Follow @TU_Forum
 
 
النتائج 1 إلى 6 من 6
  1. #1
    ضيف جديد

    تاريخ التسجيل
    Mar 2011
    المشاركات
    7
    معدل تقييم المستوى
    1

    استفسارات عن كلية المجتمع بالعلا

    السلام عليكم ورحمة الله وبركاته ...

    لدي استفسارات عن كلية المجتمع بالعلا فرع البنات وحابة مساعدتكم ...

    اختكم خريجة جامعة الملك عبدالعزيز بجدة تخصص علوم حاسبات وقدمت على وظيفة معيدية شبكات في كلية المجتمع بالعلا

    اولا : طبيعة النظام في الكلية الاكاديمي والاداري ... و لو ممكن فكرة بسيطة عنها مين العميدة وتخصصها ومين رئيسة قسم الحاسب في الكلية ... اذا امكن كيف وضع البنات وطبيعة الدراسة وهل الدراسة عربي او انجليزي ...

    ثانيا : نصايحكم هل اكمل المشوار بخصوص المعيدية في كلية المجتمع ام لا ؟

    ثالثا : نصايحكم بالنسبة للمدينة العلا وكيف السكن والحياة فيها ؟ علما اني سمعت كل خير عنها وهذا اللي شجعني اني اقدم لكن لا مانع من المزيد


    شكرا مقدما على حسن تعاونكم ... اتمنى تساعدوني بجد حاسة اني متورطة


  2. #2
    عضو

    تاريخ التسجيل
    Sep 2010
    المشاركات
    71
    معدل تقييم المستوى
    1
    هلا اختي
    اولا : ان شاءالله انك لا متورطه ولا شي

    ثانيا : باختصار المجتمع لهم دوامين صباحي ومسائي وانت وحظك متى حيكون دوامك
    بس بنظري الافضل المسائي بالنسبة لعدد الطالبات قليل وعدد ساعات الدوام اخف
    واتوقع هم اللي محتاجين معيدات لأنه هدا الترم اللي فتح
    المهم المسؤله عنه استاذه / هنادي الصبحي
    وهي مررره طيوبه وعسل من اهل جدة يعني ما تخافي منها حتشاركك الغربه
    وعميدة الجامعة استاذة / نوره الريس تخصصها اتوقع رياضيات لأنها تدرس اختي ومن كلام خيتو عنها انها محترررمه وذووق وكمان من جدة حظك عااد .
    لكن رئيسة قسم الحاسب والله ما بعرف بس حسأل لك وارد قريب هذا اذا فيه رئيسة وان شاءالله تجي وتكوني الرئيسه..
    والدراسه بالعرررربي

    وبالنسبه للسكن فيه اسكان طالبات او تاخذي شقة مع معلمات او تستأجري لحالك زي ما تحوبي والمواصلات ان شاءالله سهله
    وكملي مشوار والله يسهل امورك وان شاءالله نتقبلي
    واذا عندك استفسار تاني جاهزين
    تقبلي مروري اختك / الأسطوره

  3. #3
    ضيف جديد

    تاريخ التسجيل
    Mar 2011
    المشاركات
    7
    معدل تقييم المستوى
    1
    مشكورة اختي الاسطورة على سرعة ردك ... أخبارك حارة مثل الخبز الحار بارك الله فيك مشكورة وما قصرتي ... الله يقدم اللي فيه الخير والسداد

    انتظر بنات قسم الحاسب لمعرفة اسم رئيسة القسم + مادة الشبكات ايش هو المنهج يعني منهج سيسكو او +N أو MCSE

    طيب كمان استفسار بالنسبة للمعيدة المساء تعتبر بالساعة !!! يعني ماهي مثبته ارجو التوضيح لاني مقدمة على المسابقة الوظيفية اللي بموقع جامعة طيبة و ما كان في اي معلومة بالنسبة للدوام انه مسائي !!!

  4. #4
    ضيف جديد

    تاريخ التسجيل
    Mar 2011
    المشاركات
    7
    معدل تقييم المستوى
    1
    يا بنات العلا ليش كذا تتغلوا علينا ... طيب كلمة ولو جبر خاطر !!!

  5. #5
    عضو

    تاريخ التسجيل
    Mar 2011
    الدولة
    كيمياء
    المشاركات
    42
    معدل تقييم المستوى
    1
    والله حيااااش

    بالنسبة انتي ساكنه بجده وفجاة تعيشي بالعلا

    ترى صعبة تتقبليها

    الافضل انو يكون لكي اقارب حتى لا تشعري بالضيق

  6. #6
    ضيف جديد

    تاريخ التسجيل
    Mar 2011
    المشاركات
    7
    معدل تقييم المستوى
    1
    شكرا على مرورك ... واتقبل النصيحة منك جزاك الله خير ... اللي متعود على الغربة العلا تكون عنده زي اول الشارع

    مازال عندي العشم احد يرد على استفساراتي

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

جميع ما يكتب في المنتدى لا يمثل توجهات وسياسة المنتدى أو إدارته أو أعضائه .. وإنما يعبر عن رأي كاتبها
مع الأخذ في الاعتبار ضوابط المشاركة في المقالات والمواضيع العامة


Copyright © 2014 Bandars.com - All rights reserved
جميع الحقوق محفوظة لإدارة منتديات طلاب وطالبات جامعة طيبة
الإدارة التقنية بواسطة مجموعة الياسر لتقنية المعلومات