المساعد الشخصي الرقمي

مشاهدة النسخة كاملة : طالبات دراسات طفوله للأهميه



الصفحات : [1] 2

برنسيسة المدينة
20-10-2010, 10:56 PM
السلام عليكم ورحمة الله وبركاته

إلى الإخوه الكرام :

أفتح إليكم هذه الصفحات والموضوع لطلبات المساعده

أي أحد عندو شيئ صعب من الأعمال يبغى مساعده أنا حاضره
أي شيئ تحسي مو فاهمتو أنا حاضره
أي موضوع حابه تفتحيه وتناقشي فيه أنا حاضره

وإذا كان الشئ مستعجل أرسليلي على الخاص

وأنا بإذن الله أساعدكم

لكم أرق تحيه

حكاية امل
21-10-2010, 01:11 AM
الله يـــــــــجزاك خيــــــــــر

ويكتبه في موازيــــــــــــــــن حسنااااااااتك

برنسيسة المدينة
21-10-2010, 05:19 PM
ويااااك يارب

دراسات الطفوله
21-10-2010, 07:52 PM
السلام عليكم
كيفك اختي ابغى مساعدتك عندي يوم الاحد لقاء اخير مفهوم عائله الرسول صلى الله عليه وسلم ايش اسوي باالقاء الله يسعدك اذا عندك اي
افكار ساعديني

عالي سماها
21-10-2010, 09:53 PM
الله يجزآكِ خييير يارب
مـآتقصصري ><

برنسيسة المدينة
22-10-2010, 12:32 AM
السلام عليكم
كيفك اختي ابغى مساعدتك عندي يوم الاحد لقاء اخير مفهوم عائله الرسول صلى الله عليه وسلم ايش اسوي باالقاء الله يسعدك اذا عندك اي
افكار ساعديني

كم طالبه منكم المشرفه عمل ؟
طيب شوفي سوي عرائس إصبع على شكل عائله أم وأب وهيك
وأنشدي لهم هادي الأنشوده
محمد نبينا
امه امنه
ابوه عبد الله..مات ماراه..جده اللى رباه
ابو طالب عمه..كان بيخفف عنه
ستنا حليمه..مرضعة نبينا
كانت دايما تقوله ..جانا السعد جانا..جانا هل علينا
اتولد فى مكه ومات فى المدييينه

وبكره أشوف لك فكره تانيه
سوي هادي دحين عبال ماأجيب لك الفكره التانيه

دراسات الطفوله
22-10-2010, 02:32 PM
الله يعطيك العافيه اختى وربي يوفقك ويكتبلك اللي فيه الخير مشكورررررررره ياعسل

برنسيسة المدينة
22-10-2010, 09:56 PM
كلمت صديقاتي أستشيرهم وصحبتي تقول ليش تسوي أعمال كتير واحد عمل مكلف أحسن

شوفي أكيد عارفه قماش الجوخ لفي على أصباعك وخذي قياس كل أصباع وبعدين غريهم بغراء المسدس وبعدين تمسكي الصوف الأسود وسوي ضفاير باللون الأسود عشان تسوي شعر وياحبذا تكون الضفاير كتير عشان تبان كأنها حقيقه
وبعدين ركبي عيون وسوي فم
وخليها تكون البنت
وسوي أشكال لأفراد العائله

والأب خلي الجوخ أبيض ولبسيه شماغ وشخصيه
والأم طرحه ولبسيها قماش جوخ أسود كأنها عبايه
والولد خليه كدش وحركتااات
وسوي عجوز بشعر ملفلف أبيض
وسوي وحده عجوزة بشعر أبيض ونظارات
ولمن تلقي أول أجلسي عيدي لهم الهرج كلو
وخليهم يستجيبو معاك وبعدين أبدأي في الأنشوده
وحركي يدك مع ملامح وجهك عشان ينبسطو
وطمنيني كيف بعدين
وأنا في الخدمه يابطه*

دراسات الطفوله
23-10-2010, 05:16 PM
مشكوررره ياقلبي الله يعطيك العافيه والله ماقصرتي بس ماعندي الجرائه اللي تخليني اسوي كذا يعني خجوله بس احاول ان شاء الله وراح اقولك ايش صار 000 تسلمي يارب

برنسيسة المدينة
23-10-2010, 08:17 PM
ليش بكره تقييمك ؟

عاادي أعتبري مافي أحد يلا شدي حيلك نبغى درجات حلوه ترفع الرااس

تصدقي نفسي أسويها عنك عااد أنا أحوووب عرايس الإصبع أحب أسويها

بالتوفيق ياعسله

دراسات الطفوله
24-10-2010, 09:22 PM
الله يجزاك خير اختي تقيمت اليوم ماعجبها ولا شي لاالوسيله والا الاداء طبعا كاالعاده كنت مررره مرتبكه وضيعت الانشوده والضيعت القصه

ياالله الحمد لله على كل حال ومشكوره اختي ماقصرتي

برنسيسة المدينة
24-10-2010, 10:23 PM
أاااخ منك من أول وأنا أنتظر ردك
ياربي عليك ليش كدااا طيب
أضربك دحين أووووخص عليك ^_^ <<< جالسه أمزح ترى
جلست أدعيلك ربي يوفقك يلا مو مشكله المره التانيه تنفع وبطلي خجل
إيش ناقصك عشان تخجلي

دراسات الطفوله
26-10-2010, 04:51 PM
ايش ناقصني --- عاالعموم مشكورره ياقلبو ماقصرتي

برنسيسة المدينة
26-10-2010, 07:23 PM
يؤ ليش ناقصك شيئ؟

لايكون بس زعلتي من كلامي ترى جالسه أمزح ياعسله

ربي يوفقك

~*جولانار*~
26-10-2010, 10:30 PM
برنسيسهـ يآقلبي ماشاء الله عليكـ شادهـ الهمهـ

الله يعطيكـ العآفيهـ

انتظريني السنهـ الجآيهـ ان شاء الله جآيهـ معاكـ ههههه

ياقلبي كنت ابي اسئلكـ بمآ انكـ فآضيهـ مآعندكـ آفكآر لمفهوم مراحل نمو الرضيع وآدوآتهـ

للأركآن ..؟

آذآ عندكـ لا تبخلين علي بالله ترى محتآجهـ مررررررررررهـ ربي يسعدكـ :(

ابغى شي غريب جديد << قواية عين تتشرط ههههه

برنسيسة المدينة
27-10-2010, 01:48 AM
ياررررب الله يوفقك وأشوفك متخرجه يارب وتجي تفطري معايا في الصباح بدال مني جالسه لحالي ههههههههه

أفا عليك تكرم عيونك أكيد تلاقي إلي يسرك عند برنسيسة المدينة
شوفي ياستي
جيبي صور عن مراحل نمو الرضيع مليانه في النت
تلاقيها في منتدى الإحساء التعليمي صور روعه
وكمان منتدى رياض الأطفال
وكمان منتدى التربية والتعليم
وبعدين تمسكي الصور غلفيها تغليف حراري في المكتبة عشان لايعدمولك هيا الأطفال وكمان عشان تكون مرتبة وتجلس معاك طول العمر
وروحي للخندق حق الوسائل التعليمية إلي قبل مكتبة جرير أكيد تعرفيه
يبيع أشكال بالفلين روعه جيبي شكل رضاعة أو أي شكل يتعلق بالطفل
وحطي الصور على الفلينة وبعدين قصي الفلينة مربعات
راح تصير زي البزل ( التركيب)
الطفل راح يرتب مراحل النمو وبعدين تظهر له في الأخير شكل الرضاعة
هادي أنا سويتها ومرااا عجبت المشرفة وأعطتني الدرجة الكاملة بس أتقني شغلك وحبيه عشان هوا يحبك ^_^

.......

إذا ماعجبتك هده الفكرة
كمان في فكرة تانية جيبي لوحة فلين مسطحه على شكل مربع صغير حقت الوسائل
وأعملي فيها ٦ دوائر وأثقبي الدائر بطريقة مرتبه لاتعدمي الفلينة
وحطي في كل دائرة عصايه أو قطعة فلين أو خشبه وعلقي على كل خشبة مفتاح
يعني كأنها لعبة أبحث عن الكنز
طبعا تنفع للركن الإدراكي
وجيبي علب( حصالة الفلوس) تلقيها عند أبو ريالين أشكال وألوان جيبي على عدد الصور إلي طلعتيها وحطي في كل علبة صوره من صور مراحل النمو وأقفليها بقفل وهو يفتح الأقفال ويبحث عن الصور ثم يرتبها والله راح تعجبها مراا يحبو هادي القربعه المشرفات
...
وإذا ماعجبتك في كمان
جيبي فلينة الوسائل وقصيها على شكل مستطيل طويل وبعدين قسمي المستطيل مربعات بالمسطره والمرسام
وجيبي فلين وقصيه مربعات على حجم نفس المربع إلي رسمتيه وكل مربع حطي صوره وهو يرتب الصور بالطول
وأعملي حركتات وسوي بالفلينة شكل مسطرة وغريها جنب الفلينة المستطيلة تجي مااره نايس

....
وإنتي قولي لي إيش تبغي ركن عشان أقلك أفكار عليه

وأي شيئ مافهمتيه عادي أشرح تاني عااد أنا شرحي زي الهنوود ههههه
*

برنسيسة المدينة
27-10-2010, 01:50 AM
عاادي أتشرطي ماعندنا زيك اتنين ^_^

~*جولانار*~
27-10-2010, 07:53 PM
فديتكـ والله ياقلبي يسلمووووو

مررررهـ عجبتني فكرة الحصالهـ والدوائر

بس فكرة المستطيل مافهمتها :(

بس ولا يهمكـ بحاول افهم هههههه

....

بالنسبه للأركآن انا قلت ركن الاكتشاف راح اسوي فيهـ يطفو ويغوص زي مو مكتوب عندهم بالجدول

وركن التخطيط راح الصق خرز على فلين واجيب لهم صوف يلفو عليهـ

وراح اسوي خطوط منحنيهـ واكتب كلمة طفل ويمشو عليها

وبالنسبهـ لـ ركن الفني مافكرت والله :(

والادراكي راح اسوي الي قلتي عليها فديتكـ

والتعايش الاسري راح اجيب عروسه وكفولهـ اغراض الطفل عموما وسرير هزاز وما الى ذلكـ

اامممممم بس هذآ الي عندي

تحسيها حلوهـ ولا بسيطهـ ..؟:(

برنسيسة المدينة
27-10-2010, 08:36 PM
بسألك هو ركن التعايش الأسري مو المفروض إنتو الأربعه شراكه فيه
خلاص ملو الركن وجيبو ستاره و عيشو الجو وكأنو سابع وجيبي شريط كاسيت فيه أناشيد السابع وأفتحيه وقت الأركان مااره راح ينبسطو الأطفال وممكن يتنشطو وتاخذي الفل مارك

بالنسبه للتخطيط الفكره مااااره قديمه جيبي حركتاات أحلى
جيبي فلينه وأكتبي كلمه وفرغيها يعني تخلي الكلمه كأنها محفوره وهما يحشوها خرز.

وممكن كمان تجيبي تبسي فاضي وتجيبي رغوة الحلاقه حقت الرجال وتحطيها في التبسي وهما بالرغوه يكتبو أسماءهم وهادي ماااره حلوه

وكمان ممكن تجيبي خشبه وتخرقيها بالدرل وتحطي في كل خرق خشبه طويله وتخليهم يكتبو أسماءهم بالمطاط أنا مسويتها إذا تبغي أصورلك هيا عادي ماعندي مانع

والركن الفني سوي بالفلين المضغوط شكل رضاعه وهما يزينوها
وكمان سوي صور بيبي وغلفيها حراري وخليهم يسو ميدالية مفاتيح أو تعليقة حلق

والإكتشاف جيبي عروسه وخبيها في وسط كرتون وعبي الكرتون أقمشه وفكي رجل العروسه ويدها وراسها تجيك في أبو ريالين عرائس تتفكفك وهما يركبوها وبعدين يكتشو إنها عروسه

وفي كمان كتاب إسمو أكاديميه مااره حلوه فيه أشياااء روعه وغريبه لركن الإكتشاف

وأي شيئ تاني أنا في خدمتك أدلعي عليا ^_^

دراسات الطفوله
27-10-2010, 10:21 PM
لا والله ياقلبوو مازعلت 000 طيب ممكن اطلب منك طلب ثاني الله يعينك

برنسيسة المدينة
27-10-2010, 11:23 PM
إنتي تأمريني أكيد أتفضلي ياحلوه وأنا تحت أمرك

~*جولانار*~
28-10-2010, 12:11 AM
برنسيسهـ فديتكـ والله ماشاء الله عليكـ افكاركـ مرهـ حلوهـ وغريبهـ

صدق مخي مقفل هههههه

اجل الله يعينكـ علي شكلي بـ عتمدكـ مساعدي الأول وش رايكـ هههه..

<<ماتنعطى وجه هههه

بس كنت بسألكـ ياعسل الفني كيف يسووهآ ميداليه قصدكـ يربطوها بالشرايط ..؟

واش رايكـ اش اسوي بـ ركن المكتبهـ ..؟ :(

ادري ياقلبي طولت عليكـ معليش اعذريني بس من جد مخي مقفل ما ادري و ش فيهـ :(

برنسيسة المدينة
28-10-2010, 03:53 PM
الصور غلفيها حراري وبعدين بالخرامه سوي خرق وبعدين حطي شريطه ونهاية الشريطه حطي الحديده حقت المفاتيح تلاقيها في الخندق كتييير أو إذا عندك في البيت زايده

وركن للمكتبه طلبت عملين ولا واحد ؟

أوه عليك شيئ يشرفني لالا تطلبي وتدلعي على كيفك

~*جولانار*~
28-10-2010, 04:28 PM
فديت قلبكـ والله يسلموووو ياعسل

الله يجزآكـ الف خير على المساعدهـ والله :)

،،،

وبالنسبهـ للمكتبهـ ماحددت كم قصهـ بس اكيد تبي اثنين او اكثر كمآن :(

المشكله انا كان عندي لقاء الاسبوع الي فات ونفس الوحدهـ

واعطيت القصهـ وحدهـ من صديقاتي مافكرت انو تكون مناسبه للمكتبهـ :(

صعبهـ ارجع اطلبها من جديد منها :(

برنسيسة المدينة
28-10-2010, 08:18 PM
دحين عندي ضيوف بس يخرجو أدورلك ياعسله

دراسات الطفوله
29-10-2010, 01:07 AM
تسلمي يارب الله يعطيك العافيه 00 عندي حلقه عن انواع الاقمشه ابغى منك ياقلبو افكار حلووه ووالكلام يكون مرتب انا عندي الكلام بس مو مرتب وماتي عارفه كيف ابدء 000 وبس على فولت صاحبتي 00 وتسلمي

برنسيسة المدينة
29-10-2010, 01:13 AM
أكيد صعبه لكن مع برنسيسة المدينة مفييش صعب

يلا خذي هذه القصه

الطفل الرضيع و العصفور الصغير http://www.ta-u.com/vb/images/images/smilies/smilias/10_a.gif
سقط عصفور صغير من فوق الشجرة إلى الأرض و أخذ يصدر صوتاً فسمعه طفل رضيع فأخذ يقترب منه و قال : له و هو في حالة تعجب من ذلك المخلوق الصغير أنت أصغر مني قال : العصفور نعم و أنت أكبر مني هل تساعدني قال: الطفل و كيف أساعدك و أنا لا أ زال طفل رضيع , قال العصفور أحملني بيدك ثم ضعني فوق الشجرة أريد أن أعود إلى عشي الصغير قال: الطفل الرضيع أنا لا أستطيع أن أحملك فأن لا أقدر على الوقوف و يداي لا تزال صغيرتان لا تقدر على حملك لماذا لا تطير , أنت تملك جناحين جميلين العصفور يقول : و أنا لا زلت مثلك صغير غير قادر على الطيران يا صديقي جناحاي لا تقوي على التحليق بعد ماذا سأفعل الآن الطفل الرضيع أنتظر أمك حتى تعود و تحملك العصفور يقول أخشي أن تتأخر إلى المساء فيأكلني القط الطفل الرضيع يقول : و لماذا تتأخر أمك إلى المساء العصفور يقول : لقد تعودنا على ذلك فهي تعمل في الصباح حيث تجد في طلب الرزق و تعود عند المساء تنشد الراحة الطفل الرضيع يقول : حسن سوف أساعدك العصفور يقول :له كيف و أنت لا حول و لا قوة لك الطفل الرضيع يقول : سوف أصدر صوت جميل ثم تأتي أمي لتأخذني إلى البيت و سأطلب منها أن تعيدك إلى عشك وأنا أذهب مع أمي إلى عشي العصفور يقول جميل منك أن تقوم بذلك و لن أنسى فضلك علي ما حيت قام الطفل الرضيع بالمناغاة الطويلة لتأتي الأم على أثر ذلك الصوت مسرعة فتشهد المنظر الذي يحرك القلب العصفور الصغير يبكي على الأرض و العصفورة الأم تحلق فوق الشجرة لا تدري ماذا تفعل لتساعد طفلة الذي سقط إلى الأرض حملت الأم العصفور الصغير و وضعته فوق الشجرة و حملت طفلها إلى البيت و هي في غاية السعادة إزاء ذلك العمل الجميل الذي قامت بهي تجاه العصفور و أمه . نعم الأم التي تهز السرير بيسارها تهز العالم بيسار صدقت يا نابليون في قلت .

وسويها بالفلين المضغوط عل شكل بيبي

يعني سوي الدفتر عل شكل بيبي وجوت الدفتر القصه

لاتقولي ماأعرف أرسم الله يخلي الشفاف دوري صورت بيبي وشفيه وبعدين حطيه عل الفلين المضغوط وعاد لبسيه بنطلون وبلوزه وحطيلو عيون متحركه وأتفنني ويطلع حلووو


والعمل التاني جيبي سيديهات حقت البلايستيشن الخربانه وغلفيها بالكوريشه كل سيدي بالون وحطي في كل سيدس بعد ماتغلفيه مرحله من مراحل الرضيع مره كانت أمو حامل وبعدين جاء وبعدين كبر وكبر وهيك

وبعدين من جهة الخرق الدائرة سوي ثقب ودخلي فيه عصايه وبعدين جيبي الغراء وثبتي كل سيدي بالغراء في العصايه

وتسير شكلها غريب وحلو عصايه وسيديهات


هذا رابط فيه صور كليب أرت حلوه تفيدك في أشغالك يابطبوطه

http://www.moveed.com/categories.php?cat_id=76

http://www.9or.cc/cat92.htm

http://www.babyclipart.net/


يلا ربي يوفقك ياعسوله

برنسيسة المدينة
29-10-2010, 01:15 AM
حبوبه إيش إسم الوحده حقتك ؟؟

برنسيسة المدينة
29-10-2010, 01:32 AM
أمممم وحدتك عن الملابس صح ؟؟

أمممممم طيب هاتي الكلام حقك إلي عندك بسرعه أشوفوو

ودحين أزبط لك الموضوع متخفيش

برنسيسة المدينة
29-10-2010, 01:53 AM
شوفي يابطه روحي محل الأقمشه وأطلبي منو أقمشه من كل نوع مربع صغير

وأنواع الأقمشه
المخمل والأروجانزا والشيفون و الستان والتل والجرسيه والحرير والدانتيل

وأكيد هوا عندو أنواع أكتر جيبي من كل نوع


وجيبي كرتون وغلفيه بالأسود وأفتحيه من فوق سويه زي صندوق الإكتشاف وحطي حولين الفتحه شوية ريش عشان يلفت النظر


وأول شيء سوي لهم رياضه ونشطيهم

وبعدين أجلسو قولي السلام عليكم ورحمة الله وبركاته

كيف حالكم يالأطفال ؟

كيف أصبحتم ؟

ماهي وحدتكم اليوم ؟ <<<< طبعاً إذا كانت هذه أول يوم للوحده أسأليهم عن الوحده السابقه وقولي لهم ماهي الوحده السابقه

واليوم سوف نتعرف عل وحده جديده وهي وحدة الملابس وكوني مبتسمه ولا ترتبكي وطالعي في كل الأطفال وحبي عملك عشان يحبك

وبعدين قولي بصوت غريب شويه جبت لكم شيء في الصندوق حزرو إيش ؟؟

وعاد شوفي الأطفال كل واحد راح يقول لك شيء وأجلسي أسمعيهم بس عاد لاتعطيهم مجال زياده عشان لا يخربو أم الدنيا

وبعدين حطي يدك في الصندوق وخرجي القماش الأول وقلي لهم عن إسمه وخليهم يحسوه كلهم

وبعدين خرجي التاني ونفس الشيء قولي إسمه وخليهم يلمسوه

وعاد قولي لهم إيش تحسو يوم يلمسوه ؟؟ ناعم ولا خشن ؟؟

وبعدين حطي حبل وعلقيه وراك في الحلقه طويل وجهزيه من البدايه وكل ماتطلعي قماش وتعرفيهم عليه ويلمسوه علقيه عل الحبل كأنك تنشري الغسيل

وراح يسير الحبل كله أقمشه وطبعاً جيبيها ملونه عشان تلفت النظر حتى لو دخلت عليك المشرفه أو المديره تلفتي نظرهم

وبعدين أرجعي عيدي لهم أسماءها وخليهم يحفظوها ولازم يخرجو على الأقل حافظين 6 منها

وبعدين جيبي التمرين الإدراكي


سوي بالفلين الكبير المتين رسمة بلوزه وقصي الفلين عل شكل بلوزه ولونيها لون يلفت النظر

وبعدين جيبي أقمشه في سله صغيره وإنتي قولي الأسماء وهم يعلقو الأقمشه بالدبوس على نفس الفلينه

مثلأ قول قماش الحرير وهما يعلقو الحرير

عشان تتأكدي إنو حفظ الحرير من الدانتيل وهيك

وبكذا تكوني سويتي حلقه روووعه

طبعاً لاتنسي دعاء كفارة المجلس

وأي شيء تاني أنا في الخدمه وأي شيء مو مفهوم برضو أنا في الخدمه

دراسات الطفوله
29-10-2010, 01:56 AM
والله مافحالي اكتب الكلام ياقلبو بس اذا ماعليك امر كيف ابد بالمفهوم الكلام اللي عندي عن كل نوع من انواع الاقمشه وكيف يستخرج

والله نعبانه ومعصبع ومضغوطه بشكل غير طبيعي

دراسات الطفوله
29-10-2010, 02:02 AM
الله يعطيك العافيه يسلمو الله يرزقك جنه الفردوس يارب والله افكار رائعه ماشاء الله عليك 00 مالت علي وعلى تفكيري لا داخله رياض اطفال 00

دراسات الطفوله
29-10-2010, 02:04 AM
ماعليش ياقلبو كيف رياضه قبل ابدء مافهمت مثلا زي ايش

برنسيسة المدينة
29-10-2010, 02:19 AM
شوفي خليهم واقفين وقولي الرياضه تنشط دمي وتزيل همي
وخليهم يقفزو وسوي لهم أي حركات عشان يكونو نشيطين معاك ويستجيبو ويشاركو

فهمتي عليا يابطبوطه

دراسات الطفوله
29-10-2010, 02:22 AM
فهمت ياقلبو الله يعطيك العافيه ومشكوررره ماقصرتي

برنسيسة المدينة
29-10-2010, 02:26 AM
وليش التعصيييب لاتعصبي ولاشيئ بكره كلها تصير ذكريااات وتفتكريها

أبدأي المفهوم زي ماقلت لك في الصفحه المقبله

وبالنسبه من فين يستخرج أول شيئ شوفي إيش أنواع الأقمشه إلي راح تجيبيها وبعدين أكتبي في قوقل من أين يستخرج الحرير مثلا وهو يجيك ووبس

لاتصعبي الأمور وهيا سهله
ترى أنا كنت أحب الحلقه وأموت فيها وكنت أكره اللعب في الخارج وأشيل همو ولازم كنت أبكي ههههههه بهدلت ماما وبابا وطلعت لهم عيونهم إلين أتخرجت والله قالو أشهد أن لاإله إلا الله وأن محمد رسول الله*

دراسات الطفوله
29-10-2010, 05:13 PM
الله يسعدك يارب ويوفقك 000

~*جولانار*~
29-10-2010, 05:44 PM
أكيد صعبه لكن مع برنسيسة المدينة مفييش صعب

يلا خذي هذه القصه

الطفل الرضيع و العصفور الصغير http://www.ta-u.com/vb/images/images/smilies/smilias/10_a.gif
سقط عصفور صغير من فوق الشجرة إلى الأرض و أخذ يصدر صوتاً فسمعه طفل رضيع فأخذ يقترب منه و قال : له و هو في حالة تعجب من ذلك المخلوق الصغير أنت أصغر مني قال : العصفور نعم و أنت أكبر مني هل تساعدني قال: الطفل و كيف أساعدك و أنا لا أ زال طفل رضيع , قال العصفور أحملني بيدك ثم ضعني فوق الشجرة أريد أن أعود إلى عشي الصغير قال: الطفل الرضيع أنا لا أستطيع أن أحملك فأن لا أقدر على الوقوف و يداي لا تزال صغيرتان لا تقدر على حملك لماذا لا تطير , أنت تملك جناحين جميلين العصفور يقول : و أنا لا زلت مثلك صغير غير قادر على الطيران يا صديقي جناحاي لا تقوي على التحليق بعد ماذا سأفعل الآن الطفل الرضيع أنتظر أمك حتى تعود و تحملك العصفور يقول أخشي أن تتأخر إلى المساء فيأكلني القط الطفل الرضيع يقول : و لماذا تتأخر أمك إلى المساء العصفور يقول : لقد تعودنا على ذلك فهي تعمل في الصباح حيث تجد في طلب الرزق و تعود عند المساء تنشد الراحة الطفل الرضيع يقول : حسن سوف أساعدك العصفور يقول :له كيف و أنت لا حول و لا قوة لك الطفل الرضيع يقول : سوف أصدر صوت جميل ثم تأتي أمي لتأخذني إلى البيت و سأطلب منها أن تعيدك إلى عشك وأنا أذهب مع أمي إلى عشي العصفور يقول جميل منك أن تقوم بذلك و لن أنسى فضلك علي ما حيت قام الطفل الرضيع بالمناغاة الطويلة لتأتي الأم على أثر ذلك الصوت مسرعة فتشهد المنظر الذي يحرك القلب العصفور الصغير يبكي على الأرض و العصفورة الأم تحلق فوق الشجرة لا تدري ماذا تفعل لتساعد طفلة الذي سقط إلى الأرض حملت الأم العصفور الصغير و وضعته فوق الشجرة و حملت طفلها إلى البيت و هي في غاية السعادة إزاء ذلك العمل الجميل الذي قامت بهي تجاه العصفور و أمه . نعم الأم التي تهز السرير بيسارها تهز العالم بيسار صدقت يا نابليون في قلت .

وسويها بالفلين المضغوط عل شكل بيبي

يعني سوي الدفتر عل شكل بيبي وجوت الدفتر القصه

لاتقولي ماأعرف أرسم الله يخلي الشفاف دوري صورت بيبي وشفيه وبعدين حطيه عل الفلين المضغوط وعاد لبسيه بنطلون وبلوزه وحطيلو عيون متحركه وأتفنني ويطلع حلووو


والعمل التاني جيبي سيديهات حقت البلايستيشن الخربانه وغلفيها بالكوريشه كل سيدي بالون وحطي في كل سيدس بعد ماتغلفيه مرحله من مراحل الرضيع مره كانت أمو حامل وبعدين جاء وبعدين كبر وكبر وهيك

وبعدين من جهة الخرق الدائرة سوي ثقب ودخلي فيه عصايه وبعدين جيبي الغراء وثبتي كل سيدي بالغراء في العصايه

وتسير شكلها غريب وحلو عصايه وسيديهات


هذا رابط فيه صور كليب أرت حلوه تفيدك في أشغالك يابطبوطه

http://www.moveed.com/categories.php?cat_id=76

http://www.9or.cc/cat92.htm

http://www.babyclipart.net/


يلا ربي يوفقك ياعسوله


ياقلبي فديتكـ والله مرررررهـ يسلمووووو عسآني اقدر اخدمكـ بأي شي واردلكـ

لو جزء بسيط من الي سويتيهـ معاي :in_love:

عن جد مررهـ يسلمووو لو كنتي عندي كآن اعطيتكـ هق كبييييييييييييير فديت قلبكـ :icon26:

ان شاء الله بس اسويها واخلصها راح اقولكـ اش قالت لي المشرفهـ :r


الحين الله يعين بروح المكتبهـ واشتغل وبسوي واجب الدكتورهـ هنآء ورقيهـ الله يعين :tears:

برنسيسة المدينة
29-10-2010, 06:39 PM
الدكتوره هناء أعطتكم واجب يلبي قلبها أحبببببها موووت
يلا ربي يعينك ياحلوه

والله ماأبغى غير دعواتك الحلوه إنو ربي يحقق لي إلي ببالي

ثالث دراسات
30-10-2010, 02:39 PM
مساء الخير برنسيسة المدينة
اخبارك ياقلبي... ماشاءالله عليك افكارك خطيرة
بس ابغا مساعدتك ياقلبي انا عندي لعب في الخارج والوحدة الملبس والمفهوم انواع الاقمشة (الملابس الشتوية -الصوف)
ابغا افكار للعب
اتمنى القا مساعدة منك لاني بكرا نازله الروضة اعرف ماراح تقصرين ان شاءالله

يعطيك العافية وجزاك الله خير

برنسيسة المدينة
30-10-2010, 09:01 PM
مساء النور والسرور أختي دراسات
أكيد أساعدك
أممممم تبغي لعبه وحده بس ولا لعبتين ؟
جيبي ٣ أنواع من الأقمشه
وسويها على شكل مرايل يلبسوها الأطفال
يعني سوي شكل مريله من قماش الحرير وشكل مريله من قماش الصوف وشكل مريله من قماش القطن
وراح يشاركو معاك ٣ أطفال
كل طفل لازم يحفظ الإسم إلي هوا لابسو
يعني الطفل إلي يلبس مريلة قماش الصوف يعرف إنو إسمو صوف
وإنتي يكون عندك ٣ صور
ترفعي وتقولي حرير ولازم الطفل يجلس
وإذا ماجلس يخسر
عاد إنتي أختاري ياإنو يجلس ياإنو يقفز
والخسران يطلع برا وأخر واحد يفوز
ومثلا يكون الفائز قماش القطن فإنتي تقولي القطن هوا الفائز صفقه قويه وخليهم يشجعوا وأختاري ٣ غيرهم وهكذا .
......
اللعبة الثانيه اسمها إبحث عن الصوف
وجيبي بلوزه صوف وخيط صوف وقطعة قماش صوف وصورة صوف جيبي حوالي خمس أشياااء وخبيها في الفناء وجيبي أقمشه وصور لاتتعلق بالصوف وخبيها أيضا وهم لازم يجيبو لك بس الصوف لاغير وقسميهم لأربعه أطفال
طفلين من الفريق الأول وطفلين من الفريق الثاني والفريق الفائز هو الذي يعثر على
الخمس أشياااء الصوف كلها*

وأي شيئ مو فاهمتو عادي أرجع أعيد تاني مو مشكله
وبالتوفيق وبشريني إيش صار معاك بعدين
وأي شيئ تاني أنا في الخدمه

ثالث دراسات
30-10-2010, 10:38 PM
تسلمييييييييييييييين ياقلبي الله يجزاك خير ويحققلك اللي ببالك (:
والله ماتصدقين قد ايش هونتي علي
وان شاءالله ابشرك بكرا (:

يعطيك العافية وكل شي واضح

برنسيسة المدينة
31-10-2010, 12:34 AM
الله يعافيك يارب ياحلوه

أنتظرك بكره على أحر من الجمر

برنسيسة المدينة
31-10-2010, 01:57 AM
اللهم أنت ربي لاإله إلا أنت

فرج الهموم وأشرح الصدور ويسر الأمور

برنسيسة المدينة
31-10-2010, 02:02 AM
أخواتي أنا فاضيه

عندك بحث ومنك عارفيه تعمليه أنا أساعدك
عندك واجب وشيئ ضروري والساعه صارت 2 وراح تفقدي الأمل تعالي أنا أساعدك

وإذا كان الشئ مستعجل أرسليلي على الخاص

وأنا بإذن الله أساعدكم

دراسات الطفوله
31-10-2010, 10:09 PM
ماشاء الله عليك تبارك الرحمن 000 والله ماني عارفه كيف اشكرك 00 سويت الحلقه ماشي الحال احسن من الاسبوع اللي فات 00

بطلب منك طلب ماعليش واللله مالي وجه اطلب بس والله محتاجتك والله لولا الله ثم انتي كان رحت فيها 000

برنسيسة المدينة
31-10-2010, 10:56 PM
يؤ أطلبي بدون إستأذاااان

عااادي ثقلي عليا مو مشكله

أتفضلي أمرررري

دراسات الطفوله
01-11-2010, 12:09 AM
تسلمين ياقلبي 00 عندى واجب في تطبيقات على الحاسب وهناء طالبه نسوي عرض بور تقول الشريحه الاولى تعليق روائي وحوار والشريحه الثانيه تعليمات بس الله يعطيك العافيه ابغى الفكره بس يعني عن ايش اسوي عن اى موضوع اتكلم 00

برنسيسة المدينة
01-11-2010, 01:58 AM
الله مااااااااااره حلو هذا الدرس حق الدكتوره هناء إلين دحين وأنا ماأنسى اليوم إلي سجلت فيه صوتي

مو صح طالبه منكم تسلجو صوتكم في برنامج free audio editor

دحين أرسل لك مسج خاص أوووك عشان أديك فكرتي إلي سويتها عشان محد يسوي زيك

يلا سلام سلام

وسوري على التأخير في الرد بس والله نووومت

دراسات الطفوله
01-11-2010, 11:12 PM
تسلمين ياقلبي الله يعطيك العافيه 00 والله ماني عارفه كيف اشكرك وربي مرررررره خجلانه منك 000 الله يوفقك ويكتبلك اللي ابالك يارب والله ماني عارفه كيف اردلك الجميل 000 الله يوفقك وحرم وجهك عن النار

برنسيسة المدينة
02-11-2010, 01:31 AM
بس بس بس ترى فيسسسسسسسسسسي ساار أحمممممممممر

يسلمووو على دعواتك الحلوه ربي يسعدك

أممممممم والله ترى إذا تبغي أكتب لك التعليق ماعندي مانع أكتب لك

وأي شيء لاتستحــــــــي مني أطلبي عااادي أنا أختك

دراسات الطفوله
02-11-2010, 09:38 PM
الله يسعدك يارب تخيلي الفكره جاهزه ومجهزه كل شي بس عندي مشكله المايك مو شغال مايسجل مررره قهرني واليوم الساعه 11 التسليم عن طريق الايميل وربي مررره مقهوره 000 المهم اخبارك ايش سويتي بااختبارك

برنسيسة المدينة
02-11-2010, 10:14 PM
قصدك المايك الخارجي؟

طيب لابتوبك مافيه مايك ؟

يوووووه قهههر

عندي مايك أسلفك هههههههه

والله الحمد الله مبسوطه الله يسهل يارب كل الأمور
والله الحمد لله حلو الإختبار أممممم يارب تسهل عليك وعليا

دراسات الطفوله
03-11-2010, 01:37 PM
امين يارب ويوفقك

دراسات الطفوله
03-11-2010, 01:43 PM
بسالك سوال مو حابه تكملي باالقسم يعني تصيري معيده باالكليه احس عندك طموح ماشاء الله وحابه التخصص

دراسات الطفوله
03-11-2010, 01:47 PM
ماعليش ابغى من عندك افكار للاركان المفهوم العنايه باالملبس غسل وكي

برنسيسة المدينة
03-11-2010, 10:32 PM
أنا قدمت ياعسله ويارب يقبلوني والله أتمنى ذلك إنني أنتظر قبولي لفارغ الصبر

أنا أترشحت بس باقي يقبلوني يلا دعواتك ياحلوه

::::

أقلك والله دحين ماااره مزكمه وتعبانه ومسطله مااااره

إذا مستعجله عليها أقوم الساعه 3 عشان عيونك
وإذا عادي بكره أوكي أنا أقوم الفجر أوك يابطه

دراسات الطفوله
03-11-2010, 10:49 PM
الله يوفقك وان شاء الله يقبلونك يارب --- انتي من خريجات السنه اللي فاتت او اللي قبلها

دراسات الطفوله
03-11-2010, 10:51 PM
سلامتك ياقبلي متشوفي شر --- لا عادي مو مستعجله

برنسيسة المدينة
04-11-2010, 12:13 AM
هادي السنه أتخرجت ياعسله
الله يسلمك ومايوريك شر
أقلك ياقمر كم طالبه منكم المشرفه عمل في كل ركن ٢ ولا ٣ في الركن الواحد يعني

برنسيسة المدينة
04-11-2010, 02:40 AM
الركن الفني:

جيبي من النت صوره بلوزه والمهم تكون ماهي ملونه يعني أبيض وأسود
وروحي كبريها مقاس كبير في مكتبة الحارثي إلي جنب شوكولاين يكبر
المهم بعدين خطيها على فلينة وسائل كبيرة الفلينة الخفيفه وجيبي لونها أبيض
وغريها وظبطيها تمام التمام
بعدين جيبي شريط أحمر أو أي لون والأفضل يكون قوي ناري يلفت الإنتباه
بعدين جيبي ورق ملون وقصيه قص مرتب قصي ألوان كتيره وكميات كتيره
وبعدين حطي كل الورق الملون إلي قصيتيه في سله وجيبي غراء خشب لأنو الأطفال
مايستعملو غيرو
وخليهم يلصقو الورق الملون على الصوره يعني يسو كولاج
راح يستمتعو فيها الأطفال كتير وكمان راح يتعاونو
طبعا إنتي بعد مايخلصوها علقيها في الفصل أو في لوحة الإعلان وأكتبي تحتها عمل
الأطفال

العمل التاني:

تعرفي فلين المضغوط سوي منو أشكال غساله ونشافه ومكوه وبلوزه وصابون كونفورد
وعاد سوي كل أشياء الغسيل وتكون صغيره مااره
وبعدين جيبي مشبك الغسيل في يبيعو ملون وحلو ورخيص
المهم خليهم يلصقو الصور بالغراء على المشابك وصار عندك مشابك ملونه حلوه ^_^


الركن الإدراكي:
جيبي كرتونه مسطحه لو كرتون من كراتين المنديل
وحطي فيها صورة بلوزه وخليها هادي المره ملونه عادي جيبيها جاهزه من النت أطبعيها وعشان لاتنعدم عليك يروحي الأطفال يكبو مويه وتنعدم عاد أعرف بلاوي الأطفال جلديها بتجليدة الكتب الشفافه
المهم لصقي صورة البلوزه على الكرتونه
وبعدين جيبي فلين الوسائل وقصي منه خمس دوائر صغيره يعني بالفرجال ٩٠ إذا تبغي تقيسي حجمها
وكل دائره حطي عليها صورة قطرة ماء
وطبعا هو ركن إدراكي يعني الطفل لازم يفكر
لازم الطفل بالدوائر الخمسه يغطي صورة البلوزه تماما وطبعا يرمي الدوائر على الصوره رمي يعني مو يجلس يحطها ويحركها خلاص يحط وحده مايسير يشيلها
وطبعا لو بانت صورة البلوزه جزء بسيط خطأ لازم يعيد
طبعا إنتي جربيها في البيت عشان إذا حسيتي ماتكفي خمسه حطي سته

العمل التاني:
جيبي علبه علبه عاديه وشيلي الغطايه منها عارفه العلب المستطيله إلي يبيعوها في المكتبه أحيانا ناس يحطو فيها الهدايا
المهم جيبيها وجيبي فلين الكبير إلي يتفتفت على قول ماما الفلين الوسخ ههههه
وقصيه وحطي فلينه في نفس العلبه يعني تقصي الفلينه وتحشريها داخل العلبه
وبعدين تخرقي دائره وتجيبي كوره صغيره دحله أي كوره صغيره بس تكون بحجم الدحله
وتحطي في الفلينه صورة غساله مثلا وتحطي الكوره داخل العلبه وبعدين
تقفلي العلبه بأي شيئ شفاف مثلا نايلون أو ورق ملفات شفاف
المهم إنو الطفل لازم يدخل الكوره في الغار
عارفه زي ألعاب زمان إلي تلاقي أحيانا يطولنا لعبه صغيره ويقفلوها ببلاستيك ويحطو كوره وتجلسي تحوسي إلين تدخليها
بس عاد هادي الغار خليه متوسط وسهل

ركن الإكتشاف :
جيبي قارورة بيبسي صغيره بلاستيك الحجم الوسط
وغيري ملامح القاروره خليها على شكل صابون كانفورد أو تايد
يعني جلديها وحطي مثلا عليها صورة تايد من النت المهم لاتبان إنها قارورة ببسي
وبعدين ياليت التقصي من فوق يعني خلي الفتحه فوق كبيره مانبغى فتحة الغطايه
بالسكين قصيها
المهم
جيبي خل نص العلبه خل أسود حق البليله
وجيبي أي مسحوق غسيل
وجيبي صبغة طعام حقت الرز حمرا أو زرقاء
وجيبي كربونات الصوديوم البودره حقت البليله
المهم جيبي الأطفال وقلي لهم راح نسوي تجربة مسحوق الغسيل كونفورد أو فانش أوتايد
وحطي الخل ومسحوق الغسيل والصبغه وأخر شيئ قولي لهم أنتبهو وحطي كربونات الصوديوم يقوم يسير زي البركان ويطلع رغاوي ومرا راح ينبسطو الأطفال لاتسويها إلا لمن تجي المشرفه عشان تشوف الحركات^_*
جربي الخلطه في البيت في أي قاروره وشوفي بنفسك الحركتات



*

برنسيسة المدينة
04-11-2010, 02:59 AM
ركن المكتبه :
سوي قصه الغلاف على شكل ولد زعلان وياليت إنتي تسويه بنفسك بالفلين المضغوط
وكل الصفحات خليها على شكل الولد يعني زي حركة القصص الجاهزه لمن تلاقي قصة البطه خلاص كل الدفتر على شكل بطه
الله يخلي الشفاف جيبي صورة الولد وشفي وكرري بس أربع صفحات
وألفي قصه
مثلا كان في واحد ولد أمو قالت له لاتوسخ ملابسك
المهم وراح للمدرسه وطاح في الطين وأتوسخت ملابسة وصار يبكي
خائف أمو تخاصمو
قام جاء صاحبو وقال له ماما تغسل ملابسي بالتايد ويعطيه علبة تايد<< ههههه سوي دعايه
وبعدين يروح البيت وتشوفو أمو وتقول ليش كدا وسخت ملابسك يقوم يقولها في تايد
يشيل البقع والأم تجرب ويطلع صح
ويعيشو سعداااء وبس

خدي أي قصه من الإعلانات وسويها ترى تعجب المشرفه هيك حركات
وياليت لو تسويها بصنعك يعني الصور مو جاهزه كلها
جيبي خشب أبلكاش حجم وسط
وسوي صور بنفسك بالفلين المضغوط
سوي كل شيئ يتعلق بمفهومك
غساله ، طشط غسيل، صابون من جميع الأنواع، مكوه، مشبك غسيل
وسوي شكسك ولصقيها وخلي الأطفال يتعرفو على أدوات الغسل والكي

ركن التخطيط:
جيبي كربونه خياطه وصابونه
تفتكري زمان لما كنا نخيط كانت الصابونه والكربون يطبعو على القماش
حركتاات أبهري مشرفتك بفكره جديده للتخطيط
جيبي قماش وكربونه وصابونه
وخليهم يشخمطو

العمل التاني:


هو فكرتو قديمه لكن يمكن لسه محد سواها عندكم
جيبي قماش خيش من الناعم وجيبي إبره بلاستيك تنباع في المكتبات هيا مخصصه للأطفال وأكتبي على الخيش كلمه مثلا مكواه وخليه يخيط عليها


ركن التعايش:
على فكره خلي بالك هذا الركن أكثر الدرجات عليه أهتمي فيه إنتي وصديقاتك
من إسمه تعايش يعني يعيشيهم الجو
جيبي طشط غسيل وبلوزتين وخليهم يغسلو

سوي مكوه بمساعدة صحباتك وخليهم يكوو
أهتمي بالخلفيه حقت هذا الركن عليها درجات


والله يعينك أنا كنت أنا وصحباتي البنت إلي دورها أركان عندها عزاء الله يرحم موتانا ههههههه
والله لازم كنت أبكي إلين أخلص
والله طلعت روح ماما


أي شيئ ماعجبك نفكر مو مشكله بشئ غيرو وأي شيئ مو مفهوم نرجع نشرح
يلا بالتوفيق
لو كنت مو رابع وأنا أتعينت معيده كان درستك^_^

تصدقي أحب أساعد ممكن أكون كتير طيوبه هههههه

دراسات الطفوله
04-11-2010, 03:41 AM
ماشاء الله عليك الله يوفقك يارب وان شاء الله يقبلونك يارب وتتحقق امنيتك 0000 والله من جد الاركان مررره صعبه على بال ماتجيبي الافكار وتبدي باالتنفيذ اسبوع مايكفي --- الله يعين بس هانت مابقى شي ونخلص 000 على فكره انا مشرفتي السنه هذي استاذه رقيه -- ان شاء الله نتقابل باالكليه تحددي يوم وتجي الكليه اذا ماعندك اي مانع يمكن تطلعي من البنات اللي اعرفهم

برنسيسة المدينة
04-11-2010, 05:12 AM
أستاذه رقيه ماأحبها صار لي معاها موقف وكرهت الكليه والقسم منها
لكن أشكر كل إلي رجع وأعطاني الطموح وخلاني أحب القسم
أمممممم آمين آمين تسلمي على دعواتك الحلوووه
هههههههه أنا معروفه والكل يعرفني << طيب ياثقه
أنا إن شاء الله رايحه خلال هذا الأسبوع إن شاء الله عشان عندي توصيتي بدي أخذها من أستاذه
ويمكن ماأجي
إنتي في أيت قاعه ياكتتتر بنات دراسات الطفوله أمممم أنا إذا رايحه راح أخبرك

دراسات الطفوله
04-11-2010, 02:05 PM
في ايت قاعه احنا كل محاضره بقاعه بس اكثر قاعه نكون فيها المدرج اللي لونه احمر اللي جنب غرفه دكاترت القسم بس خبريني قبلها بكم يوم ضروري

برنسيسة المدينة
04-11-2010, 07:31 PM
أوكي إن شاء الله

دراسات الطفوله
05-11-2010, 12:01 AM
ماعليش ياقلبو ابغى فكره ثانيه للاكتشاف ماقدرت اجيب اغرض الفكره هذي

برنسيسة المدينة
05-11-2010, 03:30 AM
أمممم خســـاره

تيب أوك تكرمي

أمممممم

سوي صندوق الإكتشاف أدري هما ماااره يكرهووه المشرفات لكن إنتي سويه بطريقه تانيه

يعني قصي الكرتون على شكل بلوزه أو شامبو وبعدين حطي فتحه والفتحه حطي فيها أشياء إنتي سويتيها بنفسك يعني

حطي أي شيء يتعلق بالمفهوم

:::::

أو ممكن في فكره تانيه

سوي شكل غساله بالكرتون وغساله حلوه

وجيبي قماش وياحبذا يكون خفيف يحني حرير ستان << أكيد عندك كتييير من أيام عندك حلقة الأقمشه

قماش قصيها مربعات وحطيه على كرتونه مسطحه

وجيبي قطعة سجاد << قصي الدعاسه حقت أخوااتك ههههههههه والله أنا سويت كدا أيام التربيه العملي قامو من النوم لقو الدعاسه مقصوصه إيش دااا وعصبو عليا هههههههه

وجيبي بالونه

يعني الأغراض : بالونه .. قطعه سجاد .. قماش خفيف مقصوص .. غساله من صنع يديك

المهم

قولي لهم كيف ياأطفال ننقل الالقماش هدا للغساله بدون مانمسكو بيدنا وسوي حركتات وتعابير في وجهك إنو القماش وسخ لازم نغسلو

وخليهم كلهم يقولو لك فكره من عقلهم

وبعدين إنتي قولي لهم أنا أقلكم فكره تانيه نجيب البالونه وطبعاً تكون منفوخه

ونحكها في السجاد وبعد ذلك نقرب البالونه من القماش وراح يلتصق وبعدين ننقله للغساله

طبعاً التجربه إسمها إحتكاك البالون

إذا ماأتوفرت السجاده أو الدعاسه حكي البالونه في بساط الفصل أو جدار الفصل بشويش

إن شاء الله فهمتي




ملاحظه : في كتاب إسمو أكادميه للتجارب

روحي العبيكان أشتريه تلاقي فيه أشياء جنان لركن الإكتشاف

بس والله جالسه أدورو في البيت مو لاقيته

كان نفسي أقول لك إسم المؤلف وأجيب لك أفكار أحلى

مو مشكله إذا ماعجبتك الفكرتين نفكر تاني

عاشقة معشوقي
05-11-2010, 12:48 PM
برنسيسة فعلا انك آميرة..

ربنا يعطيك العافية على الجهد المبذول.. ويجعلو في موازين حسناتك..

طيب ممكن اطلب..

عندي حلقة في وحدة الاصحاب عن مفهوم اوقات زيارة الاصحاب

وحاسة المفهوم غريب شوي.. لو قالت اداب زيارة الاصحاب يمكن اسهل..

المشرفة شرحتلنا قالت مثلا متى تزورهم يعني وهو مريض او اذا عندو حفلة النجاح وكده..

بس احس الكلام في قليل مررره.. آيش ممكن اسوي شيء مميز ..

وشكراَ جزيلاً ^_^

~*جولانار*~
05-11-2010, 01:59 PM
بآآآآآآآآآآآآكـ

رجعت لكم بعد اسبوووووع كرف آوب صآحي :sob:

يآبرنسيسهـ يآبرنسيسهـ ..<< بآعت عقلهآ خلآص هههههه:laugh:

ياقلبي مرررهـ يسلمو ع الأركآن

عجبتها كثير وعجبها شغلي احم احم ولا تهون افكاركـ الخنفشاريهـ لبى قلبكـ :in_love:

بس شينهـ انتقدتني على الركن الادراكي والفني :thumbdown

المهم انو عجبهآ وهذآ اهم شي:w00t2:

مرررررررررررررهـ شكراً ربي يخليكـ يآعسل ولا يحرمنآ من آفكآركـ الخنفشاريهـ


...............

جآيه الكليهـ انتي :w00t2:

متى .. ابي اشوفكـ لالالالالالالالازم اعطيكـ هق كبيييير فديتكـ والله :love:

:icon26::icon26::icon26::icon26:

........

الأسبوع هذآ عندي لعب :sob:

قسم مو عارفه اش اسوي عن مفهوم الأصدقاء بالعائلهـ :sob:

كنت مرهـ مشغولهـ وعندنآ عزآيم وخرآبيط ماقدرت احكـ رآسي عشآن افكر :laugh:

ماعندكـ فكرهـ حلوهـ وخنفشاريهـ من افكاركـ الحلوين :blush-ani:blush-ani

اذا مآعندكـ عآدي قولي .. اروح ابحث بالنتو ولا احركـ مخي السحري يمكن يطلع بكم فكرهـ :p

......

اوبس يآكثر هرجي :nosweat:

انتظركـ يآعسل :icon26::icon26:

دراسات الطفوله
05-11-2010, 02:59 PM
تسلمين يارب الله يسعدك ان شاء الله راح اسويها

دراسات الطفوله
05-11-2010, 03:01 PM
ماعليش جولانار حابه اسالك مين المشرفه اللي معاكم 000عارفه اني ملقوفه بس حابه اعرف

~*جولانار*~
05-11-2010, 03:47 PM
هلآ والله درآسآت الطفولهـ يآعسل

آنا مشرفتي غآآآآدهـ ومررررررررررررررررررهـ ونآسه الحمد الله معاها

ولا ملقوفه ولا شي فديتكـ عآآتي يآقمر خذي رآحتكـ :)

.....

انتي بأنو روضه ..؟

صفصف
05-11-2010, 04:11 PM
مرحبااااااااا برينسيسة المدينة .. آخبارك ياعسل يااارب بخير

انا تربية عملي والمشرفه راح تقييمنا الاحد وآبغى افكار للعب في الخارج طبعا مانتقيد باالمفهوم عشان عن الحج

بس ابغى لعبه حلووة وغريبة وجديدة باالعربي ابغاها تمدح الكلاس حقنا هههه .. بلييز ياقلبوتشي قبل الاحد فديتك

دراسات الطفوله
05-11-2010, 04:46 PM
انا باالروضه الثالثه ومشرفتنا رقيه ---الله يعينا بس ---

~*جولانار*~
05-11-2010, 05:26 PM
الله يعينكم يآعسل ويوفقكـ يآرب

مآعندكـ آفكآر للعب في الخارج :(..؟

دراسات الطفوله
05-11-2010, 07:18 PM
شوفي ياقلبو
عندي لعبه بس تحسيها غبيه شوي بس بقولها حاولي تعدلي فيها او تضيفي عليها ---اسمحيلي برنسيسه المدينه ياقلبو ----

العبه فريقين وكل فريق 4 اطفال وكل فريق له لون محدد وتغمي عيون واحد من كل فريق وتخليه يبحث عن اصدقاءه الباقين ماعليش عارفه غبيه بس والله هذا اللي بالي --- حاولي تعدلي عليها

~*جولانار*~
05-11-2010, 08:07 PM
ياقلبي فديتكـ والله اهم شي فكرهـ حلوهـ يمكن اخليها احماء

يعطيكـ العافيه يآقمر

خلآص الحمد الله دبرت لي كم لعبهـ وان شاء الله تعجبهآ يآآرب

مررررررررهـ يسلموووو :)

ثالث دراسات
05-11-2010, 09:33 PM
اخبارك برنسيسة المدينة الله يعينك علينا احس ماراح تتخرجين الا وكارهه القسم باللي فيه بسببنا هع
الاسبوع اللي فات ابشرك الحمدلله عدا على خير والمشرفه ماحضرتلي
بس هالاسبوع عندي احساس كبير انها راح تقيمني...عندي لقاء اخير ياالله قد ايش اكره هالنشاط ومرره اشيل همه يجيب المرض
الوحده طبعا الملبس والمفهوم العناية بالملبس (الغسيل-الكوي)
الاسبوع اللي راح صاحبتي سوت مسرح ومره اعجب الاطفال وتفاعلوا معها حتى المشرفه ماشاءالله مدحتها...هالمره نفسي اغير ابغا شي جديد غير المسرح صاحباتي قالولي خلينا نمثل يعني تقريبا قصة حركيه طبعا مالقيت قصة زي العالم كلها بايخه حقت الملبس انا فكرت بقصة انو الام وطفلتين مثلا وحدها تساعدها والثانيه ماتحب تساعد امها
بس ماني لاقيه نص حلو لها وماني عارفه كيف تكون نهايتها ؟؟
يمكن الفكره ماتعجبك اذا عندك غيرها قوليلي
او ساعديني فيها ؟؟

والله طفشناك ....مشاءالله انتوا غاده ياحظكم والله محظوظين الله يوفقك ويسعدك قولي اميييييييييين

برنسيسة المدينة
05-11-2010, 11:55 PM
برنسيسة فعلا انك آميرة..

^ــ^ ربي يسعدك أخجلتي تواضعي



ربنا يعطيك العافية على الجهد المبذول.. ويجعلو في موازين حسناتك..

الله يعافيك أختي ويسلمك آمين يارب تسلمي على دعواتك الحلوه


طيب ممكن اطلب..
أكيد أتفضلي


عندي حلقة في وحدة الاصحاب عن مفهوم اوقات زيارة الاصحاب


وحاسة المفهوم غريب شوي.. لو قالت اداب زيارة الاصحاب يمكن اسهل..


المشرفة شرحتلنا قالت مثلا متى تزورهم يعني وهو مريض او اذا عندو حفلة النجاح وكده..


بس احس الكلام في قليل مررره.. آيش ممكن اسوي شيء مميز ..



وشكراَ جزيلاً ^_^




هلا يابطوطه لاعاادي جداً سهل
ممكن تسوي عرض بوربوينت عن هذا الموضوع
طبعاً أوقات زيارة الأصحاب تكون صباحاً وليست مساءً
وأيضاً تكون عندما يكون مريض ولكن بشرط لانكثر في الزياره فقط نذهب ونسلم عليه وننصرف حتى لايتضايق منا
وأن أزوره عندما يدعوني لأي حفله لديه
وأن لاأزوره وقت مذاكرته حتى لاأشغله عن الدراسة
وأن لاأزوره وقت نومه حتى لاأسبب له الإرهاق
وأن لاأزوره عند وقت الظهيرة لأنه وقت راحة

والتمرين الإدراكي سوي أوراق فيها طفل نايم وطفل مستيقظ وطفل مريض وطفل صحيح
وطفل لديه حفله وأخبريهم أن يضعو دائره على أوقات الزياره الصحيحة للأصحاب

وإذا مايمديك تسوي بوربوينت سوي صور أشخاص وحركيها وتكلمي بنفسك
مثلاً سوي قصه من تأليفك

كان هناك طفل وقام من النوم وقال سوف أذهب لزيارة صديقي
وسوي مره إنو يزور صح ومره يزور خطأ
مره خليه يجيه وهو نايم وصاحبو يتضايق ويتكلم في قلبو يقول أوووف أنا تعبان وهيك
ومره خليه يجيه وقت مناسب وإنو صاحبو يحضنو ويفرح فيه

الأطفال يحبو القصص خليك جريئه وحكيهم وغيري أصواتك وراح يتفاعلو معاك

برنسيسة المدينة
06-11-2010, 12:06 AM
بآآآآآآآآآآآآكـ
هلا هلا

رجعت لكم بعد اسبوووووع كرف آوب صآحي :sob:
الله يعطيك العافيه ويعينك

يآبرنسيسهـ يآبرنسيسهـ ..<< بآعت عقلهآ خلآص هههههه:laugh:

ياقلبي مرررهـ يسلمو ع الأركآن

هلا هلا ههههههههههههه ربي يسعدك ويسلمك

عجبتها كثير وعجبها شغلي احم احم ولا تهون افكاركـ الخنفشاريهـ لبى قلبكـ :in_love:
مغسي أوي أوي

بس شينهـ انتقدتني على الركن الادراكي والفني :thumbdown
عادي لازم تسوي حركتات إنها مشرفه وتنقد

المهم انو عجبهآ وهذآ اهم شي:w00t2:
الحمد لله يارب تأخذي الفل مارك

مرررررررررررررهـ شكراً ربي يخليكـ يآعسل ولا يحرمنآ من آفكآركـ الخنفشاريهـ

العفو يابطه ويخليك ياعسله ولا يحرمنا من طلباتك هههههههههههه

...............

جآيه الكليهـ انتي :w00t2:

نقول إن شاء الله أشوف كيف الأوضاع والله يسهل
متى .. ابي اشوفكـ لالالالالالالالازم اعطيكـ هق كبيييير فديتكـ والله
أوووخص عليك حق إيش الله يسامحك بس بوسه تكفي ههههههه
:love:

:icon26::icon26::icon26::icon26:

........

الأسبوع هذآ عندي لعب :sob:

يلا يسهل متبكيش
قسم مو عارفه اش اسوي عن مفهوم الأصدقاء بالعائلهـ :sob:

كنت مرهـ مشغولهـ وعندنآ عزآيم وخرآبيط ماقدرت احكـ رآسي عشآن افكر :laugh:

ماعندكـ فكرهـ حلوهـ وخنفشاريهـ من افكاركـ الحلوين :blush-ani:blush-ani
يارب يسهل وتعجبك أفكاري

اذا مآعندكـ عآدي قولي .. اروح ابحث بالنتو ولا احركـ مخي السحري يمكن يطلع بكم فكرهـ :p

يؤ أكيد بساعدك

......

اوبس يآكثر هرجي :nosweat:

عااادي أحلى شيء
انتظركـ يآعسل :icon26::icon26:

آسفه أتأخرت عليك مره تانيه إذا ماااره شيء مستعجل أرسلي خاص عشان أنتبه


جيبي كيس خيش وخيطيه وحطي عليه بالفلين المضغوط طفل وهيك وسوي لعبة الأكياس خليهم يقفزوو

يحبوها الأطفال

وكمان ممكن تسوي لعبة التصويب

جيبي 5 قوارير موية صحه فاضيه طبعاً ومليها تراب

وبالقماش الجوخ غيري شكلها وحده سويها أب ووحده أم ووحده بنت ووحده ولد ووحده عجوزه

وجيبي كوره وسوي زي لعبة البولنج يحبوها كمان

وبالتوفيق لك

برنسيسة المدينة
06-11-2010, 12:18 AM
مرحبااااااااا برينسيسة المدينة .. آخبارك ياعسل يااارب بخير

انا تربية عملي والمشرفه راح تقييمنا الاحد وآبغى افكار للعب في الخارج طبعا مانتقيد باالمفهوم عشان عن الحج

بس ابغى لعبه حلووة وغريبة وجديدة باالعربي ابغاها تمدح الكلاس حقنا هههه .. بلييز ياقلبوتشي قبل الاحد فديتك


مرحبتين ياهلا فيك ... والله تمام الحمد لله مبسوووطه

ربي يوفقك ويسهل عليك كل أمورك

تكرم عيونك يابطه

حاااااااضر إييي مو على عيني على راااسي

أمممممممممم شوفي عسله

أول لعبة :

جيبي من الأسطل حقت الزباله (الله يكرمك) إتنين
عارفتها الكبيرااا إلي يحطوها في المدارس إلا تجيك مدوره

وأمسكي الجوخ الرمادي وغيري ملامحها وجيبي جوخ أبيض وسوي خطوط عشان يسير مربعات وكأنها جمرات

وجيبي كور وسوي فريقين

وخليهم يرمو الجمرات وأكتر فريق يجمع كور هو الفايز

طبعاً الكور كل كوره حطيها في كيس شفاف وقفلي الكيس وبعدين بخيها كلها ببخاخ لونو بني عشان تسير حرشه وكأنها حجار من جد

وراح ينبسطو الأطفال وراح تعجبهم


ومدام عندك يوم الأحد أنا راح أدخل بكره وأجيب لك فكره تانيه أوكيك

لا تخافي راح أدخل وبإذن الله راح تمدح كلاسكم

برنسيسة المدينة
06-11-2010, 12:21 AM
شوفي ياقلبو
عندي لعبه بس تحسيها غبيه شوي بس بقولها حاولي تعدلي فيها او تضيفي عليها ---اسمحيلي برنسيسه المدينه ياقلبو ----

العبه فريقين وكل فريق 4 اطفال وكل فريق له لون محدد وتغمي عيون واحد من كل فريق وتخليه يبحث عن اصدقاءه الباقين ماعليش عارفه غبيه بس والله هذا اللي بالي --- حاولي تعدلي عليها


وه لا عاادي أوي

أممممممممم بس أبداً ياحلوين ماأنصحكم تلعبو الأطفال وتغمضو عيونهم
أنا يوم نزلت تربيه عملي واحد طفل أنفقش وأنا السبب من لعبتي والمشرفه مرررا بهدلتني أنصحكم

أبعد عن الشر ياعمري وغنيلو

برنسيسة المدينة
06-11-2010, 12:31 AM
اخبارك برنسيسة المدينة الله يعينك علينا احس ماراح تتخرجين الا وكارهه القسم باللي فيه بسببنا هع

أنا تمام الحمد لله ربي يخليك .. هههههههه أنا أتخرجت وشبعت تخرررج خلاص وعقبالك

الاسبوع اللي فات ابشرك الحمدلله عدا على خير والمشرفه ماحضرتلي

الحمد لله
يؤ عليها ليش ماحضرت وريحتك ؟
بس هالاسبوع عندي احساس كبير انها راح تقيمني...عندي لقاء اخير ياالله قد ايش اكره هالنشاط ومرره اشيل همه يجيب المرض
الوحده طبعا الملبس والمفهوم العناية بالملبس (الغسيل-الكوي)
الاسبوع اللي راح صاحبتي سوت مسرح ومره اعجب الاطفال وتفاعلوا معها حتى المشرفه ماشاءالله مدحتها...هالمره نفسي اغير ابغا شي جديد غير المسرح صاحباتي قالولي خلينا نمثل يعني تقريبا قصة حركيه طبعا مالقيت قصة زي العالم كلها بايخه حقت الملبس انا فكرت بقصة انو الام وطفلتين مثلا وحدها تساعدها والثانيه ماتحب تساعد امها
بس ماني لاقيه نص حلو لها وماني عارفه كيف تكون نهايتها ؟؟
يمكن الفكره ماتعجبك اذا عندك غيرها قوليلي
او ساعديني فيها ؟؟

أممممممممم أوكي أوكي

والله طفشناك ....مشاءالله انتوا غاده ياحظكم والله محظوظين الله يوفقك ويسعدك قولي اميييييييييين

لا عاادي أمرووني مو مشكله .... حتى إنتي الله يسهل لك ويرزقك



طيب ياستي شوفي

ألبسي إنتي ثوب أبيض وألبسي غتره وكأنك رجال وياليت تحطي شنبات سوي حركتااات ماااره

في ألعاب المنصور يبيعو شنبات حلوه تتلصق على وجهك

وخليك إنك الأب وخارجه مشوار مهم

وخلي صديقتك تلبس فستان وتسوي ضفيرتين إنها بنت صغيره ويكون معاها عصير وياليت يكون توت

وخلي صاحبتك الثالثه تلبس قميص وكأنها الجده وتلبس شعر أبيض مستعار برضو تلاقيه في ألعاب المنصور

وإذا مالقيتي خليها تحط بودره على طرف غرتها وتلبس مسفع ونظارات

وبعدين يجي الأب وكاشخ ويحط عطر وخارج وتجيي البنت لالالالالا وتغني ومبسوطه

وماسطه العصير في يدها وتكب العصير على أبوها يوووووووووووه

الأب يعصب ويتنرفز ويصرخ ليش كدااا دحين كيف أروووح المشوااار

تقوم تجي الجده وتقول لاتزعل خلاص خد هذا تايد يشيل البقع

يقول بسسسسسسسرعه

وعاد حطي التايد وأفركي ويروح التوت ويسير التوب نظيف

ويروح الأب مشوارو

وبعدين البنت تحضن جدتها وتقول أحبك ياجدتي إنك ساعدتيني

ياليت ياليت تدربو على المسرحية كوووويس إنت وصديقاااتك عشااان تكون ممتازه

وبالتوفيق

برنسيسة المدينة
06-11-2010, 12:36 AM
صبايا والله آسفه سامحوووني إني اليوم أتأخرت في الرد لكن والله اليوم كنت ماااره مشغوله

ماما تدرس وكان عندها بحث وجلست سهرانه عليه وأسويه ومااااره أنشغلت فيه

وبعدين أخويا كمان عندو بحث وجالسه أرتبوو

وطلبني أخويا التاني أساعدو في الواجب

وأنا كمان أدرس في المعهد وكان عندي واجب وهيك وجلست يادووب أحلو

وعارفين زحمة الخميس والجمعه العالم كلها نازله عندنا وماأمداااني أدخل كتير النت

وترى قمت من النوم عشانكم

والله سوري ســــــــــــامحووووني

وبإذن الله أعوضكم

يلا ربي يوفقكم إن شاء الله

ثالث دراسات
06-11-2010, 01:52 AM
صبايا والله آسفه سامحوووني إني اليوم أتأخرت في الرد لكن والله اليوم كنت ماااره مشغوله

ماما تدرس وكان عندها بحث وجلست سهرانه عليه وأسويه ومااااره أنشغلت فيه

وبعدين أخويا كمان عندو بحث وجالسه أرتبوو

وطلبني أخويا التاني أساعدو في الواجب

وأنا كمان أدرس في المعهد وكان عندي واجب وهيك وجلست يادووب أحلو

وعارفين زحمة الخميس والجمعه العالم كلها نازله عندنا وماأمداااني أدخل كتير النت

وترى قمت من النوم عشانكم

والله سوري ســــــــــــامحووووني

وبإذن الله أعوضكم

يلا ربي يوفقكم إن شاء الله
ياقلبي انتي يعطيك العافية والله ماشاءالله عليك حتى اهلك تساعدينهم
روحي ياشيخه عسى ربي يوفقك ويسعدك في الدنيا والاخره ويحققلك كل اللي تتمنينه :)

دراسات الطفوله
06-11-2010, 02:35 AM
ماشاء الله عليك يابرنسيسه تبارك الرحمن الله يوفقك يارب

برنسيسة المدينة
06-11-2010, 06:04 AM
ياقلبي انتي يعطيك العافية والله ماشاءالله عليك حتى اهلك تساعدينهم
روحي ياشيخه عسى ربي يوفقك ويسعدك في الدنيا والاخره ويحققلك كل اللي تتمنينه

الله يسعدك ويسلمك أكيد هما قبلكم ههههههههههه ^ــ^

يسسسسسسسسسسسسسلام كتري منها محتاجه زي هيك دعوااات

وإن شاء الله أكون سويت شيء لكم وبالتوفيق يارب

برنسيسة المدينة
06-11-2010, 06:05 AM
ماشاء الله عليك يابرنسيسه تبارك الرحمن الله يوفقك يارب


ويوفقك كمان إنتي ^ــ^

يارب أكون سويت شيء لك وللجميع

صفصف
06-11-2010, 03:11 PM
يصلمووووو حياتو يعطيك ربي العافيه فديت قلبك

ثالث دراسات
06-11-2010, 05:26 PM
هايووو برنسيسة...وعد مني ماتشوفيني غير بعد الاجازه <<احلفي هع

ياقلبي ابغا انشوده عن الملبس دخت وانا ادور مالقيت غير وحده وقالتها صاحبتي الاسبوع اللي فات حقت (ملابسي اللطيفة جميلة نظيفه) ابغا غيرها مالقيت ):

صفصف
06-11-2010, 06:10 PM
اممم .. بعد إذن برينسيسة .. انا عندي انشودة عن الملبس سويتها العام مررره عجبت الاستاذة

كوكو كوكو .. صاح الديك من الشباك

نادى وقال ياآطفال جاء العيد فهيا نلبس .. ثوب منقوش باالنرجس

ثوب يحفظني من برد .. ثوب يحفظني من حر

فلك الشكر آيا ربي

ان شاء تعجبك

تقبلي مروري

برنسيسة المدينة
06-11-2010, 07:24 PM
نااايس أوي أوي أنا عجبتني

أختي ثالث دراسات ليش تبغيها ؟ للقاء الأخير؟

أختي صفصف ربي يسعدك إنتي إلي طالبة لعب في الخارج عن الحج
جيبي إحرام صغير حق الأطفال وجيبي شرشف صلاة حق البنات
وسوي سباق بين فريق الأولاد والبنات
مين يلبس اللبس حقو أول
وحطي كمان أغراض يمسكوها مثلا سبحه ومصحف وكتاب أدعيه وكمان حطي سجاده أول واحد يخلص لبس يوقف على السجاده




وممكن كمان لعبه تانيه

ممكن تسوي مجموعه من عمل يدك من أغراض الحج
شكل مصحف بالفلين وسبحه وشرشف وصورة واحد يصلي وواحد يطوف
أي شيئ يخطر ببالك
وخلي فريقين وغمضي عيون المتسابقين
وأصحابهم يدلوهم عن مكانها ويكون معاك جرس لو دقيتيه ينتهي الوقت والفريق الفايز هو إلي يجمع عدد كبير من الأغراض

كل مايكون تفاعلك مع الأطفال ونشاطك ونشاطهم كل مايحلى اللعب
وكل ماتكون أعمالك متقنه كل ماتإخذي درجات أعلى
بالتوفيق لك


*

ثالث دراسات
06-11-2010, 07:27 PM
ايوووه في اللقاء

برنسيسة المدينة
06-11-2010, 07:30 PM
أنا بكره بإذن الله راح أجي على الكليه بعد الساعه ١٠
عشان راح أخرج من المعهد وأجي

برنسيسة المدينة
06-11-2010, 07:32 PM
طيب عجبتك حقت صفصف ولا كيف ؟

في أفتكر وحده زمان أخذناها في الإبتدائي
نظيف الثياب نظيف البدن أراني دوما بشكل حسن

بس حقت صفصف أحلى

ثالث دراسات
06-11-2010, 07:38 PM
يعطيك العافية صفصف الله يوفقك يارب ويسعدك

تسلمي برنسيسة خلاص مو مشكله تكفي حقت صفصف

~*جولانار*~
06-11-2010, 08:15 PM
ماشاء الله عليكم شآدين الهمهـ

الله يوفقكم يآآآرب

....


آنآ حالتي حاله تعبانهـ وحلقي مررهـ يألمني وسخونه والحمد الله مافيهـ صوت

ما ادري شلون راح العب مع الاطفال بكرهـ ولا صرآآخ وتشجيع الله يعين :(

.....


برنسيسه فديتكـ والله مرهـ يسلمووو ربي يعطيكـ العآفيهـ

وان شاء الله اسويهآ بـ الالعاب الجآيهـ .. آنآ عشاني تعبانه ماسويت شي طلبت من البنات

وبس راح اكتب التحضير الله يعين

يعطيكـ العآفيهـ يآقمر :)

~*جولانار*~
06-11-2010, 08:43 PM
بنآت مين عندهآ انشوده عن وحدة العائله تنفع بين اللعبتين ..؟

برنسيسة المدينة
07-11-2010, 12:36 AM
سلامتك والله ياعسله جولانار ماتشوفي شر

تفصدي إحماء وإسترخاء ياعسله ؟؟

دراسات الطفوله
07-11-2010, 01:05 AM
ياااااااخساره احنا بكره بالروضه -كيف ؟راح تجي مره ثانيه ولا لا

برنسيسة المدينة
07-11-2010, 06:44 AM
أمممممم والله ماأدري بس أحااااول إن شاء الله

دراسات الطفوله
07-11-2010, 05:17 PM
مشكوررره ياقلبو -- الحمد لله على كل حال - رقيه غايبه اليوم

برنسيسة المدينة
07-11-2010, 05:29 PM
أممممم يلا مومشكله أكره شيئ يوم تغيب المشرفه
إن شاء الله أجي بعد العيد السبت أو الإثنين

للصمت حكمة
07-11-2010, 06:24 PM
تييييييييب بنوتات ايش رايكم بدكتوره هدى ؟
وكم غياب وتعطي حرمااان؟

>>> ماعليش لو داخله عررض
استنااااكم ياعسولات

برنسيسة المدينة
08-11-2010, 12:37 AM
دكتوره هدى طيوبه لكنها جديه ماعندها لعب

الدراسه دراسه والهرج هرج واللعب لعب وكل شيء له مكانه

ماتحب تظلم بالدرجات كل واحد تعطيه حقه

تعطي المحاضره وتمشي ماتحب لاتزيد ولاتنقص

وبالنسبه للغيابات فوق أربع حرمان زي الطبيعي

لكن إذا تحبي تغيبي بلغيها قبل كدا وهيا تراعيك طبعا تعطيها عذر

وعلى فكره مااااااااااااره أحمدو ربكم مافي زي دكاترة دراسات طفوله فيهم خير أكتر من أي دكاترة أقسام تانيه

والله ماراح تعرفو قدرهم إلا بعد تخرجكم

للصمت حكمة
08-11-2010, 06:44 PM
يسعدك ربي برنسيسه الله يوفقك ياآآآآآآآآآآآرب
شكررررررررررررررا ماقصرتي

برنسيسة المدينة
08-11-2010, 09:23 PM
يسعدك إنتي معايا ^ــ^

بالتوفيق لك

دراسات الطفوله
08-11-2010, 11:25 PM
قصدك المصريات اما السعوديات الله يصلحهم مايعطون وجه ويصلحنا معاهم

برنسيسة المدينة
09-11-2010, 08:11 AM
هههههههههههه
أممممممم والله كلهم ممتازين وكويسين ماعدا بعض الناس عارفين نفسهم
طبعا ياأختي أكيد في شيئ مو كويس بس بأحاول ماأظلم الكوويسين
بالتوفيق

~*جولانار*~
10-11-2010, 09:46 PM
كيفكم ياحلوين وكيف الاجازهـ معاكم

كل عآآآآآآآم وانتو بألف خير قبل الزحمهـ :)

.....

يآبنات كنت بقولكم اليوم فيهـ احد راح لـ محاضرت أ. انسيهـ

لأنو هددت تقول الغياب بـ غيابين ابي اعرف مين راااح ..؟ :(

برنسيسة المدينة
11-11-2010, 05:18 AM
كويسين يابطوطه

وإنت بخير وصحه وسلامه

أمممممممم أول مره أسمع فيها مادرستني ماما أنيسه هههه

تفآصيل إبتسـآمه...
14-11-2010, 12:36 AM
ســـــــــــلآم بنوتات انا بالمستوى الاول وعندي طلب بسيط ..

بما أنــكم أكثر مني خبره وأكبر منك بيوم اعلم منك بسنى على مايقلون :)
أنــآ طلبي كــيف أسوي مطويه لي يومين أجرب مــو رآضيه أبداً أبداً تزبط معــآي :(
وأتمنى وأتمنى وأتمنى إنــكم تســآعدوني ولآتبخلون على :)

وشكـــــــــــــــراً

برنسيسة المدينة
14-11-2010, 03:21 AM
http://www.4shared.com/file/108923292/83435979/123.html (http://www.4shared.com/file/108923292/83435979/123.html)

هذه إطارات جاهزه لعمل المطوية

برنسيسة المدينة
14-11-2010, 03:26 AM
http://www.youtube.com/watch?v=6p8xyXVV2ss&feature=related

وهنا طريقة العمل مشروحه بالصوت

برنسيسة المدينة
14-11-2010, 03:41 AM
وإذا تبغي تريحي راسك

أفتحي قوقل وأكتبي مطويات جاهزه

وأمسحي الكلام وأكتبي كلامك وخلاص

دراسات الطفوله
21-11-2010, 04:53 PM
هلااااااااااا برنسيسه

اخبارك ياقلبو كل عام وانتي بخير كيف العيد معاك كان نفسي اعايدك بدري بس كان عندي ضروف

كيفك جولانار وكل عام وانتم بخير

برنسيسة المدينة
23-11-2010, 04:55 AM
وأنتي بخير ياعسله تسلمي وصلت والله
ربي يسعدك

يلا دعواااتك اختاروا ٨ معيدات أدعي أكون وحده منهم

دراسات الطفوله
23-11-2010, 04:41 PM
ياررررررب ياكريم ياحي ياقيوم حقق امنيت برنسيسه يارب واسعدها باالدارين ياكريم

ان شاء الله تكوني منهم يارب

برنسيسة المدينة
24-11-2010, 05:21 AM
الله يسعدك دنيا وآخره ويجزاك خير يارب على دعواتك الحلوووه

تسلمي والله

دراسات الطفوله
24-11-2010, 05:30 AM
الله يسلمك يارب

دراسات الطفوله
24-11-2010, 05:36 AM
ونرجع حق محور حديثنا هع الطلبات

ماعليش سامحيني مااحب اكون مصلحجيه بس والله احس اعرفك من زمان

دراسات الطفوله
24-11-2010, 05:41 AM
بس اتذكري الحديث اللي يقول من احبه الله احبب الناس فيه ماشاء الله عليك

وسبحان الله انا مو من الناس اللي دايم يطلبون بس سبحان الله احس ارتحتلك

ماعليش الطلب يوم الاحد لعب باالخارج والمفهوم عن السلامه في الطريق اعطيني فكره لو وحده عادي

دراسات الطفوله
24-11-2010, 05:48 AM
امانه لاتفكري اني اكتب الكلام هذي عشان تساعديني والا شي زي كذا لاوالله شي بقلبي والحمد لله قلته

ثالث دراسات
24-11-2010, 06:08 AM
على قولة اختي دراسات الطفوله(نرجع لمحور حديثنا هع)انا يوم الاحد مفهومي نفس دراسات الطفولة (السلامة في الطريق )
بس عندي حلقه انا لقيت صور عن الموضوع بس ماني عارفه كيف ابدا بالموضوع يعني ماانسى السنه اللي فاتت كان عندي حلقه عن انواع الاغذية وجبت لعبه سيارة واستخدمتها كمثير للحلقه وسالت الاطفال السيارة ايش تحتاج عشان تتحرك وربطت هالشي بالانسان واحتياجاته وهالشي عجب المشرفه وانبسطت مني...هالمره كمان نفسي بمثير ابدا فيه الحلقه المهم ابغا اعرف كيف ابدا بالموضوع

واكثر شي اشيل همه في الحلقه اخاف اني اخلص اللي عندي ويكون باقي كثير عن نهاية الحلقه

وكمان التمرين الادراكي لسه مالقيت فكره


الله يعينك علينا .....

برنسيسة المدينة
25-11-2010, 05:20 AM
ربي يخليك أختي دراسات الطفوله ويسعدك أكيد ماراح أفهم خطأ وأحبك الله الذي أحببتني فيه

إحنا أخوات إن شاء الله وأنا فاتحه الموضوع عشان خاطر أساعدكم وربي يوفقكم


طيب بالنسبه للعب في الخارج

جيبي جلد أسود يتباع في الخندق جيبيه 4 أمتار وخلي الرجال يقسمو لك مترين مترين عشان أبغاك تسوي طريق ( شارع ) للفريقين

وجيبي جلد أصفر متر يكفي وقصيه طوال وسوي زي الطريق بالزبط

وبعدين طبعاً راح تفرديها في الفناء كل فريق قدامو الطريق حقو

وكمان سوي سيارتين بالفلين سياره حمراء مثلاً وسيارة خضراء مثلاً

طبعاً تختاري طفلين وكل واحد له سياره

وتغمضي عيونهم والأطفال يدلوهم الطريق الصحيح طبعاً إنتي لازم ماتخليهم يشوفو الطريق فين يعني تخلي الطريق وراء ظهرهم وتربطي عيونهم وبعدين تبدأي السباق وإلي يعدي الطريق حقو أول هو الفائز


:::::::::::::::::::::::::

اللعبة الثانية :

جيبي صور إشارات المرور مثلاً علامة قف وعلامة وعلامة التحويلة وعلامة عدم الوقوف وعاد جيبي كم إشاره وجيبي صور لاتتعلق بالسلامه مثلاً جيبي صورة حادث جيبي تفاحه أي شيء

وسوي بالورق المقوى شكل إسطوانات

وخرجي خمسة أطفال وسوي عشرة إسطوانات وياليت تكون ملونه عشان تلفت النظر

وكل طفال يجي دوره يختار إسطوانه ويفتحها وإذا الإسطوانه تحتها صورة للسلامه يفوز وإلي يطلع له صوره غير السلامه يخسر ويخرج

وأخر طفل يبقى هو الفائز

:::::::::::::::::::::::::::::::::::::::::::::::::: ::::::::::::::::::::::

برنسيسة المدينة
25-11-2010, 05:42 AM
أختي ثالث دراسات طبعاً إنتي عارفه البداية السلام وتاخذي الغياب والأشياء اليوميه إلا دايماً نسويها

بعدين أفتحي لهم الآيه اليوميه بالشريط وخليهم يسمعوها وخلي صديقاتك الأربعه يسمعوهم هيا وإنتي أخرجي وقتها برا الفصل

وروحي ألبسي لبس تنكري

ألبسي شرطي ( ضابط مرور)

تلاقي اللبس في محلات الرجال روحي أشتريلك واحد مع الطاقيه والحركات وأشتري مسدس من أبو ريالين ويعني أتنكري مضبوط

وخلي وحده من صديقاتك الأربعه تقول للأطفال اليوم راح يزورنا ضيف أجلسو مؤدبين وأسمعوا كلامو كويس عشان يحبكم

وعاد إنتي دقي الباب وقولي السلام عليكم

وأجلسي وعرفيهم على نفسك قولي أنا ضابط المرور وظيفتي أحفظ سير السيارات حتى لاتحدث حوادث للناس لاسمح الله

وجيبي معاك شنطه وحطي فيها صور لإشارات المرور وجيبي السرعات 100 و70 وفهميهم إنو مايصير يتجاوزوها وجيبي كمان حزام الأمان ياتسويه بنفسك ياتشوفي لك حزام تشتريه من محل التشليح عاد شوفي مقدرتك

http://www.elnasya.com/Forum/showthread.php?t=966

أدخلي هذا الرابط راح يساعدك لتتعرفي على الإشارات ويسهل لك عملها

وبعد ماتعرفيهم على الإشارات

طبعاً أنصحيهم إنهم مايقطعو الإشاره ويلتزموا بالأداب ويربطوا حزام الأمان

وأعملي إشارة كبيره بالفلين وفهميهم اللون الأحمر والون الأصفر والأخضر والبرتقالي إيش معناه

وسوي عداد السرعه وفهميهم إيش معناه

وبعد ماتخلصي طبعاً التمرين الإدراكي جيبي أوراق بيضه a4
كل طفل يرسم لك إشاره من الإشارات وأكتبي إسمو على اللوحه وبعدين علقيها في لوحة الإعلان راح تعجب المديره

وعااد ماأعتقد راح يبقى وقت شكلك راح تأخذي من وقت الأركان

وأفتحي أنشودة لاتسرع يابابا في الإسراع ندامه وخليها طول الأركان مفتوحه

يارب أكون ساعدتك وتكون الفكره عجبتك

وبالتوفيق لك ^ــ^

صفصف
25-11-2010, 07:01 AM
سلام بنات .. كل عام وانتم بألف خيير ياااارب

برنسيسة ياعسل .. عندي الاحد عن السيرة النبوية والمفهوم نشآة الرسول صلى الله عليه وسلم

وعندي لقاء آخير ..

بليييز ساعديني الوحده جديدة وماقد مرت علي

ويعطيك ربي الف عافية..

دراسات الطفوله
25-11-2010, 08:51 AM
الله يعطيك العافيه يارب

برنسيسة المدينة
25-11-2010, 08:46 PM
دحين بدي أروح مجمع النور

بإذن الله بس أرجع تكون عندي فووويكره لك ^ــ^

برنسيسة المدينة
26-11-2010, 03:10 AM
سلاااااام سلاااااااام ياحلوه جيبتلك الفويكككره وإن شاء الله تعجبك

شوفي جيبي من الفلين المتين إلي يتفتفت وقصيه على شكل دائره
نبغى دائرتين ويكون حجمها متوسط يعني مو صغيره ولا كبيره
يعني وقصيها مورتبه وحلوه
ولونيها بيج
وبعدين جيبي علبة بيبسي وقصيها بالسكينه وغلفيها بالتجليد وأنتبه على نفسك لاتنجرحي
وبعدين حطي علبة الببسي بين الدائرتين يعني وحده دائره راح تكون في الأرض وبعدين نص علبة الببسي وبعدين فوقها الدائره الثانيه
وثبتيها بعصاية القصدير عارفتها أكيد ( لمن يخلص القصدير تلاقي نهايتو عصايه كرتون )
يعني في عموم الفكره أبغى الدائره إلي فوق تتحرك وإلي تحت ثابته
طبعا قبل ماتثبتيها قصي الدائره إلي فوق مثلث صغير عشان يسير تنفع تتعرض القصه
يوووووه شكلي جننتك وماراح تفهمي شيئ أقلك
أنا أسويلك هيا بالفوتوشوب عشان تفهمي الفكره أوكي*

صفصف
26-11-2010, 07:03 AM
شكلها حلللوة بس كملي بليييييز خخخخخخخ

برنسيسة المدينة
26-11-2010, 10:34 PM
غبي قهرني المنتدى قفل وأنا كنت وقتها متحمسه
يلا دحين أدخل

برنسيسة المدينة
26-11-2010, 11:34 PM
http://store2.up-00.com/Nov10/01l06695.jpghttp://store2.up-00.com/Nov10/nQg06695.jpg

http://store2.up-00.com/Nov10/ti706695.jpg



فوق الدائرتين بعد ماتخلصي تحطي قماش خفيف وتفتحيه من جهة واحده بس
وكل ماتجي تتكلمي عن صوره تلفي الفلين والقماش وتتكلمي إلي تخلص الأربعة أجزاء


طبعاُ مكان المربعات الفوشي راح تحطي مجسمات تتعلق بالقصه

مثلاُ أول مربع تحطي مجسم للكعبه وتقولي ولد النبي صلى الله عليه وسلم في مكه وتتكلمي

وبعدين الصورة الثانية تحطي صورة رجال عجوز ولاتحطي له له عيون وملامح بس دقن وباين عجوز
وتقولي لهم إنو أبوه مات ووأمه ماتت وبعدين رباه جده عبد المطلب
والصورة الرابعة يوم هاجر للمدينة تحطي طريق وجمل وهيك
وبعدين الصورة الرابعة تحطي صورة المسجد النبوي وتقولي إنه مات في المدينة

يارب تكوني فهمتي

هذا إسمه المسرح الدوار

وآسفه على التأخير

وبالتوفيق

ثالث دراسات
27-11-2010, 01:12 PM
يعطيك العافية برنسيسة المدينة وجزاك الله خير
انتي اسم على مسمى من جد برنسيسة (:

برنسيسة المدينة
27-11-2010, 01:47 PM
^_________^ أحرجتيني

فيسي سار أحمرررر

كلك ذوووق ماسويت شيئ

بالتوفيق للجميع يارب

عاشقة معشوقي
27-11-2010, 06:36 PM
سلام يختي برنسيسة ..

عارفة جاية متآخر.. سوري ><"

بس ممكن لعب في الخارج وحدة صحتي وسلامتي مفهوم اعضاء الجسم..

اي شي تقدر تفيدني فيه .. لوسمحتي..

اتمنى ما اكون ازعجتك ><" سوري آقين ^^"

برنسيسة المدينة
27-11-2010, 11:55 PM
تكرمي أختي

لا عادي لا إزعاج ولا شيء

أممممم لعب في الخارج أمممم طيب

اللعبة الأولى :

جيبي فلينه مدوره تلاقي في مكتبة الخندق في كتير

لونيها بلون جسم الإنسان

وبعدين سوي عينين بالفلين المضغوط وخشم وفم وحواجب وذقن وشعر ( الشعر ممكن تجيبي باروكه ( شعر مستعار ) من ألعاب المنصور تلاقي أشكال حلوه )

وخبي الأعضاء كلها في الفناء وخلي فريقين يتسابقو مين يركب أعضاء الجسم حقت الوجه أسرع

طبعاً راح تكوني مسويه دائرتين وملونتها وخليهم يعلقوها بدبوس الوسائل هذاك أبو راس عشان السلامه ولاينجرحو

::::::::::::::::::::::::



اللعبة الثانية :

إذا ماتقدري تسوي اللعبة الأولى سوي بدالها

جيبي فلين متين وأرسمي يد بكل تفاصيلها

أسهل لك الموضوع حطي يدك على الفلين وأرسميها وبعدين قصيها

وسوي فيها جرح

وجيبي أدوات الإسعاف وخليهم يعالجوا اليد

مثلاُ أول شيء يجيبو القطن ويمسحو الجرح وبعدين يلفو بالشاش ومين أسرع فريق يعالج اليد بسرعه

بس الأولى أحسها أحلى وعلى راحتك

:::::::::::::::::::::::

اللعبة الثالثة :


جيبي ورق كبير وخفيف زي ورق المقوى لونه أبيض

وأرسمي عليه شكل وجه وعيون وخشم وفم وطبعاً نقطيها

يعني زي حركة ركن التخطيط يوم كنا صغار نخطط لهم حرف الألف وهما يمشو عليه وهيك

وطبعاً تقومي طفلين وتعطيهم مرسام وكل واحد يمشي على الخطوط

وإلي يخلص الشكل أول ويقول إيش هوا هوا الفائز

وعشان يلعبو كل الأطفال صوري الورق كم نسخه


وبالتوفيق لك ^ــ^

إن شاء الله تكون تمام

عاشقة معشوقي
28-11-2010, 07:09 PM
تكرمي أختي

لا عادي لا إزعاج ولا شيء

أممممم لعب في الخارج أمممم طيب

اللعبة الأولى :

جيبي فلينه مدوره تلاقي في مكتبة الخندق في كتير

لونيها بلون جسم الإنسان

وبعدين سوي عينين بالفلين المضغوط وخشم وفم وحواجب وذقن وشعر ( الشعر ممكن تجيبي باروكه ( شعر مستعار ) من ألعاب المنصور تلاقي أشكال حلوه )

وخبي الأعضاء كلها في الفناء وخلي فريقين يتسابقو مين يركب أعضاء الجسم حقت الوجه أسرع

طبعاً راح تكوني مسويه دائرتين وملونتها وخليهم يعلقوها بدبوس الوسائل هذاك أبو راس عشان السلامه ولاينجرحو

::::::::::::::::::::::::



اللعبة الثانية :

إذا ماتقدري تسوي اللعبة الأولى سوي بدالها

جيبي فلين متين وأرسمي يد بكل تفاصيلها

أسهل لك الموضوع حطي يدك على الفلين وأرسميها وبعدين قصيها

وسوي فيها جرح

وجيبي أدوات الإسعاف وخليهم يعالجوا اليد

مثلاُ أول شيء يجيبو القطن ويمسحو الجرح وبعدين يلفو بالشاش ومين أسرع فريق يعالج اليد بسرعه

بس الأولى أحسها أحلى وعلى راحتك

:::::::::::::::::::::::

اللعبة الثالثة :


جيبي ورق كبير وخفيف زي ورق المقوى لونه أبيض

وأرسمي عليه شكل وجه وعيون وخشم وفم وطبعاً نقطيها

يعني زي حركة ركن التخطيط يوم كنا صغار نخطط لهم حرف الألف وهما يمشو عليه وهيك

وطبعاً تقومي طفلين وتعطيهم مرسام وكل واحد يمشي على الخطوط

وإلي يخلص الشكل أول ويقول إيش هوا هوا الفائز

وعشان يلعبو كل الأطفال صوري الورق كم نسخه


وبالتوفيق لك ^ــ^

إن شاء الله تكون تمام


مـــــــتشكرة آوي يختشي :love:


جزاك آلله الف خــــير.. (f)

عارفة آفكر كل ما اسوي عمل من آفكارك .. اصورو و اوريكي هو :nosweat: :msn-wink:

بجد يعني انتي فرجتي عني كربة.. ربنا يفرج عنك كرب يوم القيامة.. آمييين يارب :icon26:

دراسات الطفوله
28-11-2010, 10:31 PM
تصدقون بنات استاذه رقيه ناسيه انها مشرفه على بنات بالروضه هذا ثاني احد تكون غايبه

عاشقة معشوقي
28-11-2010, 11:14 PM
تصدقون بنات استاذه رقيه ناسيه انها مشرفه على بنات بالروضه هذا ثاني احد تكون غايبه


يب.. كانت عندنا السبت "قياس وتقويم" عملي.. ما جات..

ظروف :a22:

برنسيسة المدينة
29-11-2010, 01:35 AM
أختي عاشقة

^ــــــــــ^ الحمد لله أنا كدا مبسوووطه كتييير

الله يفرج عنك وعن جميع المسلمين

وربنا يسعدك

::::::

أختي دراسات

هههههههههههههههههههه الله يعينكم عليها يارب

الله يسهلها بوجهكم جميعا

عاشقة معشوقي
30-11-2010, 02:20 AM
يا حبيبتي يا وخيتي يا برنسيسة << مصااااالح :P

اتحميلني ^^"

ابغا افكار لي الاركان .. مفهوم (الاكل الصحي والضار)

خصوصاً ركن التعايش الأسري :S هيا معلمتهم مسويتو كانو عيادة دكتور عيون.. انا ايش اضيف شيء مميز

وتشكري جزيل الشكر.. :)

دراسات الطفوله
30-11-2010, 09:47 PM
برنسيسه مااقدر ارسلك خاص انا ان شاء الله جايه يوم السبت

برنسيسة المدينة
01-12-2010, 04:22 AM
طيب ياعسله آسفه على التأخير

بالنسبة للركن الفني

شكل حليب السعودية بالفلين المضغوط وهما يسو نفس شكله وياليت يكون مجسم

وياحبذا لو تسوي واحد كبير شويااا يعني بحجم طاولة المدرسة سويه بالفلين الكبير وكل الأطفال يتساعدو سواء ويكملو شكلوا

يعني أقصد تسوي شكل مستطيل بالفلين الكبير ثلاثي الأبعاد يعني كأنو بجد مستطيل حليب كبير

وتخرقيه من فوق وتتساعدو في تلصيق الكولاج عليه أو أي شيء تحبيه

وبعدين تخلي المجسم في الفصل إبداعات الأطفال





ركن الإكتشاف

جيبي تفاحه خربانه وتفاحه ناضجه وخليهم يكتشفو وياحبذا لو قطعتيها قدامهم ويشوفو

ركن التخطيط :

سوي متاهه صغيره إنو ولد يبحث عن الحليب السعودية مثلاً

وخليهم يوصلوها بعود الأسنان ( النكاشه)

يعني بدال الخرز خليها عود الأسنان


ركن الإدراك :

سوي لعبة الكيرم والحجر حقو جيبي الحجر حق لعبة 4 تربح وحطي فيها صور صغيره فواكه مفيده عشان تدخل اللعبه بالمفهوم

وأتقني شغلك بلعبة الكيرم


وكمان سوي لعبة 4 تربح حلوه سوي فريق الأطل الصحي وفريق الأكل الضار

ركن المكتبة :

في قصص كتير في النت

لكن الفكرة سوي شكل كتاب تفاحه أو أي شكل مفيد وبداخله سوي القصه

ركن التعايش الأسري :

سوي روب الدكتور بالقماش الجوخ بنفسك وسوي السماعه حقتو بالفلين وسوي أدواته بالفلين

وإذا تبغي شيء كبير سوي سرير بالفلين كبير شويه وعاد خليه متقن عشان مايتكسر إذا أحد نام عليه



ياأختي سامحيني بالله عليك يمكن الأفكار ماتعجبك والله والله ماااره مضغوطه عندي أشغال كتير ودخلت عشانك

بالله سامحيني والله العظيم أتمنى أقدم لك أكثر من كدا لكن والله العظيم مااااااره مضغوطه أحس مو عارفه أشوف وجهي في المرايا

وإن شاء الله أساعدك بالمرات المقبلة

برنسيسة المدينة
01-12-2010, 04:24 AM
أختي دراسات طفوله خلاص أنا إذا كنت جيه السبت أكيد راح أرد عليك بالخاص

إنتي راح تلاقيني في غرفة أعضاء التدريس

أممممممم يمكن أجي على الساعه 10 أو 10 ونص وإن شاء الله تكوني متواجده هذا الوقت لأنو والله بجي من المعهد على الكلية على طول

دراسات الطفوله
01-12-2010, 03:24 PM
ان شاء الله اذا ربي يسر ان شاء الله اشوفك بس انا عندي محاضره عشره اذا تستني الين 12 الا ربع اكيد راح اشوفك

برنسيسة المدينة
01-12-2010, 11:01 PM
عند مين المحاضره ؟
إذا عند دكتوره أحبها راح أدخل عليكم المحاضره وأسلم عليها وعاد إنتي شوفيني وقتها

دراسات الطفوله
01-12-2010, 11:43 PM
اكيد تحبيها دكتورررررررررررررره هناء في منبى 2 في قاعه الحاسب ومعاها استاذه رحاب ومنال بس الاسبوع هذا كانت كله غايبه

واعطتنا المحاضره رحاب وباقي الاسبوع كانت غايبه دكتوره هنا ء الله يستر وربي خايفين عليها يكون فيها شي

دراسات الطفوله
01-12-2010, 11:58 PM
يلا ان شاء الله اشوفك يارب انا فيه وحده ببالي اتوقع انو انتي

اقولك انا عارفه انك مضغوطه بس ماعليش اذا قدرتي ساعديني

عندي لقاء واكيد بتحضرلي رقيه اذا جات وحده صحتي وسلامتى مفهوم الصحه في النظافه باالجدول مكتوب عرض اعمال الاطفال انشوده الطفل

النظيف 00

بحر الامنيات
02-12-2010, 12:21 AM
بنات دراسات الطفوله مكافئتكم كم 990 والا 840
يعنى ادبي ولا علمى

برنسيسة المدينة
02-12-2010, 02:58 AM
مكافأتنا 1000 لاتنقص منها شيء

وتصرفيها بالعافيه

دراسات الطفوله
02-12-2010, 04:37 AM
برنسيسه ياقلبي مارديتي عاالقاء باالصفحه اللي قبل

برنسيسة المدينة
02-12-2010, 05:41 AM
ياقلبي على دكتوره هناء دكتوره أحطها فوق راسي أحبها والله وحشششتني
يالله إيش مطيركم مبنى 2 تصدقي عمري مادخلتو يلا خليني أستكشفوو
وه ياقلبي لألا بإذن الله أكلمها المغرب أسأل عليها خوفتيني عليها دكتوره هناء مجتهدا ماتعرف الغياب
أكلمها وأخبرك

هههههههههه تيب إلي ببالك بحرف إيش قولي عشان أقلك صح أو خطأ

والله معليش مره مره ماأنتبهت للصفحه
ثواني بس وأرد عليك بفكره

برنسيسة المدينة
02-12-2010, 05:49 AM
أختي دراسات أمممم طيب إنتي عارفه الأنشوده نفسها ولا لأ؟

إذا مو عارفتها يسير أدورها في كتاب المعلمه عندي وأخترع لك فكره
أممممممم بس بليز دحين بنام راسي بينفجر من التعب بس أصحى أرد عليك
لاتخافي ماراح أطنشك

ثالث دراسات
02-12-2010, 10:30 AM
السلام عليكم

اخبارك برنسيسة ....وقت ماتفضي ردي علي
انا عندي اركان مفهوم الصحة في النظافة هالمره بس متورطه بثلاث اركان

الركن اللي يعقدنا دايما انا وصاحباتي (ركن التعايش) ؟؟
الركن الفني بجيب صور يلونوها بس كمان ابغا عمل فني تعبت وانا افكر وادور بالنت مالقيت شي حلو
وركن الاكتشاف لقيت تجربة عجبتني (صنع معجون اسنان)اكيد سمعتي فيها بس عندي استفسار بسيط مكتوب بالمقادير باكينج صودا او بيكروبونات الصودا وكمان رائحه يضيفها الطفل للمعجون مثل النعناع والبرتقال حابه اسأل وين ممكن القا هالاغراض واذا عندك فكره احلى للاكتشاف قوليلي (:

والتخطيط احس الاطفال زهقوا من النسخ والمتاهات نفسي بشي جديد

وشكرررررررررررررررا ويعطيك العافية

دراسات الطفوله
02-12-2010, 01:56 PM
لا والله الانشوده مو عارفتها

عادي ياقلبي ردي في اي وقت مو مستعجله

~*جولانار*~
02-12-2010, 02:44 PM
كيفكم ياحلوين اتوحشتكم برشا برشا

وكل عام وانتو بخير مع انو جايه متأخرهـ

حبيت اسلم عليكم ياحلوين .. عشان ماتقولون علي قاطعهـ ههههه

صفصف
02-12-2010, 05:27 PM
برنسيسة ازيك ياقلبو ... عاملة اييه

عندي حلقة عن وحدة الملبس .. المفهوم آداب الملابس :a21:

برنسيسة المدينة
02-12-2010, 10:44 PM
((الطفل النظيف))

أنا صغير لطيف
مرتب ونظيف
أقوم عند الصباح
بدون أي صياح
مغسلا أذنيا
والوجه ثم يديا


سوي مجسم بالفلين شكل طفل ومرتب ونظيف
وخليه في إمكانيه إنو تلبسيه ممكن تحطي فيه حبل من فوقه وتعلقيه على رقبتك


أو ممكن إنك تسويه على طولك وتحطي له حزام من الوسط وتلبسيه وعاد ياليت تخليه متقن في الرسم

إذا ماتعرفي ترسمي كبري الرسمه وبعدين شفيها على الفلين ولونيها
وأختاري ألوان حاره تلفت النظر
وجيبي معاك رشاش مويه حق الكوي
وقت ماتقولي المقطع آلي يغسل أذنيا رشي عليهم شويا بس ياليت تكون المويا دافيه
عشان البرد
وياحبذا لو تخبي الرشاش عشان تسير مفاجأه لهم

وبالتوفيق لك

برنسيسة المدينة
02-12-2010, 11:15 PM
أهلين أختي ثالث دراسات تكرمي

بالنسبه لركن التعايش سوي حمام
سوي بانيو جيبي طشط من سوق المثلث على شكل مستطيل وأصبغيه بالبخاخ البويه لون الديكور إلي راح تسوه
جيبي ستارة الحمام
وسو مغسله صغيره
وسوي فرشة أسنان وصابون وأدوات النظافه كامله بالفلين المضغوط أو العادي
وجيبي الدعاسه حقت الحمام
وعيشيهم بجو الحمام وكأنهم بداخل الحمام

بالنسبه للركن الفني
بإمكانك تسوي شكل فرشاة أسنان بالفلين المضغوط وهما يسو زيك
أو
تجيبي لهم سفنجه تلاقيها مليانه في أبو ريالين
وخليهم يسو بالسفنجه شكل رجال وهيك
أو جيبي حلقات دائرية بلاستيك أو ممكن تجيبي العلاقه البلاستيك حقت الملابس
وجيبي مناشف من محل منزليات جنب مطعم مزاري إلي بسلطانه
وخليهم يزينو المنشفه بأي طريقه تحبيها إما مشابك الغسيل الملونه أو مشابك المعدنيه حفت الخياطه
وتسيير منشفه لليدين
أو ممكن تسوي شكل مقلمية عارفتها إلي تجيك واقفه حقت المكتب
وخليهم يحطو فيها فرشة الأسنان جيبي فرش أسنان من أبو ريالين كتير


طيب بالنسبه لركن الإكتشاف
الأدوات جيبي خل أسود حق البليله من أي بقاله
وجيبي بكربونات الصوديوم حقت البليله برضو تلاقيها في البقاله
وجيبي صبغة طعام حقت الرز برضو تلاقيها في البقاله
وجيبي تايد أو أي مسحوق غسيل وياحبذا لو كان مو سائل
المهم جيبي قارورة ببسي الحجم الكبير البلاستيك
وفرغيها كلها
وشيلي الورقه حقت الببسي
وغلفيها كلها بتجليده بيضاء أو أصبغيها بالبويه البيضاء
وخلي العلبه كأنها شكل معجون أسنان إكتبي عليها بالفلين المضغوط
سنسوداين أو سقنال ٢ أو أي إسم معجون وحطي حرمه تضحك
يعني كأنو بجد معجون
المهم حطي نص قارورة الخل مع مسحوق الغسيل مع صبغة الطعام
وقفلي القاروره وخضيها شويه وبعدين حطي بكربونات الصوديوم
تقوم الخلطه كلها تطلع على فوق
إذا سويتي المعجون بطعم الفراوله جيبي الصبغه حمراء
وعاد أختاري لون الصبغه على نكهة المعجون
وطبعا كل دا الشيئ تسويه قدام الأطفال
يعني تجيبي أدواتك كلها الروضه وهناك تسوي الخلطه


وبالنسبه لركن التخطيط
ممكن تجيبي فلينة وسائل
وتجيبي إسفنج وتقصيه مربعات متوسطه
وتحطي فوق المربع حرف
والحرف يكون مكتوب بالكمبيوتر يعني شغل مرتب
وياحبذا تجيبي حروف كلمة نظافه
وكلمة معجون كفايه كلمتين
وتسوي شكل مطرقه بالفلين وياليتك تسويها متقنه عشان لاتنكسر عليك من عفاشتهم
وتقولي لهم أبحثو عن كلمة معجون وهم بالمطرقه يضغطو على الحرف
زي عارفه اللعبه إلي في الملاهي يوم تطلع أشياء من اللعبه وإحنا نضربها بالمطرقه

أمممممم
جيبي عجينه سويها في البيت أومعجون صلصال وأفرديها على لوح أبلكاش وغلفي الأبلكاش بنايلون الطعام عشان لايتعبك بعدين وعشان تسافيدي من الخشبه بعدين
وخليهم يكتبو عليها راح ينبسطو

برنسيسة المدينة
02-12-2010, 11:17 PM
جولانار هلا هلا بالناس إلي ماسرنا نشوفهم
ووإنت بخير وصحه وسلامه

برنسيسة المدينة
02-12-2010, 11:19 PM
أختي دراسات الطفولة
أنا دقيت على دكتوره هناء لكن جوالها مغلق
وكلمت دكتوره صفاء قالت لي
إنو أبوها في المستشفى تعبان عشان كدا هيا غائبه وبإذن لله جيه السبت

برنسيسة المدينة
02-12-2010, 11:30 PM
أختي صفصف
أداب الملبس أن نذكر الدعاء الحمد لله الذي كساني هذا الثوب من غير حول مني ولاقوة

وأن يكون الثوب ساتر
وأن يكون طويل
وأن يكون نظيف
وعاد إنتي جيبي لهم فلينتين على شكل رجال وياليت يكون الحجم متوسط
يعني تقدري تشرحي عليه وإنتي جالسه
وعاد خليه ملامح كأنه بجد رجال ولبسيه ثوب أبيض حق الأطفال
وغتره وعقال وحطي له عيون وشنب وخشم
وواحد خليه نظيف والتاني ثوبه وسخ
وواحد خلي الثوب حقه شمريه كأنه قصير ومعدوم وهيك
وعاد أضربي المثل في النظيف
وقولي قصه إنو هذا النظيف ذكر الدعاء والتاني ماذكره
وبالنسبه للإدراكي
جيبي صور واحد ثوبه نظيف وواحد وسخ وجيبي واحد مرتب وواحد لا
وحطي كل صوره بظرف وبالدور كل طفل يفتح ظرفه وإذا كان ثوب نظيف يعلقه على الرجال النظيف بالدبوس
وإذا كان وسخ يعلقه على الوسخ
ولاتساعديهم خليهم يفكروا شويا
وبعدين كفارة المجلس
وبس
يارب تكون الفكره تمام

صفصف
02-12-2010, 11:50 PM
يسلمووووووو قلبي مررررررررررررره حلللوووة

الله يعطيك العافية

وتصيرين آستاذة ياااارب

دراسات الطفوله
03-12-2010, 12:46 AM
ياالله الله يشفيه يارب ويخليه لها امين يارب سبحان الله كنت حاسه انو في اهلها شي يلا ان شاء الله تجي يوم السبت وطمنا

يسلمو ياقلبو على الفكره مررره حلوه بس لو سمحتي اذا عندك فكره ثانيه قوليها اذا عندك قصه مناسبه للمفهوم الصحه في النظافه

ثالث دراسات
03-12-2010, 03:12 AM
يعطيك العافية ياقلبي الافكااااااااااار خطيرة خاصة التعايش مرررررررررره يجنن
بس مافهمت التخطيط بالضبط معليش طفشتك
وابغا اعرف فين القا اللي قلتي عليه (لوح أبلكاش)؟؟

برنسيسة المدينة
03-12-2010, 08:27 AM
أختي دراسات الطفوله طيب تكرمي أفكر وأشوف لك


أختي ثالث دراسات
مو مشكله
دحين يوم تروحي الملاهي
تعرفي الألعاب إلي تحطي قرش وتلعبي
مو أحيانا تلاقي بينهم لعبه دوائر كتير والدائره إلي تنور تضربيها بالمطرقه
وأحيانا تلاقي تمساح واحيانا تلاقي ضفادع
وأحيانا تلاقي لعبه تضربيها بالمطرقه بأقوى ماعندك والنور يطلع لفوق ودائما تلاقي الشباب يلعبوها عشان يستعرضو عضلاتهم
أمممممم تقريبا زيها لكن بدال الدوائر أو التمساح تحطي حروف وبس


وبالنسبه للوح الأبلكاش روحي المكتبه وقولي لهم ويعطوك وفي مقاسات كتير
لوحه الأبلكاش هوا نفسه لوح الخشب الناعم

برنسيسة المدينة
03-12-2010, 08:38 AM
أختي دراسات الطفوله هادي القصه وإن شاء الله تعجبك

سلمى هي الأخت الكبرى و أمل الأخت الصغرى.
كانت سلمى تحب الترتيب وتهتم بنظافة المكان الموجودة فيه , فتنهض من سريرها وترتبه وتنظف أسنانها وتسوي شعرها لتذهب إلى المدرسة بأحلى وأنظف هندام كما أنها تعمل جاهدة على أداء واجباتها المدرسية على أكمل وجه فترتب خطها وهي تكتب وظائفها حتى ترضى عنها المعلمة و في المدرسة تهتم برمي القاذورات في سلة المهملات الخاصة بتلك الأوساخ.
أما أمل فكانت طفلة فوضوية تنهض متأخرة على المدرسة فتترك سريرها يعج في فوضى عارمة ولا تهتم بنظافة أسنانها ولا تمشط شعرها و لا تهتم بنظافة المكان الموجودة فيه ولا تهتم بأظافرها فهي دائماً سوداء وطويلة, و كانت الأم توجه الملاحظات لسلوك أمل وتقارنها بأختها الكبرى سلمى المرتبة والنشيطة وتحزن عندما ترى أمل لا تعطي بالاً لما تقول أمها.
وفي يوم من الأيام عادت كل من سلمى وأمل من المدرسة, فسارعت سلمى لغسل يديها ثم جلست على مائدة الطعام, أما أمل فإنها جلست مباشرة دون أن تقوم بتنظيف يديها, فقالت لها أمها: لماذا لم تغسلي يديك يا أمل. أجابت أمل: يداي نظيفتان يا أمي....انظري.
فقالت لها أمها: إن يديك تبدوان نظيفتين ولكنهما في الحقيقة مليئتين بالجراثيم التي تؤذينا وتسبب لنا الأمراض.
فأجابتها أمل: ولكنني جائعة يا أمي أريد أن آكل؟, وهكذا تجاهلت أمل نصيحة أمها.
وفي المساء أخبر الأب أسرته أنه سيأخذهم في اليوم التالي إلى حديقة الحيوانات لأنه يوم عطلة, ففرحت العائلة لذلك.
وفي صباح اليوم التالي استيقظت سلمى كعادتها نشيطة تستعد لتلك النزهة الجميلة, أما أمل فإنها لم تستطع النهوض من سريرها لأن حرارتها كانت مرتفعة وتبدو عليها علامات المرض.
وهكذا ألغيت نزهة حديقة الحيوانات بسبب مرض أمل, وعندما ذهبت أمل إلى الطبيب أخبرها بأنها مريضة بسبب الجراثيم, فنظرت أمها إليها وقالت لها ألم أقل لك إن الجراثيم تسبب لنا أمراضاً عديدة وتذكري يا أمل أن النظافة من الإيمان.
فقررت أمل منذ ذلك اليوم أن تهتم بنظافتها و المكان المتواجدة فيه وترتب غرفتها حتى لا تتمكن الجراثيم من إصابتها .

دراسات الطفوله
03-12-2010, 01:03 PM
الله يسعدك يارب وبحققلك امنيتك

~*جولانار*~
03-12-2010, 05:22 PM
جولانار هلا هلا بالناس إلي ماسرنا نشوفهم
ووإنت بخير وصحه وسلامه

وهـ يآعمري هلآبكـ يآقمر :in_love:

والله مشآغل دنيآ الله لا يشغلنآ بـ غير طآعتهـ :icon26:

بس يآقلبي حبيت آطلب منكـ طلب عندي لقآء اخير وحدة المسكن مفهوم الملآمس

وقلت ابي اسوي قصة الفتاهـ والدببهـ الثلاث اوكي

فكرت بـ عرايس اليد بس يبيلها شغل كثير

وفكرت بـ دفتر قلآب والصور ارسمهآ بس واخليهآ بآرزهـ

فـ آنتي وش رآيكـ اسوي الأول يحتاج لهـ مسرح وشغلانه

ولا الثاني اسهل واسرع :r

ثالث دراسات
03-12-2010, 10:33 PM
أختي دراسات الطفوله طيب تكرمي أفكر وأشوف لك


أختي ثالث دراسات
مو مشكله
دحين يوم تروحي الملاهي
تعرفي الألعاب إلي تحطي قرش وتلعبي
مو أحيانا تلاقي بينهم لعبه دوائر كتير والدائره إلي تنور تضربيها بالمطرقه
وأحيانا تلاقي تمساح واحيانا تلاقي ضفادع
وأحيانا تلاقي لعبه تضربيها بالمطرقه بأقوى ماعندك والنور يطلع لفوق ودائما تلاقي الشباب يلعبوها عشان يستعرضو عضلاتهم
أمممممم تقريبا زيها لكن بدال الدوائر أو التمساح تحطي حروف وبس


وبالنسبه للوح الأبلكاش روحي المكتبه وقولي لهم ويعطوك وفي مقاسات كتير
لوحه الأبلكاش هوا نفسه لوح الخشب الناعم
يعطيك العافية ياعسللللللللل تسلميييييين والله وجزاك الله خيررررررر(f)

برنسيسة المدينة
03-12-2010, 11:15 PM
أختي دراسات الطفوله مغسي أوي ربي يحفظك
أختي ثالث دراسات إن شاء الله تكوني فهمتي يارب وعجبتك الفكره

أختي جولانار اللهم آمين والله يعينك على مشاغل الدنيا
أممممم أنا أفضل عرائس اليد لأنه صراحه دفتر القلاب مااااره سار بيض ومألوف
أممممممم أنا أقلك فكره حلوه سوي عرائس اليد لكن مو بالقماش والحفله دي
لألا سويه بصحون البلاستيك المدوره
سوي ثلاث صحون على شكل دبدوب واحد خليه الاب وواحد الام والثاني الطفل
وسوي واحد صحن البنت
والأدوات جيبيها جاهزه زي الطاوله والصحون
والسرير جيبي لو شرشف تتغطى فيه
ومن جنب الصحن ركبي مطاط
وعلقي الصحن على وجهك والمطاط في أذنك
ومثلي إنتي وصديقاتك القصه وجيبي وحده من الفصل التاني اتفقي معاها
ويضبط كل شيئ

والله يسهل لك

برنسيسة المدينة
03-12-2010, 11:17 PM
اختي دراسات طفوله إحتمال ماأجي بكره الكليه عشان بابا عندو شغله الصبح يبغاني اسويلو هيا
والله يكون في العون ممكن أجي الأحد او الاثنين

ثالث دراسات
04-12-2010, 01:11 PM
ياقلبي برنسيسة في حاجه ابغا اتاكد منها ياليت بس تدخلين بدري عشان تساعديني
ابغا اتاكد من لعبة الصورة وظلها هياا في اي ركن الادراكي والا التخطيط؟؟

وياليت اي وحده تشوف سؤالي وتعرف الاجابه تقولي (صفصف+جولانار)
ويسلموووووووو

برنسيسة المدينة
04-12-2010, 01:49 PM
في الركن الإدراكي ياعسله
وبالتوفيق لك

دراسات الطفوله
04-12-2010, 02:17 PM
اقولك برنسيسه احتمال اسوي بس الانشوده ينفع اسويها باالمسرح

وابغى شي بسيط مع الانشوده لان المشرفه تقول عادي تعلميهم ادب او اي شي

ياليت تردي بدري اذا ماعليك امر

برنسيسة المدينة
05-12-2010, 04:19 AM
ينفع يابطبوطه لكن إيش الأدوات

هو لو سويتي الرجال إلي قلت لك عليه راااح تعميها من عملك وخاصه لو أتقنتيه

وصدقيني ماراح تقول لك شيء تاني

ممكن تسوي عرايس إصبع وتقولي الأنشوده حقت طيور الجنه غسل وجهي من بكير

وبعدين تقولي لهم إنو لازم نهتم بجسمنا ونتروش ونفرش أسناننا وهيك


إن شاء الله ما أكون رديت عليك متأخر لأني والله مره كنت مشغوله وبعدين نووومت نومة أهل الكهف

~*جولانار*~
05-12-2010, 12:48 PM
أختي دراسات الطفوله مغسي أوي ربي يحفظك
أختي ثالث دراسات إن شاء الله تكوني فهمتي يارب وعجبتك الفكره

أختي جولانار اللهم آمين والله يعينك على مشاغل الدنيا
أممممم أنا أفضل عرائس اليد لأنه صراحه دفتر القلاب مااااره سار بيض ومألوف
أممممممم أنا أقلك فكره حلوه سوي عرائس اليد لكن مو بالقماش والحفله دي
لألا سويه بصحون البلاستيك المدوره
سوي ثلاث صحون على شكل دبدوب واحد خليه الاب وواحد الام والثاني الطفل
وسوي واحد صحن البنت
والأدوات جيبيها جاهزه زي الطاوله والصحون
والسرير جيبي لو شرشف تتغطى فيه
ومن جنب الصحن ركبي مطاط
وعلقي الصحن على وجهك والمطاط في أذنك
ومثلي إنتي وصديقاتك القصه وجيبي وحده من الفصل التاني اتفقي معاها
ويضبط كل شيئ

والله يسهل لك



يسلموووو يآعسل فديتكـ

معليش النت كآن مفصول امس ومآشفت ردكـ بدري

سويت القصهـ على شكل شرآئح مستطيلهـ

وبرزت الشخصيآت والأدوآت تعبت كثييييييير فيهآ وطلعت تهبل بس مآشآفتهآ :sob:

ويآكـ يآقمر فديتكـ :icon26:


،،،

عندي طلب ثآني بمآ آنو لسى بآقي آسبوع آنآ آفكر اخلي المديرهـ والاستآذهـ تحضر لي حلقهـ

الأسبوع الجآي عشآن آبي آضمن الدرجآت :busted_red:

والمفهوم عن غرفة النوم وحدة المسكن فأ ابغى شي غريييب وحلو لأنو ما ابغى المديرهـ تزنقني

وتحضر بالمتصل مآرآح يمديني اسوي اشغآل حلوهـ ومرتبهـ بالمتصل

فـ انتي اش رآيكـ عندكـ افكآر

آنآ قلت بمآ انو غرفة النوم اجيب لهم فرشهـ وخدآديآت صغيرهـ على قدهم واحول الفصل كلهـ غرفة نوم اش رايكـ عندكـ افكآر للحلقهـ والادراكي :sob:

آنتظرر ردكـ :in_love:

برنسيسة المدينة
06-12-2010, 12:15 AM
غرفة النوم كدا لحالها مكتوب

يعني مو مكتوب مثلاً التعرف على أدوات غرفة النوم

أو التعرف على شكل الغرفه

أو طريقة ترتيبها

أممممممم فكرتك مااااره نايس حطي ستاره وراك ثبتيها على السبوره

وجيبي جنبك مخدات وإذا تقدري تسوي سرير صغير مع بطانيه ومخده يكون أفضل

وجيبي معاك أدوات التسريحه فرشاة شعر مع عطر وكريم ومرطب ومشط وبرواز صور مثلاً يعني الأشياء إلي تحطيها في التسريحه

أممممممممم تقدري كمان تقولي لهم إنها تحتوي على مكتبه وفيها كتب وتجيبي بعض الكتب

أو إذا تقدري تسويها بالفلين المضغوط بس أطوي الفلين نصفين وسوي شوية زينه ( غلاف) للكتاب وخلاص

وعاد حتى لو مو مكتوب إنتي قولي لهم كيف تنظفو الغرفه وكيف نهتمو فيها


::::::::::::::::::::::::::::

وبالنسبة للإدراكي

عارفه البيض حق شكولاتة كيندر سوربرايز أو أي علب صغيره أو بلونات وبداخل كل بلونه صوره لأنو الأطفال يحبوا هيك أشياء وإذا الأطفال عجبتهم الأشياء راح يتفاعلوا وإذا أتفاعلوا راح تنجح حلقتك ماااااااااره

جيبي كتير منهم وحطي فيها صور أشكال تتعلق بغرفة النوم وأشكال لاتتعلق بها وعاد هوا لازم يحزر هل الشكل الذي حصل عليه يتعلق بالغرفه أو لا وإنتي دوري عليهم عشان لايسو لك ضجه

وعاد الله يعينك ياإنك تسوي مجسم لأي شكل لغرفة النوم عشان يعلقو فيه الصور

ياإنك ترسمي على لوحه الوسائل صوره لغرفة النوم

وبالتوفيق لك

وعلى فكره المتصل مااااااااااااااره أحلى من المنفصل

أنا وصحباتي أنبسطنا في المتصل أكتر وأعمالنا كانت حلوه أكتر

على الأقل ماكان فيه ضغط أعمال الكليه وأعمال الروضه

يسير بس تكرفي نفسك بأعمال الروضه

وصدقيني راااح يعجبك المتصل أكتررر

باقه ورد خجلانه
06-12-2010, 08:08 AM
السلام عليكم ورحمه الله وبركاته::
اناعضوجديده بالمنتدي
كيفكم برنسيسه المدينه ربي يسعدك ممكن اطلب منك طلب
عندي لعب مفهوم الطبيب اريد منك افكار ولعبه احماء
كمان انشوده او لعبه اصابع عن اخطار النار:
اسفه طولت عليك ....

برنسيسة المدينة
06-12-2010, 11:04 AM
وعليكم السلام ورحمة الله وبركاته

نورتي الفصل ياأبله باقه هههههههه << تفتكروها < حنت لأيام الإبتدائي

هلا اختي ومرحبا والله الحمد لله بخير

ويسعدك ^_^

أمممممممممم طيب يابطوطه ماقلتيلي إيش اسم الوحده هل هيا صحتي وسلامتي

لعبة الإحماء في أنشوده نايس كنت دائما أقولها وحلوه
قولي :
هاذي صفقه باليدين وصفقي ٣ مرات
هاذي ضربه على الفخذين وأضربي على فخذك ٣ مرات
هاذي قفزه على القدمين وأقفزي ٣ مرات
بعدين قولي دخل بطنك جوا خرج بطنك بررا هزاها شويا
نط ثلاث نطات ١ ٢ ٣

.......

بالنسبه للعب في الخارج

أمممم أنا مو فاهمه إيش تقصدي بمفهوم الطبيب لكن
ممكن أقلك فكره
سوي رسمة فم وخلي الأسنان بارزه يعني ممكن تسويها بالفلين وحطي على الأسنان
نكاشات أو ناس يسموها عود أسنان وأصبغيها سوداء
يعني كأنها سوس
سوي فريقين
لكل فريق الأسنان الخاصه به والفائز إلي ينظف أسنانو ويخليها بيضاء أول

.......

وبالنسبه للعبة الأصابع
سوي

جنود خمسه وقفو على الطريق
نظر الأول قال البيت يحترق
نظر الثاني وقال أممممم هيا لنطفئه
وقف الثالث في حيره اممم ياترى كيف نطفئه
وقفز الرابع نطفئه بالماء << وهنا حاولي تفجعيهم بصوت غريب
قال الخامس بسرور هي هي أطفئنا النار

طبعا هذه لعبة أصابع تعتمد على الصوت كل ماغيرتي صوتك
في كل جندي تنجح أكثر حاولي تكوني مرااا واطي وفجأه عالي وترجعي واطي

..........
إن شاء الله تكون عجبتك
عادي إذا ماعجبك شيئ قولي نحاول نغير مو مشكله



*

دراسات الطفوله
06-12-2010, 02:25 PM
سلاااااااااااااااااااام برنسيسه

دعواتك بكره عندنا امتحان دكتوره كريمان الله يعينا بس

الاسبوع الجاي عندي حلقه وحده صحتي وسلامتي مفهوم مهنة رجال الدفاع المدني -ان يعددالطفل بعض ارشادات الامن والسلامه - ان يذكر الطفل

دور رجل الدفاع

ابغى منك افكار حلوه اذا ماعليك امر لان المشرفه ماحضرت عندي الاسبوع هذا فااكيد راح تحضرلي الاسبوع الجاي

ومشكوره ياقلبو

~*جولانار*~
06-12-2010, 08:49 PM
برنسيسهـ يسلموووو يآقمر

الله يكتبهآ في ميزآن حسنآتكـ يآرب

فديتكـ والله

برنسيسة المدينة
07-12-2010, 04:32 AM
أختي دراسات طفوله ربي يسهل عليك يارب

ركزي على الإنجليزي دكتوره كريمااان موووتها فيه

وركزي على المحاضره التانيه أتذكر إنها صعبه فيها أسهم كتير ولغوصه

الله يوفقك وتجيبي الفل مارك

أممممممممممممممم حاضر بس أرجع من المعهد اليوم الصبح وأشوف لك أفكار يابطبوطه

::::::::::::::::

أختي جولانار

الله يسلمك ياعسل

وإن شاء الله أكون سويت شيء طيب لك ولكل البنات

برنسيسة المدينة
07-12-2010, 10:29 AM
سوي بالجوخ الأبيض زي الثوب الطويل وألبسيه مولازم أكمام للثوب لو بس على شكل مريله

وعلقي عليه مهن كتير مثلا مدرس ودكتور وسباك وحطي الدفاع المدني كمان معاهم
وخليها في دوائر
يعني قصي دوائر بالورق المقوى وخلي كل ورقه لون عشان تلفت النظر
وبداخل كل دائره صورة مهنه
وإنتي أتكلمي عن الرجال الدفاع المدني
وبعدين قولي لهم أيت صورتو من الصور إلي أنا لابستها

أمممممم كمان سوي بالفلين مجسم صغير لأنبوبة الإطفاء الحمراء عارفتهاااا ؟
وسوي شكل الخرطوم حق الإطفاء جيبي لي المكنسه إذا عندكم خربانه أو أشتري واحد وحاولي تغيري شكله ياتصبغيه يا إنك تجلديه

وجيبي كمان معاك يد الهوند جيبي وحده متوسطه
وسوي في صوت جرس طن طن
يعني إنو قوليلهم إذا دق الجرس رجال الإطفاء بسرعه ينزلو ويروحو لمكان الحريق
وجيبي صوره لسيارتهم
وسأليهم عمرهم شافو حريق أو شافو سياره وخليهم يشاركوك
بس لاتعطيهم مجال مرررا عشان لاتسير الحلقه فوضه وازعاج

إرشادات السلامه تلاقيها مكتوبه في دفاتر روكو القديمه أخر الدفتر
يعني مثلا إذا واحد شم ريحة غاز لازم يفتح الشباك عشان الريحه ماتكتمو في البيت
وإذا ولعت النار في جسمو يجلس يدور وهو منسدح عشان تنطفئ النار
وإنو مايلعب بالكبريت وجيبي كبريت عشان يشوفوا بس انتبهي لااحد يلعب فيه

وكمان خلي احد من الأطفال يقلد صوت السياره حقت الإطفاء
وي وي واااااااي وااااي ههههههههه كدا يعني

وخليك بقدر الإمكان تجيبي صوررر توضيحيه
ولو كمان جبتي الابتوب يكون واااو ينبسطو

والله يوفقك يارب

خفأيا الروح
07-12-2010, 02:19 PM
السلام عليكم ....
ربي يسعدك برنسيسه وان شاء الله لك الاجر ياارب
انا عندي طلب وحايسه لي كم يوم لما فتحت موضوعك مرره فرحت
اتمنى تقدري تنفذي طلبي
ابغى بحث اي موضوع عن الاطفال
وارسليه ع الخاص اذا تقدري وربي يجعله في ميزان حسنااتك يارب

ثالث دراسات
07-12-2010, 02:58 PM
هاااااااي برنسيسة وصبايا اخباركم
دعواتك برنسيسه هالاسبوعين مره ضغط علينا امتحانات وقرف وكمان هم التربيه الله يعين
الاحد الجاي عندي لعب في الخارج المفهوم مهنة رجال الدفاع المدني ابغا لعبتين واحتمال المشرفه تحضرلي عشان تعدلي درجتي ):
وابغا فكره جديده للاحماء لاني مليت من اللي سويناه للحين حتى الاطفال طفشوا

وكمان التهدئة والسكون مانعرفله السنه اللي فاتت مشرفتنا ماكانت تركز عليه وهالسنة مشرفتنا تسال عنه

بنات صفصف وجولانار كمان اذاا عندكم افكار عن نفس المفهوم او سبق اخذتوه ياليت تساعدوني (:


يعطيكم العافية

برنسيسة المدينة
07-12-2010, 08:29 PM
أختي خفايا الروح باهلا ومرحبا أبشري بعزك
لكن يابطبوطه متى تبغيه بالضبط أي يوووم؟
وهل تريديه بحث علمي ؟
وممكن كمان أعرف اسم الدكتوره إلي طالبتووو ؟

ردي سريع

برنسيسة المدينة
07-12-2010, 08:50 PM
أختي ثالث دراسات الله يوفقك في اختباراتك وتجيبي علامات حلوه وارفعي روسنا

....

بالنسبه للعبة الإحماء

في أنشوده حلوه قوليها

نجمه فوق طبعا تأشري بيدك على فوق
نجمه تحت وتأشري بيدك على تحت
أميل كدا تميلي على اليمين
أقطع بصل وتسوي هنا كأنك تقطعي بصل بيدك
أميل كدا تميلي على اليسار
أصب العسل وتسوي يدك إنها تصب العسل

أه أه ظهري أنكسر وهنا تسوي كأنك عجوزه ويعورك ظهرك

نجمه فوق نجمه تحت

أميل كدا أقطع بصل
أميل كدا أصب العسل
أه أه ظهري أنكسر


......
بالنسبه للإسترخاء جيبي ورد وخليهم يشمووه وبس ^_^

.....

بالنسبه للعبه الأولى

سوي لعبة التصويب
جيبي فلينة وسائل وتخرقيها أربع دوائر
وكل دائره غطيها بالمناديل وياليت يكون لونو أحمر حق أعياد الميلاد
وسوي في الفلين كأنو حريقه
وجيبي مسدسين مويه
وسوي فريقين
وكل طفل له دائرتين والفائز إلي يطيح المناديل حقتو أول يعني كأنو طفا النار

........

اللعبه الثانيه سوي لعبة ثلج مويه عارفتها ؟؟
بس حوليها لنار مويا كل الأطفال مويه وواحد نار
وإلي نار يوقف وطبعا إنتي أعملي زي الميداليات على الحلق عليها صورة مويا
والنار سويها مريله لونها حمراء وعليها صورة نار

..........

وإذا ماعجبتك
في لعبه تانيه
سوي دائره كبيره بالفلين الوسائل
وسوي صورة نار
وسوي دائره تانيه صورة مويه
وسوي دائره ثالثه عليها صورة رجل الدفاع المدني

وقولي للأطفال إذا رفعت صورو النار
كلكم تقولو وش وش وش وش ( يعني يقلدو صوت النار )
وإذا رفعت صورة المويا كلنا تقفز ونقول أوف أوف أوف ( يعني يطفو النار بالمويا )
وإذا رفعت صورة الدفاع المدني تصفقو وتقولو وي وي وي ( يعني كأنو صوت سيارة الدفاع)
وراح يسو حركه كلهم وراح يلفتو نطر
وعاد إنتي مهمتك إنك تلخبطيهم وإلي يغلط برااااا وأخر واحد هوا الفايز


وبالتوفيق
*

سعاد
07-12-2010, 09:00 PM
لسلام عليكم ورحمه الله وبركاته::
كيفكم برنسيسه المدينه ربي يسعدك
ممكن اطلب منك طلب
عندي حلقة نعم الله حول نعمة الصحة والسلامة
وحدة صحتي وسلامتي
كيف ابدا الحلقة وكمان افكار للتمرين ادركي
اذا عندك افكار ساعديني قبل الاحد

خفأيا الروح
07-12-2010, 10:56 PM
هلاا برنسيسه
هو بحث علمي اي موضوع عن الاطفال طالبته الاستاذه رشا والتسليم يوم السبت
بس لو تقدري تخليصه قبل يكون احسن
وجزاك الله خير

دراسات الطفوله
07-12-2010, 11:19 PM
الله يعطيك العافيه برنسيسه مشكوررررررررررررره ياقلبو

برنسيسة المدينة
08-12-2010, 05:54 AM
سعاااد بس أرج من الدوام وأكتب لك أووك

خفايا الرووح تكرم عيونك والله يسهل يارب بس ياليت تنتبهي للرسائل الخاصه بدي أتواصل معاك هناك شويا وبأخذ كم معلومه منك

دراسات طفوله الله يعافيك يارب

خفأيا الروح
08-12-2010, 11:13 AM
اوكي برنسيسه تسلمي
بس اخاف مااقدر اتواصل لاني مشاركاتي قليل

برنسيسة المدينة
08-12-2010, 01:36 PM
الله يسلمك مو مشكله الله يسهل يارب

خفأيا الروح
08-12-2010, 02:14 PM
طيب متى تخلصيه؟

صفصف
08-12-2010, 02:23 PM
هاااي ازيك برنسيسة

انا عندي اركان عن وحدة الملبس والمفهوم ازياء الشعوب

ابي فزعتك فديتك

برنسيسة المدينة
09-12-2010, 04:34 AM
خفايا الروح بإذن الله ماأطول

......

صفصف ياااسلااام حلووو جدااا
أممممم الركن الفني
جيبي جونتي ( القفاز) حق الطبيب الشفاف وعبيه تراب
وبعدين أربيطيه من الإبهام
وحطي فوق كوره يقوم يسير شكل رجال
وبعدين شكلي عاد
ممكن تلبسيه هندي وممكن صيني وممكن سعودي ثوب وغتره وحركتات وهيك

وبالنسبه للركن الإكتشاف
سوي زي صندوق الإكتشاف بس ياليت تسويه غريب
يعني لاتسويه كالمعتاد
مثلا سويه على شكل حرمه او رجال
او سويه على شكل أسطوانه وعلقي عليها كل الأعلام
وبعدين سوي غار صغير من الجنب
وعاد سوي بداخل الصندوق عرائس كل عروسه لابسه شيئ
لاتسويها كبيره إن شاء الله لو قد إصبعك لو تسوي ٧ كفايه واتقنيهم وحاولي تتقني الشكل الخارجي كمان

بالنسبه لركن التخطيط
جيبي إكليل وبودره
وجيبي زي العلبه بس تكون مسطحه
وحطي فيها البودره
والإكليل حطيه في المصاص حق العصير وكل طفل يجي الركن اعطيه مصاص ويجلس يكتب على البودره
مثلا البودره بيضاء والإكليل فضي أو احمر
ولمن يجي يكتب يسير لون للكتابه بارز يسير واو


بالنسبه للمكتبه
سوي كتاب على شكل علم
وبداخل الكتاب
اول صفحه مثلا علم السعوديه
وحطي جنبه رجال سعودي لابس ثوب طبعا انتي سويه بالفلين المضغوط
وثاني صفحه رجل امريكي وسويه شعرو اصفر ولابس بنطلون وطاقيه وهيك
وعاد سوي صفحات على راحتك المهم تكون متقنه

ركن الإدراكي:
سوي لعبة الضومنه
شكلين يلصقو ببعض ويركبهم
مثلا علم السعوديه مع علم السعوديه وهيك

وسوي كمان
لعبة المغناطيس
جيبي فلينة وسائل وسوي زي حركة المتاهه
وبداية المتاهه واحد هندي ضايع ونهاية المتاهه العلم حق الهند
وخلي الرجل الهندي زي العروسه وثبتي من رجله بالغراء مغناطيس
وتمسكي إنتي من تحت الفلين مغناطيس وتحركي الرجال يقوم يتحرك
وتوصليه لبلده وبس

ركن التعايش ياسلاام
ممكن تسوي عجينه وتخلي الأطفال يشكلو بالعجينه شكل يحبوه هندي سعودي إلي يكون
وممكن تسوي ملابس زي التنكر
جيبي ثوب وشماغ صغير وجيبي عبايه للبنات صغيره
وأعملي زي البنجابي او اشتري واحد
وعاد كل لبس سوي له حركه وهما يلبسو
وعاد سوي خلفيه حلوه للركن اعلام مثلا
وياحبذا لو انتي وصحباتك لبستو من بداية الحلقه ملابس
وحده فيكم تلبس ثوب ووحده تلبس بنجابي ووحده سوري ووحده اماراتي وهيك
راح تسو أكشن وتنبسط المديره والمشرفه*

برنسيسة المدينة
09-12-2010, 07:24 AM
السلام عليكم

أختي خفايا الروح

أنا خلاص خلصت البحث

أمممممممممممم كيف تبغيني أرسلك هوااا ؟؟؟

أنتظر ردك سريع

ثالث دراسات
09-12-2010, 08:05 AM
ياحياتي انتي تسلميييييييين الافكار مررررررررررررره حلوه

جززاك الله خير وحققلك ماتتمنين ياعسل


اللعبه الثانيه سوي لعبة ثلج مويه عارفتها ؟؟
بس حوليها لنار مويا كل الأطفال مويه وواحد نار
وإلي نار يوقف وطبعا إنتي أعملي زي الميداليات على الحلق عليها صورة مويا
والنار سويها مريله لونها حمراء وعليها صورة نار

بس ماشرحتي اللعبه ياقلبي ماعرفتها

باقه ورد خجلانه
09-12-2010, 11:35 AM
مساء الورد برنسيسه يسعدك ربي .
عندي حلقه عن مفهوم السلامه مع الحيوان وحده صحتي وسلامتي
كيف ابدا وافكار حلوه للتمرين الادراكي شكلها المشرفه بتحضرلي.
وكمان عندي اركان وحده الملبس مفهوم ملامس الاقمشه :
سوري كثرت عليك ربي يوفقك ويحققلك اللي تتمني يارب""""

باقه ورد خجلانه
09-12-2010, 11:36 AM
مساء الخيرات دراسات طفوله كيفك ياعسوله
انتي باي روضه ومين مشرفتكم كيف العملي معاك
ان شاء الله مبسوطه""

دراسات الطفوله
09-12-2010, 12:52 PM
هلاااااااااااااا اختي باقه ورد خجلانه

الحمدلله تمام

والله التريبه ماشي الحال انا باالروضه الثالثه والمشرفه استاذه رقيه

الله يعينا بس متى نخلص من جد تعبنا خلاااااااااص

وانتي مين مشرفتكم وكيف التربيه معاك

دراسات الطفوله
09-12-2010, 12:56 PM
الله يعينك علينا يابرنسيسه وان شاء الله يكون اللي قاعده تقدميه في موازين حسناتك يارب

اذا ماعليك امر ابغى تمرين ادراكي واذا عندك صور ارسليها اذا عندك اذا ماعندك خلاص مايحتاج

دراسات الطفوله
09-12-2010, 12:58 PM
خلاص ياقلبو ماابغى صور

باقه ورد خجلانه
09-12-2010, 01:03 PM
اهلين وسهلين خيتو دراسات طفوله ""
لله يعينكم من جد رقيه كانت العام معانا
اه اه منها ربي يساعدنا ان شاء الله
انا بالروضه الرابعه مع استاذه رحاب
ياربي تعبنا من الاعمال وفوقها اعمال د"هناء
التربيه العملي ماشي الحال بس خلاص نبي نخلص "

دراسات الطفوله
09-12-2010, 04:44 PM
الله يابختكم استاذه رحاب من جد يابختكم ماشاء الله كانت معنا السنه اللي فاتت

احس اني اعرفك لاني سالت قبل كذا مين اللي مع استاذه رحاب وكلهم اعرفهم

يلا الله يهنيكم فيها 0000 كم اعطتك رقيه السنه اللي فاتت

من جد الله يعينا بس متى نخلص ونرتاح من جد تعبنا

باقه ورد خجلانه
09-12-2010, 10:38 PM
قولي ماشاء الله لاتحسدينا ياقلبو
واي عليها استاذه رحاب عسسسسسسسل
من جد طيبوبه حييييل وحبوبه
ياقلبو انتي من اي شعبه
اعطتني رقيه 88 ربي يعوضنا برحاب يارب
انتي كم اعطتك رحاب العام
اتشرف بمعرفتك ياسكره""

خفأيا الروح
10-12-2010, 12:59 AM
الله يعطيك الف عاافيه
بس البحث مررره موراضي يفتح معايا
ارسليلي ايميلك ع الخااص وانا اضيفك عندي واكتبلك في الدعوه اي عباره
لان الرسايل ماتشتغل عندي
وجزاك الله الف خير ........

سعاد
10-12-2010, 02:46 AM
كيفك برنسيسه المدينه
معليش ادري انك منتي فاضية الله يعينك
من طلابات البنات بس
بغيتك تساعديني عندي حلقة نعم الله حول نعمة الصحة والسلامة
وحدة صحتي وسلامتي
كيف ابدا الحلقة وكمان افكار للتمرين ادركي
اذا عندك افكار ساعديني قبل الاحد

دراسات الطفوله
10-12-2010, 01:26 PM
اختي باقه ورد خجلانه قلت ماشاء الله 00يلا الله عوضكم

اعطتني 83


برنسيسه ياقلبو فين اختفيتي ماعليش والله عارفه انك مضغوطه يلا الله يوفقك ويحققلك امنيتك

برنسيسة المدينة
10-12-2010, 02:36 PM
أنا آسفه يابنات سامحوني والله عندي ظروف

بابا كان تعبان في العنايه المركزه وأنشغلت كتير

إن شاء الله أحاول أساعدكم كلكم بإذن الله

برنسيسة المدينة
10-12-2010, 02:43 PM
ياحياتي انتي تسلميييييييين الافكار مررررررررررررره حلوه

جززاك الله خير وحققلك ماتتمنين ياعسل



بس ماشرحتي اللعبه ياقلبي ماعرفتها

تعرفي لعبة ثلج مويه؟

إنو كل الأطفال يكونو مويه

واحد طفل بس يكون ثلج وكلهم يجرو ويشردو والثلج يلحقهم

والثلج إذا مسك طفل لازم الطفل يوقف

وأصحابوا المويا لازم يمسكوه عشان يتحرك وهيك

وطبعاً إنتي خليه نار ومويه

فهمتي عليا

يلا الله يوفقك

باقه ورد خجلانه
10-12-2010, 03:19 PM
برنسيسه مسائك فل
الحمدالله علئ سلامته
ربي يشفيه ويقومه بالسلامه
ان شاء الله .....

برنسيسة المدينة
10-12-2010, 03:45 PM
مساء الورد برنسيسه يسعدك ربي .
عندي حلقه عن مفهوم السلامه مع الحيوان وحده صحتي وسلامتي
كيف ابدا وافكار حلوه للتمرين الادراكي شكلها المشرفه بتحضرلي.
وكمان عندي اركان وحده الملبس مفهوم ملامس الاقمشه :
سوري كثرت عليك ربي يوفقك ويحققلك اللي تتمني يارب""""



بالنسبه للأركان :

الركن الفني جيبي قماش متر لونو أبيض أو أي لون فاتح وقصيه مربعات

وجيبي من المكتبه إستنسل وجيبي ألوان فلومستر

وخليهم يطبعو الرسمه إلي في الإستنسل على القماش


::

ركن الإكتشاف :

سوي إحتكاك البالون

جيبي بالونه وجيبي أوراق مقصوصه

وجيبي قطعة قماش وحكي البالونه في القماش يقوم يسير فيه زي الماس وأسحبي الأوراق وبس

::::::

ركن التخطيط:

جيبي خيش وجيبي إبره من المكتبه خاصه بالأطفال

وأكتبي على الخيش كلمه وخليهم يخيطو الكلمه بالإبره

::::::::::


ركن المكتبه سوي قصه

إنو في بنت تبكي عشان تبغى تروح زواج صديقتها وماعندها فستان تقوم الأم تخيط لها بالقماش فستان وتفرح البنت


سوي الصفحه الأولى بنت تبكي
الصفحه التانيه صورة قماش مع صورة أم تفكر
والصفحه الثالثه صورة فستان
والفحه الرابعه صورة البنت تحضن أمها


وسوي عمل تاني دفتر قلاب صور أقمشه خشن وناعم ومتوسط


::

ركن الإدراكي :

سوي لعبة منتسوري

جيبي كرتون كبير حق المناديل أو حق الإندومي

وغلفيه بالتجليد الأسود وقفليه بإحكام

وبعدين حطي على الكرتون من جميع الجوانب أقمشه

أول جهه حطي قماش بالإزارير
والتاني بالحبال
والثالثا بالشكشك
والرابع بالسسته

يعني الطفل يتعلم كيف يقفل ويفتح ويربط

يعني كأنك مسويه بلوزه بالضبط


وسوي كمان عمل تاني بزل لكن بالخشب

جيبي خشب أبلكاش كبير من المكتبه وأرسمي عليه رسمه

وبعدين قصيه مربعات بالمشرط وخلاص يسير بزل


::::

ركن التعايش :

سوي زي الكتاب كبير فيه وفيه كل أنواع الأقمشه الخشن والناعم وهيك

وخلي الكتاب صفحه فيه لعبه وجنبو القماش وهيك

وعاد إنتو مسوين من أول ركن بس يعني ضيفي هذه الللعبه عليه

دراسات الطفوله
10-12-2010, 03:56 PM
ياقلبي يابرنسيسه سلامات مايشوف شر

والله يقومه باالسلامه ويحفظه ويطول بعمره على طاعته

باقه ورد خجلانه
10-12-2010, 05:23 PM
تسلمي برنسيسه ربي يوفقك ويسهل للك امورك
يارب عندي حلقه عن مفهوم السلامه مع الحيوان كيف ابدا
وافكار حلوه للتمرين الادراكي عارفه اني طولت عليك ان شاء الله ربي
في ميزان حسناتك """"

باقه ورد خجلانه
10-12-2010, 05:27 PM
مساء الفل خيتو دراسات ازيك""
ابسألك ياعسل عن عمل د"هناء اللي فيه 15عنصر و5 صوت تفاعلي
اعتقد كدا تعرفيلوه حسيتو صعب
اه من اعمالها حيييل متعبه"
واختبارها متي حيكون""

سعاد
10-12-2010, 09:10 PM
يابرنسيسه
الله يقومه باالسلامه ويحفظه ويطول بعمره على طاعته
ان شاء الله

دراسات الطفوله
11-12-2010, 04:23 AM
هلااااااااااا باقه ورد خجلانه

والله مااعرفلو الله يصلحها لو تجيب عمل من اعمال بنات السنه اللي فاتت احتمال نفهم لكن جايبتلنا عمل حق محترفين

انا اصلا ماسويت العمل الاول حق الصوت واتوقع حتى العمل هذا اذا مالقيت احد يشرحلي زي الناس مراح اسويه

والاختبار مااتكلمت عنه

هذا من غير العمل اللي تقول تنفذوه باالروضه

الله يعينا بس ويصبرنا

ثالث دراسات
11-12-2010, 12:59 PM
تعرفي لعبة ثلج مويه؟

إنو كل الأطفال يكونو مويه

واحد طفل بس يكون ثلج وكلهم يجرو ويشردو والثلج يلحقهم

والثلج إذا مسك طفل لازم الطفل يوقف

وأصحابوا المويا لازم يمسكوه عشان يتحرك وهيك

وطبعاً إنتي خليه نار ومويه

فهمتي عليا

يلا الله يوفقك

اهااااااااا فهمت عليك ...
.تسلمين ياقلبي وربي يشفي ابوك ويخليه لك ويطولك بعمره

برنسيسة المدينة
11-12-2010, 01:10 PM
http://www.algamilah.com/vb/showthread.php?t=9838

أختي سعاد ادخلي هذا الرابط
راح تلاقي إلي يفيدك بإذن الله وسامحيني على التأخير
والله إنو عندي ظروف أجبرتني على كدا

أختي نعم الله كثيره
فهميهم مثلا إنو إنو عندهم نعمة الأذن وخليهم يتخيلو لو إنهم مايسمعوا وشوفي كل طفل إيش يقول لك
وبعدين خليهم يغمضو عينهم وقولي لهم تخيلوا لو إنكم ماتشوفو
وبعدين جيبي ورده وقولي لهم تخيلو لو إنكم ماتشمو
وروحي للرجل قولي لهم لو إنو ماعندنا رجل ماكان نقدر نروح الروضه
وهيك شيئ
وكمان بالنسبه لحاسة التذوق
تقدري تسوي ٣ كاسات
وحده تحذي فيها ملح والتانيه سكر والثالثه عصير وتخليه يغمض عيونه ويذوق ويقول
لك طعم إيش وبعدين قولي لهم لو ماعندنا نعمة التذوق ماكان عرفنا طعم كل واحد فيهم
وكل عضو فكري له بشيئ بسيط عشان يعرفوا نعم الله من حولهم
وكمان تفهميهم انو لازم نشكر الله عليها
وجيبي لهم صور للمعاقين والمغوليين عشان يشوفوا الفرق والنعمه
وكمان نعمة المال ونعمة الأكل والشرب وكل نعمه جيبي لها صوره توضيحيه

وبالنسبه التمرين الإدراكي :
جيبي لهم مجموعه من الصور وعلقيها على لوح فلين الوسائل
مثلا جيبي صورة ورده الورده إيش النعمه إلي ربي أعطانا هيا عشان نشمها يقوم هوا يختار الخشم
وبعدين قومي طفل تاني
وحطي صورة روضه
واسأليه إيش النعمه الي نحطها تحت الصوره يحط لك القدم وهيك
ومثلا صورة عصير ويحط لك الفم يعني التذوق
ومثلا الصور يحط لك البصر او العين
ومثلا حطي مسجل يحط لك الأذن وهيك
وحطي الصور على عدد الأطفال

وكمان فكره حلوه لو تخليهم يمسكو خشمهم وعينهم وفمهم وتخيلو لو انو مافي ويشرحوا لك تخيلاتهم


وممكن بدل فلين الوسائل تحطي لهم كل نعمه في ظهر بسكوت او حلاوه مصاص
يسير يجاوبو السؤال وياخذو الحلاوه

سعاد
12-12-2010, 12:44 AM
تسلمين ياقلبي وربي يشفي ابوكي ويقومه بالسلامه
مايشوف شر

وبسسوي الحلقه ويعطيكي العافييه على الفكره

برنسيسة المدينة
12-12-2010, 01:30 AM
الله يعافيك

ويوفقك يارب
وسامحيني إذا أتأخرت عليك أو شيء ماعجبك

والله كنت متمنيه أسوي لك أفضل من كدا

سعاد
12-12-2010, 01:55 PM
سلام برنسيسة المدينة
كيف ابوكي ان شاء الله تحسن
أبغى افكار منكم تساعدوني فية
ارح ابد بالمتصل الاسبوع الجاي
وبجهز افكار من الحين يالت تساعديني
عندي وحدة صحتي وسلامتي
1_اول شي اركان (نظافة اليدين وكيف نتخلص من الجراثيم )
2_ لعب (المحافظة علي سلامة العين والاذن والانف وكمان وسلامة اجزاء الجسم)
4_ القاء الخير (ابغي انشودة عن الاسنان )
5_حلقة (عن الخوف يعبر عن مصادر خوفة ومظاهر الخوف
من رعب وظلام وامن ) بصراحة المفهوم مرة صعب وماني عارفة فية ولاشي
عاد ياليت تساعديني بصور له وتمرين ادراكي كمان
6 _ لعب (نظافة المكان من حولنا )
الحين تقولي وش هذي الطلبات كلة ادري راح اتعبك معاي
بس ياقلبي ماراح اضغط عليك للي تقدر علية اعطيني افكار
عشان اروح المكتبة مالت علي السواق للي عندي اخاف بكرة ي
طنش وميودني واتورط يومة عاد
عاد ياقلبي انتظر ردك عاد استحمليني وانشاء يكتب الله لك اجر
علي للي تسوينة للبنات
وقولي امين يارب يحقق اللي ببالك
ادري طولت عليكي

~*جولانار*~
12-12-2010, 06:34 PM
برنسيسهـ

يآقلبي عليكـ .. اللهـ يقومهـ بالسلامهـ يآرب ويشفيهـ ويخليهـ لكم يآرب

أسأل الله العظيم ربي العرش العظيم أن يشفيهـ

أسأل الله العظيم ربي العرش العظيم أن يشفيهـ

أسأل الله العظيم ربي العرش العظيم أن يشفيهـ

أسأل الله العظيم ربي العرش العظيم أن يشفيهـ

أسأل الله العظيم ربي العرش العظيم أن يشفيهـ

أسأل الله العظيم ربي العرش العظيم أن يشفيهـ

أسأل الله العظيم ربي العرش العظيم أن يشفيهـ

أسأل الله العظيم ربي العرش العظيم أن يشفيهـ

أسأل الله العظيم ربي العرش العظيم أن يشفيهـ

أسأل الله العظيم ربي العرش العظيم أن يشفيهـ

الله يكتب لهـ الأجر والعآفيهـ :(

برنسيسهـ يآقمر بالله طمنيني عليهـ كيف صحتهـ الحين :(

صفصف
12-12-2010, 08:45 PM
يااااعمري يابرينسيسة مايشوف شر ان شااء الله .. طمنينا ياحيااتو بلييييز


اللهم اشفه شفاء ليس بعده سقما ابدا..اللهم خذ بيده اللهم احرسه بعينيك التى لا تنام .
و اكفه بركنك الذى لا يرام و احفظه بعزك الذى لا يُضام .و اكلأه فى الليل و فى النهار .
و ارحمه بقدرتك عليه ّ.أنت ثقته و رجائه يا كاشف الهم . يا مُفرج الكرب يا مُجيب دعوة
المُضطرين .اللهم البسه ثوب الصحة والعافية عاجلا غير اجلا ياأرحم الراحمين..
اللهم اشفه اللهم اشفه اللهم اشفه..اللهم امين.

دراسات الطفوله
12-12-2010, 09:15 PM
كيفك برنسيه كيف ابوك طمنينا عليه

برنسيسة المدينة
13-12-2010, 10:07 AM
جولانار . صفصف . دراسات طفوله
ربي يسعدكم دنيا وآخره ماتقصرو والله
أطمنكم الحمد لله بابا خرج من المستشفى وهوا دحين زي الفل الحمد لله
ربي يحفظكم ومايوريكم شر

برنسيسة المدينة
13-12-2010, 10:30 AM
[QUOTE=سعاد;2055154][CENTER]سلام برنسيسة المدينة
كيف ابوكي ان شاء الله تحسن
أبغى افكار منكم تساعدوني فية
ارح ابد بالمتصل الاسبوع الجاي
وبجهز افكار من الحين يالت تساعديني
عندي وحدة صحتي وسلامتي
1_اول شي اركان (نظافة اليدين وكيف نتخلص من الجراثيم )
بالنسبه للأركان :
في الركن الفني خليهم يطبعو يدهم بالألوان على الورق
وبعدين إنتي أكتبي على كل ورقه اسم الطفل وعلقيها في لوحة الإعلان
والعمل التاني سوي بالفلين المضغوط شكل مربع حق الصابونه
وخليهم يزينوها وروحي من أبو ريالين اشتري صابون بريال يتباع
وخلي كل طفل يزين المربع ويحط فيه صابونتو راح ينبسطو كتير

ركن الإكتشاف:
كيف نعمل رغوة الصابون
جيبي علبه فيها مويه
وعلبه فيها صابون
وتخلطيها قدامهم وتصير رغوه
أو ممكن تسوي كيفية صناعة الصابون بأشكال جميله
جيبي صابونه وأبشريها بالسكين في البيت
وجيبيها الروضه مبشوره وبعدين جيبي قوالب الثلج
وقدامهم حطيها بقوالب الثلج وتسير صابونات حلوه وأعطي لكل طفل صابونه

ركن التخطيط :
جيبي صابونة الخياطه وخليهم يرسمو فيها
ركن المكتبه:
سوي قصة وحده ماسمعت كلام أمها وماغسلت يدها بعد الأكل وجاتها جراثيم في يدها وصارت يدها تعورها وبعدين تابت وصارت تغسل وهيك

ركن الإدراكي:
سوي رسمة صابونه على فلين وسائل وبعدين لونيها بالخرز أو بالأزارير وبعدين قصيها وسويها بزل

ركن التعايش سوي مغسله بالإشتراك مع صديقاتك وجيبي صابون ويغسلو يدهم
ممكن تسويها بطشط الغسيل

برنسيسة المدينة
13-12-2010, 10:33 AM
سعاد بإذن الله في الليل ادخل وأكمل الباقي أوكي
عشان راسي يفرررر من الصداع بنام دحين

~*جولانار*~
13-12-2010, 04:26 PM
الف الحمد الله على سلامة الوالد برنسيسهـ

قلبي اذا ماعليكـ آمر ابغى اطلب منكـ افكآر للأركآن وحدة صحتي وسلامتي مفهوم السلامهـ في البيت

في الركن الإدراكي فكرت بعمل باقي لي الاركان الباقيهـ

ودي بأفكآر غريبهـ وجديدهـ واهم شي تملا عيونها بلييييز :(

انتظر ردكـ يالغلآ

باقه ورد خجلانه
13-12-2010, 04:59 PM
مساء الفل برنسيسه كيفك ياعسوله
الحمدالله علي سلامت ابوكي .
الله يسعدك رديلي عندي حلقه مفهوم السلامه مع الحيوان
وحده صحتي وسلامتي
وافكار حلوه وغريبه للتمرين الادراكي
واللعب بالخارج مفهوم صناعه الملابس
وحده الملبس ؟وربي يسعدك ويوفقك يارب

سعاد
14-12-2010, 12:14 PM
برنسيسه كيفك ياعسوله
الحمدالله انك طمنتينا على ابوكي
والحمدالله علي سلامت ابوكي
وربي يحفظه ويعطيه الصحة والعافية
ويطول بعمره ان شاءالله

دراسات الطفوله
14-12-2010, 12:55 PM
برنسيسه ياقلبو انتي جيتي يوم الاثين ولا لا لان دكتوره صفاء دخلت علينا ومعاها وحده وتقول انها معيده

~*جولانار*~
14-12-2010, 02:43 PM
لا ما توقع انها برنسيسهـ

لأنها المعيدهـ الي مع الدكتورهـ صفاء من مكهـ :)

برنسيسهـ وينكـ طولتي الغيبهـ عسى المانع خير يارب :(

سعاد
15-12-2010, 11:36 AM
معليش حبيبتي برنسيسه اليوم جات الدكتورة سوسن
وقالت انه مافي تربية عمالي متصل السبوع الجاي
راح اسبوع للي بعدة راح يصير والجدوال راح يتغير
قلت خليني الحق اكتب قبل تسوي شي

دراسات الطفوله
15-12-2010, 11:39 PM
سلام برنسيسه كيفك

ياقلبي اذا قدرتي وكنتي فاضيه

ابغى منك افكار للاركان وحده المسكن مفهوم عنوان المسكن

ثالث دراسات
16-12-2010, 10:06 AM
صباح الخير او مساء الخير
اخبارك برنسيسه ....
ياقلبي متى مادخلتي وقدرتي تساعديني في اي وقت مو مشكله
الاحد عندي لقاء والمفهوم عنوان المسكن نفسي اسوي مسرح طبعا مالقيت قصة عن المفهوم وشكله مافي قدامي غير انو اخترع قصة انا حابه انها تكون قصه تعليميه توصل المفهوم للاطفال بشكل بسيط وسهل بدون اي تعقيد..والله المفهوم صعب الله يعين بس

يعطيك العافيه وبالتوفيق لبنات التربية يوم الاحد (:

برنسيسة المدينة
16-12-2010, 12:36 PM
جولانار إيش إسمها إلي جاتكم بسرعه ردي عليهااا بسرعه

برنسيسة المدينة
16-12-2010, 12:54 PM
الف الحمد الله على سلامة الوالد برنسيسهـ

الله يسلمك يارب ويخليك

قلبي اذا ماعليكـ آمر ابغى اطلب منكـ افكآر للأركآن وحدة صحتي وسلامتي مفهوم السلامهـ في البيت

هلا والله حاضرين

في الركن الإدراكي فكرت بعمل باقي لي الاركان الباقيهـ
أوكي
ودي بأفكآر غريبهـ وجديدهـ واهم شي تملا عيونها بلييييز :(

انتظر ردكـ يالغلآ

الركن الفني ::

سوي زي الشنطه بالفلين المضغوط أو بالقماش

وخلي الأطفال يسو شكل سكينه وأي شيء من الأدوات الحاده ويحطوها في هادي الشنطه

يسير اسمها شنطة الحفاظ على الأشياء الحاده في البيت

وعاد إنتي سوي سكاكين وشوك وهما يزينوها


ركن الإكتشاف :

كانت تقول دكتوره نجلاء في ركن الإكتشاف المهم يكون شيء تجربه

أمممم ممكن تسوي تجربة دائرة الكهرباء

بطاريه وتوصليها بلمبه وأسلاك



ركن التخطيط :

سوي شكل سكينه بالفلين المضغوط وثبتي مرسام فيها ويكون شكل السكينه حلو

وخليهم يرسمووو


ركن المكتبه :

سوي كتيب صور عن الأشياء الحاده في البيت وهيك

يعني صورة سكينه وحطي جنبها إكس حمراء

وصورة طفاية حريق

صورة شنطة إسعاف أولي

والعمل التاني سوي قصه

إنو واحد طفل صغير شرب دواء من الثلاجه وبطنو صارت تعورو
وراح مع أمو الدكتور والدكتور نصحها في الأخير إنها تبعد الأدويه عن الأطفال في البيت
عشان لاتصيبهم بمكروه


::::::::::::

ركن التعايش الأسري :

سوي بيت
مطبخ وأدواته

يعني فرن وأدواته

وسوي صيدلية إسعاف أولي وحطي فيها أدويه والأدويه طبعاً تكون علب فاضيه

وسوي شكل طفاية الحريق هديك الحمراء

وسوي خلفيه حلوه للبيت

وكل وحده منكم تقسم الشغل

والفرن روحي لحق الخشب يسويلكم هوا فرن صغير بعيون

وإنتي أصبغيه بالبخاخ

والصيدليه سوها بالفلين الكبير

والطفايه برضو بالفلين الكبير

وبالتوفيق لك

برنسيسة المدينة
16-12-2010, 01:08 PM
مساء الفل برنسيسه كيفك ياعسوله
الحمدالله علي سلامت ابوكي .
الله يسعدك رديلي عندي حلقه مفهوم السلامه مع الحيوان
وحده صحتي وسلامتي
وافكار حلوه وغريبه للتمرين الادراكي
واللعب بالخارج مفهوم صناعه الملابس
وحده الملبس ؟وربي يسعدك ويوفقك يارب

مساء الخيرات هلا ياحلوه
الله يسلمك ويخليك يارب

بالنسبه للحلقه

قولي لهم قصة الأسد

إنو في واحد أسد كان في الغابه وكان يبكي ويصيح

وجاء واحد رجال قرب منه ولقاه متألم وقاله إيش فيك

قام قال له رجلي فيها شوكه

قام الرجال شال له الشوكه وراح الألم من الأسد

وبعد مرور الأيام

كان الأسد في القفص والحراس خلوه يجوع لأيام كثيره وماياكل يعني حرمووه من الأكل

وبعدين في خامس يوم جابو الرجال إلي أنقظه ودخلوه القفص

قام الأسد طالع ولقاه نفس الرجال إلي أنقظه قام ماأكله

وبكذا تقولي للأطفال لازم نساعد الحيوانات ونرفق فيهم ومانأذيهم

وبنفس الوقت حذريهم من الأسد وقولي لهم إنها مجرد حكايه

أو إنك تقولي لهم القصه حقت المرأه إلي حبست الهره وتشرحي لهم عقابها

أو الرجل إل شرب الكلب بجذمته وربي غفر له ذنبه

والوسائل تكون حلوه ومرتبه

ـــــ

وبالنسبه للتمرين الإدراكي

جيبي لهم صور مثلاُ واحد يضرب البسه وواحد يعطف عليها

وجيبي لهم واحد يأكل الكلب وواحد يضربه وهيك

وخليهم يقولو أيت الصح وأيت الخطأ

ممكن تحطي لهم الصور في علب صغيره وكل طفل تعطيه علبه وكل طفل يشرح الصوره إلي جاته

ـــــــــــــــــــــــــــــــــــــ


بالنسبه للعب بالخارج

سوي العمل بالقماش الجوخ

قصي قماش جوخ أحمر على شكل بنطلون

وقماش جوخ أصفر على شكل بلوزه

وقماش جوخ أسود على شكل جزمه

وقماش برتقالي على شكل أزارير

وفرقي الأقمشه في الفناء

وسوي فريقين وكل فريق يجمع الأقمشه حقتو

وأول فريق يكمل ملابس الرجل هوا الفائز

وياحبذا لو رسمتي رجل بالفلين وهما يحطو الأقمشه عليه ويسير إلي يلبس الرجال أول هوا الفائز

وبالتوفيق لك

برنسيسة المدينة
16-12-2010, 01:11 PM
برنسيسه كيفك ياعسوله

الحمدالله انك طمنتينا على ابوكي
والحمدالله علي سلامت ابوكي
وربي يحفظه ويعطيه الصحة والعافية

ويطول بعمره ان شاءالله


الحمد لله أنا طيبه

الله يخليك

مرسي على سؤالك

برنسيسة المدينة
16-12-2010, 01:13 PM
معليش حبيبتي برنسيسه اليوم جات الدكتورة سوسن

وقالت انه مافي تربية عمالي متصل السبوع الجاي
راح اسبوع للي بعدة راح يصير والجدوال راح يتغير

قلت خليني الحق اكتب قبل تسوي شي



أمممممممممم طيب كويس خبرتيني

والله إني بفكر فيك من أول وجالسه أرتب أفكاري

يلا مو مشكله بالتوفيق يارب

برنسيسة المدينة
16-12-2010, 01:31 PM
سلام برنسيسه كيفك

ياقلبي اذا قدرتي وكنتي فاضيه

ابغى منك افكار للاركان وحده المسكن مفهوم عنوان المسكن



الركن الفني :

سوي شكل خريطه وبالفلين الوسائل

وسوي شكل بيوت بيت مربع وبيت مستطيل وهيك

وخلي كل طفليزين بيتو و يلصق بالغراء البيت حقو في الخريطه ويكتب إسمو عليه

وبعدين الخريطه حطيها في لوحة الإعلان من إنتاج الأطفال

ركن الإكتشاف :

شوفي جيبي سطلين عبيهم مويه

وسوي بالفلين المضغوط شكل بيت وحطي تحته مسامير

وسوي بيت تاني وثبتي تحته خشب أبلكاش

وتسوي يطفو ويغوص

طبعا البيت إلي تحته مسامير راح يغوص

والبيت إلي تحته خشب راح يطفو وبس

ركن التخطيط :

خليهم يسو بالصلصال شكل بيت

ركن المكتبه :

سوي قصه بالسيديهات حقت الكمبيوتر

سوي لهم قصة الأقذام السبعه وسنوايت
يعني لصقي الصور على السيديهات يعني بدال الدفتر سيديهات


ركن الإدراكي :

سوي لعبة الكيرم

والحجار تكون حقت الدوائر 4 تربح

سوي الخلفيه صورة بيت

ولصقي الخلفيه على فلين وبعدين سوي للفلين حواجز زي الكيرم

وبعدين سوي 4 دوائر من كل ركن وخلاص سار كيرم


ركن التعايش الأسري :

سوي دليل التلفونات

وسوي الخلفيه شكل بيت

وسوي تلفون

وسوي أي شيء يتعلق إنو كيف تدلي الناس على بيتك

:::::::::::::::::::


وبالتوفيق

برنسيسة المدينة
16-12-2010, 01:34 PM
صباح الخير او مساء الخير
اخبارك برنسيسه ....
ياقلبي متى مادخلتي وقدرتي تساعديني في اي وقت مو مشكله
الاحد عندي لقاء والمفهوم عنوان المسكن نفسي اسوي مسرح طبعا مالقيت قصة عن المفهوم وشكله مافي قدامي غير انو اخترع قصة انا حابه انها تكون قصه تعليميه توصل المفهوم للاطفال بشكل بسيط وسهل بدون اي تعقيد..والله المفهوم صعب الله يعين بس

يعطيك العافيه وبالتوفيق لبنات التربية يوم الاحد (:


هلا هلا مســـــــــــاء الخيرات

حاضرين حاضرين

أمممممممممممم


سوي قصة سنوايت والأقذام السبعه

كانو عايشين في بيت

يعني مناسب للمفهوم

سوي شكل سنوايت

وشكل الرجل الأمير

وسوي الأقزام

وإذا تبغي تسوي مسرح

خلي المسرح شكل بيت سنوايت

وبالتوفيق لك

برنسيسة المدينة
16-12-2010, 01:45 PM
يابنات أي أحد عنده شيء يقول لي

لأني والله خايفه أكون نسيت أحد فيكم ماجاوبته

دراسات الطفوله
16-12-2010, 02:12 PM
ياقلبي عليك يابرنسيسه

ان شاء الله فيه امل يارب انتي متاكده خلاص

والله يابرنسيسه خيره لك 000 تقدري تحاولي مره ثانيه ولا خلاص

ياالله الحمدلله على كل حال 000 انتي سويتي اللي عليك والباقي على ربك

يلا الله يوفقك يارب ويحققلك امنيتك


ومشكورررررره ياقلبي على الافكار

~*جولانار*~
16-12-2010, 02:14 PM
جولانار إيش إسمها إلي جاتكم بسرعه ردي عليهااا بسرعه


اسمها شيماء اتوقع :a22:

ومرررررررررهـ يسلمو ع الأفكار يآقمر اخذت افكار من الي كتبتيها للبنات قبل وراح ازيد عليها

الي قلتي يسلمووووو فديتكـ والله والله يكتب لكـ كل الي تتمنيهـ ويرزقكـ كل خير :icon26: