدكتور معن ،ومشاركة دكتور نشأت.
دكاترة جدا متعاونين ما شاء الله.

الدوام:
8-9 محاضرة
9-12 عملي: عيادة أو عمليات او سشن
1-2 محاضرات في يومين من الاسبوع والثاني ENT

توزيع الدرجات:
20 نظري ميد
40 اوسكي لا يوجد عملي
40 نظري نهائي

المراجع:
النظري: بالنسبة للدكتور نشأت اكتبوا معاه، والدكتور معن بيعطي المحاضرات أو من الموقع
Ophthobook.com
وما يخرجوا عن محاضراتهم في الأسئلة، بس ركزوا كويس في المحاضرات..

العملي: الصور من المحاضرات ومن الموقع في الغالب.


مواد سهلة وبسيطة إن شاء الله..
لكن اختبار ENT كان شويه صعب
ولكن كورس جميل جدا


__________________________________________________ ________________________

بالنسبة للفصل الدراسي الثاني:

Orthopaedics
في مستشفى الملك فهد
مدة الكورس: 4 أسابيع وثلاث ايام
المفروض 5 اسابيع بس النفسية احتاجو يومين اخذوها من العظام


الكورس من أجمل الكورسات برئاسة الدكتور الفاضل عبد الله صندقجي "من أكثر الأطباء أخلاقاً واحتراماً للطلبة"..
والدكتور خالد خوش حال، أيضا دكتور خلوق وطيب..
وكل دكاترة المستشفى طيبين وحتستفيدوا منهم كثير..
ما شاء الله قسم مميز..
بالرغم من أنه الدرجات للأسف ما كانت مرضية..

المراجع:
النظري:

1- Fractures and Dislocation
Badr and Shaheen
المرجع الأساسي لموضوع الكسور والخلوع :nosweat: اتوقع هي ترجمة Dislocation

2- Apley's Concise system of orthopaesics and fractures
لبعض المواضيع واذا ماتهمكم الصور صوروه لأنه ما راح تستخدموه كثير

واكتبوا مع الدكتور، وركزوا عالصور لأنها تجي في الأوسكي..

العملي:
بالنسبة لي فقط ذاكرت كلام الدكاترة وجزء بسيط جدا من اول كتاب اللي هو
1- Orthopaedic Examination
Made Easy
Hand book
مختصر وجيد

2- Clinical Orthopaedic Examination
Ronald McRae
ميزة الكتاب أنه مليء بالصور والرسومات عن طرق الـ examination و X-ray
لكن طويل جداا، أسود وأبيض فممكن تصوروه إذا حابين تطلعوا..وفيه برضوه نسخة الكترونية لمن اردا




العملي الامور كانت ملخبطة الدكاترة يا متأخرين يا مسافرين لكن اتيسرت
المهم كل دكتور له تخصصه وحاولو انه كل واحد يركز على الاقزامينيشن تبعه
ونسيت والله اسماء الدكاترة وتخصصاتهم لأنهم من المستشفى
لكن اهم شي طبقووووووو


في العملي مهم جدا جدا outpatient حاولوا تروحوا العيادات كثير لانه معظم الحالات هناك ومنها تجي الاختبارات وخاصة knee, shoulder, and most specific tests، وما حتلاقوا حالات في inpatient معظمهم postoperative وكسور وحوادث وما حتقدروا تدربوا عليهم، الشيء الوحيد المهم فيها أنكم تتعرفوا على أنواع الجبائر الموجودة..

الاوسكي ركزو على صور المحاضرات لأنها تجي بالضبط وطبعا ماراح يعطوكم اياها الا بدون صور :msn-mad:

الكورس على العموم أفضل كورس خلال الترم بالنسبة لمعظمنا.. لكن الدرجات كانت العكس للأسف..

الدرجات والله ما اذكر ( انا ما اركز على التقسيمة اركز على النجاح :shutup: )
لكن نظري غالبا من 50 على ميد وفاينال
وفيه عملي غالبا من 30 درجة
وفيه اوراق عيادات وعمليات وعنابر للمرضى هذي لازم تمرو عليها ويوقع عليها الدكتور اللي حضرت معه درجته 5
وفيه اختبار اوسكي اتوقع له باقي الدرجات

الاختبار
النظري كالعادة اسئلتهم صعبة لكن الحمد لله تعدي
العملي جيد تمر على خمس حالات وكل حالة عندها دكتور فقط Examin مافيه هستوري

والحمد لله انتهى كورس العظام


Psychiatry
في مستشفى النفسية
مدة الكورس: 3 اسابيع ويومين
اليومين هذي من العظام كما اسلفت
القسم هذا بالرغم من انه اقصرهم مده الا انه اسوأهم برئاسة الدكتور رأفت شقدار :msn-mad: بصراحة ما ادري ايش اقول لكن الله يهديه

وبالرغم من كذا في دكاتره خففو علينا الوضع منهم
الدكتور أحمد حافظ مدير المستشفى الدكتور جدا جدا متواضع ومحترم وحبوب
وايضا الدكتور عبدالله الشنقيطي دكتور طيب جدا
وايضا الدكاترة من الجنسية السودانية محترمين


الدوام كان طويـــــل، محاضرات النظري من 8 إلى 12 ومن 1 إلى 4 العملي

في العملي حاولوا تستغلوا الوقت في المستشفى لأنه الوقت غير كافي واطلبوا من الدكاترة يعطوكم فرصة تآخدوا هستوري، أسئلوا الدكاترة وحاولوا تعملوا هستوري وتقدموها ويراجعوها لكم.. معظمنا ما مدانا نعمل كده.. لكن حيكون أفضل عشان تتطمنوا على الهستوري.. ومهم تعرفوا طريقة كل دكتور في الهستوري.. وخاصة د/ رأفت ود/ أحمد حافظ ود/ عبد الله شنقيطي..


اهم الحالات اللي تجي:
Schizophrenia
Bipolar
Depression
Drugs addicts
Obsessive compulsive disorders
psychosis



المراجع:

كتاب Basic Psychiatry "كتاب سعودي" للدكتور الصغير..
راح تستعملو هذا الكتاب في بعض المحاضرات

والباقي من العروض تبع الدكاترة بالذات الدكتور الشنقيطي تجي منها بالنص
وكذلك الدكتور حافظ


الدرجات
كالعادة ما اذكر لكن معظم الدرجات على النظري وجزء يمكن 30 درجة على العملي

يقال ما ادري صح ولا لا
الغيـاب مهم وعليه درجات وينقصوا على الغياب الواحد..



الاختبار


بالنسبة للنظري سهل الموضوع مجرد أنه تذاكروا أول بأول..

بالنسبة للعملي
تمر على ثلاث غرف في كل غرفة دكتورين وعندهم حالات تنقي وحدة
وتقراها ويناقشك مافيه لا اخذ هيستوري ولا اقزامينيشن

الدرجات كعموم كانت طيبة
ومافي رسوب :w00t2:



Family and Community

طب الأسرة والمجتمع حتاخدوها في المستوصفات..
مستوصف الحرة الشرقية لطب الاسرة
ومستوصف النصر لطب المجمتع ما راح تروحوه الا مرة او مرتين

الدكاترة:
طب الأسرة الدكتور الفاضل خالد هيصم كلمة حق افضل دكتور مر علي في الكلية ما يحتاج اتكلم عنه
طب المجتمع: دكتور جديد اسمه د. خالد قاسم هو دكتور طيب لكن اسلوبه في الشرح والتعامل يخليك تكره الساعة اللي دخلت فيها الطب :msn-mad:
( د. محمد العوضي راح)

مدة الكورس:
9 او 10 أسابيع


المراجع:
محاضرات الدكاترة

توزيع الدرجات: ماني متأكد
أغلبه على النظري جدود 50 درجة ميد وفاينال وفيه كويزين لكل المادتين مجموعه 15 درجة
logbook اسرة و عرض بور بوينت مجتمع 10 درجات
عملي فاينال 20 درجة
وفيه اوسكي ميد وفاينال اتوقع عليهم الباقي 20 درجة


الاختبار :
النظري جدا سهلة واسئلة الكويز تتركر

العملي بالقرعة ناس مع د. هيصم و ناس مع د.قاسم
اللي راح مع د. هيصم انبسط
واللي راح مع د. قاسم نص ونص :$


هذا أخر كورس وختامها مسك كورس جدا جميل والحمد لله عدت السنة على خير

-------------------------------------

وفيه مادتين صغار كل وحدة عليهم ساعة وحدة في المعدل

Applied Anatomy التشريح التطبيقي

Forensic Medicine الطب الشرعي

كلهم في الترم الثاني وساعة وحدة في الاسبوع



Applied Anatomy
هذه مادة أخذنها مع الدكتور شريف جلال من افضل دكاترة الكلية غني عن التعريف

عبارة عن عشرة مواضيع من اختيار الدكتور وكل موضوع ياخذه 5 طلاب ويعملو لها عرض presentation

واختبار الميد 40 درجة
الفاينال 60 درجة

جدا جدا جدا سهلة

لكن المؤسف ان الدكتور شريف خلاص راح يودع الكلية السنة الماضية اخر سنة له :icon1366:


Forensic Medicine

الدكتور القديم أحمد رفعت راح وجاء واحد سوداني اسمه د. احمد عبدالسميع
بصراحة هو دكتور طيب ولكن شرحه مو مرة وهو يدرس pathology وما ادري ايش تخصصه الفعلي

لكن طريقته في الاختبار جدا جدا جدا سيئة
أسئلة غلط والطلاب اخطؤ فيها واسئلته كل سؤال له اكثر من اجابة صحيحة

الدرجات
كويز 10 درجات
ميد 30
فاينال 40
اوسكي 20
اذا ماخانتني الذاكرة

بصراحة المادة راحت لكن برضوه لهذا ذكرى سيئة :dunno:



__________________________________________________ ________________________

وفي النهاية اتمنى للجميع التوفيق والنجاح :)
والسلام عليكم ورحمة الله وبركاته

*$$ المايستروو $$*
03-09-2011, 11:16 PM
وفيه عندي اضافة لكن مالها دخل بسنة معينة
لكن لها دخل بنظام الكلية في اختيار الدكاترة

بصراحة انا في نظري الكلية ماشية في نظام من جرف لدحديرة
أين هؤلاء الدكاترة
بداية من دكتورأحمد العياط
وبعدين دكتور عمرو عقدة
ودكنور شريف جلال
ودكتور أحمد رفعت


وبصراحة في جلب دكاترة ماادري ايش اقول عنهم لكن اسالو الطلاب عنهم
دكتور خالد قاسم
دكتور احمد عبدالسميع تبع الشرعي

وغيرهم لا اتذكرهم حاليا


وخلاص بس كلام كان في خاطري وحبيت اقوله :r

والسلام عليكم

RiYaDh
04-09-2011, 01:07 PM
السلام عليكم ..
اولا كل عام وانتم بخير واعاده الله علينا وعليكم اعواما مديده
اهنئ الطلاب المستجدين الذين التحقوا هذه السنه بالكليه واسأل الله لهم التوفيق والسداد ..
بدايه ..
معاكم اخوكم رياض الحربي
السنه الثانيه (السنه الثالثه بالنظام القديم )
قائد دفعتي العزيزة ..
سوف اطرح تجربتي لهذه السنه التي كانت نقطه فعلا بداية الطب الحقيقيه .


اولا نبدأ بنظام السنه بشكل عام واهم المواد الدراسيه ..
النظام يختلف كليا عن بقيه الكليات الاخرى ..
فالنظام المطبق لدينا هو النظام السنوي بمعنى الماده تدرس من اول يوم دراسي الى اخر يوم في نهايه الفصل الثاني ..
وفي نهايه السنه نحصل على الدرجه من 100 بحاصل مجموع الدرجات خلال الفصلين الدراسيين ..
الاختبارات
تشابه الى حد قريب ماسبق ولكن مع القليل من الاختلاف
الاختبارات تبدا من الاسبوع الثالث الى اخر اسبوع دراسي بمعدل اربع اختبارات قصيره لكل ماده \
+ اختبار عملي لمعظم المواد
+اختبار نصف السنه
+اختبار نهايه السنه

الجداول ..الدراسه ... الزي الرسمي ..زي المعامل
تبدأ الدراسه غالبا من اول يوم دراسي وليس كبقيه الكليات يكون الاسبوع الاول حذف واضافه الخ ..
الجدول ثابت ولايمكن تغييره الا من اداره الكليه نفسها
ويوجد لكل سنه من السنوات قاعه مخصصه للمحاضرات مجهزه ببروجكتر وكمبيوتر خاص تدرس جميع المحاضرات النظريه في هذه القاعه ويعطى قائد الدفعه مفتاح القاعه
الزي الرسمي .. خاص بالذكور
يجب على الجميع الالتزام بالزي الرسمي وهو scrub
وهو كالتالي ..
للسنوات الاساسيه
كحلي
للسنوات الاكلينيكيه :
سماوي
نصيحه .. لايشوفك وكيل الكليه بدون scrub
لانك ببساطه تاخذ غياب في محاضرتك
.
زي المعامل والمشرحه
scrub + lapcoat
من شروط التحضير خصوصا عند بعض الدكاتره التزامك في lapcoat
اماكن تفصيلها وبيعها .
يوجد العديد من المحلات داخل المدينه وخارجها ..
شخصيا انا فصلت من الفالح للبدل العسكريه والبعض من رسيم ولو ان الافضليه للاول >> ماسوي دعايه ابدا ^^
وايضا يوجد العديد من المحلات المختصه لذلك ..

المواد الدراسيه للسنه .
تدرس خلال هذه السنه 5 مواد طبيه +مادتين عامه
وهي :
1- Biochemistry الكيمياء الحيويه السريريه
2-physiology علم وظائف الاعضاء
3- Anatomy تشريح
4- Histology علم الانسجه
5- Embryology علم الاجنه
المواد العامه
1- ثقافه اسلاميه 1
2- لغه عربيه 1

نبدا بالمواد الطبية .. بسم الله الرحمن الرحيم ..
طبعا وبدون منافس نبدا بماده
الكيمياء الحيويه Biochemistry
عدد الساعات : 8 ساعات
تتقاسم الصداره مع ماده الفسيولوجي بعدد الساعات ..
تنظيمها ..
4كويزات كل كويز درجتين ونصف
جميعها MCQs

انشطه صفيه 5 درجات لكل ترم
كانت عباره عن cases
تقسم الى مجموعات بحيث كل مجموعه تقدم عرض كامل وتشرح الحاله امام الطلاب
اختبارين عمليين كل اختبار 10 درجات
ينقسم الاختبار الى جزء نظري 2.5
وجزء عملي في المعمل 7.5
اختبار نهايه الفصل الاول 20 درجه(40 سؤال
ينقسم الى MCQs و Short answears


اختبار نهايه السنه 40 درجه
80 سؤال MCQs
الماده بشكل عام كانت من اكبر العقبات الي واجهتنا
المشكله كانت تكمن في اسلوب بعض الدكاتره في الشرح كان البعض متعب لنا جدا
والغريب في الامر ان دكتور اخر درس طلاب الاسنان نفس الكورس وكان الاسهل بالنسبه لهم ..
فالفرق بطريقه ايصال المعلومه
ايضا الى جانب ذلك كثره المعلومات وتسلسلها
وتحتاج الى المتابعه بشكل دائم
الكورسات الي درسناها كانت كالتالي
Enzymes and Carbohydrate ****bolism by prof Slah Shwetah
Lipid ****bolism by Prof Hessain Alssawaf
proteins by prof Mohammad zahran
protein ****bolism by prof Ayman bargash
bioinergetics by prof mohammad zahran
integration of ****bolism and Diabetes mellitus by Dr.Hossam baghdadi
DNA and RNA synthesis and degradation by prof : salah shwetah
اما العملي كان لكثير من المواضيع اهمها /
Glocuse and glucose teloranse test
ALP and ALT and HP test
والكثير من المواضيع
كنا نأخذ روشته مكتوب فيها طريقه التجربه واهم المعلومات عن التجربه كانت هي مرجعنا للعملي تقريبا بالاضافه
لتسجيل بعض المعلومات اثناء المحاضره مع الدكتور ..
لااحد يدقق بالسبيلينق ^^


درسنا من كتاب Lippincott's Biochemistry
http://store1.up-00.com/Jun11/0l373654.jpg
الكتاب بشكل عام ممل للمذاكره بعض المرات تقرأ الصفحه اكثر من مره ماتطلع بمعلومه مفيده وحده ..
وتحس فعليا بالضياع
لكن افضل الاطلاع على اخر كل فصل الذي يجب حفظ كل معلومه فيه
لانه باختصار يكفيك في الحالات الطارئه ويعطيك الزبده على قولهم ^^
اكثر الدكاتره كان لهم مذكرات كافيه بشكل تام عن الكتاب
مع وجود بعض الدكاتره الي يلزموننا بالكتاب بشكل تام .
تختلف اساليب الدكاتره في الشرح .. البعض يعتمد على الصور التوضيحيه
والافضل في الاسلوب دكتور ماشاءالله عليه اتاكد وثق تمام الثقه تاخذ حقك بالشرح كامل وماراح يتركلك فرصه تسأل سؤال لو صبرت عليه
لاحاطته الموضوع بشكل تام ويشرح من اول دقيقه لاخر دقيقه
وايضا انصح الجميع باحضار المذكرات قبل كل محاضره لتسجيل النقاط المهمه خلال الشرح
الماده كانت دسمه جدا والمعلومات كثيره والانزيمات اكثر حقيقه تحتاج مجهود ومتابعه دائمه
ومن المواد الي ابدا مايحتاج تنترك لبعدين
افضل ان تذاكر كل محاضره بيومها مع مادتي الفسيولوجي والاناتومي لانني لااريد منكم الوقوع بنفس اخطائنا ..
بالنسبه للعملي في هذه الماده .. تحتاج ممارسه وتكرار خلال الدرس البعض اخطأ ولم يمارس كثيرا اعتمد على مجموعته في العمل
نصيحه اشتغل بيدك اتعلم بنفسك ممكن تخطئ خلال التدرب ويمشي الحال لكن خلال العملي لو غلطت ..ماراح تشوف الا صفر كبير .. \
وبكذا ختمنا اول ماده ..


ثانيا ..
ماده Physilogy علم وظائف الاعضاء
8 ساعات
مهمه طبعا ومقامها مقام الكيمياء الحيويه
تقسيمها كالاتي ..
4 كويزات كل كويز 5 درجات
كانت جميعها MCQs
اختبارين عملي 10 درجات لكل فصل كانت طريقته كالتالي
اختبار OSPE 5 درجات
كان في عرض بوربوينت في صور ومقاطع فيديو عليها اسئله في الورق الي معانا طبعا اسئله كتابيه ..
وال 5 الاخرى عملي
اختبار نهايه الفصل الاول 20 درجه
40 MCQs
اختبار نهايه العام 40 درجه
80 MCQS

الكورسات الي درسناها
Autonomic Nervous System By Prof: Ahmad Agamy
Nerves & Muscles By Prof: Ahmad Agamy
Blood By Prof: Mahmoud Fora
CardioVascular System By prof : Ahmad Emad
GIT By Prof: Mohammah Fath Elbab
Endocrine System By Prof: Mohammad Salem
mtabolism By Dr. Muhammad Fath Albab
اما العملي كان كالتالي ..
stethoscobe ..heart sound .pulse . blood pressure ..blood typing ..ECG studies ..hematocrit
PCV ..والكثير من المواضيع ..
كان المرجع الاساسي للقسم هو كتاب Guyton

http://store1.up-00.com/Jun11/qi573654.jpg
وايضا وانصح بها شخصيا .. يوجد سلسله كتب د.احمد العجمي physiology made easy series
http://store1.up-00.com/Jun11/Sbj73654.jpg
وكان لاكثر الدكاتره مذكرات خاصه بهم تكون كافيه للمنهج ..

الفسيولوجي ماده سهله ممتنعه يجب الا تهمل ابدا مذاكرتها سهله جدددا وممتعه لكن
تنسى بسرعه
نصيحتي لكم الماده هذي لاتتساهلوا فيها ابدا .. فكانت اكثر المواد الي خسفت معدلات الطلاب خلال السنه ودرجات الطلاب بهذه الماده اقل من البايو
يجب متابعه كلام الدكتور ومعرفه النقاط الي يركز عليها خلال شرحه
اسئله القسم كانت على المزاج تقريبا بعض الاحيان بسيطه والبعض صعبه جدا
وبعضها سهل ممتنع
مذاكره الماده : الماده تحتاج مذاكره ممكن تجمع اكثر من محاضره مع بعض ويعتمد على الطالب وتركيزه في المحاضره ..
الكثير ومنهم انا قد اكتب ملاحظاتي على الاوراق اثناء الشرح واحاول ان اقرا مع الدكتور الموجود بالاوراق وااشر بالكلام الي ذكره الدكتور وتكفيني في اوقات المذاكره ..
بالنسبه للعملي الاختبار دقيق ويحتاج ممارسه
.. من اول محاضره انصح بشراء سماعه خاصه بك راح تحتاجها اكثر من مره سواء هذه السنه او خلال دراستك السنوات القادمه
قياس الضغط يحتاج تدريب صحيح وايضا النبض تحتاج لدقه ..
..
شطبنا على ثاني اهم ماده خلال هذا السنه ..

Anatomy التشريح .
عدد الساعات :6 ساعات
من اكثر المواد بكم الصفحات ..
كان تقسيمها كالاتي .
4 كويزات خلال الترمين
كل كويز 5 درجات
15 MCQs لكل كويز
اختبارين عملي كل اختبار 10 درجات
التعرف على العينات وكتابتها 10 عينات
اختبار منتصف الفصل
20 درجه
40 MCQs
اختبار نهايه الفصل
40 درجه

كانت الكورسات الي درسناها كالتالي ..
Upper limb by Dr.Wael Zarena
Thorax by Dr.wael Zarena
Abdomen by Dr. Sami algaidi
Pelvis by Dr. wael Zarena
Lower limb by Dr.Yasser albastawessi
تدرس تشريح الجسم نظريا .. بدايه بالعظم وتضاريسه اي حفره لها اسم اي بروز فيها له اسم اي منطقه بالعظم لها اسم ..
العضلات تدرس بالتفاصيل من فين تبدا وتنتهي وايضا الاعصاب والشرايين المغذيه لها وماهي الحركات الي ممكن تؤديها هذه العضله
وفي حاله انقطع هذا العصب ايش الاشياء الي ممكن تصير ..
العملي كان تطبيق لما تمت دراسته بالنظري ومشاهدته بدايه بالعظم ثم العضلات ثم الاعصاب والشرايين والاورده والاعضاء الداخليه
بنهايه السنه ستجد نفسك ملم بشكل عام بالجسم ماعدا الراس والعنق الي ندرسها باذن الله السنه القادمه
افضل قسم بدون اي منافسه
افضل دكاتره على الاطلاق
الجميع راح يحب الماده من دكاترتها المميزين
شي مميز جدا وشرح اميز واسلوب رائع بالشرح
وعروض البوربوينت شي اخر وايضا يوجد فيديوهات توضيحيه للماده كانت تعرض وموجوده على جهاز القاعه
مرجع القسم هو
كتاب snell
http://store1.up-00.com/Jun11/Sw173654.jpg
لكن فعليا ندرس من مذكرات الدكتور المبدع د.شريف الي بنظري اشوف انها افضل من سنل بمراااحل
اسلوب المذكره بسيط ورائع والاهم ملم بمعلومات قد لانجدها في المراجع
وايضا درسنا جزء lower limb
من مذكره د.ياسر البسطويسي
مذكره مميزه واسلوب رائع في الكتابه وسهل للحفظ
اما بالنسبه للاطالس .. كنا نعتمد على اطلس GRANTS and Gray's anatomy Atlas
http://store1.up-00.com/Jun11/jIX73654.jpg

http://store1.up-00.com/Jun11/oHE73654.jpg
موجوده على الانترنت كامله ..
كانت مفيده والمميز فيها تعدد الصور باكثر من ناحيه
لكن من جهتي بأن الصور الموجوده في عروض الدكتور كانت كافيه
الماده بشكل عام كانت من افضل المواد درجاتيا ومعلوماتيا من المواد الي لما تخلصها تحس انك قطعت شوط كبييييييير في الطب
واكتشفت اشياء كثير تتعجب منها وتجد الاجابات الشافيه لكثير من الاسئله التي تخطر على بالك
اسلوب الاسئله كليا يعتمد على cases
ومثال على ذلك مثلا يوجد عصب خلال مساره يمر من تحت الكوع اسمه ULNAR NERVE
تجي الحاله كالتالي واحد جاته ضربه اسفل كوعه وماقدر يحرك اصباعه الصغير والي جنبه اكثر عصب ممكن يتاثر بهذه الاصابه هو ..
وتجي الاختيارات وتكون انت عارف اش الي يحرك هذي الاصباعين وتعرف العصب الي يمر من خلال هذي المنطقه
فيكون اكثر احتمال لهذا العصب ..
وعلى هذا النحو
..

الماده الرابعه ..
علم الانسجه Histology
عدد الساعات 3
ماده ممله جددددا واسوأ ماده تتذاكر المعلومات متشابكه وتحتاج مجهود كبير في المذاكره
لازم تعطيها حقها في المذاكره لانها بجد شي يجيب الطفش لو ماتذاكر في الكويزات تمام لكن لو بدأت صح تكون ماده بسيطه
اللعبه ومافيها الوقت ولا والله مافيها ولا جزء من الصعوبه
وجميع المواد على هذا النحو .. تحتاج فهم وترتيب وحفظ ..بس المشكله بالوقت فقط .!!والصعوبه وحده في جميع المواد . ..
تقسيم الدرجات ..
4 كويزات كل
5 درجات لكل اختبار 15 MCQs
10 درجات اختبار عملي لكل فصل ..
مشاهده 20 شريحه
اختبار نهايه الفصل الاول 20 درجه
40 MCQs
اختبار نهايه العام 40 درجه
80 MCQs
درسنا خلال الترم الاول General Histology
الكورسات الي تمت دراستها

Histology of ...
Connective Tissue
Bone
Cartilage
Blood
Bone Marrow
vessels
Muscle
Nerves
skin
Lymphatic system
Respiratory System
..
اخذنا الماده الجزء الاول مع د.مصطفى الصاوي
وكان مرجعه كتاب هستولوجي لدكتور أيمن غلاب .. اضطرينا نطلبه من مصر
والترم الثاني درسنا مع د.محمد الطيب ..
ودرسنا Special Histology
ودرسنا الاتي ..
GIT
Urinary system
Endocrine system
male reproductive system
female reproductive system
كان المرجع مقرر نفس الشي كتاب د.ايمن لكن الدكتور اعتمدلنا عروضه كمرجع للماده .. نذاكر منها فقط
وبقي كتاب د.ايمن ك اطلس نذاكر منه

الدكاتره كويسين بشكل عام وماابغى ادقق واسئلتهم بصراحه صعبه وكانت اسوأ درجات للطلاب في هذه الماده
ساعدنا كثير العملي لكن النظري كان ممل مذاكره واختبارات ..
نصيحه لاتتركوا الماده كذا كل فتره اقرأ فيها شويه والاهم الكويزات اهتم فيها اكثر حاول تكون مذاكرتك للان وبعدين
لان ببساطه مافي وقت ترجعلها الا عالسريع ..
خصوصا بالاختبارات النهائيه مايكون معاك الايومين .. مستحيل لو تنتحر على الكتاب ما تخلص المنهج حفظ وفهم وحتى لو خلصت يبغالك انتحار على المذكرات

ماده علم الاجنة Embryology
ليت كل المواد مثلها
عدد الساعات : ساعتين
تقسيم الدرجات
4 كويزات
كل كويز 5 درجات
اختبار منتصف الفصل 30 درجه
20 درجه MCQs
10 درجات OSPE
اختبار نهايه العام 50 درجه
40 درجه MCQs
10 درجات OSPE

الماده كانت مقسمه لجزأين اول جزء هو
General Embryology
الجزء الثاني
Specail Embryology
جميعها اخذناها مع د. ياسر البسطويسي
بالنسبه للمراجع
كان كتاب LANG'S MAN
http://store1.up-00.com/Jun11/3vc74884.jpg
لكن كنا ندرس الترم الاول من مذكرات ل دكتور شريف ممتازة جدا وتكفيك للمعلومات المطلوبه
اما جزء special
كنا ندرس من مذكرات مخصصه للمبدع د.ياسر البسطويسي ..
مذكرات مرتبه بطريقه مميزه وبسيطه جدا للمذاكره
برأيي ان هذه المذكرات كافيه جددددددددا للمذاكره
الماده محاضره واحده بالاسبوع حضورك ذهنيا خلال المحاضره وقرائتك لما درست قبل المحاضره يكفيك للماده
ومذاكرتك الجيده للكويزات يريحك كثير بالنهائي ..

نصائح عامه للمذاكره ..
اترك الطريقه التقليديه للمذاكره .عندي بكرا اختبار ابدا ليله الاختبار الين ماخلص
ماينفع ابدا هنا وحتى لو صدقني مستواك يطيح وتتمسك باطراف الدرجات اذا استمريت
بعض الناس يطبق نظام رائع جدا لكن متعب بعض الشيئ بالكويزات .
لكن بنظري الافضل
انتباهك الكامل وقت المحاضره تسجيل ملاحظاتك المهمه بحيث تكفيك عن المذاكره اليوميه .فيصبح نظامك كالتالي
السبت والاحد والاثنين
راحه +الانتهاء من البحوث والانشطه الخارجيه ووتجميع المصادر للكويز القادم
من الثلاثاء الى الجمعه
مذاكره فعليه وصارمه للكويز ..
باذن الله تضمن اعلى الدرجات
بعض الناس يتبع طريقه المذاكره اليوميه لاهم المواد مثل البايو والفسيولوجي والاناتومي
ويذاكر من الاربعاء او الخميس
مفيده صح لكن مهلكه وانا جربتها صراحه وحاولت اطبقها ماقدرت
عموما المذاكره كل واحد وطريقته راح تجد نفسك خلال فتره بسيطه قدرت تتكيف مع النظام الجديد بطريقتك الخاصه
نصيحه نصيحه
اعط الكويزات حقها مذاكره لاتستهين ابدا ..
مو عشان الاختبار لانه ب 5 درجات بل عشانك انت
لما يجي الاختبار النهائي تكون هذي الاشياء مذاكرها
فتخف عليك المذاكره شي كثير
لان لو ماذاكرتها راح تجد نفسك في كومه مذكرات والوقت في النهائي ضييييق جدددددا اشطر طالب مايقدر يخلص لو مابدأ بدري
..

تجربتي مع القياده او الليدره ..
الليدر هو : نقطه وصل بين اداره الكلية والطلاب وهو المسؤول الاول عن الطلاب والذي يمثلهم في جميع المعاملات
لم تكن هذه اول سنه لتولي قياده الدفعه بفضل الله هذه ثاني سنه على التوالي
ايجابياتها
كسبت معرفه الجميع ..ازدادت قاعدتي الاجتماعيه خصوصا في مجتمع الطب تعرفت على الكثير من الزملاء
تنميه الروح القياده لديك
علاقتك مع الدكاتره ونظرتهم لك
علاقتك مع زملائك وتقديرهم لك
احتكيت مع انواع الشخصيات
معرفه ادق المعلومات الي تتداول من مصادرها بحيث تستطيع بنفسك التحقق من اي اشاعه
تنمي روح التعاون والاخوة بينك وبين الدفعه
سلبياتها
لها تأثير على المستوى الدراسي ويختلف التأثير من شخص لاخر
المسؤوليه الكبيره الي تتحملها خصوصا من ناحيه الطلاب ومشاكلهم
كثير من الطلاب يعتقد بأن الحل والربط بيدك ويحملك مالا تستطيع من الامور خصوصا من ناحيه الاسئله او أي تحديد
وايضا انت من يمثل الطلاب امام الدكتور فلو الدكتور زعل من الطلاب اول من يتقبل النقد انت وخصوصا اوقات غياب الطلاب
فأول سؤال يوصلك ... فين زمايلك يابني .. !!
ايضا في مسأله الغياب قد تتعرض للاحراج لو الدكتور مسكك الغياب والي اي ليدر مايتمنى يمسك غياب بسبب الي يصير فيه من احراجات وتحضير
فاافضل حل لهذا الامر الاعتذار عن الغياب وبأنك لاتتحمل مسؤوليته وعلى حسب الدكتور
من المشاكل الاهم ..بان بعض الدكاتره اذا وصلتله وجهه نظر الطلاب ياخذها على محمل شخصي وبأن هذا الرأي رأيي انا وليس رايهم
ايضا قد نجد ضغط من الدكاتره انفسهم في بعض الطلبات كان ذلك بدايه السنه
عند الطلب من الليدر احضار اغراضه الشخصيه لصالح دروسه

طريقتي خلال السنه الماضيه كانت كالتالي ..
في بدايه السنه كنت متحمل الدفعه بشكل كامل سواء برفع المحاضرات او التبليغ بالمستجدات وجميع الامور
بعد ذلك قسمت رفع المواد على بعض الطلاب وكان معي subleader
يكفيني في كثير من الامور
وكان الشغل الحمدلله متوزع واكثر شغلي كان تنسيق مع دكاتره المواد وتواصلي مع اداره الكليه

وان شاءالله سنطبق مافعلنا خلال السنه الماضيه مع المزيد من الترتيب والتنسيق

اتمنى ان اكون قد وفقت في افادتكم بتجربتي المتواضعه لهذه السنه ..
اشكر الاخ معاذ العتيبي .. وفرت علي عناء البحث عن صور اغلفه الكتب ^^ واخذتها بدون اذن ^^
..
وفقكم البارئ جميعا

دمتم بود

Đя.Lυjαiŋ
05-09-2011, 02:53 AM
مشكووور آخوي ع طرحك الرائع لتجربتك

صراحه كفيت و وفيت

الأناتومي ما حبيتها السنه الي راحت

انتحرت قبل اختبارها ما فتحت الملزمه طول السنه لأني كنت حاسه

انو الماده غثيثه

و ذاكرت المنهج كلو في يومين

بس الله ستر .. وذحين حمستني لها

جزآك الله الف خير

إصرار رجل
05-09-2011, 07:12 AM
جزاك الله خير اخوي رياض وجعلها الله في موازيين حسناتك

و صراحة وفقت في تغطيت الموضوع من جميع النواحي

راح يكون لي الشرف بمعرفتك ان شاء الله

اسأل الله لنا ولك التوفيق في الدارين

۩ ..ęνěŗêşť.. ۩
05-09-2011, 04:14 PM
السلامُ عليكم ورحمةُ الله وبركاته.
وكُلُّ عامٍ والجميعُ هُنا بخير...

آه ، يا سرع الأيّام !! :sob:
البارحة كتبت التعريف بالمستوى الأوّل !!
وهذا أنا على وشك البداية بكتابة نبذة عن المستوى الثاني !!
:confused:

،

في البداية أشكر الإخوة في الإشراف على جهودهم...
حبيبي علاّوي << "فيس In love مطلّع لسانه" !
ورياض باشا << "وردة حمراء" !
و دكتور 2014 << "فيس مبتسم ورافع القبعة" !

:)

،
إخوتي الطلاب والطالبات المنتقلين للمستوى الثاني
ألف مبروك النجاح ومن أفضل إلى أفضل يارب.
وإلى كلّ المتعثّرين فيعلم الله إنّ دعواتنا لكم في الاختبارات هالأيام.
وفالكم الباس والتعويض في القادم ، ومازالت أبواب التعويض مفتوحة "عالآآآآخر" !

أخوكم معاذ العتيبي،
مُنتقل من المستوى الثاني إلى الثالث

،

بسم الله وتوكّلنا على الله...
السنة الثانية من الطب
بشكل عام السنة من جميع النواحي أهون من السنة الأولى...
عدا المستوى العلمي << :shutup:
يعني الطالب يكون تعوّد عالنظام ، النفسية ضبطت ، بدأ يرتّب وقته ويعرف كيف يشتغل صح
وفي النهاية، بالرغم من إن الكم العلمي أكبر إلا أن الدرجات غالباً -أو دائماً- أفضل في المستوى الثاني !

طبعاً،
ما يحتاج أعيد لكم بعض النقاط وراح أذكر فقط إنّها زي نظام سنة أولى
:)

عدد المواد : 5 غير المواد العامة.

نبدأ بسرد المواد حسب الوحدات...
Pathology وفي رواية باصولوجي :p
:wub:
قصّة عشق الكلمتين "طالب" و "الطب" تبدأ من هنا !!
عدد الوحدات : 13

Microbiology - علم الأحياء الدقيقة
:confused:
حياة مُرهقة لكن جميلة مع البكتيريا والفايروسات وأخواتِهنّ !
عدد الوحدات : 7

Physiology - علم وظائف الأعضاء
:icon31:
غنيّة عن التعريف :)
عدد الوحدات : 5

Anatomy - التشريح
:icon26:
وش أقول ووش أخلّي ؟!
عدد الوحدات : 4

Parasitology - الطفيّليّات
:icon28:
لا أقول إلّا كما قال نزار وكاظم من قبل... أَكْرَهُهَا !!
هي عبارة عن "طُفيّليّات" قرّرت أن تنشقَّ عن المايكرو رغم أنّها تُدرّس معها في معظم الجامعات!
عدد الوحدات : 4

،

نبدأ بمادة علم الأمراض "Pathology"

الكورسات والدكاترة :
القسم حاليّاً عند الطلاب ليس به سوى دكتور واحد ثابت وهوَ الدكتور محمّد القبلاوي
بالإضافة إلى مسؤول المعمل الدكتور علاء الدين
وفيه دكتور متعاون جاء السنة الماضية وهو الدكتور أحمد عبد البديع
حسب معلوماتي البسيطة إن الدكتور عنده تخصّصين أو حاجة زي كذا...
المهم إنّه جاء يعوّض رحيل الدكتور أحمد رفعت في الطب الشرعي،
ورحيل الدكتور أحمد سعيد في الباثولوجي،
ومع كامل احترامي ومحبّتي للدكتور أحمد لكن هو مش شخص خارق حتّى يقدر يعوّض هالعبقريّين بمستوى جيّد !!
بس وش نقول غير :thumbdown يا كلّيتنا !!

في الفصل الدراسي الأوّل ، طبعاً بتدرسون General Pathology + شيء بسيط من السبيشال.
وفي الفصل الثاني تكملون الـ special Pathology

كان للدكاترة طريقة خاصّة في تدريس المادّة ما أرضت الكثير صراحة،
ألا وهي إنّهم قسّموا حصص المادّة بالنص ، وقسّموا الكورسات بينهم "الدكتورين أحمد ومحمد"
فكان كل واحد يشتغل لوحده،
مثلاً يبدأ الدكتور أحمد في كورس الإندوكراين يوم السبت ، الأحد يجي الدكتور القبلاوي يبدأ في كورس الـ CNS وكأنها مادّة أخرى ،
وكل واحد يكمّل كورسه في محاضراته.
بالرغم إنّ هالطريقة أتعبت الكثير لكن شخصيّاً ما اعتبرتها مشكلة...
المشكلة الحقيقة تكمن في "من فين تذاكر" ؟!

المراجع :
الفصل الأوّل أعلنوا إن المرجع هو كتاب Pathology Illustrated
هو كتاب جميل إي نعم ، لكن صراحة مهو كافي أبداً
وفي تقديري ما يغطّي أكثر من 60% من المعلومات وأسئلة الاختبار...
فما أنصح بالمذاكرة منه أو على الأقل المذاكرة منه لوحده !!
وفي الفصل الثاني أعلنوا إنّ المرجع روبنز
وما فتحته إلا تصفّحاً إلكترونيّا فقط :shutup:
على كل حال،
الدكتور محمد القبلاوي له محاضرات كافية بنسبة 99%
أمّا الدكتور أحمد فبحكم إنّه جديد محاضراته كانت ناقصة كثييييير !!
فلمّا جاء أوّل كويز كانت الصدمة عظيمة والله :( ثم توالت الصدمات :tears:
للأسف الأسئلة كانت تجي من البنك باختيار من الدكتور القبلاوي !
حاولنا كثير نتفاهم وفي كل مرة نأخذ وعود شيء يتحقق وشيء ما يتحقق(شِ) !
لكن قدرنا نأخذ مذكرات الدكتور محمّد القبلاوي والدكتور أحمد سعيد للسنوات السابقة ، للكورسات "المنكوبة" !
ومعظم الشباب ذاكروا منها،
صحيح حس فينا الدكتور محمد وحاول يصحّح الكثير من الأشياء
فعاد شرح مواضيع وحذف مواضيع لكن هذا مهو الحل اللي نبغاه صراحة ، خصوصاً في الباث !!
فلا ترضوا به أبداً ، صحيح كان وضعنا مختلف ومجبورين على الصبر أمّا أنتم فوضعكم مختلف.
وعندكم العام من بدايته.

الدرجات والاختبارات :
كوزين كل ترم وميد يير وفاينال "زي نظام سنة أولى"
الشيء الجديد في الباث إنّ كل كوز كان فيه MCQs + OSPE + Practical Slides
وعليه كلّه على بعضه 4 درجات فكان السؤال النظري بلا مبالغة عليه أجزاء من مئة من الدرجة !!
فصعب وصعب جدّا تفقد الكثير من الدرجات مهما كانت صعوبة الكوزات ! << وفي معظمها كانت متوسّطة الصعوبة.
درجتين عالأكتفتي
وهو عبارة عن بوستر "لوحة" << تجيب "وسيلتك" معك للجامعة :r
+ بروشور "مطوية" + عرض بوربوينت "برزنتيشن"
بالنسبة للأوسبي ففي كلّ أربعاء كنّا نأخذ محاضرة مع الدكتور علاء عبارة عن صور وتحتها كومنتس
<< كلّها من الويب باث هنا http://library.med.utah.edu/WebPath/webpath.html
وموجود -الويب باث- كامل عند الدكتور خذوه منه على فلاش.
الاختبار كان عبارة عن صور (10-15) عليها أسهم وأسئلة مثل إش الحالة وإش الـcomplications
غالباً المعلومات اللي تجي منها الأسئلة تكون موجودة في الكومنتس،
لكن هالشيء ماكان موجود في صور الترم الأوّل...
فكنّا نكتب أو نسجّل محاضرات الأوسبي والأسئلة تجي من كلام الدكتور "برضو غالباً" !!
الميد يير كان متوسّط إلى صعب ، أمّا الفاينال فكان كارثة -سامح الله الدكاترة عليها- !!
يكفي القول إن أفضل ورقة إجابة "سواءً لطالب أو لطالبة" كان فيها 12 خطأ من أصل 80 سؤال، + دخل الاختبار تقريبا 15 شخص في يدهم يجيبوا الـ A+
لينتهي الاختبار وعدد اللي جابوا A -طبعاً محد جاب A+- يعدّون على أصابع اليدين !!
لكن الشافع الوحيد للي صار إنّ الحمد لله درجات الترم الأوّل والكوزات شفعت لنا فمارسب إلا عدد قليل جدّا.

في نهاية وصف المادّة أقول...
المادّة رائعة جدّا بالحيل كثيراً للغاية :r
لكن في نفس الوقت مهمّة ومهيّاش سهلة أبداً !!
فاجعلوا 70% من أوقات مذاكرتكم لها لأنّها فعلاً ضخمة...
وتحتاج أسبوع كامل تقريباً حتّى تقدر تقول إنّك غطّيت 95% من المادّة قبل الفاينال !!

:)
،

المادّة الثانية : المايكرو

الكورسات والدكاترة :
القسم رئيسه الدكتور أحمد الحربي << كان المفروض يعطينا كم كورس لكن انشغل :r
وفيه الدكاترة خليل العلي و قاضي بالإضافة إلى دكتور جديد جاء هالسنة ما أعرف اسمه.

في الفصل الأوّل تدرسوا مواضيع عامّة مثلاً :
إيش هي البكتيريا وخصائصها + كورس كامل عن مناعة الإنسان << كورس راااائع ومثير صراحة.
وفي الفصل الثاني تبدؤوا تأخذوا البكتيريا "حبّة حبّة" :no:
ومن بعدها الفايروسات "واحد واحد" :no:
شيء يخلّي الأسلاك تبدأ تخش في بعض !!
خصوصاً مع المذكّرة "المعقّدة" صراحة << لاحقين عالكلام عنها.
لكن الشيء الجميل إنّ الاختبارات كانت تتركّز على أساسيّات كل بكتيريا
<< برضو لاحقين عالكلام عنها.

المرجع :
هو كتاب مصري ما أعرف اسمه مصوّر وموجود عن الدكتور خليل ومعتمده القسم أيضاً.
الكتاب مُملّ إلى درجة الألم :$ في الترم الثاني تحديداً !
في البداية كنت أحذف حاجات من راسي غصب عنّي والله...
لأنّي إن ذاكرتها أحس بيلتمس فيني سلك !!
والحمد لله ما يجي منها أسئلة...
وبعد ما شفنا طريقة الاختبارات وركّزنا في طريقة الشرح...
صرنا نعرف إش المهم وإش اللي حرام تضيّع فيه وقتك فصرنا "نحذف" بدمّ بارد :r


الدرجات والاختبارات :
زي الباث اللهمّ إن الكوزات نظرية فقط.
للأسف على دفعتنا الاختبارات بدت تدخل فيها أسئلة written من قبل هالقسم (المايكرو والبارا)
فارتبكنا وجات الأسئلة صعبة نوعاً وواضح فيها إن الدكاترة نفسهم أصلاً ما تعوّدوا عالرتن !!
جاتنا فراغات غريبة عجيبة ، لكن كان فيه أسئلة مقالية مباشرة وبعضها أسهل من الMCQs بعد !
بس في الميد يير بالرغم من وجود الأسئلة المقالية إلا أن الاختبار ككل كان متوسط.
أمّا الفاينال فـMCQs فقط وكان ممتاز جدّا :)

في النهاية...
المادّة أو بالأحرى مذكّرتها غثيثة جدّا -رغم إنّها ناسبت البعض-...
فأهم شيء إنّكم تتحمّلوا المحاضرات وتحضروها لأن كلام الدكتور ومحاضراته تحدّد لكم المذكرة تحديد حلو ومفيد :)
وعليكم بالأساسيّات...
أسماء البكتيريا ، خصائصها المُميِّزة لها ، اسم المرض اللي تسببه وأهمّ أهمّ أعراضه.

:)
،

المادّة الثالثة : الفزيو

الكورسات والدكاترة :
تعرفون القسم أحسن منّي :r

بخصوص الكورسات حصل عندكم تغيير في العام اللي فات...
فدرستوا كورسات احنا درسناها في السنة الثانية ،
وما أدري هل بيفيدكم كلامي أو لا لكن بأقول اللي درسناه حنا.

في الفصل الأوّل درسنا...
GIT + Renal + CNS "sensory"
وفي الفصل الثاني درسنا...
CNS "sensory" + CNS "motor" + Special Senses

المراجع :
GIT درسه لنا الدكتور محمد فتح الباب من كتاب الدكتور العجمي
Renal درسناه على يد الدكتور مجدي وله مذكراته
الـsensory درسناه على يد الدكتور محمد سالم وله مذكّراته
الـ Motor درسناه على يد الدكتور العجمي :icon31: وكتبه غنية عن التعريف
السبيشال درسناه على يدّ الدكتور فورا << ناسي اسمه الأوّل :shutup:
لكن حصل اللي حصل فجانا الدكتورين أحمد عماد ومحمّد سالم وحاولوا يعوّضونا
وأعطونا مذكّرات بس صراحة باين عليها العجلة وعدم المراجعة،
فشخصيّاً ذاكرت كذا موضوع من كتاب الدكتور العجمي...
لأنّي ما قدرت أفهمها منهم + ليطمئن قلبي ، وفعلاً فيه أسئلة خرجت عن مذكراتهم.

الدرجات والاختبارات :
كوزين كل واحد من 5
والباقي زي ما اتعوّدنا.
الاختبارات بشكل عام كانت بين المتوسّطة إلى الصعبة ، والأسئلة السهلة نادرة صراحة.
ولعلّ السبب هو أن الكورسات أصلاً صعبة ومعقّدة جدّا !!
يعني الأسهل هو الـGIT لكن برضو كنّا نجيب العيد فيه لأن التحديدات ما تكون دقيقة أحياناً هع وأنتم أدرى :msn-wink:

وفي النهاية أقول...
الكورسات هالسنة -وتحديداً الرينال والموتور-
تحتاج تركيز عميق في الشرح ونصيحة لوجه الله لا تتركوا شيء ما فهمتوه !!
روحوا للدكاترة وجرّبوا تروحوا لأكثر من دكتور حتّى تفهموا اللي استصعب عليكم،
فكل دكتور عنده طريقة خاصة في الشرح ، ولا بدّ ما تلقى اللي تفهم منه.

:)
،

المادة الرابعة : الأناتومي

الكورسات والدكاترة :
برضو أنتم أدرى بالقسم منّي :r

هالعام تدرسوا 4 كورسات 2 كبار = Head & Neck + Neuroantomy
وحتت صُغيّرة في نهاية العام = Histology + Embryology
تبدؤوا هد ونك إلى ما قبل الإجازة بأسبوع "7 أو 6 أسابيع ما أذكر والله"
وقبل الإجازة بأسبوع إلى نهاية الترم نيورو
وترجعوا الفصل الثاني هد ونك إلى ما قبل نهاية العام بـ3 أسابيع ، 2 إمبريو و1 هستو.

الدكتور شريف درسنا كورس الرأس والعنق
وعلى أساس إنّ الدكتور الأردني الجديد يدرّسنا النيورو...
لكنه جاء أوّل أسبوع "اللي قبل الإجازة" وضيّع منه محاضرتين،
ومحاضرتين ما أخذنا فيها شيء يذكر،
وبعد الإجازة تأخر أسبوع ما رجع من السفر << فلّة هع :r
فجانا -ولله كلّ الحمد والشكر- الدكتور شريف...
لكن للأسف كان ضايع منه أسبوعين تقريباً فانضغط في نهاية الترم...
واضطر يحذف حاجات كنّا حنعيد عليها عالسريع في الفزيو.
وكمّل معانا الترم الثاني هد ونك وإمبريو وجانا الدكتور مصطفى في آخر أسبوع للهستو

المراجع :
مذكّرات العملاق شريف للهد ونك وللنيورو وللإمبريو :)
+ مذكرة الدكتور مصطفى الصاوي للهتسو

الدرجات والاختبارات :
كوزّين من 5 والباقي زي ما اتعوّدتوا.
كلّ شيء كان جميل إلاّ الفاينال !!
كان عجيب غريب صراحة فصرنا نشكّ إن الدكتور شريف هو من وضع الأسئلة
-بالرغم من إنّه أكّد إنه هو من وضعها-
الاختبار صراحة كان موضوع لخسف الدرجات فقط !!
لكن الحمد لله نجا الكثير.

في النهاية أقول...
استمتعوا مهما كان الدكتور اللي بيجيكم،
وأتوقع مجرّد توقّع إن توزيع الدكاترة بيكون زي ما كان قبل سنتين : الدكتور ياسر + الدكتور سامي
أهم شيء استمتعوا << من جد ما أدري وش أقول غير هالكلمة !!

:)
،

المادّة الخامسة : البارا

الكورسات والدكاترة :
المادّة تابعة لنفس قسم المايكرو لكن ما يدرّسها إلا دكتور واحد وهو الدكتور مجدي حرك
وحسب كلامه بيجي دكتور يستلم المادّة وهو -د.مجدي- بيتفرغ للمكتب الأكاديمي وبعدها بيمشي.
المادّة "الـ:icon28:" تتكوّن من ثلاث كورسات...
Helminths, Protozoa, Arthrapods
أوّل كورس في الترم الأوّل
والباقين في الترم الثاني

المرجع :
الدكتور أعطانا "لستة" مراجع !!
لكن كلامه كان بالضبط موافق لمذكّرة من إعداد قسم الباراسايتولوجي في القصر العيني.
اللهم بعض الزيادات الخفيفة ، فذاكرنا كلّنا منها.

الدرجات والاختبارات :
كوزين من 4
بحث بدرجتين في كل ترم طبعاً
وميد يير وفاينال (عملي + نظري)

أوّل كوزّ كان MCQ فكثير جابوا فل مارك ماشاء الله برغم صعوبته وصعوبة المادّة بشكل عام.
لكن من بعدها بدأ يدخل الرتن ومع احترامي للدكتور بدأ يدخل التعقيد والضغط عالطلّاب !!
فتجي أسئلة غريبة يتبعها تصحيح أغرب !!
محد كان يأخذ فل مارك أبداً اللهم في آخر كوز واحد جاب 39 ونص فجُبر النصف !!

العملي،تقريباً 85% من النظري داخل في الاختبار،
تجيك عيّنة وعليها أسئلة نظرية،
صح تفيدك مذاكرة العملي في الاختبار النهائي لكن برضو كانت تضغطك في الوقت.
الميد يير كان صعب صراحة وطبعاً كان فيه أسئلة مقاليّة عجيبة !!
من شلّة "اكتب عن" !!
أمّا الفاينال فكان من متوسّط إلى سهل وقدر الكثير إنّهم يعوّضون ولله الحمد.

وفي النهاية أقول...
المادّة جميلة لو كان اختبارك عن كل دودة أو طفيلي على حدة :r
المشكلة إنّك تدخل الميد يير -مثلاً- وعندك فوق الثلاثين تقريباً وبينها تشابهات كثيرة واختلافات دقيقة !!
فهذا "أحد" الأسباب اللي خلّتني أبغض المادّة << والأسباب كثيرة لكن أكتفي بواحد :r
الحل الأمثل لمذاكرة المادّة...
إنّك تذاكرها أكثر من مرّة ثم تراجعها وبعد كذا ترجع لمّا يُسمّى بالتجميعات...
وتذاكرها مرّة ومرّتين وثلاثة بعد !!
التجميعات حتعرفوا معناها السنة الجاية ، لكن كمثال :
الطفيّليات التي تسبب إسهال -أكرمكم الله- هي : .... ويسردها لك
الطفيّليات اللي تسبب أمراض في المخ هي : ... وكذا.
وتكون أنت مذاكرها لكن تحفظها بهذا الترتيب لأن الاختبار 80% منه تجميعات !!
All.... Except :

فشدّوا حيلكم وإن شاء الله الدكتور الجديد أو الدكتور أيمن إذا كان بيرجع...
يسهّل عليكم المادّة ويخليها أمتع

:)
،

بكذا أكون انتهيت ، أتمنّى تكون هالخربشات مفيدة فعلاً لكم.
واعذروني إنّ كان فيها خطأ أو نقص.
حاولت باللي أستطيع في الظروف الحاليّة...
وإن شاء الله إنّي أكون أجدت ولو بشيء بسيط.

شُكراً لكم وأيّ استفسار أنا حاضر سواءً هنا أو في الكلّية...
صح ما عدنا جيران وبيودّونا للدور الثالث لكن برضو ما زلنا في نفس المبنى

كل التحايا والدعوات بالتوفيق لكم

:)

عُ ــمق ،!
05-09-2011, 10:15 PM
السلام عليكم ورحمة الله وبركاته ،.

كل الشُكر للقائمين على هذا الموضوع والمشاركين فيه ، ولا يسعنا سوى أن ندعوا لكم بالتوفيق والسداد
ويجزيكم الله عنا خير الجزاء :) .،

الأخ .. إيفريست ، معلوماتك كانت كافية ووافية وماقصرت :)
وكمان استفدنا من تجربة الأخت إسراء (f) جزاها الله خير .



نرجع للاستفسارات والمخاوف والقلق :wacko:/ صراحةً كُنت متفائلة بسنة ثانية خيراً
خصوصاً إنو المواد جديدة علينا فـ يكون عندنا حماس نتعرف على المواد الجميلة واِحنا منشكحين :shiny: بس ماشكلو كدا :( !

زاد القلق عن موضوع كُنت متأزمة منو من سنة أولى :/
ألا وهوَ " المراجع " ! يعلم الله إنو السنة إلي فاتت زاكرنا من مذكرات هيَّ أقرب أن تكون ملخصات أكثر من أن تكون مرجع لطالب طب ! << طبعاً في بعض المواد مو كولها .
يعني لا هيا قد التعب والمزاكرة ولا قد الاختباااااار إلي بيتحط :shutup:

الله يستر وتعدي دي السنة على خير .

dr.ho
06-09-2011, 06:59 AM
يعطيكم العافيه ،،، معاذ ورياض ،،، كفيتوا ووفيتوا ،،، كنت راح أكتب تجربتي ،،، لكن أخي وحبيبي معاذ يكفي ويوفي ،،،

تجربته ما بعدها تجارب ،،، بس بأعلق على أهم نقطة ،،، ألا وهي الباثولوجي:

للتذكير فقط لا غير ،،، اناتومي(4 وحدات) + فسيولوجي(5) + بارا(4) = باثولوجي(13) ،،، أقصد ،،، في المعدل ،،،

هي المادة الرئيسية لسنه ثانيه ،،، فلما يقولكم معاذ 70 % وأكثر ،،، لا تستغرب ،،، ويمكن أكثر بعد ،،، بدون مبالغة،،،

في الفاينل ،،، ذاكرت اسبوعين قبل الاختبار وما خلصت ،،، وأنا مستعد من قبل ،،، نظراً لكم المعلومات الهائل ،،، بدون

تخويف ،،، لكن الأفضل إنك تعرف الشيء المقبل عليه ،،، حتى تستعد أكمل استعداد ،،، لا تفوت ولا محاضرة مع

الدكاتره ،،، حاول تذاكر يوم بيوم ،،، هو الحل الوحيد مع هذي الماده ،،، راح تبدأون ،،، تسخين أول اسبوع ،،، بعدين

يبدأ الدكتور القبلاوي ،،، بالإقلاع ،،،

بالنسبة لباقي المواد ،،، فما يحتاج أتكلم عنها ،،، معاذ كفى ووفى ،،، أصلاً ،،، إذا تمكنت من الباثولوجي ،،،

فبإذن الله راح تتمكن من الباقي بسهولة ،،،

بالتوفيق يا حلوين ،،،

RiYaDh
06-09-2011, 06:32 PM
مشكووور آخوي ع طرحك الرائع لتجربتك

صراحه كفيت و وفيت

الأناتومي ما حبيتها السنه الي راحت

انتحرت قبل اختبارها ما فتحت الملزمه طول السنه لأني كنت حاسه

انو الماده غثيثه

و ذاكرت المنهج كلو في يومين

بس الله ستر .. وذحين حمستني لها

جزآك الله الف خير
العفو اختي
الاناتومي تعتبر من اسهل المواد خلال السنه ..مو لسهولتها لكن بمبدأ المقارنه مع المواد الاخرى ^^ بالاضافه الى اسئله القسم وكفاءه الدكاتره ..
السنه التحضيريه كان المنهج تقريبا ضائع مافي شي محدد اما السنه الجايه ان شاءالله يكون الوضع افضل بكثير مما قبل ^^
شكرا لمرورك ^^

جزاك الله خير اخوي رياض وجعلها الله في موازيين حسناتك

و صراحة وفقت في تغطيت الموضوع من جميع النواحي

راح يكون لي الشرف بمعرفتك ان شاء الله

اسأل الله لنا ولك التوفيق في الدارين


الشرف لي اخي الفاضل لقرائتك ومرورك ..
وساتشرف بالتاكيد بالتعرف عليكم .. وفقك البارئ ..
دمت ..

Everest >>

كالعاده لاجديد انتم اصحاب الابداع
كفيت ووفيت واحطت الموضوع من جميع النواحي ..
واستفدت فيما قبل من تجربه السنه الاولى وهاا انا اقرأ واستفيد اكثر من تجربتكم للسنه الثثانيه ..
ونحن على خطاكم ذاهبون ^^

على طاري GIT..
هههههههههههههههههه للاسف اكلنا نفس المقلب ^^ لكن كان اخف
وان شاءالله يتجدد لقائنا حتى لو طلعتوا فوق وراكم ان شاءالله مافي فكه .. وكالعاده تحملونا بالاسئله ^^


ماقول غير .. الله يوفقك ^^

عادل .^^
اضافتك مميزه وكلامك رائع
احسست بهيبه الماده العظيمه الباثولوجي ..
لانستغنيي عن كلماتك وخبراتك ونصائحك ^^
شكرا لكم جميعا .. جميع من علق هنا ..

في حقظ الرحمن

RiYaDh
06-09-2011, 06:34 PM
المايسترو ..

تجربتك مميزه ورائعه ..
استمتعت بقرائتها ..
جزاك الله خير ..
واشكرك على استجابتك ^^
دمت بود .

Dr.Smile
07-09-2011, 09:25 AM
اولا كل عام وانتوا بخير


وان شاء الله بداية موفقة وجديدة للجميع


واحب ان اهنئ وابارك لزملائنا الجدد على قبولهم في الطب

وان شاء الله بداية خير ونشوفكماحسن دكاترةو ترفعوا راس اهاليكم والمدينة فووووق





السنة الثالثة (الرابعة بالنظام القديم)


هذه السنة تعتبر المرحلة الإنتقالية بين البيسكك والكلينيكال راح تحسوا انه هذه السنةعبارة عن سنتين


طبعاً الترم الأول راح يكون مثل السنوات السابقة كله في الجامعة


والترم الثانيراح تنزلوا مستشفيات ويبدا المشوار الكلينيكي






المواد اللي راح تدرسوها خلال دي السنة :


الترم الاول:


1. علم الادوية الطبية Pharmacology


2. مهارات الاتصال communication skills


3. المهنية الطبية professionalism


4. مهارات البحث الطبي Medical research skills


5. الطب النبوي والطب التكاملي Prophetical Medicine


6. أخلاقيات الممارسة الطبية (2) Medical Ethics


7. الثقافة الإسلامية (4)











الترم الثاني:


1- علم الجينات الطبية Genetics


2- الطب الباطني (1)Medicine


3- علم الاشعة (1) Radiology


4-جراحة (1) Surgery











طبعا اهم المواد في دي السنة:





Pharmacology عددالوحدات 8


Medicine عدد الوحدات 7


Surgery عدد الوحدات 7








الترم الاول:


زي ما شفتوا الترمالاول 7 مواد لا تخافوا ..


تقدروا تقولوا انه90% كلها على الفارما و10% على بقية المواد





1. علم الادوية الطبية Pharmacology


عدد الوحدات 8





راح يدرسوكم دكاترة من كلية الصيدلة


احنا العام درسونا 5 دكاترة كل دكتوركان يشرح جزء معين


دكتور عبدالحليم السواس : مرررررة طيبوحبيب لكن شرحه مو قد كذا


دكتور مهران : ماشاء الله ما يحتاج كاناحسن واحد في الشرح


دكتور السيد : برضو طيب وشرحه ممتاز


دكتور اقبال : والله عن نفسي شرحه كانطيب بالنسبة ليا لكن اغلب الشباب ماكان عاجبهم لانه اصله من الهند ودرس فياستراليا فاللكنة بالانجليزي كانت موعاجب الطلبة


دكتور حاتم : شرحه كان ممتاز وكان طيببس خسارة ما درسنا كثير





الاختبارات


راح تكون هناك 3 كويزات وهما راح ياخذوا افضلاثنين في الدرجات لكل طالب


يعني لو واحد جاب درجة كويسة في الكويزالاول والثالث والثاني مو قد كذا راح يحسبوله الاول والثالث


والثاني لو جاب درجة في الكويز الثانيوالثالث احسن والاول مو قد كذا راح يحسبوله الثاني والثالث





اول كويز على طول اول ما تخلصوا الجنراليعني تقريبا اسبوعين من بداية الدراسة





الكويزات عبارة عن مساعدة من القسم وممكن لو نسقتوا معاهممن بدري تقدروا تخلوه 4 كويزات


كل ما كثرت الاختبارات كل ما زادت فرصلك انك تعرف محل الاسالة وكمان تحسن درجاتك





في اختبار ميد بعد 7 اسابيع او 6 تقريباوبرضوا معاه اختبار ميد عملي وطبعا العملي زي النظري محاضرة عادية ماراح تعملوا أيشيء لكن سمعت انهم جابوا برامج العملي وراح يدخلوكم على معمل الحاسب موجود ويدربوكمعليها لسوء حظنا انه دي البرامج ما وصلت الا على نهاية العام .


واخيرا الاختبار الفينال وبرضوا اختبارعملي فينال











توزيع الدرجات


ما افتكربالزبط لكن اعتقد انه الكويزات كانت من10 والميد من 20 والعملي النصفي من 10 والاختبار الفينال كان عليه 30 والعملي الفينالمن 30





المراجع





النظري


ليبنكوت Lippencott's Pharmacology


كل الدكاترة كانوا يشرحوا منه وماكانوايخرجوا منه لكن في الطبعة الرابعة في بعض الاخطاء ودحين في طبعة جديدة دي السنةالطبعة الخامسة





وكل الدكاترة عروضهم كانت نسخ ولصق منالكتاب ما عدا الدكتور مهران راح يديكم مذكراته في جزئيته مرة كويسة لكن لازم تتابعوا معاه في الشرح عشانتفهموا مذكراته


طبعا بعض الدكاترة راح يعطوكم العروضوالبعض لا


لكن كلها من نفس المرجع ما عدا جزئيةالدكتور مهران فمرجعه من كتاب Goodman & Gilman


المرجع مررررة كبير زي Grays anatomy


وبرضو بعض الطلبة استخدموا كتاب recall pharmacology لكن كشيء اضافي مع Lippencott'sوالبعض استخدم الكتاب في مذاكرة المواضيع اللي ما لحقوا عليها في الاخير


اذا خلصتوا من دي المادة خلاص اعتبروانفسكم خلصتوا من سنة كاملة





العملي


المرجع راح يعطوكم الدكاترة من عروضوبعض المذكرات لكن نصيحة طالبوهم فيها من اول مو زينا تركنا وقبل الاختبارات بكميوم كنا نجيبها منهم


الخلاصة: الحضور والتركيز في المحاضراتوالمذاكرة أول بأول ستعطي نتيجة طيبة بإذن الله
لأنهالمنهج طويل مرة ويحتاج جهد بصراحة








وبقية المواد


2 مهارات الاتصال communication skills


عدد الوحدات 1


اخذناها مع الدكتور محمد لبن من قسمالنساء والولادة ماشاء الله كان انسان مبدع وذكي وخلوق لكن للاسف العام كان اخرسنة له في الكلية


وجزء بسيط في الاخير اخذناه مع الدكتورالرائع محمد زللي رئيس قسم الاطفال


مافي أي كويز كله عبارة عن اختبار ميدمن 40 والفينال من 60 والفينال كان في 3 اسالة كتابية Assay لكن لا تشيلوا هم مرررةبسيطة


المرجع كان الدكتور محمد لبن معطينا المحاضراتمطبوعة


مادة سهلة وبسيطة








3 المهنية الطبية professionalism


عدد الوحدات 1





اخذناهمع الدكتور أحمد العجمي من قسم الفيسيولوجي والدكتور معاذ مجددي رئيس قسمالفيسيولوجي برضو مرررة جيد





المرجع


كانالدكتور احمد العجمي الله يجزاه الف خير مسوي مرجع بالانجليزي مرررة تمام ومرتب


برضوتعتبر مادة سهلة


الاختبارات


كويزينوميد وفينال





توزيع الدرجات


30على الميد وعلى الحضور اعتقد كان 10 و واجب واحد من 10 والفينال من 50








4 مهارات البحث الطبي Medical researchskills


عدد الوحدات 2





مادة مهمة بعد الفارما لانه يوضح للطلاباساس البحث الطبي وكيفية عمله





اخذناه مع الدكتور خالد هيصم برضو للاسفراح وترك الكلية


والدكتور خالد قاسم بصراحة الدكتور فاهملكن مشكلته ماعنده طريقة التوصيل للمعلومة وبرضوا اسلوبه شوية سيئ هذا من وجهةنظري انتوا احكموا عليه بنفسكم





المرجع


محاضارت الدكتور خالد قاسم





الاختبارات


كان في كويزين وميد وفينال وعمل بحث





توزيع الدرجات


تقريبا ما افتكر بالزبط لكن التوزيع كانغبي شوية انه الفاينل كان عليه درجات اقل من الميد


كل كويز من 10 والميد من 40 وعمل بحثعليه 20 درجة و30 على الفينال





لو انتا فاهم دي المادة راح تفتح لكمجالات كثيرة في المستقبل والطب الحديث كله مبني عليه





5 أخلاقيات الممارسة الطبية(2) Medical Ethics


عدد الوحدات 1


اخذناه مع دكتور مصطفى اللييدرس الهيستولوجي


المرجع


كان كاتب اخلاقيات الممارسةالطبية لكن للاسف الكتاب شوية طويل فالدكتور كان يعطينا مذكرات لكن كل مذكراتتتكلم عن مصر فكان هبل وغير كذا الدكتور ما كان فاهم بعض الامور وكان يعطينا هيابطريقة غلط


والاسالة برضوا كان يحطهاوهوا ماهو داري عن اجوبتها


الله يعينكم على دي المادة


الاختبارات


في ميد وفينال بس


توزيع الدرجات


40 ميد60 فينال





مادة سارت غبية بسبب المرجع الغبي





6 الطب النبوي والطبالتكاملي Prophetical Medicine


عدد الوحدات 4



الطبالنبوي مع الدكتور حسين يماني ودكتور باسم شيخ


والتكاملي مع الدكتور اسامةالصديق تخصصه جلدية والطب التكاملي


المادة دي تدرس بس عندنا فيالكلية الجامعات الثانية ما يدرسوها حلاوتها انه تاخذ الطب من منظور اخر وغير كذاتعرف انه سيدنا وحبيبنا عليه افضل الصلاة واتم التسليم كيف كان يعالج نفسه صلى الله عليه وسلم واصحابه رضوان الله عليهم


الاختبارات


ميد وفينال


توزيع الدرجات


ميد من 40 و الفينال من 60





مادة مرة روعة عن نفسيعجبتني وسهلة بس يبغالك تكتب مع الدكاترة


وطبعا مافي مرجعلدي المادة





7 الثقافة الاسلامية


عدد الوحدات 2


واخيرا باقي الثقافة للناساللي ما خصلوا المستوى الرابع











الترم الثاني





راح تنزلوا المستشفى ومينقدكم يا معلم خلاص قربتوا خطوة كمان من التخرج الاحساس مرررررة حلوا انك تنزل مستشفىوتشوف المرضى والحالات


وكمان راح تتغير السكربات منالكحليللازرق فاتح





طبعا راحيتقسم الترم الى 9 اسابيع لكل مادة


9 للجراحة و9للباطنة


الجيناتوالاشعة عبارة عن محاضرة وحدة كل اسبوع يوم الربوع من 8 الى 10 وراح تستمر طول الترم





الاولاد راحيبدؤا بالجراحة والبنات بالباطنة وبعد 9 اسابيع راح تسير العكس





الجراحة


عدد الوحدات 7
قسم الجراحة اتحسن بكثيرعن اول

مدة الكورس 9 اسابيع من ضمنها اسبوع اختبار الفاينل واسبوع لإختبارالمي.
وسيتم تقسيم الدفعة بناء على رغبة الطلبة إلى عدة مجموعات على حسب المستشفيات اللي راحتنزلوا فيها
احنا طبعا ما نزلنا الا في احد واحد مافيها حالات وما نلزنا ملكفهد غير اسبوع واحد على عكس الدفعات اللي قبلنا


ليش الله اعلملكن ان شاء الله السنة دي يكون غير



بالنسبة للدوام مقسم ما بين المستشفى والجامعة




من 8-9صباحاً يكون تحضير الحالات من قبل كل مجموعة والساعة الـ 9 يجيكم الدكتور المسؤولعن كل مجموعة ويناقشكم في الحالات ويتكلم عن موضوع الحالة من الناحية النظرية أوالعملية على حسب الدكتور حتى الساعة 11 أو 11.30

بعدالظهر محاضرات نظرية ماعدا يوم الاثنين من كل اسبوع محاضرة Skill Lab وغالباً محاضرات الجراحة ماتتعدى الساعة 3



والمواضيعالنظرية اللي راح تاخذوها في المحاضرات ما تتعدى الـ 20 موضوع محاضراتهم قليلة

المراجع



النظري

كتاببايلي أند لوف: هو المعتمد من القسم كتاب طويل عن نفسي ذاكرت منه موضوع واستفدتمنه لانه بيشرح بطريقة حلوة لكن مشكلته بياخذ منك وقت طويل

كتابالقصر العيني: كتاب مصري جيد وعلى مستوانا معلوماته قديمة بعض الشي بس مقارب لشرحبعض الدكاترة أغلب الدفعة ذاكروا منه. عن نفسي بعد اختبار الميد تركته وماذاكرت منه .




مونتريد: الطلاب مدحوا فيه عن نفسي ما جربته شخصيا

سيرجيكالريكول: كتاب رائع مرررة جيد مهما كان مصدرك للمذاكرة لازم لازم تذاكره من داالكتاب برضو

العملي

براوز:كتاب عملي عن نفسي ما عجبني لكن صوره مهمة

القحطاني: كتاب جيد ومختصر لبراوز ومفيد في المراجعة قبل الإختبار لكن اغلب الدكاترة مايعرفوا عنه لكن بعد ما وريت واحد منهم مرة عجبه


الإختبارات مع توزيع الدرجات

اختبار ميد يتكون من اختبار نظري من 20 درجة واختبار اوسكي ( يكونعلى شكل سيناريو وعلى موديل بالإضافة لشرائح صور عليها أسئلة ) عليها 10 درجات..وكان موعده في الأسبوع الخامس من الكورس


طبعا الاوسكي والموديلاعتبروها مساعدة من القسم ما عدا النظري اسالة صعبة .

اختبارفاينال يتضمن اختبار نظري من 30 درجة واختبار اوسكي (زي الإختبار النصفي) عليه 20درجة واختبار Long Case عبارة عن حالة تأخذها فيالمستشفى وتأخذ الهيستوري والإكزامينيشن على الحالة وعليه 20 درجة

مهم مررة انكم تحضرواالسيشن اللي في المستشفى لأنه غالباً أسئلة العملي ما تخرج منه
وحاولوا تمروا على كل الدكاترة وتستفيدوا منهم وتغطوا كل المواضيعحتى لو ما كان عليها حالات



الباطنة
عدد الوحدات 7

مدة الكورس 9 اسابيع من ضمنها اسبوع اختبار الفاينل واسبوع آخرلإختبار الميد لكن للاسف احنا اخذناه مواضيع النظري في 6 اسابيع ونص


محاضراتالنظري تقريبا 63 موضوع وكل يوم تقريبا راح تاخذوا من موضوعين لثلاث



برضو تتقسم الدفعة إلى عدة مجموعات على حسب المستشفيات اللي راحتنزلوا فيها لكن الحمدلله نزلنا طول الفترة في الملك فهد





الأسبوع الأول يكون في الجامعة محاضرات فقط ومن الأسبوع الثانيالدوام يكون مقسم ما بين المستشفى والجامعة

السبت يكون في الجامعة الصباح من 8 – 10 يكون مخصص لمحاضرة نظريللإكزامينيشن كل اسبوع سيستم ومن 10 – 12 skill lab ويوركمالاكزامينيشن وبعد الظهر محاضرات.

من الأحد للأربعاء.. من 8-9 صباحاً يكون تحضير الحالات من قبل كلمجموعة والساعة 9 يجي الدكتور المسؤول عن كل مجموعة ويناقشكم الحالات ويتكلم عنموضوع الحالة من الناحية النظرية أو العملي على حسب الدكتور اللين الساعة 11 أو 11.30


وكل ربوع بعدالظهر من 1 – 3 اتختبار عملي للسيستم اللي اخذتوه في الاسبوع


والدوام مرهق نوعاما من 8- 4 واحيانا 5

المراجع

النظري

كوماروكومار البوكيت.. هو الكتاب المعتمد من القسم كتاب جيد بس الـ Text طويلوأغلب الشباب ذاكروا من البوكيت



اكسفوردعلى رأي الشباب اللي ذاكروا منه انه رائع

دانيش كتاب باكستاني مرةمرتب وحلو


ودافيدسون شباب ذاكروا منهومدحوا فيه

العملي

ماكلويدالمعتمد من القسم يجمع بين النظري والعملي كتاب طويل بعض الشي لكن تجميعاته جميلة وحاولوا انه اسبوعيا تخلصوا السيستم اللي اخذتوهمنه


وتجميعاته تنسالوا منها فيالاختبارات




تايليبعض الشباب ذاكروا منه وذكروا انه أفضل من ماكلويد وأغلبه عملي


الإختبارات مع توزيع الدرجات

كويزبنمن 10


و 5 درجات على مجموعالاختبارات اللي كل ربوع راح تختبروهم

Log Book


عبارة عن حالات وبروسيجيرسلازم تشوفها وتدور عليها


ما اعتقد عليه درجات لكنكانت مهمة لانه الاختبار الفينال ما راحتدخله لو ما كنت مكمل اكثر من 80% منها
وبصراحةكان غباء لانه اغلب الحالات ماهي موجودة وحالات نادرة مرررررررررة ما تشوفوها





اختبار ميد من 35 درجة


النظري عبارة عن MCQs


والعملي عبارة عن 6 حالات


Long History 1


2 Short History


3 Examinations


والفينال من 50 درجة ونفسطريقة الميد





وانصحكم بالمذاكرة اول باول لانه زي ما انتوا شايفين المنهج مرررةكثير



Genetics


عدد الوحدات 1

درسناهي الدكتور حسين الصواف برضو ترك الكلية


ودكتور حسام بغدادي وكانت محاضرة واحدة فيالأسبوع .





المرجع
محاضراتالدكتور اللي هيا من كتاب USMLE


الاختبارات


سارت لنا مشكلة في المنهجالمفروض كنا نختبر كويزين وميد وفينال لكن للاسف سارت لخبطة وما اختبرنا غير كويزوميد وفينال


توزيع الدرجات


الكويز من 10والميد من 30 والفينال من 60


وبصراحةالمادة سهلة لكن للاسف المادة ما تدرس بالصورة الصحيحة





Radiology


عدد الوحدات 1



سارت لنا مشكلة انه ماكان في دكتور يدرسنا دي المادة فاخيرا درستنادكتورة الطالبات بس بعد ما عدت 5 اسابيع من الترم الثاني



درستنادكتورة شاهيستا دكتورة جيدة


المرجع


كان محاضراتها مع كتابة الملاحظات معاها.


الاختبارات
المادةكان لها اختبار نصفي عليه 40 درجة وفينال عليه 60 درجة


توزيع الدرجات


الميد من 40 والفينال من 60








ولو احتجتوا أي مساعدة انا موجود في الخدمة


ولا تنسوني من دعواتكم



وبالتوفيق

don
07-09-2011, 03:13 PM
ماشاء الله تبارك الله ان شاء الله يكون عام دراسي حافل بالجد والمعلومات المفيدة واشكرك يا دكتور سمايل على هذا البيان والتوضيح

والله يعين ويوفق الجميع ان شاء الله

alloosh90
07-09-2011, 03:35 PM
*$$ المايستروو $$*

تجربة في شعبتها الكثير والمفيد
أثرت الموضوع وإضافة رائعة
بمثلكم يحلو المنتدى
:)

Riyadh
شكرا لك على تولي زمام المنتدى بشكل عام ومساعدتك وسعيك في الموضوع
تجربة رائعة ,,شخص لطيف,, ليدر حبيب

نفع الله بك وأعانك لكل خير
:)

۩ ..ęνěŗêşť.. ۩
تجربة ماشاء الله تبارك الله
أقرب للكمال لماحصل في سنتنا الدراسية الجميلة
وستظل من احدى بصماتك الرائعة المشار لها بالبنان
شكرا ×3 ياليدرنا القادم بقوة
:)

dr.smile
كعادتك لا تبخل بشيء لتقديم ما لديك
تجربة رائعة أعطتني صورة جيدة للسنة القادمة
نفع الله بك وزادك علما على علم
شكرا جزيلا :)

والشكر موصول لأصحاب الاضافات
مثلكم dr-ho :)

alloosh90
07-09-2011, 03:35 PM
بسم الله الرحمن الرحيم

السلام عليكم ورحمة الله وبركاته
كل عام وانتم. بخير وكل ترم وانتم للاحسن
ألف مبروك النجاح والله يبارك لكم في قادم السنين

غمض عين وفتح عين تلاقي نفسك بتكتب تجربتك في الموضوع بعد سنة:p
السنة الثانية وقد يسميها البعض عنق الزجاجة لموادها الدسمة التي تتطلب منكم الاجتهاد
ولايوجد شيء صعب طالما هناك اعداد منتظم ،، وهدف واضح:shiny:
ولكنها بالنسبة لي أحلى من أولى بكتيـــــــــــــــــــــر

والسنة ده بشكل عام فرصة للجميع ولاثبات جدارتك بتوكلك واخذك بالاسباب
ويصلاتك وبرك لوالديك وتركيزك في الاهم عن باقي الامور
والراحة وتنظيم الوقت من الاساسيات ،،، عشان لايطق لك عرق:nosweat:

::::::::::::::::::::::::

ماراح اتكلم بتفصيل او تكرار لماسبق
نظام الاختبارات كما حصل في السنة الأولى .. ولمعرفته أكثر راجع الموضوع فيه الجدول الخاص بالكوزات
>>هنــا<< (http://www.ta-u.com/vb/showthread.php?t=146677)
وبطلب من مشرفنا العزيز رياض باضافة تجربة الليدر للدفع سأكتب الآتي
وبداية اشيد بما دونه العزيزجدا زميلي معاذ تحكي لسان الحال واراها تجربة نموذجية لماحصل في عامنا الدراسي الفائت
ودعونا نسترجع الذاكرة لعام سابق
ففي مثل هذه الايام عقدت النية بالاعتذار عن الليدرية وترك المجال للزملاء بالاجماع على احدنا
ولكن دفعتنا تماطل اكتر وكل مين يتهرب ويقول
ماابغ:confused:,,
مااعرف:(,,
ماادري:werth:,,
لا انا خايف تشغلني :schmoll:,,
ايش رائك فلان:doubt:,,
ليش مو انت:crazy:,,
واحنا والدكاترة في حيرة :dunno:وسؤال يطرح مين الليدر بتاعكووم ؟؟!! مع تبادل نظرات وسكوت رهيب,,:ignore:

على كل حال
انتهى الموضوع في يومها بعد نقاش وتفاوض بالاتي:cool:
،، فضل الليدر ليدر والنائب نائب ولكن بشكل احترافي اكتر:idea:
فتم تكليف مسؤول لكل مادة من المواد
the Pathologist :icon-mos: معاذ العتيبي :icon-mos:
the Microbiologist :icon-mos: محمود أبوجامل:icon-mos:
the Parasitologist :icon-mos: محمد عبدالناصر:icon-mos:
the Anatomist :icon-mos: أحمد كاتب :icon-mos:
the Physiologist:icon-mos: بدر عالم :icon-mos:
مهامهم :-
التواصل مع الدكاترة وكذلك مع الطلبة مع وجود كل جديد يذكر
وهو مسؤول ايضا عن المذكرات ورفع المحاضرات على فولدر الفورشيرد الخاص بالدفعة
ومسؤول المادة له مساعديه ،،
وكل مهمة مستجدة في اي مادة ولها أهلها ومن يتكفل بها سواءا من الطلاب والطالبات ،،
مثلا ..
مراجعات العملي لكل المواد
واخراجها اما بمونتاج فيديو ، او ملخصات مصورة ، او عروض بوربنت بالتأشير واضافة البيانات الناقصة
قد يكون عمل بسيط ولكن يجتمع على أدائه العديد
وبالتالي جهود بسيطة غير مكلفة تجتمع سوية لتخرج عمل ناجح مفيد
<< الاتحاد قوة:icon31:

فتفائلنا بالخير في وجود ناس متعاونة وماتبخل بشيء
(f)(f)(f)
واتوكلنا على الله وقلنا نممد فترة انتخابية جديدة وخلينا نتفنن بالليدرية السنة
:smoke1:

الطالبات كان لهم نفس الترتيب والنظام بمسؤولات للمواد ونفس ليدر السنة الأولى برضوا :icon-mos: دكتورة شهد شيرة
ماقصروا صراحة وكان لهم حسن التواجد والتعاون وكنا إيــد وحده وهكذا يصب في الاخير لمصلحتنا كدفعة واحدة
(f)(f)(f)

عموما .. من تاني يوم جينا وسجلنا ببيانات الطلاب وبيانات التواصل معهم،،، و بدانا بجمع القطة::
واشتركنا في خدمة الرسائل
واشترينا اللازم من ادوات مكتبيةغير متوفرة
ونسخنا المفتاح عشان لو الطريق كان زحمة واتاخر الليدر:laugh:
من ينوبه يكون موجود
والباقي لصندوق الدفعة:detective

واعتمدنا الفيس بوك كمكان للتجمع ،، لتعدد الخيارات وتلبيته للاحتياجات من سهولة استخدام ووصول سهل وغيرها
وبعد فترة كان لنا السبق باعتماد شعار للدفعة موضح في آخر الموضوع,, بداية بطرح الفكرة وأخيرا باختيار الشعار ذي المعجبين الأكثر

وكذلك اعتمدنا مكتبة ننزل فيها مذكراتنا بسعر مخفض وموقع معقول وتعامل كويس
طبعا احنا كطلبة طب الطالب الواحد بيصور مذكرات بالمئات
والدفعةالوحدة مصدر رزق مابالك بدفعتين او تلاتة،، فاللي يراضينا نزبطه

ومع بداية الترم نزل جدول الكوزات
اللي هوا كل يوم سبت اختبار
:idea:ونصيحة اجعل اهتمامك ان تاخد الدرجة الكاملة في كل اختبار بالاستعداد الجيد جدا
وكل اختبار قادم هو تحدي لك ،،، ويوم السبت بعدالكوز يكون نوم وراحة
اخر اليوم تطلعوا تمرين اسبوعي ولا عشا المهم لا يخلو من الترويح

على حظنا ان العام كان مليان اجازات وكلها يوم سبت
فتحصل تاجيلات كتير وبدوركم خدوا الاحتياط من بدري بمخاطبة وكيل الكلية د. خوش حال
وعند العودة من اجازة (حج او منتصف الترم ٢)نطلب تاجيل اختبار السبت ليوم الاحد او الاثنين
بحيث ما تضيع معظم الاجازة بالاستعداد للاختبار

++++حاولو تزبطو جداول نصف السنة والفاينال للنظري والعملي من بدري مع المكتب ااكاديمي

في اول السنة كانت الكلية تحثنا على المذاكرة من التكست العالمية
وعدم الاعتماد على المحاضرات او المذكرات فقط
هو للحقيقة التكست افضل حاضرا ومستقبلا بعلم وفهم وحتى لغة
ولكن للامانة المحاضرات وتسجيل الملاحظات مع الدكتور هي الطريقة الاامن والاسهل لحصد الدرجات وايضا الفائدة ،، فكونها مذكرات لايعني انها سيئة ابدا

ايضا الكليةكانت حريصة
باشراكنا في عمل العروض التقديمية والبوسترات والمطويات
وكانت حاجة كويسة ،، حلو انكم تستغلوها ويطلع شغلكم باحسن شكل ممكن

حاولوا تستفيدو من ملخصات ومراجعات طلاب الاعوام السابقة
فالشكر الجزيل جدا لهم
للدكتورتين اسراء وشعاع على ماوفروه لنا العام عبارة عن ((DVD))
:good::good:
ومع اضافة للتجارب اللي في الموضوع
كانت السراط المستقيم حقي
:blush-ani
فالشكر موصول لهم وللدكتور سمايل بطرح لتجربته
>>>بخصوص الملفات حتوصلكم ان شاء الله


::::::::::::::::::::::::

Pathology

اعطاكم الزبدة ودلكم للمختصر المفيد وهو افضل شخص ممكن يفتيكم في المادة
الترم الاول general
والترم الثاني systems.. واعادة دراسة مواضيع الgeneral في كل system
مثلا في الgeneral ندرس الأورامtumers بشكل عام
نرجع في كل system ندرس الاورام حقتها بتفصيل اكتر
فالgeneral يعتبر الاساس ومهم تكونوا مستوعبينه وفاهمينه

:icon-mos:ازيد وااكد على نقاط بشكل عام وهي
ولو عاد بي الزمن ،، لحرصت على مذاكرة المادة في يومها
مادة ممتعة وقد ماتجتهد قد ماتستفيد وتحس بالاستفادة وقد ما تضمن الدرجات

:icon-mos:كل موضوع في المادة وفي كل المواد احرص انك تقرا الموضوع اكتر من مرة ،، خصوصا الاختبار النهائي ، خلي الموضوع مؤلوف اكتر

:icon-mos: اول ماتشوف المحاضرات سيئة او فاضية او غير واضحة المعالم اتصرف والحق نفسك .. إما تكلم الدكتور يتصرف او توفر لنفسك بديل

:icon-mos: محاضرات الدكتور القبلاوي مهمة جدا ،، اللي يركز عليه مهم وغالبا مواضع اسئلة
واحيان معلومات ماتكون مكتوبة في المحاضرة بس يكتبها على السبورة وتجي سؤال امتحان
واحيان الطلاب يسجلوا المحاضرة صوت ،،

:icon-mos: الموضوع في الرابط يفيدكم كثير مذاكرة العملي والنظري ومراجعة للاختبار واعداد البرزنتيشن والمطويات والبوسترات
● Pathology books ● (http://www.ta-u.com/vb/showthread.php?t=178192)
::::::::::::::::::::::::

Microbiology

درسنا مقدمة وبشكل عام .. بالاضافة لشابتر مهم هو المناعة immunity
الترم التاني ناخد باكتريا وفيروسات وفطريات
وحده وحده
بالمرض اللي تسببه والميديا ( culture) الخاصة بها
واعراض المرض وكيفية العلاج لبعض البكاتريا
والحذر انك تتلخبط بسبب تسويفك وعدم مذاكرتك وتدخل البكتريا في بعض
زي ماقلتلك خلي المادة مؤولوفة بالنسبة لك

المذكرة او الكتاب المصور دش×دش
ابيض×اسود ،،، وتحمد ربك لو لقيت صورة في الموضوع عشان يسهل عليك
فمهم انك تحضر وتعرف اللي يبغاه الدكتور

الملاحظ وجود دخيل في القسم الا وهو رئيس القسم ،،كيف كده؟
هو صحيح انو نظامي ويحاول يتشدد وده اللي ينفع لنا كشعب كريم
لكن احيان الشدة في غير موضعها لخبطة
يعني مثلا مالها داعي تشتيت الطلبة قبل الاختبار نصف السنة بيوم بالزامهم مذاكرة شابترين عملي وفي الاخير مايجي منها سؤال
ونفضل احيان في حالة لا الدكتور اللي يجينا عارف شي ولا احنا عارفين:dunno: ...بل ننتظر اجتماعه مع القسم وبدون عجلة ولامانع من التاجيل:ignore:
فلاداعي للطلبة معرفة شيء عن الاختبار بل هو شغلهم الدراسة والطالب الكويس راح يحل
سواءا جاله اختبار كتابي او اختياراو او:sob:

نقطة ايجابية للقسم حرصه على العرض التقديم على مدار الترمين
وتعاون دكاترة القسم وسعة صدورهم
وان كانت المادة متعبة شوية ومسؤول المادة محمود يحبط احيانا
الا اننا في الاخير نشوف اسئلة معقولة ودرجات مهضومة
وصدق من قال توقع الاسوء حتى ترضى بما دون ذلك

:idea::idea:نتمنى دمجها مع مادة الطفيليات لتكون مادة وحده


::::::::::::::::::::::::
Parasitology

:evil_lol:
المادة ده فلم ودراما مع الدكتور مجدي
كان مخلي المادة هي اهم مادة في الطب
وياما الدكتور الكبير يعمل تشخيص خاطئ لعدم تمكنه من علم الطفيليات:p
وكأننا بندرس المادة كتخصص
واصبحنا نحن الطلاب مهتمين بها وشايلين همها فالمادة اسماء ديدان وحاجات جديدة علينا
اللي كان مسهلها الحان وأغاني الدكتور لاسماء الطفيليات:w00t2:
و في الاخير زبطنا الديدان والحمد لله
ومسؤول المادة يعطيه العافية تعب شوية خصوصا مع انشغال الدكتور بالمكتب الاكاديمي:wacko:

:icon-mos: طبعا من الحاجات المميزة هو استماع نغمة جوال (http://k003.kiwi6.com/hotlink/5o34b82vl0/safari.mp3) الدكتور كل يوم في كل غرفة وفي كل سيب .. لسه ماعرفتوا المكتب الاكاديمي!! ..

:icon-mos: استفيدو من التجميعات الموجودة وحاولوا تعملوا لنفسكم ملخص
ليس المطلوب كل حاجة انما نقاط اساسية يركز عليها الدكتور وتتكرر في كل درس

الموضوع التالي يفيدكم كتير في اعداد البرزنتيشن
ويحوي كذلكعلى المذكرة اللي بنذاكر منها
● parasitology ● (http://www.ta-u.com/vb/showthread.php?t=180649)
::::::::::::::::::::::::

Anatomy
head & neck كانت مع الدكتور شريف
neuroanatomy كانت ابتداءا مع الدكتور احمد
قدمنا طلب لرئيس القسم بالنظر في حالنا وقتها ومع عودتنا من اجازة الحج ماكان موجود د/ أحمد وعلى إثرها جانا د شريف

فكانت ميزة انها مع الدكتور شريف ولحقنا ناخد اناتومي معاه واستفدنا اكيد:bigsmile:
ولكن الملاحط ان الطلاب اصابهم شي من الملل فالدكتور هو هو طول العام وفي القاعة بدون مانروح للمشرحة غير يومين خلال عام

حاولوا تزبطوا الneuro ،، حتستفيدوا منو في الترم التاني في الphysiology

الجميل في قسم الاناتومي التنظيم فكل حاجة مكتوبة ومسجلة من اول العام
من خطة دراسية للعام بمافيها من اهداف ومحتوى وتوزيع درجات وووو
وتوصل لكل طالب
ولده الشي المردود الايجابي حتى المهام خفت على مسؤول المادة مقارنة بالمواد الاخرى
:good:

::::::::::::::::::::::::
physiology

القسم كمااعتدنا منه حسن التعامل من السنة اولى
وموضوع احب اكرره
لو رجع بي الزمن ،،، لاعتمدت فقط على كتب الدكتور احمد العجمي
وان اصر القسم على مذاكرة guyton يظل العجمي الاساس واي معلومات اخرى تضاف له

من حكاوي القسم الدكتور فورة ،،حقيقة الدكتور كان في وادي ونحن في وادي:laugh:
لانعيب احد في علمه ولكن كنا ضايعين حينها من عدة اوجه والطلبة هم الضحية
خاطبنا رئيس القسم بالنظر في حالنا وزبط الموضوع في الاخر وخرجنا باقل الاضرار
وكان لبدر موقف عاد بالنفع لكامل الدفعة ,, حتى احنا عندنا ثورات :017:

::::::::::::::::::::::::
كليدر في نهاية فترته الرئاسية
أتمنى وجود الآتي في قادم السنين
1- توفير مركز تحميل ملفات يتم الولوج اليه عبر شبكة داخلية في الكلية او عن طريق الانترنت لرفع المحاضرات و اعمال الطلاب في المادة ليستفيد منها الجميع
حيث تتم ارشفتها بشكل يسهل الوصول اليه
2- نتمنى ونرجو من ادارة الكلية كتابة دستور او نظام او لائحة وتعميمها على الجميع
نرجع اليها في حين اختلفنا والحاصل لايوجد ما نستند اليه محد عارف راسو من خلاصو وكل مين يفتي عليك
3- توفير خدمة الرسائل لكل دفعة اما من الجامعة او بدفع مصاريفها للاشتراك
4- لوامكن عمل اواعتماد مرجع واحد فقط لكل مادة في البيسك بحيث يكون شامل
بدون مانقول تكست على مستوى عالمي بعدد صفحات وقدرها ومحد يروح يذاكر منها فالطلبة يحاولوا يوصلوا للمهم بايسر الطرق- فإذا أردت أن تطاع فأمر بما يستطاع
5- اقترح عليكم كدفعة قادمة القيام بتوزيع المهام كما حصل معنا ,,, السنة مليانة بالمفاجآت وماهو مخالف للتوقعات من الاقسام او من ادارة الكلية ، وتعاملكم مع كل موضوع يحتاج وجود أشخاص متعاونين وشايلين هم المسؤولية بينهم

::::::::::::::::::::::::
أخيرا
أمضيت سنة كانت جميلة بوجود اناس طيبين أمثالكم
يتكلم الناس يعيدوا ويزيديوا الليدر مو لاقي وقت لدراسته ,, انا ما اوفقهم بالعكس ممكن تكون فرصة لتميزك تعتمد على شخصك

عن نفسي يكفيني شرف لخدمة اناس هم زملائي وأصحابي كما اجتمعنا افترقنا وسنجتمع دائما من جديد على كل خير
.<<< صورة للحفل اللي عملناه نحن طلاب الدفعة كوداعية للدكتور شريف نسأل الله أن يوفقه انما حل وارتحل
http://www.ta-u.net/up2/truploads/jpg/ee431db3f6.jpg (http://www.ta-u.com)




::::::::::::::::::::
آخر الأخير

اكتر موضوع مايخلص الكلام فيه لمن طالب طب في سنة متقدمة يتكلم مع طالب بعده عن السنة الدراسية
اتمنى اني اكون وفقت في كتابة واختيار ما كتبت...ونسال الله ان ينفع بالموضوع وبالتجربة


مستعدين لاجابة استفساراتكم ومساعدتكم ,, وإن شاء الله ما نقصر

أطيب الأمنيات لكم جميعا
اخوكم علي راجح
=)

dr.ho
07-09-2011, 09:51 PM
والله يا علي ،،، اتشرف إني أكون في دفعتك ،،، كنت ليدرنا لسنتين ،،، وكانت جميله جداً ،،، كنت متعاون مع

الجميع وما تقصر باللي تقدر عليه ،،، وكنت مستحملني لأني ،،،، رجه ،،،، هههههههههههه ،،، بالتوفيق لليدرنا

الجديد ،،، ويبشر باللي يرضيه ،،، ودفعتنا ،،، دفعة 29 ،،، دفعه مميزة جداً ،،،، الجميع اخوان ،،، وكلنا متعاونين

مع بعض ،،، الله يديمها علينا نعمة إلى التخرج ولا يغير علينا ،،،

على فكره ،،،

أول مرة أدري ،،، إنو فيه صندوق للدفعه ،،،هههههههههههه ،،،

بالتوفيق يا حلوين،،،

alloosh90
08-09-2011, 12:07 PM
حياك لله إني تايم في أي وقت واجبنا اننا نتساعد ونخدم من حولنا
والشيء اللي نستفيده من أحد مانبخل به لأحد تاني وهكذا
ده الشي اللي يجعل مننا مجموعة كويسة تنهض وتتطور للأحسن

:r
على صندوق الدفعة ,, هي كم ريال اللي بقيت سميها بيت مال او محفظة
و نستخدمه للضرورة ويبقى موجود محفوظ في أيد أمنة إن شا الله طوال فترة دراستنا

pooh
08-09-2011, 06:43 PM
السلاموو عليكم ورحمة الله وبركاتوو

كل سنة وآنتوو طيبين ، وينعآد عليكم يارب (f)
ويرحم آللي ما آنعاد عليهم
مبروووك لكل اللي اتقبلوا طب ، اهلن وسهلن هتنورونا =D
والله يوفقكم يارب وتسيروا دكاترة كبار قد الدنيا:good:
كمان مرة شكرا للدكاترة اللي كتبووا تجاربهم ، حقيقي مررة يسعدكم ربي
حبيت كلامكم وتفاصيلكم (f)
اممم أنا من نفس دفعة
Dr. alloosh90
۩ ..ęνěŗêşť.. ۩Dr.
ما شاء الله عليهم ما قصروا ، واي حاجة هتكون تكرار لكلامهم
اللهم آنوو هتكلم من ناحية الفيميل سايد ، وعشاني كمان كنت ليدر الدفعة:msn-cool:

بداية .. سنة تانية أو "تالته"
سنة كبييرة ، هتحسوا فيها نفسكم كبرتووا :a21:
لانو أصلا هتاخدوا مواد مهمة وكبييرة ، بس بالنسبالي كانت أحلى من أولى
هتاخدو المواد الخمسة اللي قالولكم عليها الدكاترة

Pathology ..
الكل فـ الكل :idea: مو بس فـ سنة تانية اتوقع انها مهمه لكل السنين الجاية ، هيا البيز اللي هينبني عليها
وكمان هيا اللي تلعب فـ المعدل ترفعوا وتنزلوا 13 وحدة :icon31:
في البداية كانت المادة دي "صدمة" بس بعدين تهووون وتتعودوا
المادة يمكن مو صعبة قد ماهي طوويلة
لانوو هتحوسوا فـ المرجع اللي تزاكروا منوو..:confused:
ايلاستريتد مش كامل و روبن تكست كبير والبوكيت مختصر
سوو مالكم غير محاضرات الدكاترة ، وكل واحد يختار المكان اللي يرتاح بالمزاكرة منو
بس نصيحتي انو تركزوا مع الدكاترة
لانو من جد في دكاترة .. بس تقعدوا تقولوا يسعدهم ربي وانتوو يتزاكروا على قد ما شرحهم جمييل
وجات حاجات فـ الفاينل من شرحهم
بالإضافة لـ الويب بااث ، دا مكان مرررة موهم
صور الأوسبي أغلبها منو + الكيسيس اللي فيلوو مرة "مرة" تجي
دي يدوكم هيا الدكاترة على فلاش او سي دي
درسونا :
د.نجوى عويس > غنية عن التعريف
د.حنان طايل > جديدة جات العام,
د.حنان > جات من قبل العام ,
د.مرفت > برضوا جديدة .. يتقسمووا الأجزاء بينهم
بصفة عامة الدكاترة كانوو بيحاولوا يساووا كل اللي عليهم ، المشكلة كانت فـ الوقت
وانوو احيانا ناخد سيستمين فـ نفس الوقت :(
في السمستر الأول هتاخدو general
وفي التاني systematic
الدرجات والاختبارات .. زي ما قالوا
رتن : كلو ام سي كيوو
براكتيكال :
اوسبي "تزاكروا الصور والكومنت ومرة ركزوا مع الدكاترة لانهم احيانا يأشروا على حاجات عجيبة"
سلايدات .. نفس فكرة سلايدات الهستوو تشوفوها وتكتبوا ايش هيا ، واحيانا يقولولكم لازم تكتبوا كومنت على اللي شايفينو
وفـ الفاينل والميد زادت حاجة وهيا الكيسيس .. يدوكم كيسيس فيها أسئلة تزاكرووها وتقريبا يجيبوو "أغلبها" اذا مو كلها بس رتن
وعملنا اكتيفتي : بروشور و برزنتيشن و بوستر
امم صعب الواحد يجيب فل مارك فـ الباث بس مش مستحيل ان شاء الله تجيبووها
ومرررة حاولوا تحلووا فـ الكويزات والبراكتيكال عشان تجمعوا درجات :msn-wink:
لا تشيلووا هم ، واستفيدوا من المادة خلوو نيتكم فيها لـ العلم أكتر من أي شي تاني عشان ربنا يوفقكم :good:



Micro .. para
;)
المادتين دي سبحان الله في ناس شايفينها أحلى وأسهل مادتين ، وفـ رأيهم وعلى قولهم "مادة الامتياز" < :no:
المايكرو
بـ 7 وحدات
دكاترتوا : د.أسماء ، د.ندى ، د.رحاب
في الستمستر الأول هتاخدو برضوو general وكدا
والتاني لا هتاخدوو بكتيريا بكتيريا و فيروس فيروس حبة حبة كل واحد لوحدوا :sad_1:
المرجع .. الملازم اللي عندنا واللي هيا متصورة من الكتاب المصري

البارا
ـ 4 وحداات
ما كان عندنا دكتورة وجابولنا د.نجلاء من العلوم الطبية درستنا الترم الأول وشوية من التاني
وبعدين جات د.إيمان كملت معانا
المرجع .. برضوا الملزمة المصرية لكل السنة

برضوا زي ماقالوا الشي الجديد في دي المادتين انوو الكويزات كان فيها رتن بس الفاينل كلوو ام سي كيوو وكان الحمدلله أفضل من الكويزات والميد عشان كان فيلوو رتن وأسئلة فنانة شووية:wacko:
البراكتيكال : فـ المايكروا في اللاب هتختبروا على حاجات انو ايش هيا وعليها سؤال مثلا ميديا ومين يتزرع فوقها وكدا دا ف الترم الأول أما التاني ، هتختبروا اوسبي صور يدوكم هيا وعليها كومنت وتجيكم اسئلة عليها

البارا تختبروا في اللاب على سلايدات انو ايش هيا وعليها أسئلة كتير من النظري ، وكمان فـ الفاينل تختبروا اوسبي

الناس اللي تعرف تحفظ هيتبسطوا من دي المادتين :flex:
نسيت أقولكم حاجة انوو اهم حاجة فـ دي المادتين التجميعااات ، كل الاختبارات منهاا


Physiology
طبعن دي المادة اللي بس تبغاكم تفهموها ، وهتكونوا اخدتوا كتير منها فـ سنة أولى
عليها 5 وحدات
الكورسات اللي اخدناها زي ما قالولكم الدكاترة قبلي =)
الدكاترة اللي درسونا : د.هالة CNS ، د.إيناس special sense في الترم التاني
أما الأول GIT مع د. أمل ، Renal مع د.وفاء وشووية سينسوري مع د.هالة بداية لـ الـ CNS

المراجع كان كل واحد براحتو بيزاكر ،
في اللي زاكروا من عروض الدكاترة وفي اللي زاكروا من مزكرات قديمة
وطبعا كتاب د.العجمي لا يعلى عليه :icon26:

امم الكويزات ما كانت مررة سهله يعني كانت تحتاج تفكير وحتى الفاينل والمييد ، خصوصا الرينال و السي ان اس مرررة لازم تفهمووهم وتركزوا فيهم ، لانو الأسئلة ما تكون واضحة وستريت فيها لف ودوران ;)

البراكتيكال في الترم الأول أوسبي يجيبولكم فيديو مسلن ويقولكم ايش اللي حصل أو فراغات ، اما الترم التاني تعملوا اكزامنيشن مثلا لـ رفلكس معين أو حاجة فـ السبيشل سنس + الأوسبي نفس الحكاية صورة او فيديو وعليه الأسئلة
اينيي ويي المادة جييدة وتنفهم وفي دكاترة بس كفاية انك تحضر معاهم هتفهم كل شي



وأخيرا
Anatomy
هتاخدو اللي ما اخدتوو فيها وعليها بس 4 وحدات
الدكاترة اللي درسونا : د. مها نيورو وأحيانا كانت تجينا د.شيماء ،
د.ماجدة هيد ونيك وامبريولوجي ، د.هالة هيستوو

بالتقسيمة اللي قالوها الدكاترة قبلي =)
المرجع : طبعا ملازم د.شريف ، و الهستوو الدكتورة تصورلكم من كتاب أو ممكن ملزمة د.الصاوي
الاختبارات : الكويزات كانت عادية متوسطة زي كل مرة ، أسوأ شي كان الفاينل :mad:
بس الحمدلله الأغلب نجح

البراكتيكال زي السنة الي فاتت بس تخشوو المشرحة وتشوفوا مررة قليل أصلا يعني ان شااء الله كلكم تجيبوا الفل مارك

..

سنة تانية تحتاج مجهود أكبر من أولى
عشان بتاخد كمية معلومات كتييرة ، وفجأة هتلاقي الفاينل جاا:a22:
بس انهآ سنة حلووة والله ، اصلا لانوو هتكون اتعودت ع المكان والناس والوضع
سوو اتبسطووا مررة بالسنة دي ، واستمتعوا ولا تشيلووا هم :cool:

أنا كنت ليدر دفعتي
و اذا كان ربنا وفقني وكنت سوويت ولوو شووية حاجات كويسة
فـ دفعتي هما السبب ، يسعدهم ربي :icon26:
برضووا هـ اتكلم عن سنة تانية
فـ بداية السنة كنت مقررة انوو خلاص هـ اتنحى :a22:
وطلبت من البنات انوو نرشح أحد تاني وكداا
وساارت حاجات كتيير المووهم فـ آلأخر
وفضل كل حاجة زي ما هيآ أنا الليدر والاسيستنت نفسها وكل شي
بس مرررررررة اترتبنا ، واتعاوونا ، عملنا زي ما شرحلكم د.علي :good:
سب ليدرز للمواد مسؤولين عنها ، ومهامهم زي ما زكرها د.علي
إخلاص الصاعدي the pathologist
فاطمة الحسيني the anatomist
الاء الجهني the microbiologist
تسنيم الرحيلي the physiologist
بشرى الأحمدي the parasitologist
والمواد العامة .. أمجاد الرحيلي
الطلاب والليدرز تبعهم وترتيبهم وتعاونهم
طبعا داا مرررة سهل الموضوع ورتب الحكاية ، لانوو من جد الله يحميهم كفوو و وفوو ساوو كل اللي عليهم
دا ما كان يمنع انوو "أغلب" باقي الدفعة اذا ما كانوو كلهم بيساعدووا ليدرز المواد
سواء فـ عمل تلخيصات ، وعروض تسهل المزاكرة للمراجعة ..
حاجات زي كدا من جد الحمدلله كانت مرررة شي بيساعدنا ويسهل علينا
:icon31:
ومن بداية السنة بدأ الحماس
واخدنا مفتاح الكلاس وعملنا نسخة للي تجي بدري ، وبرضوا اشترينا الحاجات الناقصة للكلاس زي الاقلام والمساحة وكدا
وزي السنين اللي فاتت كان تواصلنا بالايميل والفيس بووك عشان يكوون أسهل وأضمن واللي ما يعرف "يعرف"
طبعن أنا كان نفسي أرضي الجميع فـ كل حاجة بنسوويها
بس طبعن مرررة صعب دا الشي ، فـ كنت أشووف انوو الأفضل انك تكوون محايد
وطبعا اللي الأغلبية موافقة عليه هوا اللي هيسير :o
ونصيحتي .. لما تجوا تعملوا أي حاجة خلووها رسمية و بـ ورقة وخطاب
لا ترضووا بـ حاجة رفض أو موافقة "تنقال بـ الكلام" عشان ما تتمقلبوا زينا:dunno:
وأي حاجة تبغووها تتأجل أو تتقدم من "بدري" مررة ساووها وقدمووها
وراعوو بعض وأهم شي لا تبخلوا على بعض بـ أي حاجة مفيدة ، حاولوا تساعدوا بعض و الله ما تدروا كيف ربنا يوفقكم :wub:
أحيانا تعملوا حاجة ممكن محد يعرف "مين" أصلا اللي سووها بس بيدعيلووا
وأحيانا مو بس تفيدووا نفسكم حتى اللي يجي بعدكم يفتكركم
بس كمان لا تخلووا دا الشي يشغلكم ، ادوو كل شي حقووا:)
ومن جد اتعاونووا ، ولا تخلووا غلطات بسيطة تزعلكم من بعض أو تأثر على تعاملكم
قبل لا تعاملوا بعض انتوو بتعاملوو ربنا
=)
نااس كتيير ساعدوونا من دفعتنا اخواتنا واخوات صحباتنا من الدفع اللي قبلنا إسراء و شعاع ومريم وكتيييير من جد الله يسعدهم ويوفقهم دنيا واخرة وبرضووا في دكاترة كتيير يمكن ما نعرف هما ميين لكنهم ساعدوونا مرررة ، الله يسعدهم يارب

اخر حاجة :
زاكرووا كوويس و آستمتعوا بـ كل دقيقة لانهآ ما هترجع :icon26: ، استفيدوا واتعلمووا
واتعلموا من اخطائكم وأخطائناا :)

واذا تبغووا أي حاجة ، احنآ فـ الخدمة :msn-wink:

ومرة شكرا مرة تانية لـ د.علي على دعوتووا عشان أشارك فـ التوبيك (f)
يسعدك ربي
ويارب أكوون افتدكم لوو شووية

:)

alloosh90
08-09-2011, 08:18 PM
Pooh

شكرا جزيلا على تلبية الدعوة

وإثرائك للموضوع بتجربتك

هي نصائح من ذهب وكل سطر أهم من التاني .. استمتعت بقرائتها صراحة

يسعدك الرب ويجزاك كل خير
:)

Đя.Lυjαiŋ
09-09-2011, 02:13 AM
لاحظت إنو الأغلب إن ماكان الكل

يقولو انو سنه ثانيه ( ثالث بالنظام الجديد )

أحلى من سنة أولى بكثير وآمتع

هذا الشي يدينا دافع لو شفنا دي السنه صعبه

إنو الي جاي احلى إن شاء الله :icon26:

مشكورين وجزاكم الله الف خير

وبصراحه احس الليدر مرره مسؤوليه :o

وداايم يكون مظلوم وكل اللوم يقع عليه

ويكون في ضغينه بينو وبين الطلاب <= احياناً :nosweat:

ف من الآن اقلكم انا اتنحى عن اي موضع قيادي :w00t2:

بس مستعده امد يد العون في اي شي من عروض

تواصل .. إلخ :cool:

لكن اكون في وجه التلطيش مايجي :harhar1:


موضوع رائـع وممتع صراحه

لكم ودي (f) ..

Dr.Smile
09-09-2011, 05:37 AM
ما اجمل هذا المنظر الذي اشاهده امامي :)

الله يعطيكم الف عافية ويجزاكم الف خير يا طلاب وطالبات جامعتنا :good:

سعدت كثيرا عندما رايت كل هذه المساعدات لبعض وهذا هوا اصلا شعار الطبيب الجيد الممتاز
بان يمد يدالعون للمحتاج وان كانت فيه مشقة عليه وان يعملوا مع بعض كيد واحدة من اجل علاج المرضى


فكما تعلمون انه في ايام عملكم في المستشفيات سوف تمرون بظروف قاسية كالدوام 24 ساعة في المستشفى ومع ذالك تقابل المرضى بصدر رحب وبابتسامة تخفف عى المريض وتخفف من نصف الاشياء الذي كان يشتكي منه (f)

فلا تجعلوا الاشياء السلبية اللتي تواجهكم في حياتكم سواء من قبل الجامعة او المستشفى او الاهل او الاصدقاء من تحطيمكم

فاملنا بالله كبير ومن ثم بكم يا دكاترتنا في المستقبل القريب :r
فاملنا بان نرفع من شان وقدر جامعتنا ونرفع من راس اهالينا واهالي المدينة المنورة ونستطيع على الاقل من التخفيف على المرضى ان لم نكن نستطيع ايجاد الحل لمرضهم :)

فدائما يا دكاترتنا نصيحتي لكم قبل ان تعالجوا اي مريض فكروا انه ماذا سوف تعمل لو كان الذي امامك شخص تحبه وتقدره وتعزه تخيلوا هذا الشيء امامكم واعملوا بقصارى جهدكم ولا تدعوا اي شيء يشغلكم عن المريض وقت وجودكم في المشفى

تخيلوا انكم بشر تعملون بعمل الملائكة الله كم هذا جميل ولهذا كان لون اللباس عليكم اللون الابيض اللون :)

ودائما اطلبوا العون من الله سبحانه وتعالى في صلواتكم بان يسهل عليكم دربكم وايضا دعوات الوالدين الله يحفظهم لنا فكم من مادة اجتزتها فقط بدعاء الوالدين

ولا تنسوا بان لنفسكم و لجمسكم ايضا علكيم حق
فوقت فراغكم استمتعوا وانبسطوا واخرجوا كل ما في انفسكم لانكم تستحقونها :clap:


واعلم انك اذا اخطات في سؤال او رسبت في مادة ما فلا تتذمر وتزعل وتبكي
بل العكس ابتسم وقل الحمدلله الخيرة فما اختاره الله قد يكون شيء اسوا من ذالك لكن الله قد انزل عليك باخف الاشياء سبحانه :laugh:


اتمنى ان اراكم كلكم من كبار واعظم دكاترة العالم وتتركون الاثر في المجال الطبي وترجعون العلم كله كما كان لنا في السابق :flex:

وبالتوفيق ياخواني واخواتي :good:

وبداية موفقة لجميع

ولا تنسوني في دعواتكم:bye1:

Dr.3amer
09-09-2011, 01:00 PM
بسم الله الرحمن الرحيم
السلام عليكم و رحمة الله و بركاته

حاب اشكر أصحاب الموضوع والفكرة والمشرفين على منتدى كلية الطب بالسماح لي وإعطائي الفرصة لكي أتشرف واكتب في صفحتهم الجميلة.
حاتكلم بلغة بسيطة ما راح أتكلف ممكن فصحى وممكن عامية
*__*
حاتكلم عن الموضوع بنقطتين
بسم الله
1
بخصوص المواد الدراسة والمنهج
ما راح ازيد على ما كتبه اخي Dew Drop فانه قد كفى و وفى ولكن سوف اكتب عن الفروق والاختلافات الجديدة

(الجراحة)
فقد تواجد مع بداية الترم 3 من افضل الاطباء تعليميا و اخلاقيا بكل صراحة وهـــم:
د. عز الدين و د. سامر و د. جمال خيري
حقيقتا تغير القسم نهائي لدرجة انه لاول مررة تحصل انه كل طلاب الدفعة من طلاب و طالبات ينجحوووووووا؟؟؟؟؟؟؟؟؟؟ ماصارت قبل كذا من جد
دفعتي اللي درسوا جراحة وكان لي الشرف بقيادتهم 71 طالب جميعهم نجحوا و الحمدلله والفضل لله
ارتفعت الدرجات واطمئنت القلوب وظهرت جميع الابتسامات اللتي كان يقام الرهان على ظهورها.

د. عز الدين : اردني الجنسية مصلحة الطالب وبس هذا مبدائه يخدم الطالب ويفرح بخدمته.
د. سامر : اردني الجنسية شاب صغير متحمس ونشيط بطريقة ما شاء الله تبارك الله واثق من نفسه عنده علم ما تتخيله ما شاء الله على الرغم من صغر سنه حتستفيدوا منه بانه حينكسر حاجز الخوف والتردد مع المريض والله. يخليك تعمل كل اكزامنيشون على كل مريض وفي كل وقت لدرجة انه انت حترضى عن نفسك وتتمنى كل السيشنز معاه.
د. جمال خيري : سوادني الجنسية ما شاء الله تبارك الله عنده علم وخصوصا انه جاي من جامعة الملك سعود ومن زمان بيدرس في الجامعة

منهج الجراحة قبل فترة كنت جالس مع احد الدكاترة وحكاني انه القسم اتغيرت فيه اشياء كثيرة بعدنا وحتتطبق من السنة القادمة والسبب في ذالك طبعا الاختلاف ما بين المنهج والاسئلة وطريقتها فاللي صار انه القسم عمل
guidelines لكل محاضرة بحيث انه الدكتور ما تخرج اسئلة عن هذه النقاط والطالب في نفس الوقت يعرف ايش اللي معاه والمطلوب منه عشان ما تصير مشاكل بعد كل اختبار كالعادة.





(نساء و ولادة)

تواجد معانا الدكتور تميم بالإضافة الى الدكاترة المعروفين
د. تميم: اردني الجنسية دكتور واثق من نفسه عنده علم ما شاء الله تبارك الله ومبدائة كمبداء دكتور عز الدين في مصلحة الطالب فوق كل شئ.
العملي حيكون على موديلز بسبب رفض المرضى. طبعا افضل ودرجتها 5 درجات في الجيب مضمونة.


(باطنية)
عندنا في هذا القسم
عودة الدكتور عمر النزهة
د. رائد منصور : مصري
د. عمرو الشافعي : مصري
د. محمد عيدة : مصري
د. محمد مسعد : مصري

بصراحة ما عندي أي إضافة بخصوص القسم.











2
حاتكمل عن اشياء تخص الليدر
اولا
حاب اقول لدفعتي انا احبكم والله وصدقوني والحمدلله مانتهت السنة على خير وبنجاح الكل الا بفضل الله ثم بفضلكم وبوقفتكم ومساعدتكم وحبكم واحترامكم لي انا عامر المحمدي. انا لولا انتم ما اسوى وانا عبارة عن شخص انتخبتموه واخترتموه بكيفكم وحريتكم لكي يسهل ويبسط عليكم الامور.
ثانيا
- الليدر عندنا بالكلية له احترامه وتقديره بكل صراحة حتى الدكاترة ينظروا له نظرة احترام وتقدير باستثناء البعض اللي ممكن بكل سهوله يقفل السماعة بدون ما يقول مع السلامة او يحترمك او يرد من دون نفس والا حتى يرد السلام يوم تقوله السلامة عليكم. طبعا اصابعك مو زي بعض عشان كذا اقول لكل ليدر لا تزعل حالك بصراحة انا كنت ازعل واقول ليه انا ما ابغى غير الاحترام ولكن في النهائة حتضحك عشان كذا لازم الليدر يتعدى هذه المرحلة وما يخليها تاثر بدراسته او تعامله مع زملائه. انا محدثكم في البداية تعبت وخصوصا مع احبابي وزملائي لدرجة انه واحد قالي يا عامر انا صرت ما اقدر اقولك السلام عليكم اخاف من ردة فعلك ( كيف حترد عليا ) وصلت لمرحلة انه صار فيه شد من طرفي ومن طرف الدفعة ولكن مع الوقت بديت اتأقلم مع الوضع. ولكن قبل كل شئ على كل ليدر يضع هدف قدام عينه مصلحة الدفعة وانه يخدم دفعته او حتى أي شخص ثاني بكل صدق وحب لانه لو كان لليدر اهداف اخرى من انه يتودد للدكاترة ويكسبهم على حساب انه يقصر في عمله تجاه دفعته ( بكذا هو بيضحك على نفسه مرررره غير انه حيستحقر نفسه يوم يجلس مع نفسه ويشوف اهدافه ) اكون معاكم صريح الليدر يستفيد ولكن بنفس الوقت لا يغير الهدف. ولكن على فكرة ممكن وبنسبة ليست بالهينة ممكن الليدرية تاثر على الدراسة عشان كذا لازم يكون الواحد مرتب نفسه ويكون معاه مساعدين يشيلوا عنه. انا بصراحة اتاثرت دراستي لانه ما كان فيه مساعدين لانه انا بطبيعة شخصيتي احب اخلص شغلي بنفسي وما احب امر احد يسوي شئ فكنت بنفسي اكلم الدكاترة و رؤساء الاقسام واخذ المحاضرات وارفعها على روابط وانزلها بالقروب الخاص وادبر الاسئلة و و و و ولكن الحمدلله ما ندمت على شئ ولكن كنصيحة لازم وبقوة يكون فيه مساعدين ولكن زي ما قلتلكم انا شخصيتي كذا.

- اقول لكل ليدر اخلص نيتك لله واحتسب الاجر ما فيه احد معصوم عن الخطاء عشان كذا لا تتخذ أي قرار من راسك لو الاغلبية كانت رافضة للموضوع. وبنفس الوقت لا تعامل الكل بسبب فعل شخص واحد, كلنا درسنا رياضيات !!!!!!!!!!! 1 ما يساوي 59 صح والا لا. ثق تمام الثقة لو فيه احد تصرف تصرف غير لائق او أساء الأدب معاك لأي سبب ثق تمام الثقة انه فيه 59 أخ ( أخت ) يحبك ويحترمك ويقدرك لأنك قائدهم ومهم بالنسبه لهم ينتظروا منك الاخبار والاوامر واخر التطورات. لا تخسر احد نهائي لا تخسر احد. القيادية مرحلة ولكن لا تخليها سبب في انك تبقى لوحدك في نهاية الطريق. لانك لو خسرت احبابك و اخوانك و المقربين لك لاي سبب حتندم وحتكره اليوم اللي كنت فيه ليدر. احنا واحنا بعيدين عن بعض ما نسوى. احلى ما في الدفعة لمن تكون تحب بعض وتخاف على بعض وتبقى مع بعض والحمدلله دفعتي ولله الحمد مثال يضرب فيه بكل مكان بحبهم واحترامهم واسمحولي اقولها دفعتي محسودة على هذه المحبة المتبادلة ما بينهم.

واخيرا : انا جاهز بخدمة أي شخص ان كان ليدر او غيره واقولها وانا والله صادق انا تحت امركم
محبكم/ عامر سعيد المحمدي
ليدر طلاب سنة سادسة طب
^_^

۩ ..ęνěŗêşť.. ۩
09-09-2011, 01:14 PM
بارك الله فيك ويعطيك العافية د.ابتسم / ابتسامة
كل الشكر على تجربتك وعلى إضافتك الأخيرة
وما أنسى الدكتور عامر ربّي يجزاك كل خير وما قصّرت والله
وفي ميزان حسناتك يارب
:)

الشكر والدعاء مُمتدّان بلا انقطاع لكّل من شارك
أو سيُشارك في الموضوع بارك الله فيكم
شيء يُثلج الصدر والله

عندي اقتراح "صُغنّن" كإضافة فقط بإمكانكم قبولها وعدمه
وسأكون سعيد في الحالتين

:)

ألا وهي إنشاء موضوع مُغلق في رأس المنتدى بعنوان "فهرس تجارب الطلاب..."
وتُوضع فيه هذه المشاركة...
هُنا (http://www.ta-u.com/vb/showpost.php?p=1847673&postcount=2)
فالموضوع ماشاء الله كبر وأتوقّع فيه كثير ما ينتبهو لهذه المشاركة اللي في الصفحة الأولى

مُجرّد إضافة،

جُمعة مُباركة
وصلّوا على النبي
اللهمّ صلّ وسلّم عليه

:)

alloosh90
09-09-2011, 03:32 PM
Dr.3amer
الليدر الأكبر في كلينا
شكرا لك على رحابة صدرك وتعاملك الراقي وإجابتك للدعوة كما عهدناك دوما
أثريت الوضوع بإضافتك
وضحت لنا رأيك بخصوص الليدرية
أسأل الله أن يجعل فيها الفائدة لكل قارئ
:)

- -
dr- smile
منكم نستفيد
ونٍسأل الله الإخلاص في القول والعمل
:)
--
Lujain m.g

اخالفك الرأي بخصوص الليدرية ^__^
بداية أول ما يكون نشاطك في مجال معين يسبب عداوة بنك وبين أصحابك
فأصحابك اولى دائما

من ناحيتي الليدرية ادتني فرصة اني اتعرف على كل فرد في الدفعة

صحيح انك حتكون المسؤولة فانت الليدر ,, وانت اللي تتحاسب قبل غيرك وانت في وجه المدفع
فهي ليست مسمى فقط
وقد تكون مثل هذه الأمور دافع لك للظهور بشكل ممتاز وإثبات جدارتك دون العكس

واختم بما ذكرته سابقا هي تعتمد على كل شخص
سواءا بتعامله مع افراد دفعته او مع الدكاترة او بتوجهه الشخصي لليدرية
ولا يشترط كونك ليدر عشان تخدمي دفعتك

تحياتي ,, وأطيب الأمنيات
:)
,,,
۩ ..ęνěŗêşť.. ۩

بالفعل الموضوع زاد بريقه بازدياد المشاركات

أشوف الموضوع مع رياض إن شا الله
ما ننحرمش
:)

RiYaDh
09-09-2011, 04:54 PM
Dr.Aloosh90
يعطيك الف عافيه على طرح تجربتك ..
اسلوب رائع وشامل لجميع النواحي ..

استفدت الكثير منها .. الله يعطيك العافيه





- توفير مركز تحميل ملفات يتم الولوج اليه عبر شبكة داخلية في الكلية او عن طريق الانترنت لرفع المحاضرات و اعمال الطلاب في المادة ليستفيد منها الجميع
حيث تتم ارشفتها بشكل يسهل الوصول اليه
2- نتمنى ونرجو من ادارة الكلية كتابة دستور او نظام او لائحة وتعميمها على الجميع
نرجع اليها في حين اختلفنا والحاصل لايوجد ما نستند اليه محد عارف راسو من خلاصو وكل مين يفتي عليك
3- توفير خدمة الرسائل لكل دفعة اما من الجامعة او بدفع مصاريفها للاشتراك
4- لوامكن عمل اواعتماد مرجع واحد فقط لكل مادة في البيسك بحيث يكون شامل
بدون مانقول تكست على مستوى عالمي بعدد صفحات وقدرها ومحد يروح يذاكر منها فالطلبة يحاولوا يوصلوا للمهم بايسر الطرق- فإذا أردت أن تطاع فأمر بما يستطاع
5- اقترح عليكم كدفعة قادمة القيام بتوزيع المهام كما حصل معنا ,,, السنة مليانة بالمفاجآت وماهو مخالف للتوقعات من الاقسام او من ادارة الكلية ، وتعاملكم مع كل موضوع يحتاج وجود أشخاص متعاونين وشايلين هم المسؤولية بينهم




عالجرح والله ... ماقصرت ..

يعطيك العافيه مره ثانيه ..

Dr.Pooh

يعطيك العافيه اختي تجربه رائعه واضافت للموضوع الكثير خصوصا بطرحك تجربه القياده للطالبات ^^

Dr.Lujain m.g

السنه الاولى صعوبتها بصعوبه التأقلم معها من بدايه السنه فتحتاج وقت اكبر للتأقلم ..
لكن بالنسبه للمواد يبدولي مما قرأت ان السنه الثانيه اكثر صعوبه لكن الطلاب يدخلوها متأقلمين مع النظام الجديد ومستعدين .. فيكون مستوى الطلاب اعلى فيها
بالنسبه لليدرشيب ..
بالعكس مافيها ضغائن او اي شي تزيد معرفتك بالجميع وتنمي فيك صفات حلوة اهمها القياديه والتعاون
لكن بنفس الوقت فيها مسؤوليه وتحتاج اهتمام ..
وهي اولا واخرا تكليف وليست تشريف ..

Dr.3amer
عمده طلاب كليتنا ^^
يعطيك العافيه على طرح تجربتك وخصوصا تجربه القياده
استمتعت بقرائتها واعطتني انطباع افضل عن القادم

Dr.Smile
شكرا لك على اضافتك الرائعه .. وهذا ماعتدنا عليه في كليتنا الجميع يد واحده ..
كل دفعه خدومه لمن بعدها لاتتردد في تقديم اي شي لاخوانهم ..
شكرا مره اخرى .^^


Dr.Everest

.. فكره رائعه وسديده .. لكن ربما يريد البعض مناقشه بعض التجارب الا ان كانت في موضوع مستقل
برأيي ان يبقى الموضوع كما هو مع بقاء اختصارات لجميع المشاركات في اول الموضوع ..بحيث يتيح للقارئ مناقشه اي نقطه يحتاجها في الموضوع ..
اشكرك مره اخرى اخي الفاضل .. لاعدمناك

اشكر جميع من اثرى الموضوع وبانتظار المشاركات الاخرى ..
دمتم بود

RiYaDh

Dr.Esra'a
11-09-2011, 12:26 AM
بسم الله الرحمن الرحيم

استعرض هنا تجربتي لـ



السنة الرابعة ( الثالثة ) طب لعام 1431 - 1432 هـ

يا رب تلقو فيها اللي يفيدكم

نبدأ بالترم الأول و أول و أهم مادة في الترم دا و اللي كانو يدرسوها في سنة!
بس احنا بناخدها في ترم ... فكان الله في عونكم :bye1:



Pharmacology


درسونا د. هيام >>> شرح لا يعلى عليه ... د. نجلاء ... و د. سمية

اول حاجة السورس اللي تعبنا و اللي ما انصح بيه مع الضغط اللي عيشونا وسطو هوا ليبينكوت

بس جاتني اخبار من البنات للاسف انو اتقرر عليكم

لانو يفضل تكست بوك ما احسو ينفع للمزاكرة ! ... الدفعة اللي قلبنا كانت تزاكر من ملخصات يدوهم هيا الدكاترة و معدل درجاتهم كان احسن مننا بكتير

احيان كنا نعتمد على محاضرات دكتوراتنا و دكاترتنا ... بس كانت كوبي بيست من الكتاب ... فـ :nosweat:

إنتو اللي حتساووه ... انكم مرات تزاكرو من الكتاب ... و مرات تزاكرو من المحاضرات ... هوا هوا نفس الهرج بس يعني البوينت انو الواحد حيحس ما عندو في الحياة غير الفارما :dunno: ... فيعني عالاقل يشكل في السورسات :lleyes:

المهم نصيحتي جيبو معاكم الكتاب في المحاضرة ... و اقعدو كدا زي الحلوين اشرو على كتبكم ... عشان ترجعو البيت يا دوب تزاكرو و تلخصو و اللي حابب يعمل جداول يعمل

ركزو اكتر شي على الكلاسيفيكيشن للادوية ... و كل دوا ايش يميزو ... و لا تشتتو نفسكم بالكلام اللي خارج السورس تبعكم ... ركزو على السورس دا و زاكروه كويس بدون تشتيت و ان شا الله تضمنو درجات حلوة ... لانو الفارما كـ بيزك تحتاج تركيز على شي واحد فقط !

طبعا من الأشياء اللي انصح بيها الجداول ... تسهل عليكم المزاكرة كتير و تختصر الوقت و أفضل في التزكر ... و لانو حتحتاجو ترجعو للادوية و مميزاتها في اختبارات العملي ... فترجع لجدوال احسن ما ترجع لكتاب و كلام كتير ما يديك المفيد بسرعة و بشكل واضح ... كنت عاملة جداول مع مجموعة بنات ... السورس تبعنا كان زيكم الادشن الرابع ... فان شا الله انزلكم هيا في مكتبة تصوروها تختصرلكم وقت كبير

بالنسبة للعملي ... لا تخافو منو مرة سهل ... اختبرونا عملي عالورق >>> معرف كيف تجي بس مشو حالكم ... و حيدوكم ملزمة حقت عملي صغيرة تزاكرو منها
+
محاضرات الدكتورات كان فيها كلام زيادة مو موجود في الملزمة و يجي في الاختبارات
+
أوراق تانية توصلكم ان شا الله

بالنسبة للاختبارات ... زاكرو تجيبو ... و حاولو تختبرو الميد قبل اجازة الحج مو بعدها ... لانو حيحول اجازتكم جحيم و قلق و في الاخير ما تجيبو نتيجة حلوة لسبب ما ... و انتبهو ناس كتير رسبت عندنا و اخدوه في الصيف ... فشدو حيلكم

هادا بالنسبة للفارما ... كرهناها بس بعدها سرنا خلاص نفهم في الادوية حضراتنا ... و نقعد نسنتر كدا قدام التلاجة نتزكر اسماء الادوية و دا ايش يساوي و دا معرف ايش ... فجاب نتيجة حلوة برضو :nosweat:




........................



الطب النبوي و التكاملي

حتاخدو اول شي الطب النبوي و بعدو التكاملي

المادة مفيدة و ممتعة فيها تغيير جو عن الطب التقليدي شويا

بالنسبة لسورس الطب النبوي كنا نزاكر من محاضرات د.هيام و د. نجلاء محطوطة في ملزمة و كل الدفعات اللي فاتت كانت تزاكر منها

و بالنسبة لسورس الطب التكاملي <<< اممم ما في سورس بس نحاول نساعدكم باللي كتبناه مع الدكتور و ان شا الله يوصلكم

في الاخير الاسئلة سهلة و المادة مادة امتياز و لها 4 وحدات فاستغلوها في صالحكم



........................



Medical Reseach Skills

تالت مادة من حيث الأهمية ( وحدتين ) بس اصعب من الطب النبوي

درسونا د. منال و د. انتصار ... مرجعكم ببساطة المحاضرات حقت " الاولاد " خاصة في الميد و الفاينال ... اما الكويزات حتكون عادة من الدكتورات

و حطو خطين تحت حقت الاولاد لانو في الفاينال جات اسئلة من عندهم ... مع انها نفس محاضرات د. منال لكن في اختلافات بسيطة عند الاولاد

بالنسبة للمزاكرة زاكرو المادة دي اول باول ... خاصة المواضيع الاخيرة شوية كدا معقدة ... فركزو في المحاضرة و زاكرو اول باول لانها تحتاج فهم

اسئلة الميد كانت سيئة لكن عوضونا في الفاينال ... جات الاسئلة حلوة و سهلة ... و بيدكم تجيبو فيها امتياز ان شا الله

و تعتبر المادة دي انطلاقة لأي بحث حابين تبدأو بيه ... لانو حيتابعوكم الين مرحلة البروبوزال من البحث ...
فحاولو مو تاخدو المادة بس دراسة و اختبار ... حاولو كمان تبدأو عن طريقها أي بحث لكم


........................



professionalism
أخلاقيات الممارسة الطبية
communication skills


التلات مواد دي كل وحدة بوحدة

* بالنسبة للمهنية مرجعها بسيييط و حلو و الاختبارات تجي منو بالنص بالزبط كدا زي ايام السنوية :lleyes: <<< يعني امتياز ان شا الله
و المشكلة الوحيدة انو المصطلحات اللي في الملزمة دي شويا مو شائعة و مو معروفة ... فتحتاج تقعد تترجم و معرف ايش ...بعض الكلمات الدكتور مترجمها بالعربي ... المهم كنت مترجمة الكلمات اللي حسيتها غريبة و ان شا الله توصلكم الترجمة دي

* و بالنسبة للاخلاقيات ... مادة لطيفة ... المرجع شي مصري بس سهل ... و اسئلتهم سهلة بس يلعبو في صيغة السؤال كتييير ... و تتحل بالمنطق ... بس في الاخير تقدرو تجيبو امتياز فيها لانو سهلة

* المهارات ... مرجعنا كان محاضرات من عند الاولاد ... تجي الاسئلة منها بالنص ... فـ امتياز ان شا الله



.....................................





الترم التاني

Medicine


احنا البنات بدأنا بيلو ... و الصراحة تخرج من الكورس دا فاهم ... اعتبرو كورس ناجح من حيث التنظيم و طريقة تدريبهم لنا

لانو قسمولنا الكورس كل اسبوع ناخد سستم معين ... مسلن تاني اسبوع بدأنا chest ... فحتاخدو في دا الاسبوع محاضرات الريسبايراتوري ... و تتدربو في السشنز عن الاكزامينيشن و الهستري حقchest ... و يوم الربوع يجو و يختبروكم في الاكزامينيشن و بعضعهم في الهستري ... تقفلو بكدا على السستم دا ... تبدأو الاسبوع اللي بعدو CVS و نفس النظام ...

فـ النظام حلو و رتبنا و اتدربنا مزبوط

و ما يجي الاختبار العملي ان شا الله الا و انتو خلاص مدربيييين مزبوط ... و كان نظامنا دا جديد ... و لاحظو الفرق علينا الدكاترة

مرجعكم في العملي ماكلويد ... دا المرجع الاساسي و المعتمد

لكن شخصيا حبيت تيلي اكتر ... يشرح و يوضح اكتر

و في ملزمة عملوها بنات سنة سادسة اللي دحين امتياز ... ممتازة في الهستري بس ... مو الاكزامينيشن ... حتوصلكم ان شا الله

فيجيك اختبار العملي ... تزاكرو الهستري من دي الملزمة عشان اللونق و الشورت كيس
و الاكزامينيشن من ماكلويد و من كلام الدكاترة في السشنز
و الـ investigations من ماكلويد او معلومات النظري
و احيان يسالوكم كدا اسئلة في المناقشة خاصة DDx ... دي تجاوبو عليها من ماكلويد ملخصها في بوكسيز بطريقة حلوة

ان شاء الله توصلكم حاجات للمدسن عاملتها و بنات معايا عملو كمان و شرح لطريقة اختبارنا العملي العام يا رب تفيدكم


بالنسبة للنظري ... السورس امممم ... انا ناسبني دانش ... لكن المشكلة انو مو مناسب لكل المواضيع

فبعض المواضيع كنا نرجع لمحاضرات الدكاترة ... زي د. مجدي ... و د. ايمان الفضلي ... و د. انتصار

البقية ما يدونا محاضراتهم ... او مو مناسبة للمزاكرة فنرجع لدانش او كومار التكست او البوكت

بالنسبة لكومار البوكت كمرجع للمزاكرة ... باختصار مو كافي ... ازا مصرين تمسكوه شوفو دانش معاه ... او دانش لوحدو مع المحاضرات

و في الاخير كلام "بعض" الدكاترة مهم و يجي منو في الاختبارات <<< زي اي كلينيكال كورس

بالنسبة للاختبارات ... الميد اصعب من الفاينال ... الفاينال كان اسهل بكتييير ... و انتبهو يدمجولكم الصور مع الرتن ... لانو دخلنا الميد بدون ما يقولولنا ... و الصور ترجعولها في ماكلويد تجي زيها او تشبها

و في الاخير الكورس يعتبر دسم و ممكن ما ترضو عن الدرجات بس حتستفيدو كتيييير من الكورس دا و حيغيركم كتير ... و حيدوكم لوق بوك تعبو حالات و كدا ... يمشوركم في كل المستشفى ... بس حتستفيدو و تستمعتو ان شا الله


........................



Surgery


المادة أسهل مقارنة بالمدسن و تجمعو منها درجات اكتر

اختباراتهم النظري أسهل ... خاااصة الفاينال كان روعة ... و العملي سهل كمان الحمد لله

كان راحة لنا بعد تعب المدسن ... المحاضرات قليلة ... و المواضيع أسهل بشكل عام

تختبرو بس ميد و فاينال بدون كويزات ... و في الاتنين حتختبرو رتين و اوسكي و عملي ( ستشنز هستري و اكزامينيشن )

المراجع ... سيرجيكال ريكول اساااااسي ... اسئلة الام سي كيو تعتمد عليه بشكل كبير ... لازم تزاكرو كأساس

القصر العيني حبيتوو ... يفهم و يديك كل تفاصيل الموضوع ... فشوفوه في المواضيع المهمة زي breast + appendicitis + cholecystitis + thyroid + wound healing + pancreatitis + anorectal + vascular

مونت ريد <<< مو كويس ما عجبني اسلوبو ابدن ابدن ابدن

و في حاجات حتوصلكم ان شا الله

بالنسبة للعملي ... عندكم براوز ما في غيرو في السيرجري ... اما القحطاني مررررة سيء ما انصح بيه ابدن ... و ركزو كمان على كلام الدكاترة

الاوسكي ... حتوصلكم حاجات لو ان شا الله مهمة و تجي و تتكرر دايما... و يسالوكم عليها اسئلة ... حاولو ترجعو للمواضيع اللي عادة تجي و تقروها عشان تعرفو تجاوبوها


.........


Genetics

المادة حلوة و مصدركم حيكون كابلان مع شوية اضافات من محاضرات الدكاترة ... اسئلتهم حلوة و بسيطة



........................



Radiology

درستنا دكتورة شاإستا |... تزاكرو من محاضراتها بس مهم مرة انكم تركزو معاها في المحاضرة و تكتبو لانو اسئلتها من شرحها كمان
و الاسئلة مو حلوة



........................


و توته توته خلصت الحتوته :nosweat: ...
ان شا الله تستفيدو من الهرج الكتير دا ... و سنة رابعة حلوة ... الترم التاني مررررة سريع ... و حتغيركم السنة دي كتير ... فاستغلوها في المفيد ... و استمتعو :lleyes:

موفقين ان شا الله

alloosh90
11-09-2011, 02:58 PM
Dr.Esra'a

كالعادة تجربة رائعة بأسلوب جميل
جمعت المفيد وتحدثت عن نقاط غالبا ما تكون مبهمة لنا كطلاب أو طالبات
نحن في أمس الحاجة لسماعها مع بداية السنة

شكرا جزيلا جدا متراكما مع تقدم السنين
أفدتينا بالكثير منذ بداية عهدنا بالجامعة في السنة التحضيرية ومازلت
أسأل الله أن يجعلها في ميزان حسناتك
وأن يجعل التوفيق والتميز حليفك الدائم
جزاك الله خيراً
:)

->Ằ7β₦ỹ<-
01-02-2012, 12:02 PM
السسلام عليكم و رحمة الله و بركاته . .


قرأت كلامكم وفادني كثثير . . بسس حابةة اسأل بعد كم سنة اقدر اختار تخصصي ؟

=)

dr.ho
06-02-2012, 10:15 PM
السسلام عليكم و رحمة الله و بركاته . .


قرأت كلامكم وفادني كثثير . . بسس حابةة اسأل بعد كم سنة اقدر اختار تخصصي ؟

=)

بعد التخرج من كلية الطب ,, إن شاء الله

dr.nan
18-08-2012, 06:13 AM
من جد خفت من الطب الله يعين :s
انا اللي اعرفه انو الدوام يبدا 14/10
:blush-anii

7شموخ7
18-08-2012, 07:11 AM
من جد خفت من الطب الله يعين :s
انا اللي اعرفه انو الدوام يبدا 14/10
لاتخافي ولا تتوتري لما تدخلي ان شاء الله في الجو هيمشي الحال
مااقلك انها هتكون حياه ورديه بس هتتعودي وان شاء الله هتحبيه :icon26::icon26:
ايوه ان شاء الله 14/10 الساعه 8 اول محاضره :r:r:r
بس كدا دحين استمتعي بهادي الاسبوعين قد ماتقدري
واخلصي النيه وربنا يوفقك:win:

المجنون الحربي
11-07-2013, 02:12 AM
بسم الله الرحمن الرحيم
صبااحكم :clap::clap::clap::clap::clap::clap: مساائكم
طلاب جامعة طيبه اقدم لكم كتاب يفيدكم في التدريس ومجرب :win::win:

اقدمه لكم والدعاء لي وهذا صورة للكتاب في مكتبة جرير


مصطلحات في التمريض
‏‎ تم اصدار كتاب مصطلحات واختصارات في التمريض جزاكم الله خير ريتويت وكل عام وانتم بخير pic.twitter.com/6vMZZ0mpJ3 (http://t.co/6vMZZ0mpJ3)