العودة   منتديات طلاب وطالبات جامعة طيبة > منتديات الكليات العلمية > منتديات الكليات الصحية > منتدى كلية الطب
تحديث الصفحة ● ● تجارب الطلاب .. في سنين الطب الدراسية ● ●{{محدث}}

 

إضافة رد
 
أدوات الموضوع انواع عرض الموضوع
قديم 21-09-2010, 11:30 PM   #31
alloosh90
عـضـو شــرف
 
الصورة الرمزية alloosh90

 

بسم الله والحمد لله
والصلاة على رسول الله

بداية الشكر الجزيل لعنان السماء لاضافتكم وتلبية الدعوة وتفاعلكم مع الموضوع من قبل إنشائه

ęνěŗêşť
Doctor2014

Dr.Smile

نعناع مديني
Dr.Sad Angel
Dew Drop

..جزاكم الله كل خير
ونشكر كل من تفاعل في الموضوع وننتظر مافي جعبكم للمستجدين
والدعوة للجميع وعلى مدى التفاعل على مدى الفائدة المكتسبة

:::::::::::::::::::::::::::::::::::::::

بعد ذلك نزف التهاني والتبريكات لزملائنا الجدد على قبولكم في الطب
مبارك لكم .. وعساها بداية مشوار مكلل بالنجاح
وحياكم الله واحنا موجودين لمساعدتكم

:::::::::::::::::::::::::::::::::::::::

--> بخصوص السنة الماضية فكانت سنة لأصحاب الأنفاس الطويلة و لكل مجتهد نصيب

أبدا مو صعبة وكذلك مش سهلة .. لكن هي السنة الدراسية اللي تنتظر منكم الاجتهاد مع تنظيم وقت وترتيب أولويات

من بداية السنة أول حاجة حددو لكم ليدر والليدر يحدد مساعدينه ... و من بعدها تبدؤو تدخلو في جو الدراسة والكلية وطول الدوام وتكملو طريقكم لباقي السنة

نظام الكوزات الجديد ( كل سبت كوز بمجموع 10 كوزات) كل مين يرتب نفسه عليه
من الناس اللي تقول ايام الاسبوع اول باول .. ونهاية الاسبوع للكوز
ومنهم من يكون تركيزه على الكوزات بأحسن مذاكرة وهكذا

وأعيد ماقلته بداية غايتنا التوضيح وبيان التجربة او النظام دون التوجيه
ولكل قناعته بما يناسبه من طريقة ومنهجية دراسية ..هي كفيله بتحقيق المراد له
والكل أجدر بمعرفتها بنفسه

فأنت من تصنع منهجيتك لنفسك والشي اللي يمشي معاك قد لا يتماشى مع غيرك وإن سمعت كلام من فلان آدمي أو أخوه

:::::::::::::::::::::::::::::::::::::::

ندخل على الخمس المواد الدراسية

Anatomy
يميز
المادة أنها طويلة .. ولكنها ممتعة وسبحان من خلقنا وكغيرها تحتاج دراسة واجتهاد

في ناس حتصفر وتزرق مع أول لقاء مع الجثة ولكن حتتعود على الوضع و تبقى للميت حرمته وللأناتومي جماليته

ستتم دراسة تراكيب أجزاء الجسم
(upper limb -Thorax- Abdomen - Pelvis - Lower Limb)
و بما فيها من تراكيب:


الجهاز العظمي وعلى كل عظمة معرفة مافيها من معالم تضاريسية والمفاصل بينها وخصائص كل مفصل << أقرب تشبيه

الجهاز العضلي << لكل عضلة معرفة الاسم والمنشأ ( Origin) والاندغام (Insertion) + العصب( Nerve Supply) المغذي لها + الحركة الناتجة عن هذه العضلة (Action)

الجهاز الدوري << الأوعية الدموية(الأوردة,الشرايين) من أين بدأت وأين أنتهت تسمياتها وتفرعاتها مع بعضها البعض وتغذيتها للعضلات + علاقتها المكانية بمن حولها خلال مشوارها وهو ما يسمى بـ(relation) مثلا الشريان الفلاني يمر على العظمة الفلانية ما بين two tendons of two muscles من ذلك نستطيع التعرف عليه من السطح الخارجي للجسم نجس النبض

هناك ما يسمى بـ (anastomosis) هي عبارة عن شبكة من الأوعية الدموية ما بين وعائين دمويين أو أكثر تكمن أهميتها في توفيرها لـمجرى آخر للدم في حال اتقفل أحدهم أو انضغط عليه وبالتالي عدم نقص تغذية للنسيج المستفيد وغالبا ما توجد حول المفاصل.

الجهاز العصبي << أيضا لها تفرعاتها وتسمياتها ولكن هنا مع الأعصاب (Nerves) وماذا تغذي من عضلات أو الجلد ومنشئها من أي فقرة وفيها ما يسمى بـ(Plexus) وهي شبيهه لـ(anastomosis) الخاص بالاوعية الدموية

الجهاز اللمفاوي<< معرفة مواضع العقد اللمفاوية ومن أي أجزاء الجسم تستقبل ... أهمهم العقد اللمفاوية في الثدي وعلاقة الاكلينيكية الهامة

اخيرا .. كلينيكال أناتومي أو Applied Anatomy

يهتم بالأناتومي المتعلق ببعض الحالات الطبية وهو صاحب الكم الأكبر في الاختبارات

على سبيل المثال لا الحصر

.. التعرف على المواضع الممكنة لجس نبض ,,,،
الكسور وكيف التعرف عليها أو ماذا يترتب عليها من ضرر مثلا حصل كسر لأحد العظام => إصابة بقطع أحد الأعصاب (نيرف)=> تأثر العضلات أو مناطق الاحساس المسؤول عنها العصب المصاب فلا يستطيع المصاب القيام ببعض الحركات .. مهم تعرف تربط بين الخطوات ده فلو جاك سؤال في خطوة تعرف تكمل الباقي بدون أي مشاكل ،،،،

من معرفتك لطريق العصب الفلاني يسهل عليك تجنب إصابته مثالا في إعطاء الحقن ,,,

أنواع الفتحات الجراحية ومعرفة ما يواجهك من طبقات وتراكيب.. وكذلك الأمر للحقن معرفة التراكيب التي تمر بها الإبرة في مكان من الجسم ..

الأناتومي السطحي أو الخارجي (Surface anatomy) التعرف على بعض التراكيب من السطح الخارجي للجسم

هذه المواضيع أو الفقرات تدرس لكل جزء تمت دراسته + الأعضاء الداخلية كالكبد والكلية والمثانة...

(Upper Limb, Thorax, Abdomen, Pelvis ,Lower Limb)

دكاترة المادة:

د.سامي القايدي - د. وائل عزرينه – د. مصطفى عبدالمنعم

المراجع:

المرجع الأساسي للقسم كتاب Snell

وأيضا مذكرات الدكتور شريف جلال << تغنيك عن أي مرجع آخر

ومذكرة الدكتور مصطفى عبدالمنعم للور لمب

أطالس: Grays anatomy Atlas & Grants atlas

فيديوهات مساعده : Acland's DVD Atlas of Human Anatomy

طريقة الاختبار:

MCQ
كباقي المواد.. وقد يكون هناك سؤال كتابي في الكوزات فقط

من المذكرات ومجملها مما يركز عليه الدكتور في شرحه

العملي : بكل بساطة من الفيديوهات المتوفرة من القسم للدكتور شريف
وبالامكان المراجعة في المشرحة قبل الاختبار أو في أي وقت بعد أخذ الاذن

:::::::::::::::::::::::::::::::::::::::

Biochemistry

فالمادة لها أهميتها ووزنها في المعدل الترم الأول و كانت أقل مادة في متوسط الدرجات نهاية الترم الاول .. بس كلو اتعوض الترم التاني بعد ما خلوها أسهل مادة في اختباراتها والطلاب شدو حيلهم.. فخليكم دايما مستعدين أتم الاستعداد لكل اختبار( وده حيساعدكم مع زحمة الفاينال) واتوقعو الاسوأ حتى تكونو راضين في اغلب الاحوال

درسنا الكاربوهيدرات والدهون والبروتينات وبعض الامراض واخر شي الnucleotide, DNA, RNA

المادة ده هي أكثر مادة كانت مخوفتني وعشت معاها معاناه ممكن تكون لسببين:
- ما عرفت اعمل طريقة او نهج خاص بي من البداية ..شوية اقول اذاكر من الكتاب وشوية اقول من المذكرات والحضور ما كنت أهتم به كتير..
- عدم المذاكرة أول بأول للمادة ده

ونتيجتها ضياع مؤقت حتى العودة للتميز من جديد

و من واقع تجربة المذاكرة من المذكرات هي كفيلة وجديرة بالدرجة الكاملـة وكذلك الاستفادة إن شا الله

وبالامكان لو تكلمو الدكتور يعطيكم المذكرة قبل الدرس لاخذ النوت واضافة نقاط توضيحية ولتحديد الاهم من المهم (فالمذكرة كل كلمة فيها مهمة ومرتبطة بسياقها وتتطلب النظر والفهم وبعد ذلك الحفظ)

مذكرات الدكتور أيمن برغش... مافي أحلى منها كافية ووافية ومفيدة

مذكرات الدكتور حسين الصواف... هي نفسها صور كتابLippincottوالدكتور يحاول يعطيكم هي قبل الدرس بيوم واهم اهم اهم شي انكم ترجعو لآخر الشابتر فيه الخلاصة

مذكرات الدكتور محمدين اللي هي في موضوع الكاربوهيدرات .. ما حبيتها بس الاختبار ما خرج منها

مذكرات الدكتور صلاح شويتة ... طبعا محاضرة الدكتور اهم شي وكل حاجة يركز عليها ويزيد عليها ده جاية اكيد في الاختبار وهي اللي تحتاج ترجع لها وقت الاختبار

الدكتور البغدادي.. كنا نذاكر من الكتاب .. اقرا الكتاب أول بأول وحدد المهم اللي ترجع له وقت الاختبار وبرضو ركز اكتر شي على آخر الشابتر( chapter summery + concept map) حبيت مذاكرة الكتاب صحيح فيها معلومات زيادة انت في غنى عنها وما تحتاجها بس حسيتها تثبت وما تعتمد على الحفظ كتير زي المذكرات ولكن يبقى الخيار لكم

الاسئلة MCQ وتجي في الغالب على عدة مواضع منها ..

التفاعل او سلسلة التفاعلات البيوكمسترية مهم تعرف المواد الداخلة والناتجة والانزيم المؤثر ونقص الانزيم ده ايش يسبب مرض والمرض ده ايش اعراضه وكيف ممكن علاجه بشكل مبسط ايضا التقسيمات والانواع للانزيمات والبروتينات والفيتامينات والدهون والكاربوهيدرات مهمة برضو مع علاقته بمرض وسبب المرض واعراضه

واللي مذاكر صح راح يحل . مافي شي من خارج الاوراق اللي عندكم

البيو العملي : راح يعطوكم اوراق لكل تحربة شكلها زي روشتة الدواء تحفطو منها الprinciple + ال related diagnosis ( مجموعها 10 – 13 تجربة)

لو جاكم دكتور برغش في العملي .. الشرح حقو جدا مهم وممكن يجي منو في الاختبار وحاولو تكتبو معها في المحاضرة واهتم بدفترك في كل محاضرة

باقي الدكاترة الورقة (الروشتة) تكفيك

والاختبار حيكون على جزئين حاجة نظري على شكل اختيارات .. وحاجة عملي مضمونة درجتها ولو حست المساعدة متوفرة من الدكتور قبل زميلك

:::::::::::::::::::::::::::::::::::::::

Physiology

أحب مادة لي وأحسن قسم في اختباراته وتعامله

المادة لها وزنها في المعدل ب8 ساعات .. لكن مش صعب تاخد فيه أعلى الدرجات وتستفيد

درسنا عدة مواضيع
CNS – Blood – excitability(muscle + nerve)
– CVS – Respiratory – Endocrine& Reproductive – ****bolism


في كل المواضبع المذكرات تكفيك .. وإن مشيت على مذكرات الدكتور أحمد العجمي في كل المواضيع فأنت دايما كسبان

في المادة عدة مواضيع تحتاج فهم والحضور مهم وغالب ما يركز عليه الدكتور يجيك في الاختبار خصوصا الدكتور احمد العجمي والدكتور مجدي

العملي حاجة بسيطة .. الترم الاول جميع التجارب لموضوع – blood

الترم التاني .. عن موضوع CVS و Resp.

راح يعطوكم مذكرات للعملي ومنها الاختبار الأوسبي والعملي

:::::::::::::::::::::::::::::::::::::::

Histology

هي تكملة لما تم دراسته في السنة التحضيرية ( تكملة بدون اعادة نظر لما سبق)

المادة تعتمد بشكل كبر على الحفظ وممكن تمثيل الانسجة بالرسم .. وبكده تثبت المعلومة عن التركيب اكتر بتفاصيلها وسهلة الاسترجاع ..وبرضو تربطها بالوظيفة

العملي فيه يكفينا انك تحفظ الشرايح الداخلة معاك في الاختبار كويس .. وبدل ما تقول على شكل طاقية وعلى شكل صاروخ أحسن لو تعرفها وتفهم اللي فيها .. وحتكون مطالب برسم بعض الشرايح في كراسة بالتلويند

ممكن تشتري كتاب Atlas Histology للدكتور محمد عصام الجزء الأول للترم الأول والتاني للتاني

اللي احب انوه عليه ان المادة فيها كلام كتير.. لو ما قعدت تذاكر من بدري حتتراكم عليك وحتكره شي اسمو Histology

وكانت فيه نسبة رسوب مو قليلة خلال الدور الاول

:::::::::::::::::::::::::::::::::::::::


Embryology




أبسط وأخف مادة لها محاضرة وحده في الاسبوع اهم شي لا تتراكم عليك

برضو تكملة لما تم دراسته في السنة التحضيرية ( تكملة بدون اعادة نظر لما سبق)

الترم الاول درسناGeneral Embryology
والترم التاني Special Embryology ندرس أجهزة الجسم وتكونها

المادة فيها تخيل ومتعة بمجرد قرايتك لها واعتمادك على فهمك للتسلسل في نمو الجنين اضافة لبعض الحالات الـ(Clinical)

كان مرجعنا مذكرة الدكتور شريف جلال للترمين..

الاختبار من المذكرات .. وهناك اختبار أوسبي في الفاينال يسألك تتعرف على المحدد بسهم في الصور التالية؟ ( الدكتور يحدد لكم من 20 ل30 صورة نهاية كل ترم)

مرجعنا الأساسي كتاب لانج مان موجود على فولدر الـ 4shared

مواقعEmbryology مساعدة : http://www.indiana.edu/~anat550/cvanim/index.html

- - - - - -
**

رابط المحاضرات وبعض الكتب والفيديوهات.. وكذلك الـ ٍstudy Guide لبعض المواد يحتوي على فقرات الكورس وكل ما يخص المادة بالتفصيل .

http://www.4shared.com/dir/kOaN0O1m/sharing.html


الدكتور سامي القايدي رئيس قسم التشريح كان ينسخ لنا ملفات تخص الاناتومي فيديوهات بإمكانكم تاخدوها منو شخصيا

اقتباس:
المشاركة الأصلية كتبت بواسطة [FONT=&quot
د. سامي القائدي;1313231[/FONT]]
اقتباس:
المشاركة الأصلية كتبت بواسطة [FONT=&quot

لدي مجموعة كبيرة من الملفات التعليمية مثل الكتب الالكترونية، البرامج التعليمية، ملفات الفيديو والكثير غيرها والتي تخص جميع السنوات الدراسية بالكلية. يمكنكم الحصول عليها مباشرة مني شخصيا فقط احضر هارديسك خارجي الى مكتبي او يمكنكم الوصول اليها من خلال اي كمبيوتر في الجامعة من خلال الشبكة الداخلية في الجامعة باتباع الطريقة التالية:

1- اضغط "ابدأ" او "Start"
2-
تشغيل او "Run"
3-
اكتب"medbp62\\"
4-
اضغط enter

جميع المجلدات التي ستراها هي على جهازي وستتمكن من تحميل اي شيء تحتاجه من خلال المجلد المسمى Educational



هذا وصلى الله على نبينا محمد

وبالتوفيق إن شاء الله














 

التعديل الأخير تم بواسطة alloosh90 ; 22-09-2010 الساعة 01:23 AM
التوقيع


- - - - - - - - - -
بلغ العلى بكماله...

...
.............كشف الدجى بجماله...

حسنت جميع خصاله...

.............صلوا عليه و آلـــه...



- - - - - - - - - -


  رد مع اقتباس
قديم 22-09-2010, 08:53 AM   #32
DOCTOR2016
ضيف جديد

 

بداية أسأل الله جل وعلا أن يوفق كل من شارك وتقاعل
بكتابة هذه الموضوع وأن يرزقهم الإخلاص في العمل أينما كانوا,
صراحة موضوع استفدنا منه الكثير يعني الشخص قبل لا يتجه إلى
السنة القادمة يكون عنده خلفية
عن المواد, الدكاترة, طريقة الأختبارات, أساس المادة .
وألف شكر للجميع.












 
  رد مع اقتباس
قديم 22-09-2010, 11:39 AM   #33
heroo
عضو صاعد

 

جزاك الله خير اخ علوش على المعلومات الرائعة












 
  رد مع اقتباس
قديم 23-09-2010, 02:14 AM   #34
!. sub zero .!
.!مآنَـِي َعـَلِى خـبًركِ !.

 

آخوي. عـلوش جزآآك الله آلف خيرآ..

..
ومأيهونوآ البقـيه الله يوفقهم .

...
حبيت اسألك الموآد الطبيه ندرسهآ نظري + عملي وألآ فـيه موإد نظري بـس ؟؟.













 
  رد مع اقتباس
قديم 23-09-2010, 04:54 PM   #35
alloosh90
عـضـو شــرف
 
الصورة الرمزية alloosh90

 

ويجزاكم إن شا الله

ما عملنا حاجة والفضل لأخواني في المنتدى

الشكر لهم ولكم على حسن التفاعل


اقتباس:
المشاركة الأصلية كتبت بواسطة !. sub zero .! مشاهدة المشاركة

...
حبيت اسألك الموآد الطبيه ندرسهآ نظري + عملي وألآ فـيه موإد نظري بـس ؟؟.

لكل المواد جزء عملي .. عدا الـ Emberyology فهي نظرية

الأناتومي ... التعرف على التراكيب في الجثة والنماذج الموجودة في المشرحة
الهستولوجي.. التعرف على الأنسجة تحت المجهر
biochemistry ... بعض التجارب في المختبر ذات العلاقة الاإكلينيكية والمرتبطة بالمنهج للي درستوه
الفيزيولجي .. تابعة للمواضيع اللي تدرسوها

بالتوفيق
ان شا الله












 
التوقيع


- - - - - - - - - -
بلغ العلى بكماله...

...
.............كشف الدجى بجماله...

حسنت جميع خصاله...

.............صلوا عليه و آلـــه...



- - - - - - - - - -


  رد مع اقتباس
قديم 30-09-2010, 12:45 AM   #36
Dr.Esra'a
عـضـو شــرف
 
الصورة الرمزية Dr.Esra'a

 

السلام عليكم و رحمة الله و بركاته

أول شي شكرا عالانفايت alloosh ... و الموضوع جدا عبقري ما شا الله ... و الفكرة أكثر من رائعة

و لو حابة اتكلم عن تجربة لسنة من سنوات الطب ... حاتكلم أكيد عن السنة التالتة طب ... أو تانية بالنظام الجديد ... و اللي تعتبر إلى الآن أجمل سنة و أروع تجربة خضتها خلال الطب




تجربتي لـ " السنة الثانية طب ( 1430 - 1431 هـ ) "



في دي السنة حتدرسو 5 مواد ... 3 منهم جديدة ... و 2 منهم مكررة لكن بمواضيع جميلة جدا
أول مادة و أهم مادة من حيث الأساس و المعلومات و الوحدات هي



Pathology

درسونا هيا د. نجوى الرائعة ... د. إيمان ... د. حنان

أول حاجة لا تخافو من دي المادة و من الكم الكبير للمعلومات فيها ... و إلى الآن أحاول افتكر لحظة كرهت فيها المادة ... ما افتكر أبدا ... المادة جميلة جدا ... و منوعة ... حتى في المزاكرة للفاينال أو الميد يير ما تملو ان شا الله ... لانو صح في معلومات كتير ... لكن كلو مقسم سيستمات ... و كلو منوع و ما في ممل أبدا ...

حتاخدو الـ general pathology في البداية و دا أساس " نوعا ما " للـ systemic pathology اللي حتبدأو فيه جديا عالترم التاني ان شا الله

نجي للي يهم الأغلبية و هيا نظام الاختبارات و التقويم

* حتختبرو كويز أول و كويز تاني في الترم الأول ... الكويزات كانت سهلة جدا ... و ازا حتنقص حتنقص درجة درجتين بالكتير ... و في الاخير كانو يحسبوها لنا 3 درجات و الاختبار من 30 ... يعني الغلطة الوحدة بـ 0.1 ... فالأمور ماشية تمام كانت الحمد لله ... و كانت كلها ام سي كيو ما عدا سؤال تعاريف في البداية ... او النومينيت ... يكتب التعريف و يطلب بس ايش الشي اللي دا تعريفو ... لكن التعريف مكتوب ... و عشان تضمن دا السؤال طول ما انتا بتزاكر اكتب اي مصطلحات مهمة ممكن تجي تعاريفها و جمعها مع بعض في اول المحاضرة مثلا ... طريقة جدا كويسة حتى للمزاكرة بشكل عام

* في اخر الترم الاول اختبرونا اوسبي و انتراكتف كيسيز ...

الاوسبي يحددولنا الصور على كم عرض ... و عليها كومنتات الصور ... طبعا عن نفسي كنت ازاكر كومنت الصورة و ارجع لموضوع الصورة في النظري ... يعني الصورة مثلا عن keloid ... يكون في كومنت جاهز في العرض يتكلم عن الكيلويد ... لكن بنظري و "نصيحة للكل" الكومنت مو كافي ... فكنت ارجع لموضوع الكيلويد في النظري ... و اشوف المعلومات الزيادة ... في الاختبار حيجيبولكم صور على البوربوينت ... و معانا كانت ورقة مقسمة لكل صورة تنعرض في البوربوينت ... كل صورة يسالولك عن ايش الـ diagnosis للصورة اللي قدامك ... و سؤال تاني يكونو حاطين arrow او سهم على حاجة في الصورة و يسالك ايش دا ... و ممكن يحطو كمان سؤال تالت عن اللي شايفو من اطار نظري يعني مثلا ايش الـ complications أو ايش الـ etiology و هكزا ... و عادة أسئلة بسيطة جدا ... و مهما خوفوكم من الاوسبي لااا تخافو ... احنا خوفونا و خرجنا الصراحة من اختبار الاوسبي الترم الاول نضحك على نفسنا من كتر الرعب اللي عيشونا فيه ... الاوسبي بسيط جدا ... و يجونا كانو قبل الاختبار يراجعولنا

بالنسبة للانتراكتف كيسيز ... دي واجبات يدوكم هيا اوقات ... و في الاخير يختبروكم في كم وحدة منهم ... و حاجة تافهة جدا و ضامن درجتها ان شا الله اكتر من الاوسبي نفسو ... كنت ازاكر الاسئلة الجاهزة الموجودة في الـ case ... بالاضافة للرجوع الى الدرس النظري تبع موضوع الـcase ... لانو ممكن يسالو من خارج الاسئلة الموجودة ... لكن عموما الاسئلة سهلة و ممكن من تركيزك في الشرح و المحاضرة تحلها بسهولة

* بالنسبة للميد يير

الاختبار كان تلات ارباعو respiratory
يعني ابدا ما كان في اي موازنة في الاسئلة ... غير انو الريسبايرتوري كان اخر سستم درسناه في الترم الاول ... و ادتنا هوا الدكتورة سريع سريع ... و جا الاختبار كتير منو ... في حين كنا مغطيين المواضيع التانية جدا كويس ... لكن قدر الله و ما شاء فعل ! ... الأسئلة كانت عموما جيدة ... للي شافو الأسئلة اللي في الويب باث ... لانها تشبها كتير ... لكن الاختبار كان في عمومو طيب ... بس يسير نبهوهم على هرجة الريسبايرتوري دي ... و الباقي ان شا الله كلو تمام

* بالنسبة لكويزات الترم التاني نفس نظام الترم الأول ... مضمونة ان شا الله ...

* و اخر الترم التاني اختبرونا برضو اوسبي و انتراكتف كيسيز ... و نفس نظام الترم الأول ما في أي فرق و امكن اسهل كمان ... لكن الصرااااحة ... الدكتورة ما راعتنا في التصحيح ... خرجت درجات البنات و خرجت درجات الاولاد للعملي ... درجات البنات معدلها اقل بكتير من درجات الاولاد ... اللي هوا الشي اللي مفروض يكون العكس ... لكن اتضح انو الدكتورة مررررة دققت ... فحاولو السنة تنتبهو لدا الشي

* اختبرونا كمان في اخر السنة عملي ( سلايدات الهستوباثولوجي ) ... اتعب و اقول انو شي تااافه ... و حرااام الواحد يغلط فيه اصلا ... لانهم يحددولكم السلايدات ... و تشوفوها و تراجعوها مليون مرة ... بس حاولو معاهم يوروكم كل العينات من السلايد الوحدة ... عشان ممكن تختلف عينة عن عينة ... و تلخبطك في الاختبار ... لكن لا تشيلو هم هما اصلا بيحطو كل العينات ... لكن انتبهو لو ما سوو دا الشي ... غير كدا الاختبار سهل جدا و حرام الواحد يغلط فيه

* نجي للفاينال ... الحمد لله كان حلو الاختبار ... و منوع اهم شي ... و كتيييير يعتمد على اسئلة الويب باث ... و أسئلة السنين الماضية " بس مو مرة " ... بس اخر الاختبار كان في سؤال كتير اعترضو عليه ... سؤال يجبلك جدول ... و يقلك اختار A ازا شايف انو الاختيار الاول هوا الصح بس ... و اختار بي ازا شايف انو الاختيار التاني و التالت و الرابع هما الصح بس ... و اختار سي ازا كنت شايف انو الاختيار التاني و التالت هما الصح بس ... و هكزا الين e .. المهم جانا في اختبار الترم الاول بس كان سهل و ماشي الحال ... في الفاينال جا بعشرة فقرات ... و الاختيارات متداخلة جدا ... و الاحتمالات كتيرة ... المهم كتير اعترضو عليه بس ما سار شي ... حاولو دي السنة و نصيحة مني انهم ما يحطو سؤال زي دا في الاختبار !!!

...

بالنسبة للمصادر في الباثولوجي

الصراحة ما في شي محدد !! ... عن نفسي زاكرت الجينيرال من الباثولوجي اليستريتد و كان جميل بس مرررررة ما يكفي لوحدو ... معلوماتو ناقصة ... لازم مع المحاضرات ... تقريبا كل السستمات كدا ... نوفق كنا بين اكتر من مصدر ... و خاصة من الاولاد ... فـ أي سستم تبداو فيه ... اسالو عن السورس اللي تزاكرو منو ... لانو كتييير تحصل نبدا نزاكر في سورس و بعدين نرجع نغيرو ! ... لكن كنت ازا دكتورة نجوى ادتنا سستم ازاكر من محاضراتها لانها ثقة ... و محاضراتها جدا رائعة ... لكن نتعب لمن غيرها يدينا ... دكتورة حنان كانت غالبا تاخد محاضرات دكتورة نجوى و تزيد عليها كمان ... فكنا نزاكر منها و نشوف برضو اللي عند الاولاد ... فحسب كل سستم تختلف السورسات ... و قد ما تقدرو جمعو معلومات

...

طريقة المزاكرة في الباثولوجي

أول بأول ... لا تراكمو شي ابدا ... و الاهم اسئلة الويب باث ... ركزو عليها مررررة كتير منها تجي في الاختبار ... غير انها اصلا مفيدة كتثبيت لمعلوماتكم

...

و في الاخير لا تخافو من الباثولوجي ... كتير جابو فيه امتياز ... المادة بـ 13 وحدة فزاكروها كويس و ادوها وقتكم و ان شا الله اموركم كلها تمشي تمام ... حتى لو ما بان في البداية حيبان في الاخير ان شا الله




lllllllllllllllllllllllllllllllllllllllllll

تاني مادة

Microbiology

من أروع أروع المواد ... و قسمهم أروع قسم ... ادتنا هيا دكتورة أسماء الجندي الرائعة ... و دكتورة ندى الرائعة أيضا

* السورس ثابت ما يخرجو عنو ... اللي هوا كتاب مصور لدكتورة عبلة ... لكن خلو الكتاب دايما معاكم في المحاضرات ... عشان لو قالو حاجة مهمة يسير تاشرو عليها ... او اضافو حاجة يسير تضيفوها ... و طول ما هما ماشيين حيقولولكم الحاجات اللي ممكن تجي ام سي كيو

* الكويزات هدية و من احلى ما يكون بس يبغالها مزاكرة كويسة طبعا

* الميد يير و الفاينال اتعب و اقول قد ايه هما تافهين امكن اكتر من الكويزات نفسها

* الترم الاول حتاخدو intro + immunity و الاميونيتي روعة و حاجة بالفهم بس تقريبا

* الترم التاني اخدنا bacteriology + virology ... و تحسو هنا من جد بمتعة المايكرو ... يتكلم عن كل بكتيريا و ايش خصائصها و من دا الكلام ... و لا تتخيلو انو الاسماء صعبة او الامور ممكن تدخل في بعضها ... بالعكس كلو حيكون واضح ... و كل بكتيريا حتتكلم عن نفسها ... بس لازم تزاكرو كويس و عالاقل مرتين عشان ما تتلخبطو ... اما الفايرولوجي ... دا شي تااااني ... حاجة جدا سهلة و حيبداو فيها على اخر الترم تقريبا و تحسو انو كتير و متى حنخلصو و مدري ايش ... و في الاخير تكتشفو انو اصلا كلام معاد ... و الموجود اصلا سهل و يخش العقل على طول

* في اخر الترم الاول اختبرونا عملي ... في معمل المايكرو ... اصلا يكونو حاطين الاشياء تراجعوها قبل الاختبار ... يعني مرة سهل الحمد لله ... و ما كان في اوسبي الترم الاول

* اخر الترم التاني ما اختبرونا عملي ... اختبرونا اوسبي بس ... كان روعة الحمد لله ... اصلا هما راجعولنا الحاجات اللي ممكن تجينا قبل الاختبار ... و هيا اللي زاكرناها و دخلنا الاختبار عليها و الحمد لله كلو كان تمام

* زاكرو المادة اول و باول و لا تخلو الباثولوجي يضيع عليكم 7 وحدات ممكن تاخدوها بسهووولة

و في الاخير المادة رااائعة ... و الاغلبية جاب امتياز فيها



lllllllllllllllllllllllllllllllllllllllllll

تالت مادة

Parasitology

المادة دي تغيير جو فعلا عن بقية المواد ... حتاخدو الديدان و الطفيليات و تدرسوها بشكل مقرف ... لكن في الاخير المادة حلوة و لزييييزة

كانت تدينا هيا دكتورة أماني ... دكتورة و أخت و أم و كل حاجة ... أخلاق و علم و ثقافة ما شا الله تبارك الله ... الله يزكرها بالخير دفعتنا كانت اخر دفعة تدرسها ... اعتبر مغادرتها الكلية خسااااارة كبيرة !!

كانت كل كلمة تقولها تجي في الامتحان ... اكون صريحة السورس المصري اللي كنا نزاكر منو ما كان يضمن الفل مارك او ما يقاربها في الامتحان ... لانو ناقصتو معلومات كتير كانت تقولها في شرحها ... لانها ما شا الله خبرة كم سنة في الكلية ... لكن ما اعرف كيف حيكون وضع البنات السنة ... لكن ان شا الله خير

* اهم شي في دي المادة " التجميعااااات " ... بدون التجميعات حتضيع منك درجات كتير حتى لو مزاكر كل دودة مررررة كويس ... لازم تجمع المعلومات مع بعضها ... و اصلا حتلاقو موجودة اوراق جاهزة للتجميعات ... زاكروها و الاختبار " الميد يير و الفاينال " اصلا كلو حيكون من زي كدا ... مثلا كل الديدان دي تعمل مشاكل في العين ما عدا ... و هكزا
كانت في أوراق نزلت اخر السنة لدكتور أيمن عبارة عن تجميعات نزلوها قسم البنين ... الصراحة الصراحة لو ما الله ثم اني زاكرت منها ما كان حليت كويس في الاختبار مع اني مزاكرة المنهج كويس ... لكن التجميعات مرة غير ... و الاختبار كلو تجميعات ... بس يجبلك سؤالين تلاتة او اربعة في الاخير عن كيسيز ... و دي حط درجتها في جيبك ... اسئلة مرة سهلة

* بالنسبة للكويزات ... مو بس تعتمد على التجميعات ... لازم تكون مزاكر الدودة كويييييس ... و تجي في الكويزات اسئلة من الشرح خارج السورس المصري ... فلازم تكونو منتبهين لكل اللي ينقال في المحاضرة

* اختبرنا براكتيكال في الترم الاول و التاني ... كلو كانت تحددو لنا ... كنا نمر على spots ... مايكروسكوبات أو jars أو boxes ... و معاكي ورقة يسالو ايش اللي قدامك و ممكن يسالو كم حاجة عليه بس ... يكونو هما حددولكم اللي ممكن يجي في العملي ... يسير تراجعو الدرس النظري تبعو ... و نصيحة لا تراجعو اللايف سايكل تبع الدودة بس ... لانو حيقولولكم كدا ... لكن الاسئلة تكون خارجو ... فانتبهو و زاكرو كل شي للحاجات اللي حددولكم هيا ... و عموما البراكتيكال درجاتو مضمونة بازن الله

* اللايف سايكل life cycle لأي دودة حاولو دايما ترسموها رسم بيدكم ... لو كان السورس اللي حتزاكرو منو ( اقصد الدفعة اللي بعدنا ^^ ) نفس السورس اللي زاكرنا منو احنا ... فأنا كنت راسمة اللايف سايكلز تبع كل دودة " من نفس كلام الملزمة بدون نقص و ممكن زيادات مهمة كمان " ... ان شا الله انزلها لكم حتستفيدو منها و حتوفر عليكم وقت و جهد كبير ... و تدعولي اهم شي

و في الاخير زاكرو المادة كويس و اضمنو ان شا الله الايه بلس فيها و انتبهو انتبهو للتجميعات و الشرح



lllllllllllllllllllllllllllllllllllllllllll

رابع مادة

Anatomy

درستنا الـ head & Neck منو د. أميرة ... و النيورو درستنا هوا د. مها

في الترم الأول بدأنا هيد اند نك و في نص الترم الاول بدأنا نيورو و خلصناه ... و رجعنا كملنا هيد اند نك الترم التاني

أولا : النيورو أناتومي

كورس رائع ... و مع دكتورة مها أروع و أروع ... ما اخدنا كل شي ... في اشياء كتير حزفوها ... و الكويز اللي كان في النيورو كان سهل عالاخر ... و اسئلة الفاينال فيلو كانت حلوة كمان ... عموما النيورو كورس حلو كلو على بعضو

ثانيا : head & Neck

من أكتر المناطق التشريحية تعقيدا في الجسم بنظري ... و الأصعب ... لكن منطقة مختلفة تماما عن المناطق الاخرى ... و ممتعة ... الكويزات سهلة ... و الميد يير و الفاينال فيهم كانو حلوين الحمد لله

* بالنسبة للسورس ... في ناس كانت تزاكر من اوراق دكتور ياسر من قسم البنين ... و في ناس كانت تزاكر من مزكرة لسامح دوس ... انا كنت ازاكر مزكرة سامح دوس ... لانها مرتبة و معلوماتها شاملة تقريبا ... لكن برضو اقرا اوراق الاولاد اشوف الناقص ... عموما اي سورس ترتاحولو زاكرو منو ... المهم انكم ما تشتتو نفسكم و احفظو مرررررة كويس و الله معاكم ان شا الله

* بالنسبة للعملي ... سهل لأبعد الحدود زي منتو عارفين ... سواء للترم الاول او الترم التاني




lllllllllllllllllllllllllllllllllllllllllll

آخر مادة

Physiology

د. هالة ... د. وفاء ... د. إيناس ... د. أمل

حتاخدو الترم الاول ... GIT + CNS ... الجي اي تي مع دكتورة امل اخدناه ... و السي ان اس مع الرائعة د. هالة ... السي ان اس من اجمل كورسات الفزيو ... عن نفسي زاكرت السي ان اس من العجمي لانو هوا اللي كان يدرس قسم البنين وقتها ... فما يخرج عن معلومات كتابو ... و اسئلة الفزيو الترم الاول كانت حلوة

الترم التاني كملنا الموتور Motor من السي ان اس مع د. هالة و برضو من العجمي زاكرناه ... و بدأنا بعدو special sense مع دكتورة أمل و كان كورس رائع ... و زاكرناه من العجمي ... و كانت اسئلة الكويز منو written و كانت معلوماتنا من العجمي كافية فعلا ... و بعدها بدأنا renal مع دكتورة وفاء و كان كورس ضايع على اخر الترم ... لكن الحمد لله دكتورة وفاء شرحها ما يحتاج ما شا الله ... زاكرنا رينال من شرحها و كلامها ... كان لها أوراق كاتبة فيلو شرحها ... صراحة الرينال مع شرحها بسيط و حلو ... قريتو من سورسات تانية حسيتهم معقدينو شوية ...

* العملي الترم الاول كان عبارة عن CNS ... و زاكروه من محاضرات دكتورة هالة في العملي مرررة كويسة ...

و الترم التاني عملوه اوسبي ... مكرر من السنوات الماضية كالعادة مع بعض الاختلافات ... ادتنا دكتورة هالة مجموعة فيديوهات ... جات منها كتير ...

* الميد يير و الفاينال كانو حلوين الحمد لله



**************************


دا اللي في بالي حاليا ... و سنة تالتة أكتر سنة ممكن ترفع بيها معدلك بكل سهولة ... قد ما تزاكر و تجتهد قد ما تجيب ... فزاكرو كويس عشين تجيبو درجات حلوة ان شا الله

و ان شا الله حاكون معاكم يا دفعة سنة تالت دي السنة ... ازا تحتاجو اي حاجة نحنا موجودين في اي وقت ... و ان شا الله ما نبخل عليكم بحاجة ...

و من جد سنة تالتة سنة رائعة ... و تجربة لا تنسى ... فيها جهد و الجهد مثمر ... قربتنا أكتر من بعض ... و ما أقلكم انها سنة سهلة ... ما كانت سهلة أبدا ...و لا صعبة أبدا ... لكن ممتعة بكل زكرياتها ... و بكل همومها ... و بكل أفراحها ... حتغيركم كتير ... أهم شي لا تقصرو ... و سوو اللي عليكم في دي السنة و أكتر ... و أهم شي رضا الله و رضا الوالدين و الأخلااااق اللي تضيق مع الهم و الضغط ... و التوفيق حيكون من عند الله عز و جل ... و معليش صرعتكم بالألوان

موفقين يااا رب













 

التعديل الأخير تم بواسطة alloosh90 ; 30-09-2010 الساعة 08:51 PM سبب آخر: بطلب من صاحب المشاركة
  رد مع اقتباس
قديم 30-09-2010, 01:00 AM   #37
7شموخ7
عضو فعال

 

مــــــــــــره شكرا Dr.Esra'a
جزاكِ الله خير وربنا يوفقك
مره كنت متوتره طمنتيني












 
  رد مع اقتباس
قديم 30-09-2010, 04:35 PM   #38
alloosh90
عـضـو شــرف
 
الصورة الرمزية alloosh90

 

Dr.Esra'a

لك الفضل والشكر الأكثر والجزيل
على حضورك الأمثل

أفدتنا وأمتعتنا بجميل الطرح والأسلوب


لك أطيب المنى والدعوات

ودمتم بكل بخير














 
التوقيع


- - - - - - - - - -
بلغ العلى بكماله...

...
.............كشف الدجى بجماله...

حسنت جميع خصاله...

.............صلوا عليه و آلـــه...



- - - - - - - - - -


  رد مع اقتباس
قديم 28-05-2011, 09:18 PM   #39
طالبة صيدلهـ
عضو

 

بجــــــــد ~

الله يووفقكم كلكم يــــــآآرب وييسرلكم أمووركم ~














 
  رد مع اقتباس
قديم 30-06-2011, 11:54 PM   #40
رحيق الحياة
ضيف جديد
 
الصورة الرمزية رحيق الحياة

 

السلام عليكم
ممكن اسأل عن دوام ال Orthopaedics كيف

وابغا اعرف ازا اول اسبوع مهم مرة ولا لا
لان عندي ظروف واحتمال ماقدر اجي
يعني ينفع ازاكر المحاظرات ف البيت ولا ماينفع ؟؟

و جزاكم الله الف خير ..












 
  رد مع اقتباس
قديم 21-07-2011, 05:55 AM   #41
نعناع مديني
عضو

 

^^

أحلى دوام في تاريخ الكلية هو دوام الأورثو..

8-10 محاضرات في الجامعة..
10-12 سيشن عملي في مستشفى الملكـ فهد..

بما انه الكورس قصير فأكيد الأسبوع يفرق.. لأنه الميد في الأسبوع الثالث والفاينال في الخامس..
والمحاضرات مع د. الصندقجي ود. خوش حال بالإضافة للعملي مهمة جداً وراح تفيدكم ..

لي عودة في وقت لاحق للإضافة ان شاء الله












 
  رد مع اقتباس
قديم 29-08-2011, 04:19 AM   #42
shosheta
عضو

 

الله يعطييكم الللف عااافيه
ماااقصرتو
شرحتو وكفييتو ووفيتو
و انتظرووونا بأسئلتنا ح نطفشكم هع












 
  رد مع اقتباس
قديم 29-08-2011, 06:42 PM   #43
*$$ المايستروو $$*
عضو محترف
 
الصورة الرمزية *$$ المايستروو $$*

 

بخصوص السنة الرابعة لعام 1431-1432 هـ

هم مشابه لحد كبير لماذا ذكرته الاخت Doctor2014 لعامها باستثناء تغير بعض الدكاترة والاختلاف بين الطلاب والطالبات وبعض النقاط

فاذا اردتم ان اكتب سوف انسخ معظم ما كتبته واعدل بعض الاشياء التي تغيرت >>> هههه كسلان

ولكم حرية الاختيار !!












 
  رد مع اقتباس
قديم 01-09-2011, 06:39 PM   #44
رحيق الحياة
ضيف جديد
 
الصورة الرمزية رحيق الحياة

 

نعناع مديني شكرا و جزاكي الله الف خير على الرد وبأننتظار اضافتك ^_^


المايسترو ياليت تفيدنا بأضافاتك الله يعطيك العافيه












 
  رد مع اقتباس
قديم 03-09-2011, 11:10 PM   #45
*$$ المايستروو $$*
عضو محترف
 
الصورة الرمزية *$$ المايستروو $$*

 

السلام عليكم

هذه تجرتي للسنة الرابعة عام 1431 -1432 هـ

لكن احب انوه في البداية أن بعض ما سأكتبه من خلال تجربة الاخت Doctor2014 بحكم التشابه
مع بعض الاختلافات التي سأضيفها

واعذروني على طريقة كلامي ما اعرف انسق الكلام

بسم الله الرحمن الرحيم..

السلام عليكم ورحمة الله تعالى وبركاته..

السنة الرابعة بكلية الطب..

سنة متنوعة بتجاربها وخبراتها والمستشفيات المختلفة اللي حتتنقلوا بينها..
حتكتسبوا خبرة من كثير من الأطباء في مجالات مختلفة..
بنهاية هذه السنة حتكونوا ألقيتوا نظرة على معظم التخصصات الطبية..
وبإمكانكم التفكير في موضوع اختيار التخصص..

المواد اللي حتدرسوها في الفصل الدراسي الأول هي الآتي:

بالنسبة للطلاب:
طب الأطفال
ثم
طب العيون وطب الأنف والأذن والحنجرة

بالنسبة للطالبات:
طب جراحة العظام
الطب النفسي
طب الأسرة وطب المجتمع
التشريح التطبيقي
الطب الشرعي
والفصل الدراسي الثاني العكس.
__________________________________________________ ________________________

نبدأ بالفصل الدراسي الأول:

Paediatrics
في مستشفى الولادة والاطفال
القسم من أفضل الأقسام في كلية الطب، والأطباء على مستوى عالي من الخبرة، وجدا حتستفيدوا منهم.
المادة جدا مهمة، مدتها ما يقارب الثلاثة أشهر وتضرب في 13 وحدة!

الدوام:
من الساعة 8 إلى 9:
Meeting
اجتماع يومي خاص لأطباء مستشفى الأطفال يعرضوا فيه الأطباء المقيمين الحالات اللي بتواجههم..
مجبرين لحضور الاجتماع وبياخذوا الحضور.
تفيدكم من ناحية المعلومات وتشوفو حقين الامتياز كيف يعرضو الحالات ومناقشتهم

من الساعة 9 إلى 12:
Practical session
العملي مع الدكاترة،
الدكاترة رائعين وعلى مستوى عالي من الخبرة وجدا حتستفيدوا منهم إن شاء الله.
استغلوا وجودكم معاهم.
وحاولوا أنه الدكاترة ما يكثروا معاكم كلام نظري وينسوا العملي لأنه هذا اللي بيحصل للأسف، ولما تقرب الاختبارات العملية نلاقي نفسنا ما ادربنا كويس عالعملي.
حاولوا تعرفوا طريقة كل الدكاترة اللي معاكم واطلبوا منهم كلهم أنهم يشرحولكم ويدربوكم على طريقة الفحص لكل السيستمز. وادربوا كويس معاهم. أهم شي Train, train, train


وحاولو في كل سشن تأخذو حالات في نفس تخصص الدكاترة
مثلاا
Cardiology

تخصص الدكتور خالد الحربي، والدكتور سعد خوش حال.
د. سعد راح تستفيدو منه كثيير دكتور جدا طيب
أما د. خالد ما قد حضرت معاه سشن واحمد ربي على ذلك لكن سمعته بين الطلاب تعبانه حتى في الاختبارات
أما الطلابات عندهم العكس

Respiratory
تخصص د/ محمد عبد الرسول
دكتور جدا طيب واختصاره حلو SMPUS راح تفهمو لمن تحضرو معاه
وكلامه يجيبه في الاختبار العملي ويعطيكم MCQ يجي منها في الاختبار

GIT
من الاشياء المهمة كيف تحسب السوائل اللي تعطيها في حالة ال GE او غيره
ما فيه دكتور متخصص في هذا المجال لكن مهم في الاختبارات سواء نظري او عملي

Endocrine

وهو تخصص الدكتور المغامسي، من أفضل الدكاترة اللي قابلتهم في حياتي ما شاء الله.
و د/ عبد الهادي حبيب، من المستشفى.. دكتور جدا ممتاز ما شاء الله..

Neurology
مرة شائعة وتجي كثير في الاختبار
Epilepsy and febrile convulsions
تجي long أكثر
د/ عمرو مرداد، دكتور متعاون مع الجامعة، وجدا متعاون ما شاء الله وخبير ونابغة في تخصصه، والدكتور محمد إمام من المستشفى برضو خبرة ما شاء الله.

Hematology
دكاترة في غنى عن التعريف، الدكتور محمد زللي، والدكتور زكريا الهوساوي.
على فكرة رئيس القسم دكتور محمد زللي
وهو دكتور جدا خلوق ومتعاون وطيب وكذلك الدكتور زكريا

Renal
الدكتورة شيرين، معلوماتها في السشن جدا مفيدة ومهمة، لا تفوتولها العملي أبدا.
الدكتور الإدريسي من اقدم الدكاترة ولكن علمه بدأ يطير محاضراته كلها كلام في الماضي والتاريخ وتجيب النوم

Nutrition: FTT, rickets
الدكتورة سمية جدا جدا جدا جدا طيبة

Immunology

الدكتور عاطف البوق، تخصصه أمراض مناعية لكن ما شاء الله تستفيدوا منه في كل شيء.

الدكتور المزروعي، "مستشفى أحد" دكتور علم وخبرة ومحاضرات غير، جدا حتستفيدوا منه، ونصيحة لاتفوتوا ليه أي سيشن. واكتبوا كل شي يقولوا لأنه يسأل من محاضراته. وانقلوا محاضراته من بعض لانه كل جروب ممكن ياخد محاضرة مختلفة عن الجروب التاني.

Neonatology
دكتور ايهاب دكتور جديد
ولكنه جدا رائع واسلوبه جدا سهل وممتع وخلوه يوريكم كيف تفحصو المواليد جدا رائع

من الساعة 1 إلى 2 او 3:
Theoretical lectures and tutorials
محاضرات نظري، ويومين توتوريال عروض للطلاب



الكتب هي الآتي:

الكتابين هذا أنا ومعظم الطلاب نستخدمه
النظري
Illustrated textbook of Paediatric
Tom Lissauer

العملي
Manual of Clinical Paediatric
Mansour N. Alhowasi

فيه كتاب اخر

Manual of Paediatrics
Nasser Gamal
هذا له اكثر من كتاب في العملي والنظري وهو كتاب جيد لكن كبير وغير ملون
وفيه طلاب كانو يستخدموه



توزيع الدرجات نسيتها والله لكن اتوقع :
50 نظري
50 عملي موزعة كالآتي:
20 ، حالتين شورت بين الميد والفينال
20، لونج فينال
10، Log Bookتحضير حالات، وحضور طواريء.


نصيحة:
الكورس مهم ومفيد وشدوا حيلكم فيه. لأنه هذه المعلومات بتكون معاكم لسنة الامتياز إن شاء الله..
اعرفوا الحالات الشائعة كويس، D.D. and management وكل شي..

الاختبار
بالنسبة للنظري: ذاكروا أول بأول، والحالات الشائعة والأشياء المهمة اللي يركزوا عليها الدكاترة في السشن ذاكروها كويس..

بالنسبة للعملي: ادربوا عالهستوري والاكزامينشن كويس..
وجيبيو حالات في تخصص كل دكتور عشان تستفيديو وخلو كل واحد يعمل اقزامينيشن على المريض
واهم شي اتدربو انكم تاخذو هستوري وفحص كامل سريييييع لأنه في الفاينال قدامكم حدود 40 دقيقة فقط وبعدها على طول تخش على examiner
لذلك اتدربو من بدري

وربي يوفقكم






ENT and Ophthalmology

في مستشفى أحد
مدتهم مع بعض 6 اسابيع
طريقة الكورس ملخبطة ومشتته
في الصبح ينقسم الطلاب مجموعتين مجموعة ENT ومجموعة Opth وفي الظهر يجتمعو للنظري
وبعد 3 اسابيع المجموعتين اللي في الصبح يعملو شفت أما الظهر ما في اختلاف
احلا ما في الكورس انه كان خفيف وكان فيه تأخر من الدكاترة واهمال
وايضا انهم اول قسم ندخل فيه غرفة العمليات وكان شي رهيب والله

ENT
من المواد السهلة إن شاء الله..
رغم أنه اختباراته كانت صعبة..
باشراف دكتور نعيم مخدوم ودكتور عصام عارف
يعني متوسطين

الدوام:
خفيف من 8 او 9 الدنيا كانت ملخبطة إلى 12 مابين عيادات وعمليات وسشن.
من 1 إلى 2 او 3 أيام في الأسبوع محاضرات نظري للمجموعتين.
المحاضرات يومين عيون ويومين انف
اعملوا جدول وابدؤا مذاكرة من نفسكم، مو شرط تكونوا أخذتوا المحاضرات، عشان الوقت ضيق ولازم تلحقوا ولأنهم ما يشرحوا كل شي وحيأخروكم كثير إذا استنيتوا لين ما يشرحوا لكم.

توزيع الدرجات:
20 نظري ميد
40 أوسكي نهائي (لا يوجد عملي)
40 نظري نهائي.

المراجع:

النظري:
oto-rhino-laryngology head and neck surgery الدكتور طارق كتاب مختصر جدا
وهو المرحع الوحيد بالنسبة لي

تبغوا معلومات أكثر، في كتاب هندي تلاقوا عند الدفعات السابقة textbook of ear, nose and throat, Toli:
الكتاب حلو بس طويل جدا
وكمان محاضرات الدكتور نعيم مخدوم مهمة.

الأوسكي: في أطلس ENT diagnosis
ومراجعة الصور مع الدكتور



Ophthalmology
بالنسبة لمادة العيون:
قسم جدا رائع، بإشراف الدكتور معن ،ومشاركة دكتور نشأت.
دكاترة جدا متعاونين ما شاء الله.

الدوام:
8-9 محاضرة
9-12 عملي: عيادة أو عمليات او سشن
1-2 محاضرات في يومين من الاسبوع والثاني ENT

توزيع الدرجات:
20 نظري ميد
40 اوسكي لا يوجد عملي
40 نظري نهائي

المراجع:
النظري: بالنسبة للدكتور نشأت اكتبوا معاه، والدكتور معن بيعطي المحاضرات أو من الموقع
Ophthobook.com
وما يخرجوا عن محاضراتهم في الأسئلة، بس ركزوا كويس في المحاضرات..

العملي: الصور من المحاضرات ومن الموقع في الغالب.


مواد سهلة وبسيطة إن شاء الله..
لكن اختبار ENT كان شويه صعب
ولكن كورس جميل جدا


__________________________________________________ ________________________

بالنسبة للفصل الدراسي الثاني:

Orthopaedics
في مستشفى الملك فهد
مدة الكورس: 4 أسابيع وثلاث ايام
المفروض 5 اسابيع بس النفسية احتاجو يومين اخذوها من العظام


الكورس من أجمل الكورسات برئاسة الدكتور الفاضل عبد الله صندقجي "من أكثر الأطباء أخلاقاً واحتراماً للطلبة"..
والدكتور خالد خوش حال، أيضا دكتور خلوق وطيب..
وكل دكاترة المستشفى طيبين وحتستفيدوا منهم كثير..
ما شاء الله قسم مميز..
بالرغم من أنه الدرجات للأسف ما كانت مرضية..

المراجع:
النظري:

1- Fractures and Dislocation
Badr and Shaheen
المرجع الأساسي لموضوع الكسور والخلوع اتوقع هي ترجمة Dislocation

2- Apley's Concise system of orthopaesics and fractures
لبعض المواضيع واذا ماتهمكم الصور صوروه لأنه ما راح تستخدموه كثير

واكتبوا مع الدكتور، وركزوا عالصور لأنها تجي في الأوسكي..

العملي:
بالنسبة لي فقط ذاكرت كلام الدكاترة وجزء بسيط جدا من اول كتاب اللي هو
1- Orthopaedic Examination
Made Easy
Hand book
مختصر وجيد

2- Clinical Orthopaedic Examination
Ronald McRae
ميزة الكتاب أنه مليء بالصور والرسومات عن طرق الـ examination و X-ray
لكن طويل جداا، أسود وأبيض فممكن تصوروه إذا حابين تطلعوا..وفيه برضوه نسخة الكترونية لمن اردا




العملي الامور كانت ملخبطة الدكاترة يا متأخرين يا مسافرين لكن اتيسرت
المهم كل دكتور له تخصصه وحاولو انه كل واحد يركز على الاقزامينيشن تبعه
ونسيت والله اسماء الدكاترة وتخصصاتهم لأنهم من المستشفى
لكن اهم شي طبقووووووو


في العملي مهم جدا جدا outpatient حاولوا تروحوا العيادات كثير لانه معظم الحالات هناك ومنها تجي الاختبارات وخاصة knee, shoulder, and most specific tests، وما حتلاقوا حالات في inpatient معظمهم postoperative وكسور وحوادث وما حتقدروا تدربوا عليهم، الشيء الوحيد المهم فيها أنكم تتعرفوا على أنواع الجبائر الموجودة..

الاوسكي ركزو على صور المحاضرات لأنها تجي بالضبط وطبعا ماراح يعطوكم اياها الا بدون صور

الكورس على العموم أفضل كورس خلال الترم بالنسبة لمعظمنا.. لكن الدرجات كانت العكس للأسف..

الدرجات والله ما اذكر ( انا ما اركز على التقسيمة اركز على النجاح )
لكن نظري غالبا من 50 على ميد وفاينال
وفيه عملي غالبا من 30 درجة
وفيه اوراق عيادات وعمليات وعنابر للمرضى هذي لازم تمرو عليها ويوقع عليها الدكتور اللي حضرت معه درجته 5
وفيه اختبار اوسكي اتوقع له باقي الدرجات

الاختبار
النظري كالعادة اسئلتهم صعبة لكن الحمد لله تعدي
العملي جيد تمر على خمس حالات وكل حالة عندها دكتور فقط Examin مافيه هستوري

والحمد لله انتهى كورس العظام


Psychiatry
في مستشفى النفسية
مدة الكورس: 3 اسابيع ويومين
اليومين هذي من العظام كما اسلفت
القسم هذا بالرغم من انه اقصرهم مده الا انه اسوأهم برئاسة الدكتور رأفت شقدار بصراحة ما ادري ايش اقول لكن الله يهديه

وبالرغم من كذا في دكاتره خففو علينا الوضع منهم
الدكتور أحمد حافظ مدير المستشفى الدكتور جدا جدا متواضع ومحترم وحبوب
وايضا الدكتور عبدالله الشنقيطي دكتور طيب جدا
وايضا الدكاترة من الجنسية السودانية محترمين


الدوام كان طويـــــل، محاضرات النظري من 8 إلى 12 ومن 1 إلى 4 العملي

في العملي حاولوا تستغلوا الوقت في المستشفى لأنه الوقت غير كافي واطلبوا من الدكاترة يعطوكم فرصة تآخدوا هستوري، أسئلوا الدكاترة وحاولوا تعملوا هستوري وتقدموها ويراجعوها لكم.. معظمنا ما مدانا نعمل كده.. لكن حيكون أفضل عشان تتطمنوا على الهستوري.. ومهم تعرفوا طريقة كل دكتور في الهستوري.. وخاصة د/ رأفت ود/ أحمد حافظ ود/ عبد الله شنقيطي..


اهم الحالات اللي تجي:
Schizophrenia
Bipolar
Depression
Drugs addicts
Obsessive compulsive disorders
psychosis



المراجع:

كتاب Basic Psychiatry "كتاب سعودي" للدكتور الصغير..
راح تستعملو هذا الكتاب في بعض المحاضرات

والباقي من العروض تبع الدكاترة بالذات الدكتور الشنقيطي تجي منها بالنص
وكذلك الدكتور حافظ


الدرجات
كالعادة ما اذكر لكن معظم الدرجات على النظري وجزء يمكن 30 درجة على العملي

يقال ما ادري صح ولا لا
الغيـاب مهم وعليه درجات وينقصوا على الغياب الواحد..



الاختبار


بالنسبة للنظري سهل الموضوع مجرد أنه تذاكروا أول بأول..

بالنسبة للعملي
تمر على ثلاث غرف في كل غرفة دكتورين وعندهم حالات تنقي وحدة
وتقراها ويناقشك مافيه لا اخذ هيستوري ولا اقزامينيشن

الدرجات كعموم كانت طيبة
ومافي رسوب



Family and Community

طب الأسرة والمجتمع حتاخدوها في المستوصفات..
مستوصف الحرة الشرقية لطب الاسرة
ومستوصف النصر لطب المجمتع ما راح تروحوه الا مرة او مرتين

الدكاترة:
طب الأسرة الدكتور الفاضل خالد هيصم كلمة حق افضل دكتور مر علي في الكلية ما يحتاج اتكلم عنه
طب المجتمع: دكتور جديد اسمه د. خالد قاسم هو دكتور طيب لكن اسلوبه في الشرح والتعامل يخليك تكره الساعة اللي دخلت فيها الطب
( د. محمد العوضي راح)

مدة الكورس:
9 او 10 أسابيع


المراجع:
محاضرات الدكاترة

توزيع الدرجات: ماني متأكد
أغلبه على النظري جدود 50 درجة ميد وفاينال وفيه كويزين لكل المادتين مجموعه 15 درجة
logbook اسرة و عرض بور بوينت مجتمع 10 درجات
عملي فاينال 20 درجة
وفيه اوسكي ميد وفاينال اتوقع عليهم الباقي 20 درجة


الاختبار :
النظري جدا سهلة واسئلة الكويز تتركر

العملي بالقرعة ناس مع د. هيصم و ناس مع د.قاسم
اللي راح مع د. هيصم انبسط
واللي راح مع د. قاسم نص ونص


هذا أخر كورس وختامها مسك كورس جدا جميل والحمد لله عدت السنة على خير

-------------------------------------

وفيه مادتين صغار كل وحدة عليهم ساعة وحدة في المعدل

Applied Anatomy التشريح التطبيقي

Forensic Medicine الطب الشرعي

كلهم في الترم الثاني وساعة وحدة في الاسبوع



Applied Anatomy
هذه مادة أخذنها مع الدكتور شريف جلال من افضل دكاترة الكلية غني عن التعريف

عبارة عن عشرة مواضيع من اختيار الدكتور وكل موضوع ياخذه 5 طلاب ويعملو لها عرض presentation

واختبار الميد 40 درجة
الفاينال 60 درجة

جدا جدا جدا سهلة

لكن المؤسف ان الدكتور شريف خلاص راح يودع الكلية السنة الماضية اخر سنة له


Forensic Medicine

الدكتور القديم أحمد رفعت راح وجاء واحد سوداني اسمه د. احمد عبدالسميع
بصراحة هو دكتور طيب ولكن شرحه مو مرة وهو يدرس pathology وما ادري ايش تخصصه الفعلي

لكن طريقته في الاختبار جدا جدا جدا سيئة
أسئلة غلط والطلاب اخطؤ فيها واسئلته كل سؤال له اكثر من اجابة صحيحة

الدرجات
كويز 10 درجات
ميد 30
فاينال 40
اوسكي 20
اذا ماخانتني الذاكرة

بصراحة المادة راحت لكن برضوه لهذا ذكرى سيئة



__________________________________________________ ________________________

وفي النهاية اتمنى للجميع التوفيق والنجاح
والسلام عليكم ورحمة الله وبركاته












 
  رد مع اقتباس
قديم 03-09-2011, 11:16 PM   #46
*$$ المايستروو $$*
عضو محترف
 
الصورة الرمزية *$$ المايستروو $$*

 

وفيه عندي اضافة لكن مالها دخل بسنة معينة
لكن لها دخل بنظام الكلية في اختيار الدكاترة

بصراحة انا في نظري الكلية ماشية في نظام من جرف لدحديرة
أين هؤلاء الدكاترة
بداية من دكتورأحمد العياط
وبعدين دكتور عمرو عقدة
ودكنور شريف جلال
ودكتور أحمد رفعت


وبصراحة في جلب دكاترة ماادري ايش اقول عنهم لكن اسالو الطلاب عنهم
دكتور خالد قاسم
دكتور احمد عبدالسميع تبع الشرعي

وغيرهم لا اتذكرهم حاليا


وخلاص بس كلام كان في خاطري وحبيت اقوله

والسلام عليكم












 
  رد مع اقتباس
قديم 04-09-2011, 01:07 PM   #47
RiYaDh
عـضـو شــرف
 
الصورة الرمزية RiYaDh

 

السلام عليكم ..
اولا كل عام وانتم بخير واعاده الله علينا وعليكم اعواما مديده
اهنئ الطلاب المستجدين الذين التحقوا هذه السنه بالكليه واسأل الله لهم التوفيق والسداد ..
بدايه ..
معاكم اخوكم رياض الحربي
السنه الثانيه (السنه الثالثه بالنظام القديم )
قائد دفعتي العزيزة ..
سوف اطرح تجربتي لهذه السنه التي كانت نقطه فعلا بداية الطب الحقيقيه .


اولا نبدأ بنظام السنه بشكل عام واهم المواد الدراسيه ..
النظام يختلف كليا عن بقيه الكليات الاخرى ..
فالنظام المطبق لدينا هو النظام السنوي بمعنى الماده تدرس من اول يوم دراسي الى اخر يوم في نهايه الفصل الثاني ..
وفي نهايه السنه نحصل على الدرجه من 100 بحاصل مجموع الدرجات خلال الفصلين الدراسيين ..
الاختبارات
تشابه الى حد قريب ماسبق ولكن مع القليل من الاختلاف
الاختبارات تبدا من الاسبوع الثالث الى اخر اسبوع دراسي بمعدل اربع اختبارات قصيره لكل ماده \
+ اختبار عملي لمعظم المواد
+اختبار نصف السنه
+اختبار نهايه السنه

الجداول ..الدراسه ... الزي الرسمي ..زي المعامل
تبدأ الدراسه غالبا من اول يوم دراسي وليس كبقيه الكليات يكون الاسبوع الاول حذف واضافه الخ ..
الجدول ثابت ولايمكن تغييره الا من اداره الكليه نفسها
ويوجد لكل سنه من السنوات قاعه مخصصه للمحاضرات مجهزه ببروجكتر وكمبيوتر خاص تدرس جميع المحاضرات النظريه في هذه القاعه ويعطى قائد الدفعه مفتاح القاعه
الزي الرسمي .. خاص بالذكور
يجب على الجميع الالتزام بالزي الرسمي وهو scrub
وهو كالتالي ..
للسنوات الاساسيه
كحلي
للسنوات الاكلينيكيه :
سماوي
نصيحه .. لايشوفك وكيل الكليه بدون scrub
لانك ببساطه تاخذ غياب في محاضرتك
.
زي المعامل والمشرحه
scrub + lapcoat
من شروط التحضير خصوصا عند بعض الدكاتره التزامك في lapcoat
اماكن تفصيلها وبيعها .
يوجد العديد من المحلات داخل المدينه وخارجها ..
شخصيا انا فصلت من الفالح للبدل العسكريه والبعض من رسيم ولو ان الافضليه للاول >> ماسوي دعايه ابدا ^^
وايضا يوجد العديد من المحلات المختصه لذلك ..

المواد الدراسيه للسنه .
تدرس خلال هذه السنه 5 مواد طبيه +مادتين عامه
وهي :
1- Biochemistry الكيمياء الحيويه السريريه
2-physiology علم وظائف الاعضاء
3- Anatomy تشريح
4- Histology علم الانسجه
5- Embryology علم الاجنه
المواد العامه
1- ثقافه اسلاميه 1
2- لغه عربيه 1

نبدا بالمواد الطبية .. بسم الله الرحمن الرحيم ..
طبعا وبدون منافس نبدا بماده
الكيمياء الحيويه Biochemistry
عدد الساعات : 8 ساعات
تتقاسم الصداره مع ماده الفسيولوجي بعدد الساعات ..
تنظيمها ..
4كويزات كل كويز درجتين ونصف
جميعها MCQs

انشطه صفيه 5 درجات لكل ترم
كانت عباره عن cases
تقسم الى مجموعات بحيث كل مجموعه تقدم عرض كامل وتشرح الحاله امام الطلاب
اختبارين عمليين كل اختبار 10 درجات
ينقسم الاختبار الى جزء نظري 2.5
وجزء عملي في المعمل 7.5
اختبار نهايه الفصل الاول 20 درجه(40 سؤال
ينقسم الى MCQs و Short answears


اختبار نهايه السنه 40 درجه
80 سؤال MCQs
الماده بشكل عام كانت من اكبر العقبات الي واجهتنا
المشكله كانت تكمن في اسلوب بعض الدكاتره في الشرح كان البعض متعب لنا جدا
والغريب في الامر ان دكتور اخر درس طلاب الاسنان نفس الكورس وكان الاسهل بالنسبه لهم ..
فالفرق بطريقه ايصال المعلومه
ايضا الى جانب ذلك كثره المعلومات وتسلسلها
وتحتاج الى المتابعه بشكل دائم
الكورسات الي درسناها كانت كالتالي
Enzymes and Carbohydrate ****bolism by prof Slah Shwetah
Lipid ****bolism by Prof Hessain Alssawaf
proteins by prof Mohammad zahran
protein ****bolism by prof Ayman bargash
bioinergetics by prof mohammad zahran
integration of ****bolism and Diabetes mellitus by Dr.Hossam baghdadi
DNA and RNA synthesis and degradation by prof : salah shwetah
اما العملي كان لكثير من المواضيع اهمها /
Glocuse and glucose teloranse test
ALP and ALT and HP test
والكثير من المواضيع
كنا نأخذ روشته مكتوب فيها طريقه التجربه واهم المعلومات عن التجربه كانت هي مرجعنا للعملي تقريبا بالاضافه
لتسجيل بعض المعلومات اثناء المحاضره مع الدكتور ..
لااحد يدقق بالسبيلينق ^^


درسنا من كتاب Lippincott's Biochemistry

الكتاب بشكل عام ممل للمذاكره بعض المرات تقرأ الصفحه اكثر من مره ماتطلع بمعلومه مفيده وحده ..
وتحس فعليا بالضياع
لكن افضل الاطلاع على اخر كل فصل الذي يجب حفظ كل معلومه فيه
لانه باختصار يكفيك في الحالات الطارئه ويعطيك الزبده على قولهم ^^
اكثر الدكاتره كان لهم مذكرات كافيه بشكل تام عن الكتاب
مع وجود بعض الدكاتره الي يلزموننا بالكتاب بشكل تام .
تختلف اساليب الدكاتره في الشرح .. البعض يعتمد على الصور التوضيحيه
والافضل في الاسلوب دكتور ماشاءالله عليه اتاكد وثق تمام الثقه تاخذ حقك بالشرح كامل وماراح يتركلك فرصه تسأل سؤال لو صبرت عليه
لاحاطته الموضوع بشكل تام ويشرح من اول دقيقه لاخر دقيقه
وايضا انصح الجميع باحضار المذكرات قبل كل محاضره لتسجيل النقاط المهمه خلال الشرح
الماده كانت دسمه جدا والمعلومات كثيره والانزيمات اكثر حقيقه تحتاج مجهود ومتابعه دائمه
ومن المواد الي ابدا مايحتاج تنترك لبعدين
افضل ان تذاكر كل محاضره بيومها مع مادتي الفسيولوجي والاناتومي لانني لااريد منكم الوقوع بنفس اخطائنا ..
بالنسبه للعملي في هذه الماده .. تحتاج ممارسه وتكرار خلال الدرس البعض اخطأ ولم يمارس كثيرا اعتمد على مجموعته في العمل
نصيحه اشتغل بيدك اتعلم بنفسك ممكن تخطئ خلال التدرب ويمشي الحال لكن خلال العملي لو غلطت ..ماراح تشوف الا صفر كبير .. \
وبكذا ختمنا اول ماده ..


ثانيا ..
ماده Physilogy علم وظائف الاعضاء
8 ساعات
مهمه طبعا ومقامها مقام الكيمياء الحيويه
تقسيمها كالاتي ..
4 كويزات كل كويز 5 درجات
كانت جميعها MCQs
اختبارين عملي 10 درجات لكل فصل كانت طريقته كالتالي
اختبار OSPE 5 درجات
كان في عرض بوربوينت في صور ومقاطع فيديو عليها اسئله في الورق الي معانا طبعا اسئله كتابيه ..
وال 5 الاخرى عملي
اختبار نهايه الفصل الاول 20 درجه
40 MCQs
اختبار نهايه العام 40 درجه
80 MCQS

الكورسات الي درسناها
Autonomic Nervous System By Prof: Ahmad Agamy
Nerves & Muscles By Prof: Ahmad Agamy
Blood By Prof: Mahmoud Fora
CardioVascular System By prof : Ahmad Emad
GIT By Prof: Mohammah Fath Elbab
Endocrine System By Prof: Mohammad Salem
mtabolism By Dr. Muhammad Fath Albab
اما العملي كان كالتالي ..
stethoscobe ..heart sound .pulse . blood pressure ..blood typing ..ECG studies ..hematocrit
PCV ..والكثير من المواضيع ..
كان المرجع الاساسي للقسم هو كتاب Guyton


وايضا وانصح بها شخصيا .. يوجد سلسله كتب د.احمد العجمي physiology made easy series

وكان لاكثر الدكاتره مذكرات خاصه بهم تكون كافيه للمنهج ..

الفسيولوجي ماده سهله ممتنعه يجب الا تهمل ابدا مذاكرتها سهله جدددا وممتعه لكن
تنسى بسرعه
نصيحتي لكم الماده هذي لاتتساهلوا فيها ابدا .. فكانت اكثر المواد الي خسفت معدلات الطلاب خلال السنه ودرجات الطلاب بهذه الماده اقل من البايو
يجب متابعه كلام الدكتور ومعرفه النقاط الي يركز عليها خلال شرحه
اسئله القسم كانت على المزاج تقريبا بعض الاحيان بسيطه والبعض صعبه جدا
وبعضها سهل ممتنع
مذاكره الماده : الماده تحتاج مذاكره ممكن تجمع اكثر من محاضره مع بعض ويعتمد على الطالب وتركيزه في المحاضره ..
الكثير ومنهم انا قد اكتب ملاحظاتي على الاوراق اثناء الشرح واحاول ان اقرا مع الدكتور الموجود بالاوراق وااشر بالكلام الي ذكره الدكتور وتكفيني في اوقات المذاكره ..
بالنسبه للعملي الاختبار دقيق ويحتاج ممارسه
.. من اول محاضره انصح بشراء سماعه خاصه بك راح تحتاجها اكثر من مره سواء هذه السنه او خلال دراستك السنوات القادمه
قياس الضغط يحتاج تدريب صحيح وايضا النبض تحتاج لدقه ..
..
شطبنا على ثاني اهم ماده خلال هذا السنه ..

Anatomy التشريح .
عدد الساعات :6 ساعات
من اكثر المواد بكم الصفحات ..
كان تقسيمها كالاتي .
4 كويزات خلال الترمين
كل كويز 5 درجات
15 MCQs لكل كويز
اختبارين عملي كل اختبار 10 درجات
التعرف على العينات وكتابتها 10 عينات
اختبار منتصف الفصل
20 درجه
40 MCQs
اختبار نهايه الفصل
40 درجه

كانت الكورسات الي درسناها كالتالي ..
Upper limb by Dr.Wael Zarena
Thorax by Dr.wael Zarena
Abdomen by Dr. Sami algaidi
Pelvis by Dr. wael Zarena
Lower limb by Dr.Yasser albastawessi
تدرس تشريح الجسم نظريا .. بدايه بالعظم وتضاريسه اي حفره لها اسم اي بروز فيها له اسم اي منطقه بالعظم لها اسم ..
العضلات تدرس بالتفاصيل من فين تبدا وتنتهي وايضا الاعصاب والشرايين المغذيه لها وماهي الحركات الي ممكن تؤديها هذه العضله
وفي حاله انقطع هذا العصب ايش الاشياء الي ممكن تصير ..
العملي كان تطبيق لما تمت دراسته بالنظري ومشاهدته بدايه بالعظم ثم العضلات ثم الاعصاب والشرايين والاورده والاعضاء الداخليه
بنهايه السنه ستجد نفسك ملم بشكل عام بالجسم ماعدا الراس والعنق الي ندرسها باذن الله السنه القادمه
افضل قسم بدون اي منافسه
افضل دكاتره على الاطلاق
الجميع راح يحب الماده من دكاترتها المميزين
شي مميز جدا وشرح اميز واسلوب رائع بالشرح
وعروض البوربوينت شي اخر وايضا يوجد فيديوهات توضيحيه للماده كانت تعرض وموجوده على جهاز القاعه
مرجع القسم هو
كتاب snell

لكن فعليا ندرس من مذكرات الدكتور المبدع د.شريف الي بنظري اشوف انها افضل من سنل بمراااحل
اسلوب المذكره بسيط ورائع والاهم ملم بمعلومات قد لانجدها في المراجع
وايضا درسنا جزء lower limb
من مذكره د.ياسر البسطويسي
مذكره مميزه واسلوب رائع في الكتابه وسهل للحفظ
اما بالنسبه للاطالس .. كنا نعتمد على اطلس GRANTS and Gray's anatomy Atlas



موجوده على الانترنت كامله ..
كانت مفيده والمميز فيها تعدد الصور باكثر من ناحيه
لكن من جهتي بأن الصور الموجوده في عروض الدكتور كانت كافيه
الماده بشكل عام كانت من افضل المواد درجاتيا ومعلوماتيا من المواد الي لما تخلصها تحس انك قطعت شوط كبييييييير في الطب
واكتشفت اشياء كثير تتعجب منها وتجد الاجابات الشافيه لكثير من الاسئله التي تخطر على بالك
اسلوب الاسئله كليا يعتمد على cases
ومثال على ذلك مثلا يوجد عصب خلال مساره يمر من تحت الكوع اسمه ULNAR NERVE
تجي الحاله كالتالي واحد جاته ضربه اسفل كوعه وماقدر يحرك اصباعه الصغير والي جنبه اكثر عصب ممكن يتاثر بهذه الاصابه هو ..
وتجي الاختيارات وتكون انت عارف اش الي يحرك هذي الاصباعين وتعرف العصب الي يمر من خلال هذي المنطقه
فيكون اكثر احتمال لهذا العصب ..
وعلى هذا النحو
..

الماده الرابعه ..
علم الانسجه Histology
عدد الساعات 3
ماده ممله جددددا واسوأ ماده تتذاكر المعلومات متشابكه وتحتاج مجهود كبير في المذاكره
لازم تعطيها حقها في المذاكره لانها بجد شي يجيب الطفش لو ماتذاكر في الكويزات تمام لكن لو بدأت صح تكون ماده بسيطه
اللعبه ومافيها الوقت ولا والله مافيها ولا جزء من الصعوبه
وجميع المواد على هذا النحو .. تحتاج فهم وترتيب وحفظ ..بس المشكله بالوقت فقط .!!والصعوبه وحده في جميع المواد . ..
تقسيم الدرجات ..
4 كويزات كل
5 درجات لكل اختبار 15 MCQs
10 درجات اختبار عملي لكل فصل ..
مشاهده 20 شريحه
اختبار نهايه الفصل الاول 20 درجه
40 MCQs
اختبار نهايه العام 40 درجه
80 MCQs
درسنا خلال الترم الاول General Histology
الكورسات الي تمت دراستها

Histology of ...
Connective Tissue
Bone
Cartilage
Blood
Bone Marrow
vessels
Muscle
Nerves
skin
Lymphatic system
Respiratory System
..
اخذنا الماده الجزء الاول مع د.مصطفى الصاوي
وكان مرجعه كتاب هستولوجي لدكتور أيمن غلاب .. اضطرينا نطلبه من مصر
والترم الثاني درسنا مع د.محمد الطيب ..
ودرسنا Special Histology
ودرسنا الاتي ..
GIT
Urinary system
Endocrine system
male reproductive system
female reproductive system
كان المرجع مقرر نفس الشي كتاب د.ايمن لكن الدكتور اعتمدلنا عروضه كمرجع للماده .. نذاكر منها فقط
وبقي كتاب د.ايمن ك اطلس نذاكر منه

الدكاتره كويسين بشكل عام وماابغى ادقق واسئلتهم بصراحه صعبه وكانت اسوأ درجات للطلاب في هذه الماده
ساعدنا كثير العملي لكن النظري كان ممل مذاكره واختبارات ..
نصيحه لاتتركوا الماده كذا كل فتره اقرأ فيها شويه والاهم الكويزات اهتم فيها اكثر حاول تكون مذاكرتك للان وبعدين
لان ببساطه مافي وقت ترجعلها الا عالسريع ..
خصوصا بالاختبارات النهائيه مايكون معاك الايومين .. مستحيل لو تنتحر على الكتاب ما تخلص المنهج حفظ وفهم وحتى لو خلصت يبغالك انتحار على المذكرات

ماده علم الاجنة Embryology
ليت كل المواد مثلها
عدد الساعات : ساعتين
تقسيم الدرجات
4 كويزات
كل كويز 5 درجات
اختبار منتصف الفصل 30 درجه
20 درجه MCQs
10 درجات OSPE
اختبار نهايه العام 50 درجه
40 درجه MCQs
10 درجات OSPE

الماده كانت مقسمه لجزأين اول جزء هو
General Embryology
الجزء الثاني
Specail Embryology
جميعها اخذناها مع د. ياسر البسطويسي
بالنسبه للمراجع
كان كتاب LANG'S MAN

لكن كنا ندرس الترم الاول من مذكرات ل دكتور شريف ممتازة جدا وتكفيك للمعلومات المطلوبه
اما جزء special
كنا ندرس من مذكرات مخصصه للمبدع د.ياسر البسطويسي ..
مذكرات مرتبه بطريقه مميزه وبسيطه جدا للمذاكره
برأيي ان هذه المذكرات كافيه جددددددددا للمذاكره
الماده محاضره واحده بالاسبوع حضورك ذهنيا خلال المحاضره وقرائتك لما درست قبل المحاضره يكفيك للماده
ومذاكرتك الجيده للكويزات يريحك كثير بالنهائي ..

نصائح عامه للمذاكره ..
اترك الطريقه التقليديه للمذاكره .عندي بكرا اختبار ابدا ليله الاختبار الين ماخلص
ماينفع ابدا هنا وحتى لو صدقني مستواك يطيح وتتمسك باطراف الدرجات اذا استمريت
بعض الناس يطبق نظام رائع جدا لكن متعب بعض الشيئ بالكويزات .
لكن بنظري الافضل
انتباهك الكامل وقت المحاضره تسجيل ملاحظاتك المهمه بحيث تكفيك عن المذاكره اليوميه .فيصبح نظامك كالتالي
السبت والاحد والاثنين
راحه +الانتهاء من البحوث والانشطه الخارجيه ووتجميع المصادر للكويز القادم
من الثلاثاء الى الجمعه
مذاكره فعليه وصارمه للكويز ..
باذن الله تضمن اعلى الدرجات
بعض الناس يتبع طريقه المذاكره اليوميه لاهم المواد مثل البايو والفسيولوجي والاناتومي
ويذاكر من الاربعاء او الخميس
مفيده صح لكن مهلكه وانا جربتها صراحه وحاولت اطبقها ماقدرت
عموما المذاكره كل واحد وطريقته راح تجد نفسك خلال فتره بسيطه قدرت تتكيف مع النظام الجديد بطريقتك الخاصه
نصيحه نصيحه
اعط الكويزات حقها مذاكره لاتستهين ابدا ..
مو عشان الاختبار لانه ب 5 درجات بل عشانك انت
لما يجي الاختبار النهائي تكون هذي الاشياء مذاكرها
فتخف عليك المذاكره شي كثير
لان لو ماذاكرتها راح تجد نفسك في كومه مذكرات والوقت في النهائي ضييييق جدددددا اشطر طالب مايقدر يخلص لو مابدأ بدري
..

تجربتي مع القياده او الليدره ..
الليدر هو : نقطه وصل بين اداره الكلية والطلاب وهو المسؤول الاول عن الطلاب والذي يمثلهم في جميع المعاملات
لم تكن هذه اول سنه لتولي قياده الدفعه بفضل الله هذه ثاني سنه على التوالي
ايجابياتها
كسبت معرفه الجميع ..ازدادت قاعدتي الاجتماعيه خصوصا في مجتمع الطب تعرفت على الكثير من الزملاء
تنميه الروح القياده لديك
علاقتك مع الدكاتره ونظرتهم لك
علاقتك مع زملائك وتقديرهم لك
احتكيت مع انواع الشخصيات
معرفه ادق المعلومات الي تتداول من مصادرها بحيث تستطيع بنفسك التحقق من اي اشاعه
تنمي روح التعاون والاخوة بينك وبين الدفعه
سلبياتها
لها تأثير على المستوى الدراسي ويختلف التأثير من شخص لاخر
المسؤوليه الكبيره الي تتحملها خصوصا من ناحيه الطلاب ومشاكلهم
كثير من الطلاب يعتقد بأن الحل والربط بيدك ويحملك مالا تستطيع من الامور خصوصا من ناحيه الاسئله او أي تحديد
وايضا انت من يمثل الطلاب امام الدكتور فلو الدكتور زعل من الطلاب اول من يتقبل النقد انت وخصوصا اوقات غياب الطلاب
فأول سؤال يوصلك ... فين زمايلك يابني .. !!
ايضا في مسأله الغياب قد تتعرض للاحراج لو الدكتور مسكك الغياب والي اي ليدر مايتمنى يمسك غياب بسبب الي يصير فيه من احراجات وتحضير
فاافضل حل لهذا الامر الاعتذار عن الغياب وبأنك لاتتحمل مسؤوليته وعلى حسب الدكتور
من المشاكل الاهم ..بان بعض الدكاتره اذا وصلتله وجهه نظر الطلاب ياخذها على محمل شخصي وبأن هذا الرأي رأيي انا وليس رايهم
ايضا قد نجد ضغط من الدكاتره انفسهم في بعض الطلبات كان ذلك بدايه السنه
عند الطلب من الليدر احضار اغراضه الشخصيه لصالح دروسه

طريقتي خلال السنه الماضيه كانت كالتالي ..
في بدايه السنه كنت متحمل الدفعه بشكل كامل سواء برفع المحاضرات او التبليغ بالمستجدات وجميع الامور
بعد ذلك قسمت رفع المواد على بعض الطلاب وكان معي subleader
يكفيني في كثير من الامور
وكان الشغل الحمدلله متوزع واكثر شغلي كان تنسيق مع دكاتره المواد وتواصلي مع اداره الكليه

وان شاءالله سنطبق مافعلنا خلال السنه الماضيه مع المزيد من الترتيب والتنسيق

اتمنى ان اكون قد وفقت في افادتكم بتجربتي المتواضعه لهذه السنه ..
اشكر الاخ معاذ العتيبي .. وفرت علي عناء البحث عن صور اغلفه الكتب ^^ واخذتها بدون اذن ^^
..
وفقكم البارئ جميعا

دمتم بود
























 
التوقيع




..







{{ Ask here ..

  رد مع اقتباس
قديم 05-09-2011, 02:53 AM   #48
Đя.Lυjαiŋ
عضو مجتهد

 

مشكووور آخوي ع طرحك الرائع لتجربتك

صراحه كفيت و وفيت

الأناتومي ما حبيتها السنه الي راحت

انتحرت قبل اختبارها ما فتحت الملزمه طول السنه لأني كنت حاسه

انو الماده غثيثه

و ذاكرت المنهج كلو في يومين

بس الله ستر .. وذحين حمستني لها

جزآك الله الف خير













 
  رد مع اقتباس
قديم 05-09-2011, 07:12 AM   #49
إصرار رجل
عضو

 

جزاك الله خير اخوي رياض وجعلها الله في موازيين حسناتك

و صراحة وفقت في تغطيت الموضوع من جميع النواحي

راح يكون لي الشرف بمعرفتك ان شاء الله

اسأل الله لنا ولك التوفيق في الدارين












 
  رد مع اقتباس
قديم 05-09-2011, 04:14 PM   #50
۩ ..ęνěŗêşť.. ۩
مراقب سابق
 
الصورة الرمزية ۩ ..ęνěŗêşť.. ۩

 

السلامُ عليكم ورحمةُ الله وبركاته.
وكُلُّ عامٍ والجميعُ هُنا بخير...

آه ، يا سرع الأيّام !!
البارحة كتبت التعريف بالمستوى الأوّل !!
وهذا أنا على وشك البداية بكتابة نبذة عن المستوى الثاني !!


،

في البداية أشكر الإخوة في الإشراف على جهودهم...
حبيبي علاّوي << "فيس In love مطلّع لسانه" !
ورياض باشا << "وردة حمراء" !
و دكتور 2014 << "فيس مبتسم ورافع القبعة" !



،
إخوتي الطلاب والطالبات المنتقلين للمستوى الثاني
ألف مبروك النجاح ومن أفضل إلى أفضل يارب.
وإلى كلّ المتعثّرين فيعلم الله إنّ دعواتنا لكم في الاختبارات هالأيام.
وفالكم الباس والتعويض في القادم ، ومازالت أبواب التعويض مفتوحة "عالآآآآخر" !

أخوكم معاذ العتيبي،
مُنتقل من المستوى الثاني إلى الثالث

،

بسم الله وتوكّلنا على الله...
السنة الثانية من الطب
بشكل عام السنة من جميع النواحي أهون من السنة الأولى...
عدا المستوى العلمي <<
يعني الطالب يكون تعوّد عالنظام ، النفسية ضبطت ، بدأ يرتّب وقته ويعرف كيف يشتغل صح
وفي النهاية، بالرغم من إن الكم العلمي أكبر إلا أن الدرجات غالباً -أو دائماً- أفضل في المستوى الثاني !

طبعاً،
ما يحتاج أعيد لكم بعض النقاط وراح أذكر فقط إنّها زي نظام سنة أولى


عدد المواد : 5 غير المواد العامة.

نبدأ بسرد المواد حسب الوحدات...
Pathology وفي رواية باصولوجي

قصّة عشق الكلمتين "طالب" و "الطب" تبدأ من هنا !!
عدد الوحدات : 13

Microbiology - علم الأحياء الدقيقة

حياة مُرهقة لكن جميلة مع البكتيريا والفايروسات وأخواتِهنّ !
عدد الوحدات : 7

Physiology - علم وظائف الأعضاء

غنيّة عن التعريف
عدد الوحدات : 5

Anatomy - التشريح

وش أقول ووش أخلّي ؟!
عدد الوحدات : 4

Parasitology - الطفيّليّات

لا أقول إلّا كما قال نزار وكاظم من قبل... أَكْرَهُهَا !!
هي عبارة عن "طُفيّليّات" قرّرت أن تنشقَّ عن المايكرو رغم أنّها تُدرّس معها في معظم الجامعات!
عدد الوحدات : 4

،

نبدأ بمادة علم الأمراض "Pathology"

الكورسات والدكاترة :
القسم حاليّاً عند الطلاب ليس به سوى دكتور واحد ثابت وهوَ الدكتور محمّد القبلاوي
بالإضافة إلى مسؤول المعمل الدكتور علاء الدين
وفيه دكتور متعاون جاء السنة الماضية وهو الدكتور أحمد عبد البديع
حسب معلوماتي البسيطة إن الدكتور عنده تخصّصين أو حاجة زي كذا...
المهم إنّه جاء يعوّض رحيل الدكتور أحمد رفعت في الطب الشرعي،
ورحيل الدكتور أحمد سعيد في الباثولوجي،
ومع كامل احترامي ومحبّتي للدكتور أحمد لكن هو مش شخص خارق حتّى يقدر يعوّض هالعبقريّين بمستوى جيّد !!
بس وش نقول غير يا كلّيتنا !!

في الفصل الدراسي الأوّل ، طبعاً بتدرسون General Pathology + شيء بسيط من السبيشال.
وفي الفصل الثاني تكملون الـ special Pathology

كان للدكاترة طريقة خاصّة في تدريس المادّة ما أرضت الكثير صراحة،
ألا وهي إنّهم قسّموا حصص المادّة بالنص ، وقسّموا الكورسات بينهم "الدكتورين أحمد ومحمد"
فكان كل واحد يشتغل لوحده،
مثلاً يبدأ الدكتور أحمد في كورس الإندوكراين يوم السبت ، الأحد يجي الدكتور القبلاوي يبدأ في كورس الـ CNS وكأنها مادّة أخرى ،
وكل واحد يكمّل كورسه في محاضراته.
بالرغم إنّ هالطريقة أتعبت الكثير لكن شخصيّاً ما اعتبرتها مشكلة...
المشكلة الحقيقة تكمن في "من فين تذاكر" ؟!

المراجع :
الفصل الأوّل أعلنوا إن المرجع هو كتاب Pathology Illustrated
هو كتاب جميل إي نعم ، لكن صراحة مهو كافي أبداً
وفي تقديري ما يغطّي أكثر من 60% من المعلومات وأسئلة الاختبار...
فما أنصح بالمذاكرة منه أو على الأقل المذاكرة منه لوحده !!
وفي الفصل الثاني أعلنوا إنّ المرجع روبنز
وما فتحته إلا تصفّحاً إلكترونيّا فقط
على كل حال،
الدكتور محمد القبلاوي له محاضرات كافية بنسبة 99%
أمّا الدكتور أحمد فبحكم إنّه جديد محاضراته كانت ناقصة كثييييير !!
فلمّا جاء أوّل كويز كانت الصدمة عظيمة والله ثم توالت الصدمات
للأسف الأسئلة كانت تجي من البنك باختيار من الدكتور القبلاوي !
حاولنا كثير نتفاهم وفي كل مرة نأخذ وعود شيء يتحقق وشيء ما يتحقق(شِ) !
لكن قدرنا نأخذ مذكرات الدكتور محمّد القبلاوي والدكتور أحمد سعيد للسنوات السابقة ، للكورسات "المنكوبة" !
ومعظم الشباب ذاكروا منها،
صحيح حس فينا الدكتور محمد وحاول يصحّح الكثير من الأشياء
فعاد شرح مواضيع وحذف مواضيع لكن هذا مهو الحل اللي نبغاه صراحة ، خصوصاً في الباث !!
فلا ترضوا به أبداً ، صحيح كان وضعنا مختلف ومجبورين على الصبر أمّا أنتم فوضعكم مختلف.
وعندكم العام من بدايته.

الدرجات والاختبارات :
كوزين كل ترم وميد يير وفاينال "زي نظام سنة أولى"
الشيء الجديد في الباث إنّ كل كوز كان فيه MCQs + OSPE + Practical Slides
وعليه كلّه على بعضه 4 درجات فكان السؤال النظري بلا مبالغة عليه أجزاء من مئة من الدرجة !!
فصعب وصعب جدّا تفقد الكثير من الدرجات مهما كانت صعوبة الكوزات ! << وفي معظمها كانت متوسّطة الصعوبة.
درجتين عالأكتفتي
وهو عبارة عن بوستر "لوحة" << تجيب "وسيلتك" معك للجامعة
+ بروشور "مطوية" + عرض بوربوينت "برزنتيشن"
بالنسبة للأوسبي ففي كلّ أربعاء كنّا نأخذ محاضرة مع الدكتور علاء عبارة عن صور وتحتها كومنتس
<< كلّها من الويب باث هنا http://library.med.utah.edu/WebPath/webpath.html
وموجود -الويب باث- كامل عند الدكتور خذوه منه على فلاش.
الاختبار كان عبارة عن صور (10-15) عليها أسهم وأسئلة مثل إش الحالة وإش الـcomplications
غالباً المعلومات اللي تجي منها الأسئلة تكون موجودة في الكومنتس،
لكن هالشيء ماكان موجود في صور الترم الأوّل...
فكنّا نكتب أو نسجّل محاضرات الأوسبي والأسئلة تجي من كلام الدكتور "برضو غالباً" !!
الميد يير كان متوسّط إلى صعب ، أمّا الفاينال فكان كارثة -سامح الله الدكاترة عليها- !!
يكفي القول إن أفضل ورقة إجابة "سواءً لطالب أو لطالبة" كان فيها 12 خطأ من أصل 80 سؤال، + دخل الاختبار تقريبا 15 شخص في يدهم يجيبوا الـ A+
لينتهي الاختبار وعدد اللي جابوا A -طبعاً محد جاب A+- يعدّون على أصابع اليدين !!
لكن الشافع الوحيد للي صار إنّ الحمد لله درجات الترم الأوّل والكوزات شفعت لنا فمارسب إلا عدد قليل جدّا.

في نهاية وصف المادّة أقول...
المادّة رائعة جدّا بالحيل كثيراً للغاية
لكن في نفس الوقت مهمّة ومهيّاش سهلة أبداً !!
فاجعلوا 70% من أوقات مذاكرتكم لها لأنّها فعلاً ضخمة...
وتحتاج أسبوع كامل تقريباً حتّى تقدر تقول إنّك غطّيت 95% من المادّة قبل الفاينال !!


،

المادّة الثانية : المايكرو

الكورسات والدكاترة :
القسم رئيسه الدكتور أحمد الحربي << كان المفروض يعطينا كم كورس لكن انشغل
وفيه الدكاترة خليل العلي و قاضي بالإضافة إلى دكتور جديد جاء هالسنة ما أعرف اسمه.

في الفصل الأوّل تدرسوا مواضيع عامّة مثلاً :
إيش هي البكتيريا وخصائصها + كورس كامل عن مناعة الإنسان << كورس راااائع ومثير صراحة.
وفي الفصل الثاني تبدؤوا تأخذوا البكتيريا "حبّة حبّة"
ومن بعدها الفايروسات "واحد واحد"
شيء يخلّي الأسلاك تبدأ تخش في بعض !!
خصوصاً مع المذكّرة "المعقّدة" صراحة << لاحقين عالكلام عنها.
لكن الشيء الجميل إنّ الاختبارات كانت تتركّز على أساسيّات كل بكتيريا
<< برضو لاحقين عالكلام عنها.

المرجع :
هو كتاب مصري ما أعرف اسمه مصوّر وموجود عن الدكتور خليل ومعتمده القسم أيضاً.
الكتاب مُملّ إلى درجة الألم في الترم الثاني تحديداً !
في البداية كنت أحذف حاجات من راسي غصب عنّي والله...
لأنّي إن ذاكرتها أحس بيلتمس فيني سلك !!
والحمد لله ما يجي منها أسئلة...
وبعد ما شفنا طريقة الاختبارات وركّزنا في طريقة الشرح...
صرنا نعرف إش المهم وإش اللي حرام تضيّع فيه وقتك فصرنا "نحذف" بدمّ بارد


الدرجات والاختبارات :
زي الباث اللهمّ إن الكوزات نظرية فقط.
للأسف على دفعتنا الاختبارات بدت تدخل فيها أسئلة written من قبل هالقسم (المايكرو والبارا)
فارتبكنا وجات الأسئلة صعبة نوعاً وواضح فيها إن الدكاترة نفسهم أصلاً ما تعوّدوا عالرتن !!
جاتنا فراغات غريبة عجيبة ، لكن كان فيه أسئلة مقالية مباشرة وبعضها أسهل من الMCQs بعد !
بس في الميد يير بالرغم من وجود الأسئلة المقالية إلا أن الاختبار ككل كان متوسط.
أمّا الفاينال فـMCQs فقط وكان ممتاز جدّا

في النهاية...
المادّة أو بالأحرى مذكّرتها غثيثة جدّا -رغم إنّها ناسبت البعض-...
فأهم شيء إنّكم تتحمّلوا المحاضرات وتحضروها لأن كلام الدكتور ومحاضراته تحدّد لكم المذكرة تحديد حلو ومفيد
وعليكم بالأساسيّات...
أسماء البكتيريا ، خصائصها المُميِّزة لها ، اسم المرض اللي تسببه وأهمّ أهمّ أعراضه.


،

المادّة الثالثة : الفزيو

الكورسات والدكاترة :
تعرفون القسم أحسن منّي

بخصوص الكورسات حصل عندكم تغيير في العام اللي فات...
فدرستوا كورسات احنا درسناها في السنة الثانية ،
وما أدري هل بيفيدكم كلامي أو لا لكن بأقول اللي درسناه حنا.

في الفصل الأوّل درسنا...
GIT + Renal + CNS "sensory"
وفي الفصل الثاني درسنا...
CNS "sensory" + CNS "motor" + Special Senses

المراجع :
GIT درسه لنا الدكتور محمد فتح الباب من كتاب الدكتور العجمي
Renal درسناه على يد الدكتور مجدي وله مذكراته
الـsensory درسناه على يد الدكتور محمد سالم وله مذكّراته
الـ Motor درسناه على يد الدكتور العجمي وكتبه غنية عن التعريف
السبيشال درسناه على يدّ الدكتور فورا << ناسي اسمه الأوّل
لكن حصل اللي حصل فجانا الدكتورين أحمد عماد ومحمّد سالم وحاولوا يعوّضونا
وأعطونا مذكّرات بس صراحة باين عليها العجلة وعدم المراجعة،
فشخصيّاً ذاكرت كذا موضوع من كتاب الدكتور العجمي...
لأنّي ما قدرت أفهمها منهم + ليطمئن قلبي ، وفعلاً فيه أسئلة خرجت عن مذكراتهم.

الدرجات والاختبارات :
كوزين كل واحد من 5
والباقي زي ما اتعوّدنا.
الاختبارات بشكل عام كانت بين المتوسّطة إلى الصعبة ، والأسئلة السهلة نادرة صراحة.
ولعلّ السبب هو أن الكورسات أصلاً صعبة ومعقّدة جدّا !!
يعني الأسهل هو الـGIT لكن برضو كنّا نجيب العيد فيه لأن التحديدات ما تكون دقيقة أحياناً هع وأنتم أدرى

وفي النهاية أقول...
الكورسات هالسنة -وتحديداً الرينال والموتور-
تحتاج تركيز عميق في الشرح ونصيحة لوجه الله لا تتركوا شيء ما فهمتوه !!
روحوا للدكاترة وجرّبوا تروحوا لأكثر من دكتور حتّى تفهموا اللي استصعب عليكم،
فكل دكتور عنده طريقة خاصة في الشرح ، ولا بدّ ما تلقى اللي تفهم منه.


،

المادة الرابعة : الأناتومي

الكورسات والدكاترة :
برضو أنتم أدرى بالقسم منّي

هالعام تدرسوا 4 كورسات 2 كبار = Head & Neck + Neuroantomy
وحتت صُغيّرة في نهاية العام = Histology + Embryology
تبدؤوا هد ونك إلى ما قبل الإجازة بأسبوع "7 أو 6 أسابيع ما أذكر والله"
وقبل الإجازة بأسبوع إلى نهاية الترم نيورو
وترجعوا الفصل الثاني هد ونك إلى ما قبل نهاية العام بـ3 أسابيع ، 2 إمبريو و1 هستو.

الدكتور شريف درسنا كورس الرأس والعنق
وعلى أساس إنّ الدكتور الأردني الجديد يدرّسنا النيورو...
لكنه جاء أوّل أسبوع "اللي قبل الإجازة" وضيّع منه محاضرتين،
ومحاضرتين ما أخذنا فيها شيء يذكر،
وبعد الإجازة تأخر أسبوع ما رجع من السفر << فلّة هع
فجانا -ولله كلّ الحمد والشكر- الدكتور شريف...
لكن للأسف كان ضايع منه أسبوعين تقريباً فانضغط في نهاية الترم...
واضطر يحذف حاجات كنّا حنعيد عليها عالسريع في الفزيو.
وكمّل معانا الترم الثاني هد ونك وإمبريو وجانا الدكتور مصطفى في آخر أسبوع للهستو

المراجع :
مذكّرات العملاق شريف للهد ونك وللنيورو وللإمبريو
+ مذكرة الدكتور مصطفى الصاوي للهتسو

الدرجات والاختبارات :
كوزّين من 5 والباقي زي ما اتعوّدتوا.
كلّ شيء كان جميل إلاّ الفاينال !!
كان عجيب غريب صراحة فصرنا نشكّ إن الدكتور شريف هو من وضع الأسئلة
-بالرغم من إنّه أكّد إنه هو من وضعها-
الاختبار صراحة كان موضوع لخسف الدرجات فقط !!
لكن الحمد لله نجا الكثير.

في النهاية أقول...
استمتعوا مهما كان الدكتور اللي بيجيكم،
وأتوقع مجرّد توقّع إن توزيع الدكاترة بيكون زي ما كان قبل سنتين : الدكتور ياسر + الدكتور سامي
أهم شيء استمتعوا << من جد ما أدري وش أقول غير هالكلمة !!


،

المادّة الخامسة : البارا

الكورسات والدكاترة :
المادّة تابعة لنفس قسم المايكرو لكن ما يدرّسها إلا دكتور واحد وهو الدكتور مجدي حرك
وحسب كلامه بيجي دكتور يستلم المادّة وهو -د.مجدي- بيتفرغ للمكتب الأكاديمي وبعدها بيمشي.
المادّة "الـ" تتكوّن من ثلاث كورسات...
Helminths, Protozoa, Arthrapods
أوّل كورس في الترم الأوّل
والباقين في الترم الثاني

المرجع :
الدكتور أعطانا "لستة" مراجع !!
لكن كلامه كان بالضبط موافق لمذكّرة من إعداد قسم الباراسايتولوجي في القصر العيني.
اللهم بعض الزيادات الخفيفة ، فذاكرنا كلّنا منها.

الدرجات والاختبارات :
كوزين من 4
بحث بدرجتين في كل ترم طبعاً
وميد يير وفاينال (عملي + نظري)

أوّل كوزّ كان MCQ فكثير جابوا فل مارك ماشاء الله برغم صعوبته وصعوبة المادّة بشكل عام.
لكن من بعدها بدأ يدخل الرتن ومع احترامي للدكتور بدأ يدخل التعقيد والضغط عالطلّاب !!
فتجي أسئلة غريبة يتبعها تصحيح أغرب !!
محد كان يأخذ فل مارك أبداً اللهم في آخر كوز واحد جاب 39 ونص فجُبر النصف !!

العملي،تقريباً 85% من النظري داخل في الاختبار،
تجيك عيّنة وعليها أسئلة نظرية،
صح تفيدك مذاكرة العملي في الاختبار النهائي لكن برضو كانت تضغطك في الوقت.
الميد يير كان صعب صراحة وطبعاً كان فيه أسئلة مقاليّة عجيبة !!
من شلّة "اكتب عن" !!
أمّا الفاينال فكان من متوسّط إلى سهل وقدر الكثير إنّهم يعوّضون ولله الحمد.

وفي النهاية أقول...
المادّة جميلة لو كان اختبارك عن كل دودة أو طفيلي على حدة
المشكلة إنّك تدخل الميد يير -مثلاً- وعندك فوق الثلاثين تقريباً وبينها تشابهات كثيرة واختلافات دقيقة !!
فهذا "أحد" الأسباب اللي خلّتني أبغض المادّة << والأسباب كثيرة لكن أكتفي بواحد
الحل الأمثل لمذاكرة المادّة...
إنّك تذاكرها أكثر من مرّة ثم تراجعها وبعد كذا ترجع لمّا يُسمّى بالتجميعات...
وتذاكرها مرّة ومرّتين وثلاثة بعد !!
التجميعات حتعرفوا معناها السنة الجاية ، لكن كمثال :
الطفيّليات التي تسبب إسهال -أكرمكم الله- هي : .... ويسردها لك
الطفيّليات اللي تسبب أمراض في المخ هي : ... وكذا.
وتكون أنت مذاكرها لكن تحفظها بهذا الترتيب لأن الاختبار 80% منه تجميعات !!
All.... Except :

فشدّوا حيلكم وإن شاء الله الدكتور الجديد أو الدكتور أيمن إذا كان بيرجع...
يسهّل عليكم المادّة ويخليها أمتع


،

بكذا أكون انتهيت ، أتمنّى تكون هالخربشات مفيدة فعلاً لكم.
واعذروني إنّ كان فيها خطأ أو نقص.
حاولت باللي أستطيع في الظروف الحاليّة...
وإن شاء الله إنّي أكون أجدت ولو بشيء بسيط.

شُكراً لكم وأيّ استفسار أنا حاضر سواءً هنا أو في الكلّية...
صح ما عدنا جيران وبيودّونا للدور الثالث لكن برضو ما زلنا في نفس المبنى

كل التحايا والدعوات بالتوفيق لكم














 
  رد مع اقتباس
قديم 05-09-2011, 10:15 PM   #51
عُ ــمق ،!
عضو صاعد

 






السلام عليكم ورحمة الله وبركاته ،.

كل الشُكر للقائمين على هذا الموضوع والمشاركين فيه ، ولا يسعنا سوى أن ندعوا لكم بالتوفيق والسداد
ويجزيكم الله عنا خير الجزاء

الأخ .. إيفريست ، معلوماتك كانت كافية ووافية وماقصرت
وكمان استفدنا من تجربة الأخت إسراء جزاها الله خير .



نرجع للاستفسارات والمخاوف والقلق / صراحةً كُنت متفائلة بسنة ثانية خيراً
خصوصاً إنو المواد جديدة علينا فـ يكون عندنا حماس نتعرف على المواد الجميلة واِحنا منشكحين بس ماشكلو كدا !

زاد القلق عن موضوع كُنت متأزمة منو من سنة أولى :/
ألا وهوَ " المراجع " ! يعلم الله إنو السنة إلي فاتت زاكرنا من مذكرات هيَّ أقرب أن تكون ملخصات أكثر من أن تكون مرجع لطالب طب ! << طبعاً في بعض المواد مو كولها .

يعني لا هيا قد التعب والمزاكرة ولا قد الاختباااااار إلي بيتحط

الله يستر وتعدي دي السنة على خير .













 
  رد مع اقتباس
قديم 06-09-2011, 06:59 AM   #52
dr.ho
عضو لامع

 

يعطيكم العافيه ،،، معاذ ورياض ،،، كفيتوا ووفيتوا ،،، كنت راح أكتب تجربتي ،،، لكن أخي وحبيبي معاذ يكفي ويوفي ،،،

تجربته ما بعدها تجارب ،،، بس بأعلق على أهم نقطة ،،، ألا وهي الباثولوجي:

للتذكير فقط لا غير ،،، اناتومي(4 وحدات) + فسيولوجي(5) + بارا(4) = باثولوجي(13) ،،، أقصد ،،، في المعدل ،،،

هي المادة الرئيسية لسنه ثانيه ،،، فلما يقولكم معاذ 70 % وأكثر ،،، لا تستغرب ،،، ويمكن أكثر بعد ،،، بدون مبالغة،،،

في الفاينل ،،، ذاكرت اسبوعين قبل الاختبار وما خلصت ،،، وأنا مستعد من قبل ،،، نظراً لكم المعلومات الهائل ،،، بدون

تخويف ،،، لكن الأفضل إنك تعرف الشيء المقبل عليه ،،، حتى تستعد أكمل استعداد ،،، لا تفوت ولا محاضرة مع

الدكاتره ،،، حاول تذاكر يوم بيوم ،،، هو الحل الوحيد مع هذي الماده ،،، راح تبدأون ،،، تسخين أول اسبوع ،،، بعدين

يبدأ الدكتور القبلاوي ،،، بالإقلاع ،،،

بالنسبة لباقي المواد ،،، فما يحتاج أتكلم عنها ،،، معاذ كفى ووفى ،،، أصلاً ،،، إذا تمكنت من الباثولوجي ،،،

فبإذن الله راح تتمكن من الباقي بسهولة ،،،

بالتوفيق يا حلوين ،،،















 
  رد مع اقتباس
قديم 06-09-2011, 06:32 PM   #53
RiYaDh
عـضـو شــرف
 
الصورة الرمزية RiYaDh

 

اقتباس:
مشكووور آخوي ع طرحك الرائع لتجربتك

صراحه كفيت و وفيت

الأناتومي ما حبيتها السنه الي راحت

انتحرت قبل اختبارها ما فتحت الملزمه طول السنه لأني كنت حاسه

انو الماده غثيثه

و ذاكرت المنهج كلو في يومين

بس الله ستر .. وذحين حمستني لها

جزآك الله الف خير
العفو اختي
الاناتومي تعتبر من اسهل المواد خلال السنه ..مو لسهولتها لكن بمبدأ المقارنه مع المواد الاخرى ^^ بالاضافه الى اسئله القسم وكفاءه الدكاتره ..
السنه التحضيريه كان المنهج تقريبا ضائع مافي شي محدد اما السنه الجايه ان شاءالله يكون الوضع افضل بكثير مما قبل ^^
شكرا لمرورك ^^

اقتباس:
جزاك الله خير اخوي رياض وجعلها الله في موازيين حسناتك

و صراحة وفقت في تغطيت الموضوع من جميع النواحي

راح يكون لي الشرف بمعرفتك ان شاء الله

اسأل الله لنا ولك التوفيق في الدارين
الشرف لي اخي الفاضل لقرائتك ومرورك ..
وساتشرف بالتاكيد بالتعرف عليكم .. وفقك البارئ ..
دمت ..

Everest >>

كالعاده لاجديد انتم اصحاب الابداع
كفيت ووفيت واحطت الموضوع من جميع النواحي ..
واستفدت فيما قبل من تجربه السنه الاولى وهاا انا اقرأ واستفيد اكثر من تجربتكم للسنه الثثانيه ..
ونحن على خطاكم ذاهبون ^^

على طاري GIT..
هههههههههههههههههه للاسف اكلنا نفس المقلب ^^ لكن كان اخف
وان شاءالله يتجدد لقائنا حتى لو طلعتوا فوق وراكم ان شاءالله مافي فكه .. وكالعاده تحملونا بالاسئله ^^


ماقول غير .. الله يوفقك ^^

عادل .^^
اضافتك مميزه وكلامك رائع
احسست بهيبه الماده العظيمه الباثولوجي ..
لانستغنيي عن كلماتك وخبراتك ونصائحك ^^
شكرا لكم جميعا .. جميع من علق هنا ..

في حقظ الرحمن













 
التوقيع




..







{{ Ask here ..

  رد مع اقتباس
قديم 06-09-2011, 06:34 PM   #54
RiYaDh
عـضـو شــرف
 
الصورة الرمزية RiYaDh

 

المايسترو ..

تجربتك مميزه ورائعه ..
استمتعت بقرائتها ..
جزاك الله خير ..
واشكرك على استجابتك ^^
دمت بود .













 
التوقيع




..







{{ Ask here ..

  رد مع اقتباس
قديم 07-09-2011, 09:25 AM   #55
Dr.Smile
عضو مبدع
 
الصورة الرمزية Dr.Smile

 

اولا كل عام وانتوا بخير
وان شاء الله بداية موفقة وجديدة للجميع
واحب ان اهنئ وابارك لزملائنا الجدد على قبولهم في الطب

وان شاء الله بداية خير ونشوفكماحسن دكاترةو ترفعوا راس اهاليكم والمدينة فووووق
السنة الثالثة (الرابعة بالنظام القديم)


هذه السنة تعتبر المرحلة الإنتقالية بين البيسكك والكلينيكال
راح تحسوا انه هذه السنةعبارة عن سنتين


طبعاً الترم الأول راح يكون مثل السنوات السابقة كله في الجامعة
والترم الثانيراح تنزلوا مستشفيات ويبدا المشوار الكلينيكي

المواد اللي راح تدرسوها خلال دي السنة :
الترم الاول:
1. علم الادوية الطبية Pharmacology
2. مهارات الاتصال communication skills
3. المهنية الطبية professionalism
4. مهارات البحث الطبي Medical research skills
5. الطب النبوي والطب التكاملي Prophetical Medicine
6. أخلاقيات الممارسة الطبية (2) Medical Ethics
7. الثقافة الإسلامية (4)
الترم الثاني:
1- علم الجينات الطبية Genetics
2- الطب الباطني (1)Medicine
3- علم الاشعة (1) Radiology
4-جراحة (1) Surgery
طبعا اهم المواد في دي السنة:
Pharmacology عددالوحدات 8
Medicine عدد الوحدات 7
Surgery عدد الوحدات 7
الترم الاول:
زي ما شفتوا الترمالاول 7 مواد لا تخافوا ..
تقدروا تقولوا انه90% كلها على الفارما و10% على بقية المواد
1. علم الادوية الطبية Pharmacology
عدد الوحدات 8
راح يدرسوكم دكاترة من كلية الصيدلة
احنا العام درسونا 5 دكاترة كل دكتوركان يشرح جزء معين
دكتور عبدالحليم السواس : مرررررة طيبوحبيب لكن شرحه مو قد كذا
دكتور مهران : ماشاء الله ما يحتاج كاناحسن واحد في الشرح
دكتور السيد : برضو طيب وشرحه ممتاز
دكتور اقبال : والله عن نفسي شرحه كانطيب بالنسبة ليا لكن اغلب الشباب ماكان عاجبهم لانه اصله من الهند ودرس فياستراليا فاللكنة بالانجليزي كانت موعاجب الطلبة
دكتور حاتم : شرحه كان ممتاز وكان طيببس خسارة ما درسنا كثير
الاختبارات
راح تكون هناك 3 كويزات وهما راح ياخذوا افضلاثنين في الدرجات لكل طالب
يعني لو واحد جاب درجة كويسة في الكويزالاول والثالث والثاني مو قد كذا راح يحسبوله الاول والثالث
والثاني لو جاب درجة في الكويز الثانيوالثالث احسن والاول مو قد كذا راح يحسبوله الثاني والثالث
اول كويز على طول اول ما تخلصوا الجنراليعني تقريبا اسبوعين من بداية الدراسة
الكويزات عبارة عن مساعدة من القسم وممكن لو نسقتوا معاهممن بدري تقدروا تخلوه 4 كويزات
كل ما كثرت الاختبارات كل ما زادت فرصلك انك تعرف محل الاسالة وكمان تحسن درجاتك
في اختبار ميد بعد 7 اسابيع او 6 تقريباوبرضوا معاه اختبار ميد عملي وطبعا العملي زي النظري محاضرة عادية ماراح تعملوا أيشيء لكن سمعت انهم جابوا برامج العملي وراح يدخلوكم على معمل الحاسب موجود ويدربوكمعليها لسوء حظنا انه دي البرامج ما وصلت الا على نهاية العام .
واخيرا الاختبار الفينال وبرضوا اختبارعملي فينال
توزيع الدرجات
ما افتكربالزبط لكن اعتقد انه الكويزات كانت من10 والميد من 20 والعملي النصفي من 10 والاختبار الفينال كان عليه 30 والعملي الفينالمن 30
المراجع
النظري
ليبنكوت Lippencott's Pharmacology
كل الدكاترة كانوا يشرحوا منه وماكانوايخرجوا منه لكن في الطبعة الرابعة في بعض الاخطاء ودحين في طبعة جديدة دي السنةالطبعة الخامسة
وكل الدكاترة عروضهم كانت نسخ ولصق منالكتاب ما عدا الدكتور مهران راح يديكم مذكراته في جزئيته مرة كويسة لكن لازم تتابعوا معاه في الشرح عشانتفهموا مذكراته
طبعا بعض الدكاترة راح يعطوكم العروضوالبعض لا
لكن كلها من نفس المرجع ما عدا جزئيةالدكتور مهران فمرجعه من كتاب Goodman & Gilman
المرجع مررررة كبير زي Grays anatomy
وبرضو بعض الطلبة استخدموا كتاب recall pharmacology لكن كشيء اضافي مع Lippencott'sوالبعض استخدم الكتاب في مذاكرة المواضيع اللي ما لحقوا عليها في الاخير
اذا خلصتوا من دي المادة خلاص اعتبروانفسكم خلصتوا من سنة كاملة
العملي
المرجع راح يعطوكم الدكاترة من عروضوبعض المذكرات لكن نصيحة طالبوهم فيها من اول مو زينا تركنا وقبل الاختبارات بكميوم كنا نجيبها منهم
الخلاصة: الحضور والتركيز في المحاضراتوالمذاكرة أول بأول ستعطي نتيجة طيبة بإذن الله
لأنهالمنهج طويل مرة ويحتاج جهد بصراحة
وبقية المواد
2 مهارات الاتصال communication skills
عدد الوحدات 1
اخذناها مع الدكتور محمد لبن من قسمالنساء والولادة ماشاء الله كان انسان مبدع وذكي وخلوق لكن للاسف العام كان اخرسنة له في الكلية
وجزء بسيط في الاخير اخذناه مع الدكتورالرائع محمد زللي رئيس قسم الاطفال
مافي أي كويز كله عبارة عن اختبار ميدمن 40 والفينال من 60 والفينال كان في 3 اسالة كتابية Assay لكن لا تشيلوا هم مرررةبسيطة
المرجع كان الدكتور محمد لبن معطينا المحاضراتمطبوعة
مادة سهلة وبسيطة
3 المهنية الطبية professionalism
عدد الوحدات 1
اخذناهمع الدكتور أحمد العجمي من قسم الفيسيولوجي والدكتور معاذ مجددي رئيس قسمالفيسيولوجي برضو مرررة جيد
المرجع
كانالدكتور احمد العجمي الله يجزاه الف خير مسوي مرجع بالانجليزي مرررة تمام ومرتب
برضوتعتبر مادة سهلة
الاختبارات
كويزينوميد وفينال
توزيع الدرجات
30على الميد وعلى الحضور اعتقد كان 10 و واجب واحد من 10 والفينال من 50
4 مهارات البحث الطبي Medical researchskills
عدد الوحدات 2
مادة مهمة بعد الفارما لانه يوضح للطلاباساس البحث الطبي وكيفية عمله
اخذناه مع الدكتور خالد هيصم برضو للاسفراح وترك الكلية
والدكتور خالد قاسم بصراحة الدكتور فاهملكن مشكلته ماعنده طريقة التوصيل للمعلومة وبرضوا اسلوبه شوية سيئ هذا من وجهةنظري انتوا احكموا عليه بنفسكم
المرجع
محاضارت الدكتور خالد قاسم
الاختبارات
كان في كويزين وميد وفينال وعمل بحث
توزيع الدرجات
تقريبا ما افتكر بالزبط لكن التوزيع كانغبي شوية انه الفاينل كان عليه درجات اقل من الميد
كل كويز من 10 والميد من 40 وعمل بحثعليه 20 درجة و30 على الفينال
لو انتا فاهم دي المادة راح تفتح لكمجالات كثيرة في المستقبل والطب الحديث كله مبني عليه
5 أخلاقيات الممارسة الطبية(2) Medical Ethics
عدد الوحدات 1
اخذناه مع دكتور مصطفى اللييدرس الهيستولوجي
المرجع
كان كاتب اخلاقيات الممارسةالطبية لكن للاسف الكتاب شوية طويل فالدكتور كان يعطينا مذكرات لكن كل مذكراتتتكلم عن مصر فكان هبل وغير كذا الدكتور ما كان فاهم بعض الامور وكان يعطينا هيابطريقة غلط
والاسالة برضوا كان يحطهاوهوا ماهو داري عن اجوبتها
الله يعينكم على دي المادة
الاختبارات
في ميد وفينال بس
توزيع الدرجات
40 ميد60 فينال
مادة سارت غبية بسبب المرجع الغبي
6 الطب النبوي والطبالتكاملي Prophetical Medicine
عدد الوحدات 4

الطبالنبوي مع الدكتور حسين يماني ودكتور باسم شيخ
والتكاملي مع الدكتور اسامةالصديق تخصصه جلدية والطب التكاملي
المادة دي تدرس بس عندنا فيالكلية الجامعات الثانية ما يدرسوها حلاوتها انه تاخذ الطب من منظور اخر وغير كذاتعرف انه سيدنا وحبيبنا عليه افضل الصلاة واتم التسليم كيف كان يعالج نفسه صلى الله عليه وسلم واصحابه رضوان الله عليهم
الاختبارات
ميد وفينال
توزيع الدرجات
ميد من 40 و الفينال من 60
مادة مرة روعة عن نفسيعجبتني وسهلة بس يبغالك تكتب مع الدكاترة
وطبعا مافي مرجعلدي المادة
7 الثقافة الاسلامية
عدد الوحدات 2
واخيرا باقي الثقافة للناساللي ما خصلوا المستوى الرابع
الترم الثاني
راح تنزلوا المستشفى ومينقدكم يا معلم خلاص قربتوا خطوة كمان من التخرج الاحساس مرررررة حلوا انك تنزل مستشفىوتشوف المرضى والحالات
وكمان راح تتغير السكربات منالكحليللازرق فاتح
طبعا راحيتقسم الترم الى 9 اسابيع لكل مادة
9 للجراحة و9للباطنة
الجيناتوالاشعة عبارة عن محاضرة وحدة كل اسبوع يوم الربوع من 8 الى 10 وراح تستمر طول الترم
الاولاد راحيبدؤا بالجراحة والبنات بالباطنة وبعد 9 اسابيع راح تسير العكس
الجراحة
عدد الوحدات 7
قسم الجراحة اتحسن بكثيرعن اول

مدة الكورس 9 اسابيع من ضمنها اسبوع اختبار الفاينل واسبوع لإختبارالمي
.
وسيتم تقسيم الدفعة بناء على رغبة الطلبة إلى عدة مجموعات على حسب المستشفيات اللي راحتنزلوا فيها

احنا طبعا ما نزلنا الا في احد واحد مافيها حالات وما نلزنا ملكفهد غير اسبوع واحد على عكس الدفعات اللي قبلنا
ليش الله اعلملكن ان شاء الله السنة دي يكون غير

بالنسبة للدوام مقسم ما بين المستشفى والجامعة


من 8-9صباحاً يكون تحضير الحالات من قبل كل مجموعة والساعة الـ 9 يجيكم الدكتور المسؤولعن كل مجموعة ويناقشكم في الحالات ويتكلم عن موضوع الحالة من الناحية النظرية أوالعملية على حسب الدكتور حتى الساعة 11 أو 11.30

بعدالظهر محاضرات نظرية ماعدا يوم الاثنين من كل اسبوع محاضرة
Skill Lab وغالباً محاضرات الجراحة ماتتعدى الساعة 3

والمواضيعالنظرية اللي راح تاخذوها في المحاضرات ما تتعدى الـ 20 موضوع محاضراتهم قليلة

المراجع

النظري

كتاببايلي أند لوف: هو المعتمد من القسم كتاب طويل عن نفسي ذاكرت منه موضوع واستفدتمنه لانه بيشرح بطريقة حلوة لكن مشكلته بياخذ منك وقت طويل

كتابالقصر العيني: كتاب مصري جيد وعلى مستوانا معلوماته قديمة بعض الشي بس مقارب لشرحبعض الدكاترة أغلب الدفعة ذاكروا منه
. عن نفسي بعد اختبار الميد تركته وماذاكرت منه .


مونتريد: الطلاب مدحوا فيه عن نفسي ما جربته شخصيا


سيرجيكالريكول: كتاب رائع مرررة جيد مهما كان مصدرك للمذاكرة لازم لازم تذاكره من داالكتاب برضو


العملي

براوز:كتاب عملي عن نفسي ما عجبني لكن صوره مهمة

القحطاني: كتاب جيد ومختصر لبراوز ومفيد في المراجعة قبل الإختبار لكن اغلب الدكاترة مايعرفوا عنه لكن بعد ما وريت واحد منهم مرة عجبه



الإختبارات مع توزيع الدرجات

اختبار ميد يتكون من اختبار نظري من 20 درجة واختبار اوسكي ( يكونعلى شكل سيناريو وعلى موديل بالإضافة لشرائح صور عليها أسئلة ) عليها 10 درجات..وكان موعده في الأسبوع الخامس من الكورس
طبعا الاوسكي والموديلاعتبروها مساعدة من القسم ما عدا النظري اسالة صعبة .

اختبارفاينال يتضمن اختبار نظري من 30 درجة واختبار اوسكي (زي الإختبار النصفي) عليه 20درجة واختبار Long Case
عبارة عن حالة تأخذها فيالمستشفى وتأخذ الهيستوري والإكزامينيشن على الحالة وعليه 20 درجة

مهم مررة انكم تحضرواالسيشن اللي في المستشفى لأنه غالباً أسئلة العملي ما تخرج منه

وحاولوا تمروا على كل الدكاترة وتستفيدوا منهم وتغطوا كل المواضيعحتى لو ما كان عليها حالات

الباطنة
عدد الوحدات 7

مدة الكورس 9 اسابيع من ضمنها اسبوع اختبار الفاينل واسبوع آخرلإختبار الميد لكن للاسف احنا اخذناه مواضيع النظري في 6 اسابيع ونص
محاضراتالنظري تقريبا 63 موضوع وكل يوم تقريبا راح تاخذوا من موضوعين لثلاث

برضو تتقسم الدفعة إلى عدة مجموعات على حسب المستشفيات اللي راحتنزلوا فيها لكن الحمدلله نزلنا طول الفترة في الملك فهد


الأسبوع الأول يكون في الجامعة محاضرات فقط ومن الأسبوع الثانيالدوام يكون مقسم ما بين المستشفى والجامعة

السبت يكون في الجامعة الصباح من 8 – 10 يكون مخصص لمحاضرة نظريللإكزامينيشن كل اسبوع سيستم ومن 10 – 12
skill lab ويوركمالاكزامينيشن وبعد الظهر محاضرات.

من الأحد للأربعاء.. من 8-9 صباحاً يكون تحضير الحالات من قبل كلمجموعة والساعة 9 يجي الدكتور المسؤول عن كل مجموعة ويناقشكم الحالات ويتكلم عنموضوع الحالة من الناحية النظرية أو العملي على حسب الدكتور اللين الساعة 11 أو 11.30
وكل ربوع بعدالظهر من 1 – 3 اتختبار عملي للسيستم اللي اخذتوه في الاسبوع
والدوام مرهق نوعاما من 8- 4 واحيانا 5

المراجع

النظري

كوماروكومار البوكيت.. هو الكتاب المعتمد من القسم كتاب جيد بس الـ Text طويلوأغلب الشباب ذاكروا من البوكيت

اكسفوردعلى رأي الشباب اللي ذاكروا منه انه رائع

دانيش كتاب باكستاني مرةمرتب وحلو
ودافيدسون شباب ذاكروا منهومدحوا فيه

العملي

ماكلويدالمعتمد من القسم يجمع بين النظري والعملي كتاب طويل بعض الشي لكن تجميعاته جميلة وحاولوا انه اسبوعيا تخلصوا السيستم اللي اخذتوهمنه
وتجميعاته تنسالوا منها فيالاختبارات


تايليبعض الشباب ذاكروا منه وذكروا انه أفضل من ماكلويد وأغلبه عملي


الإختبارات مع توزيع الدرجات

كويزبنمن 10
و 5 درجات على مجموعالاختبارات اللي كل ربوع راح تختبروهم

Log Book
عبارة عن حالات وبروسيجيرسلازم تشوفها وتدور عليها
ما اعتقد عليه درجات لكنكانت مهمة لانه الاختبار الفينال ما راحتدخله لو ما كنت مكمل اكثر من 80% منها
وبصراحةكان غباء لانه اغلب الحالات ماهي موجودة وحالات نادرة مرررررررررة ما تشوفوها
اختبار ميد من 35 درجة
النظري عبارة عن MCQs
والعملي عبارة عن 6 حالات
Long History 1
2 Short History
3 Examinations
والفينال من 50 درجة ونفسطريقة الميد
وانصحكم بالمذاكرة اول باول لانه زي ما انتوا شايفين المنهج مرررةكثير

Genetics
عدد الوحدات 1

درسناهي الدكتور حسين الصواف برضو ترك الكلية
ودكتور حسام بغدادي وكانت محاضرة واحدة فيالأسبوع .
المرجع
محاضراتالدكتور اللي هيا من كتاب USMLE
الاختبارات
سارت لنا مشكلة في المنهجالمفروض كنا نختبر كويزين وميد وفينال لكن للاسف سارت لخبطة وما اختبرنا غير كويزوميد وفينال
توزيع الدرجات
الكويز من 10والميد من 30 والفينال من 60
وبصراحةالمادة سهلة لكن للاسف المادة ما تدرس بالصورة الصحيحة
Radiology
عدد الوحدات 1

سارت لنا مشكلة انه ماكان في دكتور يدرسنا دي المادة فاخيرا درستنادكتورة الطالبات بس بعد ما عدت 5 اسابيع من الترم الثاني

درستنادكتورة شاهيستا دكتورة جيدة
المرجع
كان محاضراتها مع كتابة الملاحظات معاها.
الاختبارات
المادةكان لها اختبار نصفي عليه 40 درجة وفينال عليه 60 درجة
توزيع الدرجات
الميد من 40 والفينال من 60
ولو احتجتوا أي مساعدة انا موجود في الخدمة
ولا تنسوني من دعواتكم
وبالتوفيق













 
  رد مع اقتباس
قديم 07-09-2011, 03:13 PM   #56
don
عضو

 

ماشاء الله تبارك الله ان شاء الله يكون عام دراسي حافل بالجد والمعلومات المفيدة واشكرك يا دكتور سمايل على هذا البيان والتوضيح
والله يعين ويوفق الجميع ان شاء الله













 
  رد مع اقتباس
قديم 07-09-2011, 03:35 PM   #57
alloosh90
عـضـو شــرف
 
الصورة الرمزية alloosh90

 

*$$ المايستروو $$*

تجربة في شعبتها الكثير والمفيد
أثرت الموضوع وإضافة رائعة
بمثلكم يحلو المنتدى


Riyadh
شكرا لك على تولي زمام المنتدى بشكل عام ومساعدتك وسعيك في الموضوع
تجربة رائعة ,,شخص لطيف,, ليدر حبيب

نفع الله بك وأعانك لكل خير


۩ ..ęνěŗêşť.. ۩
تجربة ماشاء الله تبارك الله
أقرب للكمال لماحصل في سنتنا الدراسية الجميلة
وستظل من احدى بصماتك الرائعة المشار لها بالبنان
شكرا ×3 ياليدرنا القادم بقوة


dr.smile
كعادتك لا تبخل بشيء لتقديم ما لديك
تجربة رائعة أعطتني صورة جيدة للسنة القادمة
نفع الله بك وزادك علما على علم
شكرا جزيلا

والشكر موصول لأصحاب الاضافات
مثلكم dr-ho













 
التوقيع


- - - - - - - - - -
بلغ العلى بكماله...

...
.............كشف الدجى بجماله...

حسنت جميع خصاله...

.............صلوا عليه و آلـــه...



- - - - - - - - - -


  رد مع اقتباس
قديم 07-09-2011, 03:35 PM   #58
alloosh90
عـضـو شــرف
 
الصورة الرمزية alloosh90

 

بسم الله الرحمن الرحيم

السلام عليكم ورحمة الله وبركاته
كل عام وانتم. بخير وكل ترم وانتم للاحسن
ألف مبروك النجاح والله يبارك لكم في قادم السنين

غمض عين وفتح عين تلاقي نفسك بتكتب تجربتك في الموضوع بعد سنة
السنة الثانية وقد يسميها البعض عنق الزجاجة لموادها الدسمة التي تتطلب منكم الاجتهاد
ولايوجد شيء صعب طالما هناك اعداد منتظم ،، وهدف واضح
ولكنها بالنسبة لي أحلى من أولى بكتيـــــــــــــــــــــر

والسنة ده بشكل عام فرصة للجميع ولاثبات جدارتك بتوكلك واخذك بالاسباب
ويصلاتك وبرك لوالديك وتركيزك في الاهم عن باقي الامور
والراحة وتنظيم الوقت من الاساسيات ،،، عشان لايطق لك عرق

::::::::::::::::::::::::

ماراح اتكلم بتفصيل او تكرار لماسبق
نظام الاختبارات كما حصل في السنة الأولى .. ولمعرفته أكثر راجع الموضوع فيه الجدول الخاص بالكوزات
>>هنــا<<
وبطلب من مشرفنا العزيز رياض باضافة تجربة الليدر للدفع سأكتب الآتي
وبداية اشيد بما دونه العزيزجدا زميلي معاذ تحكي لسان الحال واراها تجربة نموذجية لماحصل في عامنا الدراسي الفائت
ودعونا نسترجع الذاكرة لعام سابق
ففي مثل هذه الايام عقدت النية بالاعتذار عن الليدرية وترك المجال للزملاء بالاجماع على احدنا
ولكن دفعتنا تماطل اكتر وكل مين يتهرب ويقول
ماابغ,,

مااعرف,,
ماادري,,
لا انا خايف تشغلني ,,
ايش رائك فلان,,
ليش مو انت,,
واحنا والدكاترة في حيرة وسؤال يطرح مين الليدر بتاعكووم ؟؟!! مع تبادل نظرات وسكوت رهيب,,

على كل حال
انتهى الموضوع في يومها بعد نقاش وتفاوض بالاتي
،، فضل الليدر ليدر والنائب نائب ولكن بشكل احترافي اكتر
فتم تكليف مسؤول لكل مادة من المواد
the Pathologist معاذ العتيبي
the Microbiologist
محمود أبوجامل
the Parasitologist محمد عبدالناصر
the Anatomist
أحمد كاتب
the Physiologist بدر عالم
مهامهم :-
التواصل مع الدكاترة وكذلك مع الطلبة مع وجود كل جديد يذكر
وهو مسؤول ايضا عن المذكرات ورفع المحاضرات على فولدر الفورشيرد الخاص بالدفعة
ومسؤول المادة له مساعديه ،،
وكل مهمة مستجدة في اي مادة ولها أهلها ومن يتكفل بها سواءا من الطلاب والطالبات ،،
مثلا ..
مراجعات العملي لكل المواد
واخراجها اما بمونتاج فيديو ، او ملخصات مصورة ، او عروض بوربنت بالتأشير واضافة البيانات الناقصة
قد يكون عمل بسيط ولكن يجتمع على أدائه العديد
وبالتالي جهود بسيطة غير مكلفة تجتمع سوية لتخرج عمل ناجح مفيد
<< الاتحاد قوة

فتفائلنا بالخير في وجود ناس متعاونة وماتبخل بشيء

واتوكلنا على الله وقلنا نممد فترة انتخابية جديدة وخلينا نتفنن بالليدرية السنة


الطالبات كان لهم نفس الترتيب والنظام بمسؤولات للمواد ونفس ليدر السنة الأولى برضوا دكتورة شهد شيرة
ماقصروا صراحة وكان لهم حسن التواجد والتعاون وكنا إيــد وحده وهكذا يصب في الاخير لمصلحتنا كدفعة واحدة


عموما .. من تاني يوم جينا وسجلنا ببيانات الطلاب وبيانات التواصل معهم،،، و بدانا بجمع القطة::
واشتركنا في خدمة الرسائل
واشترينا اللازم من ادوات مكتبيةغير متوفرة
ونسخنا المفتاح عشان لو الطريق كان زحمة واتاخر الليدر
من ينوبه يكون موجود
والباقي لصندوق الدفعة

واعتمدنا الفيس بوك كمكان للتجمع ،، لتعدد الخيارات وتلبيته للاحتياجات من سهولة استخدام ووصول سهل وغيرها
وبعد فترة كان لنا السبق باعتماد شعار للدفعة موضح في آخر الموضوع,, بداية بطرح الفكرة وأخيرا باختيار الشعار ذي المعجبين الأكثر

وكذلك اعتمدنا مكتبة ننزل فيها مذكراتنا بسعر مخفض وموقع معقول وتعامل كويس
طبعا احنا كطلبة طب الطالب الواحد بيصور مذكرات بالمئات
والدفعةالوحدة مصدر رزق مابالك بدفعتين او تلاتة،، فاللي يراضينا نزبطه

ومع بداية الترم نزل جدول الكوزات
اللي هوا كل يوم سبت اختبار
ونصيحة اجعل اهتمامك ان تاخد الدرجة الكاملة في كل اختبار بالاستعداد الجيد جدا
وكل اختبار قادم هو تحدي لك ،،، ويوم السبت بعدالكوز يكون نوم وراحة
اخر اليوم تطلعوا تمرين اسبوعي ولا عشا المهم لا يخلو من الترويح

على حظنا ان العام كان مليان اجازات وكلها يوم سبت
فتحصل تاجيلات كتير وبدوركم خدوا الاحتياط من بدري بمخاطبة وكيل الكلية د. خوش حال
وعند العودة من اجازة (حج او منتصف الترم ٢)نطلب تاجيل اختبار السبت ليوم الاحد او الاثنين
بحيث ما تضيع معظم الاجازة بالاستعداد للاختبار

++++حاولو تزبطو جداول نصف السنة والفاينال للنظري والعملي من بدري مع المكتب ااكاديمي

في اول السنة كانت الكلية تحثنا على المذاكرة من التكست العالمية
وعدم الاعتماد على المحاضرات او المذكرات فقط
هو للحقيقة التكست افضل حاضرا ومستقبلا بعلم وفهم وحتى لغة
ولكن للامانة المحاضرات وتسجيل الملاحظات مع الدكتور هي الطريقة الاامن والاسهل لحصد الدرجات وايضا الفائدة ،، فكونها مذكرات لايعني انها سيئة ابدا

ايضا الكليةكانت حريصة
باشراكنا في عمل العروض التقديمية والبوسترات والمطويات
وكانت حاجة كويسة ،، حلو انكم تستغلوها ويطلع شغلكم باحسن شكل ممكن

حاولوا تستفيدو من ملخصات ومراجعات طلاب الاعوام السابقة
فالشكر الجزيل جدا لهم
للدكتورتين اسراء وشعاع على ماوفروه لنا العام عبارة عن ((DVD))

ومع اضافة للتجارب اللي في الموضوع
كانت السراط المستقيم حقي

فالشكر موصول لهم وللدكتور سمايل بطرح لتجربته
>>>بخصوص الملفات حتوصلكم ان شاء الله


::::::::::::::::::::::::

Pathology

اعطاكم الزبدة ودلكم للمختصر المفيد وهو افضل شخص ممكن يفتيكم في المادة
الترم الاول general
والترم الثاني systems.. واعادة دراسة مواضيع الgeneral في كل system
مثلا في الgeneral ندرس الأورامtumers بشكل عام
نرجع في كل system ندرس الاورام حقتها بتفصيل اكتر
فالgeneral يعتبر الاساس ومهم تكونوا مستوعبينه وفاهمينه

ازيد وااكد على نقاط بشكل عام وهي
ولو عاد بي الزمن ،، لحرصت على مذاكرة المادة في يومها
مادة ممتعة وقد ماتجتهد قد ماتستفيد وتحس بالاستفادة وقد ما تضمن الدرجات

كل موضوع في المادة وفي كل المواد احرص انك تقرا الموضوع اكتر من مرة ،، خصوصا الاختبار النهائي ، خلي الموضوع مؤلوف اكتر

اول ماتشوف المحاضرات سيئة او فاضية او غير واضحة المعالم اتصرف والحق نفسك .. إما تكلم الدكتور يتصرف او توفر لنفسك بديل

محاضرات الدكتور القبلاوي مهمة جدا ،، اللي يركز عليه مهم وغالبا مواضع اسئلة
واحيان معلومات ماتكون مكتوبة في المحاضرة بس يكتبها على السبورة وتجي سؤال امتحان
واحيان الطلاب يسجلوا المحاضرة صوت ،،

الموضوع في الرابط يفيدكم كثير مذاكرة العملي والنظري ومراجعة للاختبار واعداد البرزنتيشن والمطويات والبوسترات
● Pathology books ●
::::::::::::::::::::::::

Microbiology

درسنا مقدمة وبشكل عام .. بالاضافة لشابتر مهم هو المناعة immunity
الترم التاني ناخد باكتريا وفيروسات وفطريات
وحده وحده
بالمرض اللي تسببه والميديا ( culture) الخاصة بها
واعراض المرض وكيفية العلاج لبعض البكاتريا
والحذر انك تتلخبط بسبب تسويفك وعدم مذاكرتك وتدخل البكتريا في بعض
زي ماقلتلك خلي المادة مؤولوفة بالنسبة لك

المذكرة او الكتاب المصور دش×دش
ابيض×اسود ،،، وتحمد ربك لو لقيت صورة في الموضوع عشان يسهل عليك
فمهم انك تحضر وتعرف اللي يبغاه الدكتور

الملاحظ وجود دخيل في القسم الا وهو رئيس القسم ،،كيف كده؟
هو صحيح انو نظامي ويحاول يتشدد وده اللي ينفع لنا كشعب كريم
لكن احيان الشدة في غير موضعها لخبطة
يعني مثلا مالها داعي تشتيت الطلبة قبل الاختبار نصف السنة بيوم بالزامهم مذاكرة شابترين عملي وفي الاخير مايجي منها سؤال
ونفضل احيان في حالة لا الدكتور اللي يجينا عارف شي ولا احنا عارفين ...بل ننتظر اجتماعه مع القسم وبدون عجلة ولامانع من التاجيل
فلاداعي للطلبة معرفة شيء عن الاختبار بل هو شغلهم الدراسة والطالب الكويس راح يحل
سواءا جاله اختبار كتابي او اختياراو او

نقطة ايجابية للقسم حرصه على العرض التقديم على مدار الترمين
وتعاون دكاترة القسم وسعة صدورهم
وان كانت المادة متعبة شوية ومسؤول المادة محمود يحبط احيانا
الا اننا في الاخير نشوف اسئلة معقولة ودرجات مهضومة
وصدق من قال توقع الاسوء حتى ترضى بما دون ذلك

نتمنى دمجها مع مادة الطفيليات لتكون مادة وحده


::::::::::::::::::::::::
Parasitology


المادة ده فلم ودراما مع الدكتور مجدي
كان مخلي المادة هي اهم مادة في الطب
وياما الدكتور الكبير يعمل تشخيص خاطئ لعدم تمكنه من علم الطفيليات
وكأننا بندرس المادة كتخصص
واصبحنا نحن الطلاب مهتمين بها وشايلين همها فالمادة اسماء ديدان وحاجات جديدة علينا
اللي كان مسهلها الحان وأغاني الدكتور لاسماء الطفيليات
و في الاخير زبطنا الديدان والحمد لله
ومسؤول المادة يعطيه العافية تعب شوية خصوصا مع انشغال الدكتور بالمكتب الاكاديمي

طبعا من الحاجات المميزة هو استماع نغمة جوال الدكتور كل يوم في كل غرفة وفي كل سيب .. لسه ماعرفتوا المكتب الاكاديمي!! ..

استفيدو من التجميعات الموجودة وحاولوا تعملوا لنفسكم ملخص
ليس المطلوب كل حاجة انما نقاط اساسية يركز عليها الدكتور وتتكرر في كل درس

الموضوع التالي يفيدكم كتير في اعداد البرزنتيشن
ويحوي كذلكعلى المذكرة اللي بنذاكر منها
● parasitology ●
::::::::::::::::::::::::

Anatomy
head & neck كانت مع الدكتور شريف
neuroanatomy كانت ابتداءا مع الدكتور احمد
قدمنا طلب لرئيس القسم بالنظر في حالنا وقتها ومع عودتنا من اجازة الحج ماكان موجود د/ أحمد وعلى إثرها جانا د شريف

فكانت ميزة انها مع الدكتور شريف ولحقنا ناخد اناتومي معاه واستفدنا اكيد
ولكن الملاحط ان الطلاب اصابهم شي من الملل فالدكتور هو هو طول العام وفي القاعة بدون مانروح للمشرحة غير يومين خلال عام

حاولوا تزبطوا الneuro ،، حتستفيدوا منو في الترم التاني في الphysiology

الجميل في قسم الاناتومي التنظيم فكل حاجة مكتوبة ومسجلة من اول العام
من خطة دراسية للعام بمافيها من اهداف ومحتوى وتوزيع درجات وووو
وتوصل لكل طالب
ولده الشي المردود الايجابي حتى المهام خفت على مسؤول المادة مقارنة بالمواد الاخرى


::::::::::::::::::::::::
physiology

القسم كمااعتدنا منه حسن التعامل من السنة اولى
وموضوع احب اكرره
لو رجع بي الزمن ،،، لاعتمدت فقط على كتب الدكتور احمد العجمي
وان اصر القسم على مذاكرة guyton يظل العجمي الاساس واي معلومات اخرى تضاف له

من حكاوي القسم الدكتور فورة ،،حقيقة الدكتور كان في وادي ونحن في وادي

لانعيب احد في علمه ولكن كنا ضايعين حينها من عدة اوجه والطلبة هم الضحية
خاطبنا رئيس القسم بالنظر في حالنا وزبط الموضوع في الاخر وخرجنا باقل الاضرار
وكان لبدر موقف عاد بالنفع لكامل الدفعة ,, حتى احنا عندنا ثورات

::::::::::::::::::::::::
كليدر في نهاية فترته الرئاسية
أتمنى وجود الآتي في قادم السنين
1- توفير مركز تحميل ملفات يتم الولوج اليه عبر شبكة داخلية في الكلية او عن طريق الانترنت لرفع المحاضرات و اعمال الطلاب في المادة ليستفيد منها الجميع
حيث تتم ارشفتها بشكل يسهل الوصول اليه
2- نتمنى ونرجو من ادارة الكلية كتابة دستور او نظام او لائحة وتعميمها على الجميع
نرجع اليها في حين اختلفنا والحاصل لايوجد ما نستند اليه محد عارف راسو من خلاصو وكل مين يفتي عليك
3- توفير خدمة الرسائل لكل دفعة اما من الجامعة او بدفع مصاريفها للاشتراك
4- لوامكن عمل اواعتماد مرجع واحد فقط لكل مادة في البيسك بحيث يكون شامل
بدون مانقول تكست على مستوى عالمي بعدد صفحات وقدرها ومحد يروح يذاكر منها فالطلبة يحاولوا يوصلوا للمهم بايسر الطرق- فإذا أردت أن تطاع فأمر بما يستطاع
5- اقترح عليكم كدفعة قادمة القيام بتوزيع المهام كما حصل معنا ,,, السنة مليانة بالمفاجآت وماهو مخالف للتوقعات من الاقسام او من ادارة الكلية ، وتعاملكم مع كل موضوع يحتاج وجود أشخاص متعاونين وشايلين هم المسؤولية بينهم

::::::::::::::::::::::::
أخيرا
أمضيت سنة كانت جميلة بوجود اناس طيبين أمثالكم
يتكلم الناس يعيدوا ويزيديوا الليدر مو لاقي وقت لدراسته ,, انا ما اوفقهم بالعكس ممكن تكون فرصة لتميزك تعتمد على شخصك

عن نفسي يكفيني شرف لخدمة اناس هم زملائي وأصحابي كما اجتمعنا افترقنا وسنجتمع دائما من جديد على كل خير
.<<< صورة للحفل اللي عملناه نحن طلاب الدفعة كوداعية للدكتور شريف نسأل الله أن يوفقه انما حل وارتحل





::::::::::::::::::::
آخر الأخير

اكتر موضوع مايخلص الكلام فيه لمن طالب طب في سنة متقدمة يتكلم مع طالب بعده عن السنة الدراسية
اتمنى اني اكون وفقت في كتابة واختيار ما كتبت...ونسال الله ان ينفع بالموضوع وبالتجربة


مستعدين لاجابة استفساراتكم ومساعدتكم ,, وإن شاء الله ما نقصر

أطيب الأمنيات لكم جميعا
اخوكم علي راجح
=)













 

التعديل الأخير تم بواسطة alloosh90 ; 08-09-2011 الساعة 12:24 PM
التوقيع


- - - - - - - - - -
بلغ العلى بكماله...

...
.............كشف الدجى بجماله...

حسنت جميع خصاله...

.............صلوا عليه و آلـــه...



- - - - - - - - - -


  رد مع اقتباس
قديم 07-09-2011, 09:51 PM   #59
dr.ho
عضو لامع

 

والله يا علي ،،، اتشرف إني أكون في دفعتك ،،، كنت ليدرنا لسنتين ،،، وكانت جميله جداً ،،، كنت متعاون مع

الجميع وما تقصر باللي تقدر عليه ،،، وكنت مستحملني لأني ،،،، رجه ،،،، هههههههههههه ،،، بالتوفيق لليدرنا

الجديد ،،، ويبشر باللي يرضيه ،،، ودفعتنا ،،، دفعة 29 ،،، دفعه مميزة جداً ،،،، الجميع اخوان ،،، وكلنا متعاونين

مع بعض ،،، الله يديمها علينا نعمة إلى التخرج ولا يغير علينا ،،،

على فكره ،،،

أول مرة أدري ،،، إنو فيه صندوق للدفعه ،،،هههههههههههه ،،،

بالتوفيق يا حلوين،،،













 
  رد مع اقتباس
قديم 08-09-2011, 12:07 PM   #60
alloosh90
عـضـو شــرف
 
الصورة الرمزية alloosh90

 



حياك لله إني تايم في أي وقت واجبنا اننا نتساعد ونخدم من حولنا
والشيء اللي نستفيده من أحد مانبخل به لأحد تاني وهكذا
ده الشي اللي يجعل مننا مجموعة كويسة تنهض وتتطور للأحسن


على صندوق الدفعة ,, هي كم ريال اللي بقيت سميها بيت مال او محفظة
و نستخدمه للضرورة ويبقى موجود محفوظ في أيد أمنة إن شا الله طوال فترة دراستنا













 
التوقيع


- - - - - - - - - -
بلغ العلى بكماله...

...
.............كشف الدجى بجماله...

حسنت جميع خصاله...

.............صلوا عليه و آلـــه...



- - - - - - - - - -


  رد مع اقتباس
إضافة رد

مسابقة الفريق التطويري الثانية ( الرمضانية)- التسجيل هنا



الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة



الساعة الآن 12:14 AM.

جميع ما يكتب في المنتدى لا يمثل توجهات وسياسة المنتدى أو إدارته أو أعضائه .. وإنما يعبر عن رأي كاتبها
مع الأخذ في الاعتبار ضوابط المشاركة في المقالات والمواضيع العامة
Copyright © 2004-2014, Bandars.com
Technical Management by Al-Yasser Group

 
شبكة علمية تعليمية ، تجمع طلاب وطالبات جامعة طيبة ، وتهتم بقضايهم الأكاديمية والتعليمية
بالإضافة إلى مجموعة من الخدمات الإليكترونية .
 
   »   الانشطة والفعاليات
   »  الأخبار والتغطيات
   »  الكليات العلمية
   »  الكليات الطبية
   »  الكليات الإنسانية
   »  حساب المعدل التراكمي
   »  جامعة طيبة
   »  عمادة التطوير الجامعي
   »  عمادة الدراسات العليا
   »  رسالة طيبة
   »  عمادة التعليم الموازي والمستمر
   »  إدارة فرع جامعة طيبة بالعلا