Follow @TU_Forum
 
 
صفحة 1 من 2 12 الأخيرةالأخيرة
النتائج 1 إلى 30 من 51

الموضوع: فضيحة كلية السلام مبنى 5

  1. #1
    عضو

    تاريخ التسجيل
    May 2010
    المشاركات
    37
    معدل تقييم المستوى
    1

    فضيحة كلية السلام مبنى 5

    بسم الله الرحمن الرحيم
    والله مادري من فين ابدا الموضوع من ايش ولا ايش
    مبنى 5 يعاني من كارررثه حقيقيه من ناحية الاهتمام والنظافة وتلاعب المسؤولات
    اول شي خلونا نتكلم عن دورات المياة وانتو بكرامه
    طبعا الدور اللي تحت غالبا فيه الاقسام العلمية وسيطره كامله على جميع دورات المياه

    بجميع مرافقها ياليتها قفلت حمام واحد من دورة المياه وتركت جزء ولو بسيط منها لغيرها << بس الكبر والظلم
    طيب خلينا نمشيها لها ونقول هاذي مسؤوله وهيا مو بشر زينا
    في نفس الدور على بعد كم خطوه نأتي لدورة مياه ثانيه تمت السيطره عليها عشان رئيسه قسم الرياضيات والكيمياء
    وطبعا السيطرة على جميييع دورة المياه ونفس الشي ياريت لو تركو جزء منها الا انهم سيطرو عليها جميعها << يقفلوها من برا بالمفتاح عشان لا احد يدخل غير حضراتهم
    ليييييييه المشي كم خطوه لحمامات العميده يتعبكم ولا ينقص كم كيلو منكم ولا عشان كل وحده فيكم جالسه عند مكتب لازم تنفخ ريشها وتتحكم
    وطبعا الكل يتسائل ما الذي تبقى للطالبات ؟؟؟
    الطالبات لهم دورة مياه فيها 6 حمامات 3 منها مكسره وغير صالحة للاستخدام واحد منهم الباب مكسور من النص
    يعني ماينفع حتى ينقفل والثاني مافيه سباكه يعني مادري ليش اطلق عليه حمام والثالث نفس الثاني
    والمويه دايما يقفلوها ولا يوجد حتى سلة للمهملات والارض كلها مناديل مرميه في كل مكان ((شبيه للحمامات الموجوده
    في طريق السفر)) رغم انها والله اكثر نظافه منها والروايح شي لا يطاق تزكم الانوف وتوصل لداخل القاعات
    وطبعا هذا الشي بعييد عن غرف سعادت المسؤولات عشان عارفين الظلم
    يعني متخيلين مبنى 5 فيه 3 ادوار ويخدم كليتين كلية التربية او العلوم التطبيقية وكلية اعداد المعلمات << يعني كم هائل من الطالبات في مبنى واحد يستهلكون دوره مياه من 3 حمامات
    من غير مويا ولا نظافة ومكسره وحتى الخالات مايتبرعو ينظفوها من الريحه اللي فيها
    ومستهلكة استهلاك مو طبيعي خاصه وقت الصيف ولاتنسو شي يحزن حال البنات الحوامل وهم يحتاجون للحمام اكثر من مره
    طيب اكيد تقولو والدور الثاني والثالث فين دورات المياه ؟؟؟ طبعا الدور الثاني نفس الدور الاول لان ادارة كلية اعداد المعلمات سيطرت
    على جميع دوراة المياه .. واذا جاء الظهر يفكرو يفتحو واحد عشان البنات يتوضو
    يعني حتى مكان للوضوء في الكلية لايوجد
    والدور الثالث نفس الشي !! دورات المياه مكسره وتسرب ومقفولة
    اتمنى انو في احد يدخل وينقذ البنات من الكارثه البيئيه اللي عايشين فيها
    لانهم في مصنع ملووووووووث في هاذي الكليه بسبب دورة المياه الوحيده المتاحه لهم
    التعديل الأخير تم بواسطة ضحكة فجر ; 21-05-2010 الساعة 11:03 PM


  2. #2
    عضو

    تاريخ التسجيل
    May 2010
    المشاركات
    37
    معدل تقييم المستوى
    1
    ونكمل الحديث عن هذا المبنى التكيييييييييف سكتنا وسكتنا وسكتنا بما فيه الكفايه عن هذا الموضوع
    لكن خلاااااص لانستطيع ان نستحمل اكثر<< تستنو البنات يغمى عليهم من الحراره عشان يسو شي
    يعني في الدور اللي تحت بحكم انو اغلب محاضراتي هناك القاعات مافيها تكييف
    بينما وفي نفس الدور وكيلة الكلية وموظفاتها ورئيسات الاقسام واعضاء هيئة التدريس عندهم تكيييف
    ليييه طيب ؟؟ لمتى هاذي السيطره انتو بشر واحنا لا واللي يحزن كل دكتوره تقول ركزو معايا
    وانواع التهزيئ وكل وحده ماسكه في يدها ورقه وتهوي نفسها فيها وماعندهم غير واحنا مستحملين الحراره عشانكم <<بجد ياحراام محاضره وحده ما استحملتو واحنا اللي طول النهار محبوسين في الحراره مانقدر حتى نقول اووف
    وفوق هذا كلو انواع التهزيئ لو جلسنا في الممرات في الظل ونتكيف من الهواء اللي يخرج من غرف المسؤولات
    يجو الامن ويخرجونا فين نروووح طيب ؟؟ نخرج خارج المبنى مافي ظل والجو مرررره حار .................................................. ....
    ندور قاعه فاضيه ((عشان بس بس ندور ظل )) مافي قاعه ,, القاعات كولها مشغوله وقافلين كمان الساحة الدخليه للمبنى << وقلبوها كمان قاعه
    حتى المصلى اتحول لقاعه وبدون تكييف يعني مادري فين يبغونا نصلي ؟؟
    مو معقوله الاختبارت على الابواب ونختبر من غير مكيفات كيف نركز ونحل ???

  3. #3
    عضو

    تاريخ التسجيل
    May 2010
    المشاركات
    37
    معدل تقييم المستوى
    1
    ونكمل موضوع القاعات ,,,, تصدقو انو الدكاتره يهزؤونا ويقولو تروحو تدورو قاعه
    ونجلس ندور في القاعات ونسأل في كل قاعه ((خلصتو ولا لسه )) يعني عشان ندرس لازم نشحذ
    وفوق هذا كله مو مكيفه ,, وانواع الوساخه .. اورق مرميه ,, في كل مكان مناديل ,,علب مويا ,, وعصير ...,,,,,,,,,,,, الخ
    وحشرااات تمشي في كل مكان في كل محاضره لازم يصير صريخ انو في حشرات,,,
    لا وتصدقو انو مره في القاعه كان عندنا حمامة وكل شويا تطير على الطالبات
    والمحاضره كانت لرئيسة القسم وتقولنا عادي اجلسو
    وفوق انو مافي قاعات حتى الممرات انسرقت يعني من عند غرفة وكيلة الكليه ممنوع احد يمشي
    المبنى عندنا بشكل دائره احيانا تكون المحاضره في اخر القاعه اللي في ممر الوكيله
    والامن مايرضولنا نمشي يقولو روحو من الجهه الثانيه وناكل المسافه كولها لا وبكل سخريه يقولو المشي رياضه ,, <<<< خلاص اذا المشي رياضه افتحولنا الممر نمشي منو وخلو الوكيلة وموظفاتها يمشو من الطريق الطويل
    كفايه انهم طول النهار جالسين تحت المكيفات ولا عمرنا شوفناهم يتحركو
    حتى مافي قلوبهم رحمه لو بنت حامل تبغى تمشي يطردوها وطبعا هذا مو بس تحت حتى في الدور الثاني نفس المأساة للمرات


  4. #4
    عضو

    تاريخ التسجيل
    May 2010
    المشاركات
    37
    معدل تقييم المستوى
    1
    وطبعا شايفين اعلانات اسبوع البئية اللي ماشوفنا في الكليه منها شي <<<
    بس بنات يجرو ويلا بيئه ويلا نظافه
    فين النظافه ؟؟؟؟؟؟؟ شي مضحك احنا نطالبهم بنظافه ويقولو يلا نظافه
    ليه ماعندنا شركة نظافه زي الجامعة عندنا خالات كبار في السن زي ايام المدارس
    والله نحزن عليهم لما نشوفهم يشتغلو حتى اصلا مايقدرو ينظفو مضبووط
    والوكيله طبعا اغلب الخالات خاصين فيها ومسويتلهم غرفه قريب من غرفتها وهذولاء شغلتهم يسولها الشاي
    والقهوه ويفطروها هيا وموظفاتها
    اما الكليه مانشوف احد ينظفها براميل زباله نادرا مانشوفها واذا فطرنا نبغى نرمي العلب مانلاقي مكان
    وفي كافتريا في الكليه عندها طاولات طبعا في مكان غير مكيف في حرارة الشمس يجلوس عليها البنات ويفطرو
    تعرفو كيف ينظفوها ؟؟؟؟ تجي الخاله بالمكنسه الطويله اللي كانت تكنس فيها الارض
    وتكنس فيها الطاولات<<< مكنسه يا ناس وسخه يكنسو فيها مكان نحط عليه الاكل ولا النحل..... اللي يطلعلنا في الكلية بسبب اكياس الزباله بدون براميل يعلقوها في الاعمده ومافي احد يبدلها
    الى اخر الدوام وتتبعى الاكياس بالعلب ولا احدي فكر يرفعها والاكياس صارت كولها نحل وحشرات <<<<
    كاننا في مردم نفايات مو في مكان تعليمي جامعي

  5. #5
    عضو

    تاريخ التسجيل
    May 2010
    المشاركات
    37
    معدل تقييم المستوى
    1
    اما بالنسبه للاسعار في الكلية فحدث ولا حرج فين القلوب اللى تخاف من ربنا
    يبغو ربنا يعذبنا زي قوم شعيب كما قال سبحانه‏:‏ ‏{‏وَإِلَى مَدْيَنَ أَخَاهُمْ شُعَيْبًا قَالَ يَا قَوْمِ اعْبُدُواْ اللَّهَ مَا لَكُم مِّنْ إِلَـهٍ غَيْرُهُ وَلاَ تَنقُصُواْ الْمِكْيَالَ وَالْمِيزَانَ إِنِّيَ أَرَاكُم بِخَيْرٍ وَإِنِّيَ أَخَافُ عَلَيْكُمْ عَذَابَ يَوْمٍ مُّحِيطٍ‏}‏

    يعني فررق الاسعار في الكلية وبرا الكلية ولا عشان مافي احد يفتش عليهم ولا مندوبين من وزارة التجارة ولا شي

    ولو ندخل اكل معانا ولا قهوه ممنوع بينما حضرة الموظفات عادي يدخلو قهوه وحلا وياخذو راحتهم ع الآآآآآآآآآآآآآآآآآآآآآآآخر
    ويقلبو الكلية لبوفيه حفالات انواع الصواني تدخلهم عشان حضراتهم يحتفلو في مكان تعليمي
    واخيرا ,,,,,
    اتمنى,, اتمنى,, اتمنى كلامي يغير شي من اللي بيصير في الكلية
    ملاحظة

    انا مو عارفه اوصل هذا الكلام لمين ارفع خطاب لعميد الكلية : سلطان العمري اللي مو عارفين كيف نوصل له ولا لدكتور النزهه ولا امير المدينة ولا فين .. عشان يشوفو الاشياء اللي بتصير في الكلية من وراهم من الظلم اللي عايشينو البنات

    ملاحظة :


    الرجاء عدم حذف الموضوع وياريت لو يوصل هذا الكلام لعميد الكلية حتى نشعر اننا في مكان للتعليم الجامعي

  6. #6
    عضو

    تاريخ التسجيل
    Nov 2009
    المشاركات
    96
    معدل تقييم المستوى
    1

    Thumbs down

    وقفة إحترام لك



    بصراحه كلامك في الصميم

    حتى العميده الجديدة عمرنا ما شفناها
    فقط نسمع بها

    والدور الثالث السقف اللي في الممر طبعا جهة قاعات رياض أطفال موجهة الموظفات
    طايح ونازله منه أسلاك

    وحقون الخراب اللي مسمين نفسهم الأمن
    في الشتاء كانوا مسوين شخصيه في الحوش
    والحين عشانه حر مسوينها في المباني
    يا طالبه ممنوع الجلوس هنا
    حتى المسرح الذي وضع من أجلنا
    حاطه لها كرسي عند بابه وممنوع الوقوف
    طيب يمكن الوحده تبغى تشوف إذا عجبها الموضوع تجلس
    أو يمكن تبغى تكلم وحده ,, أو تدور على وحده
    ؟؟؟؟؟؟؟؟؟؟؟

    وعند الباب ممنوع الأكل ويأخذوا ثلاجة القهوه
    وحالة البنات حاله
    بصراحه العلمي x
    ................
    روحوا وشوفوا مبنى 3
    بارد والساحه الداخليه مفتوحه وأنواع الأكل
    والحفلات وما حد يكلمك
    يعني الواحد لو تجيه ضربة شمس
    ويموت ما يتحرك فيهم شيء

    وأطلب من اللي يهمهم الأمر
    إطلعوا الظهر وشوفوا الخاله السعوديه
    القبليه تكنس في الحر وتلم الزباله وهي في بلدها
    تنهان من البنات والموظفات

    والسودانيه حقت الأمن جالسه على مكتب ورازه نفسها وعندها تكييف وهي ماهي في بلدها
    والكل يضرب لها حساب ما أدري على أيه

    والله الخاله عجووووووووز وياله تمشي
    وما إشتغلت غير للحاجه


    هذا موتعصب لكن الحال يبكي

    وكلامنا هذا مجرد كلام ما حد راح يسمع لنا
    وما راح يتغير شيء ...!!!!





  7. #7
    عضو مجتهد
    الصورة الرمزية » قآصِرة الطَرفْ «
    تاريخ التسجيل
    Jun 2008
    الدولة
    ----
    المشاركات
    274
    معدل تقييم المستوى
    1
    اااااااخ لاتشكيلنا ونبكيلك
    صاادقة في كل كلمة
    والله وضعناا مأسسسساااوي
    والحمامات هدي ماادخلها مرة وإذا مريت من جنبها احط يدي على خشمي وامشششي
    أماااااا الحرررررررر وماأدراكم مالحررررررررررر عن نفسي اشتريت هوايات لأني عارفة مافي أمل منهم

    و قلتلكم ماراح يتحركوا ويسسوا شي إلا لمن يشوفوونااا ( ضحاياااا ) !!!!!!!!!!!!!!!
    شفتوا المبنى 4 لدحين ماتحركوا وسووه ليييييييه ؟
    لأنو الحمدلله مافي ضحايا عشان كدا ماحسوا بحجم المصيبة

    لكن مانقول غير حسبي الله ونعم الوكيل
    ونشوف السنة الجاية إن شالله حتتعدل الأوضاع ولا لا ؟


    /

    نفسي أروح لليابـــــــــــــــــــــــــــــــــــان

  8. #8
    ضيف جديد

    تاريخ التسجيل
    Aug 2008
    الدولة
    Chemistry
    المشاركات
    21
    معدل تقييم المستوى
    1
    ان شآآآآآآآآآآآء الله يارب احد يسمع ويتحرك ويصير ايش شي
    والجهات المختصه تقرى الموضوع

    ومررررررررررره شوكرا ع الطرح
    من جد الطالبات انظلموا مررررررره انظلمنا
    الله يكوون معانا ويساعدنا

    ياريت أحد مسؤووول يدخل على نهاية الدوام ويشووف القربعة في الكلية كيف
    الخالات مرررره مايمديهم على كدا
    والكليه مو زي المدرسة علشان يجيبوا خالات والله مرررره لازم يجيبوا للكية شركة تنظيف
    لانوو بجد الواحد يدخل كأنوو داخل مكان مهجووور
    الله يعوضنا بس

    وكمان على حكاية التكييف بجد بجد مرررررره ماينسكت للموضوع
    والله مع الحر الواحد ماعندو مجال يفكر ولا يشغل مخوو
    وفي النهاية نتهزأ من الدكاتره على أساس انو مو مركزين معاهم
    والله من الحاله اللي احنا فيها مو قادرين
    يارب تكوون معانا وتساعدنا

  9. #9
    عضو

    تاريخ التسجيل
    Feb 2010
    الدولة
    كيمياء
    المشاركات
    60
    معدل تقييم المستوى
    1

    بصررررررررررررراحه مشكوره على الكلاااااااااااام
    من زمان أتمنى أحد يتكلم ............................
    وكله كووووووووووم والساااحه الداخليه بكوووووووووووم ثاني
    سكتنا على قفلتهم للساحه ساروا يطردوناالأمن من الممرات بالله وين نروح واذا
    قلتي لها وين نروح بكل برود مبنى 3 بالله باقي 10 دقايق عن المحاضرة ومحاضراتنا في مبنى 5 ونضرب مشوار
    أصلا مامدانا وصلنا الا بدت المحاضره
    بالله وين نرووووح ياعلم حسوا فينا افتحوا الساااااحه متنا حر
    والله مانسامحها لادنيا ولأخره اللي ذبحتنا بالحر
    أصلا أتحدى أي وحده من اللي مطلعه الأنظمه الغبيه هذي(قفل الساحه وطرد البنات من الممرات) تجلس ساعه في الشمس

  10. #10
    عضو صاعد

    تاريخ التسجيل
    Jun 2009
    المشاركات
    162
    معدل تقييم المستوى
    1
    يعطيكم الف عافية
    موضوع راااااااااااااااااااااااااااااااااااااااااااااااائ ع وفي الصميم بس ياااااااااااااااااااااااااااااريت احد يسمعنا
    وياريت كل وحدة عايشة المعااااااااااااااااااااااااناه هادي تتفاعل؟؟؟؟؟؟؟؟؟

  11. #11
    عضو

    تاريخ التسجيل
    Jun 2009
    المشاركات
    34
    معدل تقييم المستوى
    1
    يسلمووو تمرد انثى على موضوعك وصااااااااااادقة بكل كلمه قلتيها والله يعيننا ويصبرنا لاننا في كليه الحمدلله والشكر كل المسؤليين اللي فيها رايحين فيها من العاملات الى المشرفات الى الدكاترة الى رئيسات الاقسام الى.....الخ
    الــــــلــــــــه يـــصــبـــرنــــا عـــلـــيـــهـــم قولوا امـــيـــن

  12. #12
    عضو صاعد

    تاريخ التسجيل
    Nov 2008
    المشاركات
    122
    معدل تقييم المستوى
    1
    انا مو عارفه اوصل هذا الكلام لمين ارفع خطاب لعميد الكلية : سلطان العمري اللي مو عارفين كيف نوصل له ولا لدكتور النزهه ولا امير المدينة ولا فين .. عشان يشوفو الاشياء اللي بتصير في الكلية من وراهم من الظلم اللي عايشينو البنات

    شكلووووو مالنا الى أميـــــــــــــــــــر المدينه عسى يحركهم شوي ....
    يعطيك العاااافيه أختي ...

  13. #13
    عضو صاعد

    تاريخ التسجيل
    Nov 2008
    المشاركات
    122
    معدل تقييم المستوى
    1
    <<<<<<UP>>>>>>

  14. #14
    عضو

    تاريخ التسجيل
    Oct 2008
    المشاركات
    32
    معدل تقييم المستوى
    1
    الله يعين يارب
    من جد ارحموا من في الارض يرحمكم من في السماء

  15. #15
    عضو صاعد

    تاريخ التسجيل
    Jul 2009
    الدولة
    كيمياء
    المشاركات
    113
    معدل تقييم المستوى
    1
    الله يعطيـــــــــكي الف الف الف عافيـــــــــــــــــه على الكلام اللي يبرد القلــــب ....~

    من جد نفســــــي أقوله من زمااااااااااان ...~

    والله يانااااس حتى معاملة الأمــــــــن <القسم العلمي> زفــــــــــــــــت زفــــــــــــــــــت زفــــــــــــــت

    وخصوصا وحده فيهم <<أكيـــــــد عرفتوها ا( ام نظاراااااات )

    هااااذي المخلوفـــــه أخلاقها زفت ...مافيش احترام ...أنا ماأدري على ايه شايفه حالها

    أفتكـــــــــر مره كنت أبغـــى أخـــــرج الساعه 11 الا ربـــع ....وتخيلوا بابا ينتظرنــــي برا ...وأقولها ابغى اخرج تقول لا باقي ربع ساعه ...طيب يا ....... ايش فرقت ربع ساعــــــــه ...

    ايش النظـــــــــام هذا يانااااااااااااااااااااااااااااااااااااااااااااااا ااااااااااااااااس .....أنا نفسي أعرف اللي بالجامعه ليش مفتوح وقت الخروج ....واحنا لا ..؟؟؟؟؟

    طيب مو احنا تحت مسمى جامعة طيبه على قولهم ....؟؟ ليش مايخلونا زيهـــــــــم ....؟؟ <<ولا بس اسم جامعه

    يعنـــــــــــــي اللي تبغى تسوي شي حرام ...مافرقت معاها قبل 11 ولا بعدها

    ولمـــــا نطلب من برا غدا .....أو فطور ...<<انا نفسي اعرف ايش المشكله ..؟؟

    ولا كفتيريــــــــا بالكليه عدله .....كلها كلام فاضي ...

    قبل فتره فتحوا كفتيريا مبدعه .رجوا الدنيا بالاعلانات قلنا اكيد فيها اشياء حلوه حدهم صحن بطاطس أوساندويش ...

    لا وتنلطعـــــــي بالشمس ربع ساعه ...عشان تشتري لو مويه ....واذاتأخرنا عن المحاضره ...ونقولها روحنا نشتري فطور ...تقول
    ماأحــــــد يدخل بعدي ..


    آآآآآآآآآآآآآآآآآآآآآآآآآآآآآآآآآآآآآآه ايش ابقي ....وايش أخلي ...يعني وضعنا كل مالوا يزداد سووووء

    سوااء من الدكاتره ....ولا من مبنى الكليه ...ولا ولا ولا

    ماأقول الا حسبـــــــــــــــي الله ونعم الوكيـــــــــــــل ...

  16. #16
    عضو مجتهد
    الصورة الرمزية عذاري المدينه
    تاريخ التسجيل
    Oct 2008
    المشاركات
    295
    معدل تقييم المستوى
    1
    اب اب اب لعيووووووووووووووووووون كل وحده لها معاناه في الكليه

  17. #17
    ضيف جديد

    تاريخ التسجيل
    Aug 2009
    المشاركات
    9
    معدل تقييم المستوى
    1
    بكل احترام ارفع القبعه لكلامك الصادق وبصراحة في الصميم
    انا اللي قاهرني التكييف حاطين في كل قاعة ورقة الرجاء عدم العبث بالتكييف واخبار الاداره
    طيب اي ادارة هذي اللي نخبرها
    والبحث عن القاعات حكاية تانية تجيك الدكتورة في وقت مو لها وتقول دورولي قاعة
    طيب احنا من وين نجيبلك قاعة

    والله الكلام يطول لكن كفيتي ووفيتي

  18. #18
    عضو صاعد

    تاريخ التسجيل
    May 2009
    المشاركات
    129
    معدل تقييم المستوى
    1
    مرة الموضوع قوي ويستاهل وقفة قوية

    واكتر شي **** الدم ...

    كانت عندنا محاضرة من 8-11 والجو حااااااااااااااااااااار ومافي تكييف

    قولنا نروح نشوف أحد يشغل المكيف قالولنا فلانة عند مكتب العميدة رحنا

    لأ مو ان روحوا لأم مدري مين في مبنى 3 وقلولها

    رحناااا على طووووول

    قالت لأ أستاذة مدري مين في مبنى 1 ومافي احد

    قالوا أ . فلانة في مبنى 5 في الدور التاني هيا المسؤوولة

    رحت (( الغرفة ثلاجة )) من البرد ..!!

    طيب نبغى أحد يشغل المكيف ؟؟

    لسى ماجات ؟؟
    متى تجي ؟؟
    يمكن ماتداوم ؟؟

    وإذا ماجات في احد بدالها يشغله ؟؟
    لأ مافي
    طيب نجلس في الحر ؟؟
    بكل ثقة ترد (( الحقيقة المرة إيواااا ))

    انحرق دمي منها
    (( حرام عليكم كم وحدة تتعب من الحر وكم طالبة حامل ؟؟(
    لماتجي الأستاذة قوليلها هادا الكلام ؟؟؟

    <<<< أسيبلكم التعليق لأن دمي محروق منها

  19. #19
    عضو

    تاريخ التسجيل
    Oct 2008
    المشاركات
    96
    معدل تقييم المستوى
    1
    حسبي الله ونعم الوكيل

    ان شاء الله صوتكم ينسمع


  20. #20
    عضو صاعد

    تاريخ التسجيل
    Jun 2009
    المشاركات
    101
    معدل تقييم المستوى
    1
    لا فض فوك يالغلا على الكلام الصااااااااااااااااااااااااااااادق
    مافصرتي ماخليتي لنا شيء بس الأهم عسى الوضع يتغير وربي كل شيء يهون الا حارسات الإمن اللي تنافخ ودي أكفخها واسفرها ديرتها المفرووض تحمد ربها ماأخذه جنسية لا وتأكل من خير السعودية وفوق ذا تنافخ على بنات السعودية ياناااااس اكرههم لا شفتهم يجيني اكتئاب منهم ومن صوتها
    الأوضاع مأساوـوـوـويـــــــــــــــــــــة بجد بس يارب تنحل وتتغير هالأوضاع
    ومتى أفتك وأتخرج وربي يعين الجميع وبالتوفيق..

  21. #21
    عضو

    تاريخ التسجيل
    Nov 2009
    المشاركات
    34
    معدل تقييم المستوى
    1
    بصراحة الله يكتب لك ياتمرد انثى بكل كلمة اجر
    الأوضاع لا تطاق
    لكن االكل ظالم نهايه
    وحسبي الله ونعم الوكيييل فيهم
    وسهام الليل متخطي
    إن الله ليملي لظالم وإذا أخذه لم يفلته
    والله اني اقراء الموضوع وقلبي يدمع قبل عيني
    سبحانك اللهم وبحمدك اشهد ان لا غاله الا انت استغفرك واتوب اليك

  22. #22
    عضو صاعد
    الصورة الرمزية رموسه الحربي
    تاريخ التسجيل
    May 2008
    الدولة
    خريجة كيميـآء
    المشاركات
    138
    معدل تقييم المستوى
    1
    كأنك قلتي اللي بقلبي كلـه



    يعطيك العاااااااااافيه يـ عسسسسسسسسل




    الحرر ومااادراااك ماالحررررررررر ( ششي لايطااق ,’ القااعااات ومكيفاااتهااا الخربانه )


    يعني احناا نحسب الوقت متى نخلص عشان نرجع للبيت بسسب الوضع اللي احنا فيه ,’ حتى بالمحاظره مانرتااح بسسب الحر ؟!



    متى نوصل سسنه رراااااااااااااااااااااااااااااااااااااااااااااااا اااااااابـع ونرتأأأأأأأأح




    ياااااااااااارب حنن قلوبهم عليناااا

  23. #23
    عضو
    الصورة الرمزية فتاة الحوت
    تاريخ التسجيل
    Oct 2008
    المشاركات
    39
    معدل تقييم المستوى
    1
    كفووووووووووووووووووووووووووووووووووووووووووو ياصاحبة الموضوع
    مااقول غير الله ماهو غافل عن عبادهـ

  24. #24
    عضو صاعد
    الصورة الرمزية مثل الوورد
    تاريخ التسجيل
    Feb 2009
    الدولة
    جُغرآفـٍيآ
    المشاركات
    148
    معدل تقييم المستوى
    1

    Talking

    روحوا وشوفوا مبنى 3
    بارد والساحه الداخليه مفتوحه وأنواع الأكل
    والحفلات وما حد يكلمك

    تمررررررد

    حرام عليييك بااارد !!
    اي أكل واي مصيبه والله ما اشوف معهم الا اكل الكفتريا
    والا الريحه تشمينهــآ من دوار السلام

    قسم بالله قبل كم يوم كنت بالممرات في مبنى 3 واقفه استنى
    وحدهـ من صاحباتي وصار موقف قدامي :

    شفت شله قاعده ووحده منهم تدخل الفنجال جوا الشنطه وتصب قهوه
    والشنطه من كبرها ناقصها كفرات وتصير للسفر

    كل هذا يسوونه عشان يبغوون يتقهوووون ؟؟؟

    طيب لييييه !
    اجرام الواحد يتقهوه ويروق راسه من القرف الي يشوفه من الكليه

    لا وحقات الامــن حاااله مسسستعصيه بطاقتك وجوالك ياطالبه
    وربي اني مره من الربشه مانتبهت وطلعت من محفظتي بطاقة
    ملاهي الحكير بدل البطاقه الجامعيه ودخلوني مادرو عني

    ياربي والله الواحد مايعرف هو يبكي والا يضحك على حالنا

    حمدالله باقي كم اسبوع وافتك منهم للابـــــــــــد

  25. #25
    ضيف جديد

    تاريخ التسجيل
    Nov 2009
    المشاركات
    15
    معدل تقييم المستوى
    1
    UP UP UP
    ---------------

  26. #26
    عضو لامع
    الصورة الرمزية د.فوز
    تاريخ التسجيل
    Dec 2006
    الدولة
    MicroBiology
    المشاركات
    664
    معدل تقييم المستوى
    1
    عيب !
    اللي صاير هذا عيب

    فين الثقافه التربيه
    انتم مسلمين كيف يعني تكون ارضكم مفروشه قمامه
    مين اللي يرمي اصلا مو البنات ؟
    يعني لو كل وحده فيهم تمشي ومكانها اللي كانت فيه نظيف اتوقع المكان بيصير افضل

    طبعا لابد من وجود شركه مسؤله عن النظافه
    هذي مدينه رسول الله
    وانتم اهلها

    لا حول ولا قوه الا بالله

  27. #27
    عضو صاعد

    تاريخ التسجيل
    Jul 2009
    الدولة
    كيمياء
    المشاركات
    113
    معدل تقييم المستوى
    1
    سوري د.فوز

    ماقلنـــــا غير الحق .....احنا تكلمنا عن النظافه وكمان الحرررررررر

    يعني كل البنااااااااات اللي ردوا ....تكلموا من الباب للطاقــــه ...!!!!!

    شكلكــ ماشفتي الكليه ...؟؟

  28. #28
    عضو لامع
    الصورة الرمزية د.فوز
    تاريخ التسجيل
    Dec 2006
    الدولة
    MicroBiology
    المشاركات
    664
    معدل تقييم المستوى
    1
    لا انا ماشفت الكليه صراحه ولا اتمنى اشوف المنظر اللي انتي حكيتي عنه

    بس يااختي اذا هذا وضعكم اتوقع الكلام فقط مايكفي
    اذا الجامعه مافيها مسؤلين نظافه
    تحطو يدكم على خدكم وتشكو الحال !
    طيب ليش ماتتحدو سوا وتعملو حاجه
    مثلا تتطوعو يوم ومع بعض تنظفو المبنى
    معليش بس هذا مكانكم هذا المبنى بتجلسو فيه 4 سنوات على الاقل !
    طيب لو مثلا ماعندكم وقت
    اتفقو مع عامله تنظف لكم المكان وتتبرع كل وحده فيكم ب 10 ريال

    بس رجآءً مسئله الشكوى هذي ماتمشي
    واذا مشيت تكون بطيئه جدا

    انتم شباب فيكم الخير والبركه

    الله يوفقكم : )

  29. #29
    عضو صاعد

    تاريخ التسجيل
    Jul 2009
    الدولة
    كيمياء
    المشاركات
    113
    معدل تقييم المستوى
    1
    ويـــــــــــن يا.....د.فوز الله يهداكــ تبغيني احنا ننظف الكليـــــه ؟؟

    ليش ...خير انشالله ....احنا مو مدرسه عشان البنااات يتعاونوا مع بعض وينظفوا الكليه شوفي كم كليه بالمجمع ...

    وغير كدا الحمامات ....يعني لازم يكون فيه شركاات نظافه يقوموا بهالشغلات

    واحنا من هنا نوصل صرختنا ....وانا متأكده في دكاتره يقروا كلامنا ...ويشوفوا معانتنا

    وانشالله السنه الجايه كل شي تماااااام "تفاءلوا بالخير تجدوه "

  30. #30
    عضو صاعد

    تاريخ التسجيل
    Jul 2010
    المشاركات
    162
    معدل تقييم المستوى
    1

    Unhappy

    ياااااااااه
    بالله زي كيدا طلعت كلية السلام
    انا حادرس السنة التحضيرية هناااااااك
    لا انتو كدا احبطتوني

صفحة 1 من 2 12 الأخيرةالأخيرة

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

جميع ما يكتب في المنتدى لا يمثل توجهات وسياسة المنتدى أو إدارته أو أعضائه .. وإنما يعبر عن رأي كاتبها
مع الأخذ في الاعتبار ضوابط المشاركة في المقالات والمواضيع العامة


Copyright © 2014 Bandars.com - All rights reserved
جميع الحقوق محفوظة لإدارة منتديات طلاب وطالبات جامعة طيبة
الإدارة التقنية بواسطة مجموعة الياسر لتقنية المعلومات